الترجي التونسي يشكو جماهير الهلال للاتحاد الأفريقي للكرة

عن شبكة الأخبار السودانية
تونس - د ب أ
ندد مسئولو الترجي التونسي بالهجوم الضاري الذي تعرضت له حافلة نقل الفريق أمس الاول الأحد بالعاصمة السودانية الخرطوم عقب نهاية مباراة الترجي والهلال السوداني وطالبوا الاتحاد الأفريقي لكرة القدم (كاف) بتحمل مسؤلياته في حماية الفرق التونسية عند تنقلاتها داخل القارة الأفريقية.
وصرح بادين التلمساني المسئول بالترجي اليوم الثلاثاء بأن الفريق سيرفع إلى الكاف ملفا موثقا بالصور عن الاعتداء العنيف على الحافلة وتحولها إلى حطام للمطالبة بتأمين سلامة الفرق التونسية.
وأوضح أن "منظمي اللقاء" حولوا فجأة طريق عودة الحافلة من ملعب أم درمان إلى فندق الاقامة وأجبروها على المرور وسط الاحياء القصديرية للخرطوم فهاجمتها جماهير الهلال بالحجارة وحولتها إلى "حطام".
وأفاد أن طاقم ولاعبي الفريق لم يصابوا بأذى لكنهم عاشوا حالة من الفزع الكبير معتبرا أن الهجوم كان "كابوسا ليس له ما يبرره خاصة أن الهلال فاز في المباراة 2/صفر (بدور الثمانية لدوري أبطال أفريقيا).

من يسئ للسودان يا هلالاب .. و"عجـز الحروف" مش "وهج الحروف"

.

Quote: لكنهم عاشوا حالة من الفزع الكبير

قلنا ليكم الهلال ( بعبــــــــع ) ما صدقتو

Quote: معتبرا أن الهجوم كان "كابوسا

ده حالتو ( البرنس المهندس ) اصيب من بداية المباراة وخرج " ربنا يشفيهو "


يا راكوبة .. الناس ديل الخلعة الدخلتهم خلتهم ( يتوهموا ) انو المباراة لسة ما انتهت ...الحاجات البيوصفوا فيها دي حصلت ليهم داخل الملعب
كل اللي بترميهو الأقدار في قلعة طلعت فريد بيصاب بنفس الأعراض ..
.

الفنان حاتم
ماحدث شيء مؤسف للغاية، خاصة وكما ذكر بالخبر بأن الهلال منتصر بهدفين، والله وحده أعلم ماذا كان سيكون مصير الترجي إذا فازوا أو تعادلوا.
بالأمس تم حصب (الدراري) في الزريبة وتاني الجماعة إذا كرروها ما بعيد تلقى نفسك في المحيط

سلـوك مــرفوض تمـامــا
اي كان الجمهور ، فليس هكذا يكرم السوداني ضيفه....
و خصوصا ليس لهذا السلوك ما يبرره.

لا للهمجيه .

د. شهاب
تحياتي ياجميل
وأردد معك

Quote: لا للهمجيه

تخريمة:
الليلة منتخبكم رقد رز مع التنين الحاصل شنو

ســـلوك مرفوض مرفوض يا تاج الســــــــر وكلنا هللاب وبرقم من اصابة الكبتن هيثم ونتمنى لة الشفاة العاجل ســــلوك غير اخلاقى بكل المقايس


وانا احد مشجعى الهلال


اتقدم باعتذارى لى فريق الترجى


ولى جمهور تونس

.

Quote: ما بعيد تلقى نفسك في المحيط

بالغت فيها والله
لكن باقي ليك ما بيعملوها .. مشجعي الرجاء أكتر مشجعين متعصبين في الدنيا ..
ـــــــــــ
سلوك مشين ومدان ومرفوض بدون نقاش
بس كدي بالعقل كده
وريني حاجة واحدة تخلي جمهور الهلال ( المنتشي ) يعمل كده
سيبك من النتيجة المفرحة لجمهورنا ..
المباراة في مجملها كانت نضيفة .. و ما بدر من لاعبي الترجي اي سلوك مشين أو استفزازي ..

