.. ياناس الترجى والراجى الترجى .. ماعندكم حجى !!

اغرق الهلال العظيم الترجى فى موجه الازرق ( تايتانيك ) .. مات البطل الذى تخيلوه ماردا لا يقهر
ظنوه اسطورة ( ارمادا ) .. ولكن الاسطورة تم دحضها فى ارض تسمى ( مقبرة الافيال )
وفى حضرة الهلال يقهر الابطال
هكذا ظن الترجاويون خطا ومعهم قوم كثيرون انهم سيهزمون الهلال
وعندما خاب ظنهم .. طاش سهمهم وبداوا ينسجون القصص الخرافية ونسجوا من خيالهم ( كوميديا سوداء )
تفوقوا فيها على ( دانتى ) نفسه والادهى من ذلك انهم بداوا يصدقون انفسهم ومعهم من كان يغنى قبل امسية
الاحد الفائت ( انا فى التمنى )
حكايات الترجاويون الخيالية تثير التقزز والقرف فنحن لم نراهم يجلدون فى الملعب ولم نر الجماهير الهلالية
التى لا تجد مع عشقها الخرافى لهلالها وهى تتبتل فى محرابه وقتا لكى تعرف الحقد او الكراهية لانها عرفت
معنى ان تحب ( قدر الهلال ) وهى المؤمنة بان لو كتب الحب ان ( تعشق قمرا ) ولكنها ابدا لاتؤمن بان
( تسرق جملا ) فالسارقون السارقون ليسوا منا و ( المالئون منها البطون ) ايضا ليسوا منا فالهلال يخطب
قلوبنا وعقولنا ولا يستهدفنا ابدا فى شهواتنا ولا يبتزنا ب ( العواطف المبهولة ارضا )
نحن نحب الهلال بل نعشقه هل فهمتم فى انتصاراته نعشقه وفى انكساراته نهيم به حبا لا يساومنا ولا نساومه
لا غالب ولا مغلوب ولاعاشق ولا معشوق كلنا فى الهلال عشق ومثلما يتوسد الهلال كبد السماء يتوغلنا فيسكن
فى سويداء القلوب .. تمازجا وانسجاما
قال الترجاويون و ( من تبعهم بلا احسان ) كدنا ان نهلك لقد ( ردمونا ) بالحجارة وجعلوا الحافلة حطاما ولكننا
نجونا لم يصب احد منا رغم سيل الحجارة التى ( امطرونا ) بها ولم ينسوا ان يدسوا السم فى معسول الكلام
وقال ( اخبثهم ) لقد غيروا طريق العودة الى الفندق عبر احياء الخرطوم ( القصديرية ) وافرغ خبيثهم كل
فى امعائه من ( سحت الكلام ) وهو يؤمى الى شىء فى خاطره وفى قاع نفسه المريضة
حدث ذلك فى الطريق من ستاد الهلال الى فندق قصر الصداقة على حد زعمهم فى الظلام وليس فى ستاد
الهلال حيث الفرح المقيم بانتصار الازرق الدفاق
كذب الترجاويون ولو صدقوا فهم من اصحاب السوابق والبطولات الافريقية تشهد على كذب ادعائهم يوم ان تعمد كبيرهم الذى علمهم السحر .. الحارس الشهير ان يجرح نفسه بزجاجة فى الملعب ويدعى ان لاعبى الفريق
الخصم قد اراقوا دمه ولما اكتشف الاتحاد الافريقى زيف الحارس الشهير انزل عليه عقوبة الايقاف المغلظة
زعموا ان الجماهير السودانية هى من ( رجمتهم ) وتناسوا ( راجمات الهلال ) من طراز ( جودوينيو )
وقاذفات اللهب على الطريقة ( الكليتشاوية ) والارهاب الازرق الذى اصابهم ب ( الحمى القلاعية )
وتسبب فى فقدان البصر المؤقت ب ( عمى الانهار ) وجعلهم يترنحون تحت سطوة ( انفلونزا الغرور )
وفرية الترجى التى ارادوا بها زر الرماد فى العيون واسكات منتقديهم والتستر على هزيمتهم الواضحة وضوح
الشمس فى كبد السماء وشغل الناس عن الهزيمة النكراء فلم تكن تلك هى المرة الاولى التى ياتون فيها الى
ام درمان ولم تكن تلك هلى المرة الاولى التى يتجرعون فيها مرارة الهزيمة من الهلال فلماذا الان
فنحن فى امسية الاحد شهدنا كيف كسرتم ( ضلع البرنس ) و ( يد مساوى ) وكيف هجمتم هجمة الاسد على
الحكم لمجرد احتسابه خطا عاديا فى منتصف الميدان فعلتم كل ذلك ولم نر مشجعا هلاليا واحدا يرمى
ولو زهرة على ارض الملعب فكل الايدى كانت تحمل علم الهلال وتلوح به فرحة وجمهور الهلال العظيم لا
يعانى ( الانفصام ) فهو لا يحمل الطوب فى يد بينما يلوح بعلم الهلال باليد الاخر فتلك حرب وذاك حب
والاثنان لا يلتقيان
فابحثوا عمن اقام عليكم حد ( الرجم ) ولا اظنه سوى جودوين .. اشتكوه ليس الى الخارجية السودانية فحسب
بل اشتكوه الى مجلس الامن اشتكوه الى الدلاى لاما بل الى زعيم الهنود الحمر
اشتكوه الى الله فلا عاصم لكم سواه
والكلام لمن اتبع هواه

