Post: #1
Title: أسكرني طرباً وأدهشني فناً هذا الساحر
Author: سامى عبد الوهاب مكى
Date: 07-12-2007, 08:15 AM
Parent: #0
اااه يا عجب
يا منقطا
ويا مقطعا
ويا سيد الكفر
كل المجال ساحة خطر
والعجب العجيب لمن تموه تمر
ترفع رأس الشموخ ويجول النظر
يلقط الرادار فراغ وفي لحظة حذر
ينخدع الجميع والباصات تمر
من غير جواز أو حتى تأشيرة سفر
وتنثر درر ونطرب عديل
وغيرنا يقطع في الشعر
اااااه يا عجب
دي ما أحوال بشر
والعجب كمان لمن مزاجك يروق
ونشوفا واااضحة في محياك الخلوق
فجاءه تقرر تصحبنا في أجمل سفر
ونقعد نراقب في الدندنة
يا ناس اسكتواااا
الرجل الفضائي في حالة دوزنة
والخصم العنيد عاد راجياه البشتنة
ونحن الفي المقاعد نروق
زي العشاق في انتظار لحظات الشروق
او العطاشي راجين قبل المطر البروق
وتوصل ارواحنا الحلوق
نقعد نتمتم في سرنا كيف حال العلوق
اظنهم الان سكارى بس من غير خمر
اااااه ياعجب
نهتف نصفق يملانا السكر
وتسري خمر الطرب جوا العروق
نرجع نهيج نطط في المقاعد
زى تلامذة يرددوا في أجمل نشيد
تسمع من بعيد
اااااه يا عجب
|
Post: #2
Title: Re: أسكرني طرباً وأدهشني فناً هذا الساحر
Author: سامى عبد الوهاب مكى
Date: 07-12-2007, 10:17 AM
Parent: #1
أأأأه يا دهب
|
Post: #3
Title: Re: أسكرني طرباً وأدهشني فناً هذا الساحر
Author: سامى عبد الوهاب مكى
Date: 07-12-2007, 02:32 PM
Parent: #1
ااااااااااااااااااه يا دهب
|
Post: #4
Title: Re: أسكرني طرباً وأدهشني فناً هذا الساحر
Author: hatim ibrahim
Date: 07-12-2007, 03:00 PM
Parent: #1
.
العجب الكعب ؟؟
تكون يا سامي من النوع البيسكرو ( الزبادي القدييييييييييييييم )
.
|
Post: #5
Title: Re: أسكرني طرباً وأدهشني فناً هذا الساحر
Author: khaleel
Date: 07-14-2007, 06:08 PM
Parent: #4
العجب لعاب والله
بس يرجع يدافع شوية
ويكون لاعب مثالي
|
|