الفليق ده يا راكوبة بيلجأ ليهو الزول ( المغيوظ )
والهلالاب كلهم كانوا منتشين
أنا في رأيي
واحد بيملك ( حقد ) مزمل أبو القاسم ممكن يعملها..وما أكثر من يتأثرون بكلماته التي تنشر في الصحف
واحد في عقلية الزول البيخوف الناس بانهيار استاد الهلال قبل الماتش بأيام عشان يثير البلبلة ممكن يعملها
....الخ

مفروض حدث زي ده ما يمر ساكت بدون تحقيق....
.

ومنو القال ليك دا جمهورالهلال....دايمكن جمهور كان بيشجع في الفريق المهزوم ويكون من الزعل قام فلقو

B][color=darkred] هل سمعت المثل الذي يقوم رمتني بما فيها و انسلت...color]

Quote: أنا في رأيي واحد بيملك ( حقد ) مزمل أبو القاسم ممكن يعملها..وما أكثر من يتأثرون بكلماته التي تنشر في الصحف واحد في عقلية الزول البيخوف الناس بانهيار استاد الهلال قبل الماتش بأيام عشان يثير البلبلة ممكن يعملها ....الخ

عزيزي مزمل بالامس اشاد بالنتيجه .....!!!

Quote: عزيزي مزمل بالامس اشاد بالنتيجه

مع احترامي ليك ياشهاب الزول دا بالذات ماعايزنو ..لايهني ولابعزي... يختانا بعبد.... وشغل الحكامات دا يعملوا لي ناسو بس....

.

Quote: عزيزي مزمل بالامس اشاد بالنتيجه

لو لم يفعل أخي شهاب
لفقد مصداقيته أمام ( مريديه ) من عشاق المريخ
لأن ( الكل ) شاهد المباراة ..
والهلال بأدائه الرجولي .. وبالنتيجة المشرفة
( فرض) عليه هذه ( الإشادة )



خلينا نعمل المنطق والعقل والتفكير السليم
شنو بيخلي جمهور ( فرحان ) انو يعتدي على الفريق المنافس ( الخاسر ) ؟؟
.

سلام للعزيز راكوبة

أتفهم تماماً الغضب الذي اعترى بعثة الفريق التونسي، خاصة وأن مثل هذه المضايقات لا يوجد ما يبررها. يقيني أنها نفس المشاعر التي انتابت أفراد بعثة الهلال بعد مهاجمة حافتلهم في القاهرة. كان أحرى بنا أن نكون أذكى من ذلك وأن نكون بعيدي النظر، فربما احتجنا لـ"تراخي" الترجي في تونس إذا ما تأكد خروجه من المنافسة