.


شكرا تيتاوي ..فقد عبرت عما يجيش بدواخلنا ..
.

عزيزى الهلالى الجميل حاتم

شكرا على المرور الانيق وعاش

الهلال عظيما

هلا تيتا..
وخلعتني يا رجل قريت عنوانك قلت تيتاوي ده الليلة مالو مع تراجي كمان..!!
والقصة طلعت في الجماعة المنتظرين التراماي..
ترماي الشكوي..
هو هم قايلين الناس لسع شغاليين بقانون سيكافا ولا شنو يا راكوبة..
..
ابو الهل ممتع الجماهير
وترجي الراجيهو حتما سياكل نيما ودوما شعارنا (الغريق قدام)..

كيكى الحبيب

Quote: هو هم قايلين الناس لسع شغاليين بقانون سيكافا ولا شنو يا راكوبة..

وهدايا رئيس الاتحاد العام بعد فرتقوا الكورة بثورة الحجارة
ياخوى فعلا الهلال ممتع الجماهير والراجى الترجى ( يعنِس )
كلو ولا البايركس ياكيكى ياخوى

انت عارف تيتاوي..
من الطرائف التي لا تنسي في الدوحة..
يوم لاقيت (زيكو) طالع من تمرين فريقه هنا وكان اسمه (التضامن)
وشايل كورة في يده..!!
وقلت ليهو يا كابتن اوع تكون دي الكورة الشلتها في الكورة الشهيرة لحدي حسع
فقلت لهو لو دي هي اوع تفكها لو فكيتها تاني (والي الدين حيدور فيكم)..
.....
ياخ بالله عالم ما تستحي الهلال غالب الترجي2 زي السم
كورة ومدرسة وعمر بخيت وجايين عاملين لينا جوطة
شكوي وحصب حجار واطفال انتفاضة كمان...
...
ولسع خليهم يجهزوا من حسع شكوي لاسيك...
وشكوي لصاحبهم بتاع الجبل الاخضر الاهلي...
وشكوي لروحهم هم ذاااتهم..

Quote: ولسع خليهم يجهزوا من حسع شكوي لاسيك... وشكوي لصاحبهم بتاع الجبل الاخضر الاهلي... وشكوي لروحهم هم ذاااتهم..

ياكيكى الهلال خلى الجماعة يغنو
( رجيتك ) وفى انتظار عينيك كملت
الصبر كلو

ندين التصرف الاهوج وغير المبرر
ونبارك للهلال الانتصار المستحق

اخى وليد
تحية وتقدير

Quote: ندين التصرف الاهوج وغير المبرر ونبارك للهلال الانتصار المستحق

فعلا يااخى ولا بد من ادانة اى تصرف
خارج الروح الرياضية ولكن الست معى
فى ان هذا التصرف الذى يريدون الصاقه
بالهلال لم يكن بالاستاد ولا فى الملعب
وكان من الممكن تجاوزه طالما انه
سلوك فردى غير محدد المكان ولا الجهة
ولم يتطرق الى لاعبين بعينهم او مسئولين
بعينهم من الهلال فالمسالة يااخى لاتعدو
كونها زرا للرماد فى العيون ومحاولة
لامتصاص غضب الجمهور وتحويل الانظار عن
الهزيمة وتمهيد لمعاملة سيئة للهلال
فى مباراة الرد

الحبيب تيتاوي
تحياتي بلا حدود ومبروك انتصار الهلال العظيم (سيد البلد)
اسعد اوقاتي فى الخرطوم والدوحة حين التقيك بعد اي انتصار للهلال المزاج بيكون رايق والمعنويات فوق، ناس الترجي ديل معروفين الراجين الترجي ديل منو ناس راكوبة وكدة
الترجي يا سيدي اول ضحايا الفيضان فى الخرطوم تحياتي

صديقى الحبوب محمد عبد القادر
سلام يا ابو حباب الشوق بحور ما
ليها حد ماليها قيف زى البلد الايام دى
ياابو حباب لما يفوز الهلال تنتشى الدنيا
وتزغرد تذكر يوم الاسماعيلى والتلاتة القوية
ما اجمل ذلك اليوم وانت وانا نحضر المباراة
من داخل ستاد الهلال العظيم ايام وما احلاها
وربنا يعيدا ياابو حباب

اما وقد سالتم :

Quote: ناس الترجي ديل معروفين الراجين الترجي ديل منو ناس راكوبة وكدة

ديل الراجين البص

سلامات
وعوافي
العزيز تيتاوي
شكرا لك كثيرا ان اهديتني "فرحا وقنديلا" ..
فرحا بهذا النادي العريق .. هذه المؤسسة التليدة ..ففي نظري الهلال علي الاطلاق لا يمثل فريق كرة قدم اشجعه منتصرا وابكيه مهزوما .. الهلال عندي مؤسسة عظيمة سربلت القوى الوطنية بمختلف سحناتها في مقره اللبنة الاولى لتاريخنا المجيد وشكلت ساحته ميدانا لبذر روح الوطنية والاعتداد بسودانيتنا وتاريخنا وارثنا الثقافي والسياسي و..و..
هذا هو الهلال الذي اعشقه فوق كل الشبهات ومتحققا في ذاتي تحققا كاملا ..
وقنديلا كونك فتحت دائرة للضوء والكلام الجميل لاقول من خلالها بعض من ما يجيش بخاطري لهذا النادي العظيم ..
اتجنب كثيرا في هذا المنبر ..اتجنب التداخل فيما يخص الهلال والرياضة بصورة عامة .. لنشاط ايقونة الجهل والتخلف والتعصب الاعمى .. لان في هذا المكان يمكن ان يُجرح شعورك وتستفز معتقداتك وافكارك وبل وانسانيتك لمجرد انك تشجع فريق يعد خصم بالنسبة للاخرين ..
وحتي طريقة التشجيع فيها من الجهالة والسوء ما يكفي لقبر كرة القدم السودانية الي يوم يبعثون ..
هنا التعصب غاز سام تكفي "انبوبة" منه لخنق تطلعات الحادبين علي كرة قدم بمعناها الصحيح ..ولوأد احلام العاشقين اللطفاء لانديتهم وفرقهم التي يشجعونها ..
وللاسف ينشط هذا الجهل في المنابر الاعلامية الاسفيرية منها والصحف السيارة ليبث في روح المتلقين نفس الحقد والكره والتعصب المريض فتكون النتيجة دائما عكسية وسلبية توثر علي مسيرة الكرة في السودان بشكل عام ..
لا اكره اي نادي في السودان .. غير اني اعشق الهلال حتي الثمالة ..
احترم كل من يعشق ناديه طالما انه يحترم عشقي ..
اشجع اي فريق سوداني مشارك في البطولات الاقليمية والدولية او القارية حتي .. ليس لشيء سوى ان اي انتصار يتحقق يسهم في رفعة اسم السودان ليتبوأ مكانه الطبيعي في خارطة الكرة الافريقية والعالمية ان اتسع التعبير..
ربما البعض يظن ان اسلوب التعصب للنادي لهو من باب "المكاواة" غير ان النتائج تؤول الي ماهو ابعد من ذلك فيصبح المناخ مليئا بالمشاحنات والسباب والتأزم الكريه .. فتنقلب "المكاواة" الي "ترصد وضغينة" ..
وهذا لايشكل اطلاقا غاية او مبتغى ..
واساليب التشجيع كثيرة يمكن من خلالها التعبير عن الانتماء لنادي بعينه بصورة لاتمس الاخرين ولا تؤذيهم غير ان الجهل لا يترك مساحة للممكن والمعقول..