التقرير وصف أحياء أم درمان بالقصديرية

Quote: الأحيا القصديرية

يقصد مدن الصفيح أو الـ Shanty towns

وهو لا يعدو كونه

Sour grape

تقرير منشور في صحيفة تونسية يقول أن الهلال لا يسام في ملعبه بأم درمان
كأس رابطة الأبطال: على هامش لقاء الهلال السوداني ـ الترجي الرياضي (2 ـ 0)
فشل ذريع... وضعف فادح على كل المستويات!
للمرة الثانية على التوالي في دور المجموعات لكأس رابطة الابطال الافريقية يعجز الترجي الرياضي عن تحقيق النتيجة المأمولة... فبعد الاكتفاء بالتعادل في المباراة الأولى في تونس ضد أساك أبيدجان مني الترجي أول أمس في الخرطوم بهزيمة مرة ضد الهلال السوداني في لقاء كشف مرة أخرى محدودية جل اللاعبين وعجزهم عن المنافسة في أعلى مستوى قاري لنتأكد دون أدنى شك ان الترجي هو اضعف فريق في المجموعة بل هو أضعف الفرق الموجودة في هذا الدور ولايمكنه ان يتطلع الى النتائج التي تؤهله للمراهنة على احدى المرتبتين المؤهلتين الى الدور القادم بل أكثر من ذلك فهو لن يقدر بهذا المستوى الضعيف على تحقيق ولو فوز واحد في هذه المجموعة حيث تفوقه كل الفرق من جميع النواحي وخاصة الفنية منها... وهذه حقيقة مرّة لابد من الاصداع بها قبل فوات الأوان!!
البنزرتي لعب حسب الامكانيات لكن ما سبب الاستغناء عن أحسن لاعب ضد آساك؟!
على المستوى التكتيكي وكذلك تركيبة التشكيلة الأساسية من الواضح والأكيد ان المدرب فوزي البنزرتي لعب حسب الامكانيات المتوفرة خصوصا وهي امكانيات متواضعة جدا لا تعطي بالمرة الحلول الكفيلة بالنجاح لا من حيث المردود ولا النتيجة...فقد سعى الى تعبئة خط الوسط ولعب بثلاثي «بيفو» هم المحجوبي والحامي وزعيم وثنائي على الرواقين وهما التايب على الجهة اليمنى وخليفة على الجهة اليسرى لكن باسثناء وليد التايب فان البقية فشلوا في دورهم وعجزوا عن تقديم المستوى الذي يسمح للفريق بالسيطرة على هذه المنطقة الهامة وبالتالي التحكم في نسق المباراة وتأمين العملين الدفاعي والهجومي من وسط الميدان فكثرت الكرات الطويلة والعالية باتجاه ادريانو الذي كان منعزلا وسط دفاع الهلال مما سهل مهمة الفريق السوداني...
اذن لم يجد الاطار الفني الامكانيات البشرية القادرة على انجاح خطته لكن التساؤل الذي يفرض نفسه هنا هو لماذا استغنى المدرب فوزي البنزرتي عن زياد الدربالي الذي كان افضل لاعب في صفوف الترجي خلال المباراة الأولى ضد آساك أبيدجان؟!... سؤال يحير كل الأطراف الترجية التي لم تجد تفسيرا مقنعا لابقاء الدربالي على بنك الاحتياطيين وتعويضه بالعربي جابر الذي لم يسترجع بعد كل مؤهلاته!!.
دفاع منحل... هجوم غائب تماما... وركائز الوسط زادت الطين بلة
لم ينجح اي شيء في الترجي ضد الهلال السوداني... فلا اقناع في المردود ولا نجاعة في الاداء سواء على المستوى الفردي او الجماعي ولا وجود للاعب قادر على احداث الفارق وتخليص الفريق بانجاز فردي يحل به المشاكل الكبيرة والكثيرة التي يتخبط فيها الترجي .... فالدفاع منحل بدرجة كبيرة وهي معهودة في الحقيقة لان هذا المشكل يعد منذ فترة ليست بالقصيرة «الخبز اليومي» في الترجي الذي لعب مباراة اول امس بدفاع الموسم الفارط المتواضع والضعيف والذي اكد فشله في اكثر من مناسبة، اما هجوم الترجي فأقل ما يمكن ان نقول بشأنه هو انه غائب تماما ولا احد مكان ادريانو يمكن له النجاح في ظل غياب المساندة من جهة والكرات الدقيقة والسانحة للتهديف من جهة اخرى وهنا تطرح عدة تساؤلات نفسها على مسؤولي الترجي اي معوض لمايكل انراموا وامين اللطيفي ؟ لماذا تأخر تجديد عقد القصداوي الى درجة جعلته يقاطع التمارين ولا يستعد لمباراة الخرطوم ؟... اين حمدي الحرباوي الذي يمكن ان يمثل احد الحلول في هذ ه الفترة ؟... اسئلة عديد تفرض نفسها على اصحاب القرار في الترجي بشأن الزاد البشري الهجومي المتوفر والعاجز عن التهديف الى حد الآن بعد مباراتين في الدور ربع النهاڈئي والذي يصعب عليه تسجيل ولو هدف واحد في قادم المباريات لو تواصل الحال على ما عليه، اما وسط الميدان الذي يضم ركائز الفريق والعناصر المؤثرة فيه والمطالبة باحداث الفارق فقد زاد الطين بلة بغياب التغطية الدفاعية اللازمة لتقليص الضغط على الخط الخلفي وبغياب «البناء» الهجومي المركز والمنظم والكفيل بتوفير الفرص السانحة للتهديف للمهاجمين او عفوا للمهاجم الحقيقي الوحيد الموجود في المجموعة التي خاضت اللقاء وهكذا اذن في ضوء الفشل الجماعي الذريع لم يكن بامكان الترجي تفادي الهزيمة في الخرطوم وكانت بالتالي النتيجة الحاصل طبيعية بالنظر الى ما قدمه ممثل الكرة التونسية من اداء وما يملكه من امكانات.
الحظوظ تتقلص كثيرا ومعجزة في القاهرة فقط تعيد الامل
بعد هزيمة الخرطوم يجد الترجي نفسه في المركز الاخير لهذه المجموعة صحبة أساك أبيدجان متأخرا عن الاهلي المصري بخمس نقاط كاملة وعلى الهلال السوداني بنقطتين مما يقلص حظوظه بنسبة كبيرة في التأهل الى الدور نصف النهائي خصوصا وانه يتقابل في الجولة القادمة مع الاهلي في القاهرة في حين يستضيف الهلال السوداني فريق اساك ميموزا الايفواري في الخرطوم مما يجعل امكانية تقليص الفارق صعبة جدا حتى لا نقول مستحيلة بما ان العكس هو الاقرب للواقع وقد يرفع ممثلا مصر والسودان الفارق الى درجة تحسم امر الترشح نهائيا... لذا وعلى ضوء كل هذه المؤشرات فان الامل الوحيد الذي يبقي على حظوظ الترجي كاملة في هذه المجموعة هو تحقيق معجزة في القاهرة يوم 20 جويلية بهزم الاهلي على ارضه او في اسوإ الحالات كسب التعادل مع التمنيات بصمود الايفواريين في الخرطوم والخروج بالتعادل كذلك في ملعب ام درمان الذي لا يساوم فيه فريق الهلال كما ان وضعية الترجي هذه تحتم عليه تحقيق ثلاثة انتصارات في مرحلة الاياب ضد كل من الاهلي والهلال في تونس واساك في ابيدجان وهو امر صعب جدا خصوصا اذا بقيت احوال الترجي على ماعليه الان..