وفي مطلق الاحوال يظل الهلال هو الهلال لا تنتقص من مكانته المكايدات ولا يطال قامته قصار القامة ولا يزحزح ثباته هوس المرضي والمتعصبين الحاقدين..
يظل الهلال هو الهلال عشقنا اللامنتهي وحبنا الخالد .. يجري في الدم والروح لاتؤثر في مقامه الاكاذيب ولا المطاعنات ولا الاشاعات المفبركة ..
وتظل القيمة المثلى التي يجب ان تكون ملازمة لاي نشاط او فعالية رياضية هي احترام القواعد والقوانيين وتقبل الانتصار والهزيمة علي نحو لايتضرر منه اي مشارك في الفعالية .. وتظل الاساليب السوقية والهوجاء مرفوضة رفض تام سواء ان كانت من مشجعي الهلال او من مشجعي اي ناد في هذا الكون الفسيح..

* اود ان استفسر هل سيف مساوي شارك وهو مصاب في الاساس "ام انه اصيب في المباراة"..فقدورد في مقالك انه اصيب في المباراة ..
.
.
وابداً سيظل هو "الهلال العظيم"..

Quote: نحن نحب الهلال بل نعشقه هل فهمتم فى انتصاراته نعشقه وفى انكساراته نهيم به حبا لا يساومنا ولا نساومه لا غالب ولا مغلوب ولاعاشق ولا معشوق كلنا فى الهلال عشق ومثلما يتوسد الهلال كبد السماء يتوغلنا فيسكن فى سويداء القلوب .. تمازجا وانسجاما.. تيتاوي

لك من الود والامتنان باقات يا ودرملية..
فانت رجل (هاتريك) وجدير ان ترفع لك القبعات
ويكسر لك جبلا عاليا شامخامن الثلج الاسفيري..
دمت ودام الهلال..

ميادين كرة القدم في المدن السودانية....(صور أقمار صناعية)

Quote: لا اكره اي نادي في السودان .. غير اني اعشق الهلال حتي الثمالة .. احترم كل من يعشق ناديه طالما انه يحترم عشقي ..

اتمنى ان تلصق هذه العبارات التى وردت على لسان الاديب المحترم ودرملية
على واجهة كل منتدى لنادى...فليغير اهل الفرق الاخرى اسم الهلال لناديهم
حتى نصير كبارا....ويصبح هذا شعار التنادى لحب الوطن..
لقد صدق الاخ تاج السر حين قال ان الهلال له لعيبة ومشجعين قمة فى الاخلاق والورع والتفانى, يجبر لعيبة الفرق الاخرى لمصاحبتهم

عامر تيتاوى كلامك فى غاية الروعة..انقله الى منديات عربية او تونسية او منتدى العربية حيث يدخل هنالك مشجى الفرق المنافسة..

وبعدين عندى ليك اقتراح صاحب الصورة التى توجد فى البروفى فايل حقك دا ينجح لاعب كرة...اذا كان ابنك...الا ترى انه فيه تقاسم البرينس وجسارة رتشاردوهداوة عمر بخيت
وحرفنة مهند وقوام مساوى وحماس المعز...تسلم

تحياتى لكم

عزيزى الهلالابى الجميل abuguta

Quote: عندى ليك اقتراح صاحب الصورة التى توجد فى البروفى فايل حقك دا ينجح لاعب كرة...اذا كان ابنك...الا ترى انه فيه تقاسم البرينس وجسارة رتشاردوهداوة عمر بخيت وحرفنة مهند وقوام مساوى وحماس المعز...تسلم

بس ما شفتو لابس احمر واصفر .. هو ابنى محمد وهو هلالابى بالفطرة يحب الازرق والابيض
لكنه متصالح مع كل الالوان بس ياعزيزى ماتاخدنا فى دوكة زى ما بقولوا المصريون نحن
حاجزين لدن زهرة الهلال الجديد والتى ابصرت الدنيا على لحن انتصار الهلال ربنا يحفظها
بس الحجز مؤكد و ( كونفيرمد )
ودى وتقديرى

عزيزى وصديقى الجميل ود رملية :

Quote: فرحا بهذا النادي العريق .. هذه المؤسسة التليدة ..ففي نظري الهلال علي الاطلاق لا يمثل فريق كرة قدم اشجعه منتصرا وابكيه مهزوما .. الهلال عندي مؤسسة عظيمة سربلت القوى الوطنية بمختلف سحناتها في مقره اللبنة الاولى لتاريخنا المجيد وشكلت ساحته ميدانا لبذر روح الوطنية والاعتداد بسودانيتنا وتاريخنا وارثنا الثقافي والسياسي و..و.. هذا هو الهلال الذي اعشقه فوق كل الشبهات ومتحققا في ذاتي تحققا كاملا ..

لقد كفيت واوفيت ياصديقى وكما عهدتك عاشقا مخلصا للهلال وهائما بالازرق الدفاق
حتى عندما يخسر الهلال تكون انت ايضا فى ( حالة عشق ) ولا يعدو الامر كونه
( زعل المحبين ) ودام ياحبيبى حب الازرق الجميل والانتصارات
وشكرا على الكلام الجميل

عزيزى Kostawi
تحية وتقدير

اهلا بالنجم وسط الاهلة

يا تيتا كيفنك



سلام لكل الرشاشات

تيتا الحلو

نعم قهر هلالنا الامازيغ بعد ان كان في قلوبهم بعض من زيغ

واليوم مدربهم البنزرتي استقال بعد هزيمة الهلال


وتاني تجو ( التوووووووبة)

صاحبى خلو :

Quote: وتاني تجو ( التوووووووبة)

رغم انها المرة الرابعة التى ياتوا فيها الى السودان
للتبارى مع الهلال الا ان غلب المرة دى كان حار عليهم
عشان كده عملوها دقونا وفلقونا وووووووو

الريس طارق جبريل

Quote: سلام لكل الرشاشات

تصدق ياريس انتا ما فضل ليك الاتكون
هلالابى

سلام تيتاوي

الطريف رئيس تحرير جريدة المريخ قال الرياح غلبت للهلال تصدق

اخى جمال
تحية وتقدير

طبعا وارد يقولوا الرياح ولا حتى ستيف اوستن
لانهم لما انتقل علاء الدين فييرا الى الهلال
بقى علاء الدين شلاليت
لا احب ان يطفح التعصب الاعمى الى صفحات الصحف
لانها يفترض فيها ان تكون ادوات لنقل الحقيقة
وبعدين الهوا غلب لينا بياتو مرمى ولا قلب معانا
بين الشوطين