Quote: ماحدث شيء مؤسف للغاية، خاصة وكما ذكر بالخبر بأن الهلال منتصر بهدفين،

ده صحيح

Quote: والله وحده أعلم ماذا كان سيكون مصير الترجي إذا فازوا أو تعادلوا.

اما اعلاه ، فليس مستغربا عليك هذا التعليق !
بس تذكر سيكافا في الخرطوم وماذا فعلت جماهيركم ، واعيدت المبارة ولم تخجلوا من اعادتها وضرب الجماهير بالحجارة.


كلما قرات لراكوبة عرفت لماذا يتعصب مشجعو المريخ !!

التعصب ماركة مسجلة !!

الأخ حسن بشير
تحياتي ومرحب بيك معانا في سودانيز أونلاين
اصلا ناس الترجي زعلانين لحجز فندق قصر الصداقة لهم، بعد ما كان الاتفاق على الهيلتون الخرطوم.
على العموم ناس الترجي قالوا نحن على الوعد كل عام تهزمونا بهدفين ونضاعف لكم الحساب في ملعب 7 نوفمبر تحت الأضواء الكاشفة.
وعلى الرغم من النتيجة إلا أن بصمات فوزي البنزرتي ظهرت على الفريق خلفاً للمدرب الفرنسي، وأعتقد أن هشام بوشروان المهاجم المغربي لو شارك في المباراة لكانت النتيجة مختلفة.
إذ افتقد الفريق الضيف المهاجم الذي ينهي السيطرة الكاملة للفريق على مجريات المباراة ، وارتباك أبوبكر شريف الواضح في الاختبار الوحيد الذي تعرض له.

Quote: جمهور ( فرحان )

حاتم
فرح الرشاشات بلا!
لأنهم لم يجربوا الفرح الحقيقي حتى الآن، لم يأتوا عبر المطارات متأبطين الكؤوس والإنجازات والمجد للسودان.
كلمة الفرح كلمة مفقودة من قاموس الرشاشات، وفي آخر نسخة لمعجم أبن رشاش تجد كلمة فرح تعني أي فوز لكتيبة الرشاشات حتى ولو على أمبده بالحكام!
والحمد لله ناس الترجي وثقوا للاعتداء صوت وصورة وصور رقمية كمان!
وصور الرجاء قاعدة

شكراً يا راكوبة لترحيبك مجدداً

Quote: على العموم ناس الترجي قالوا نحن على الوعد كل عام تهزمونا بهدفين ونضاعف لكم الحساب في ملعب 7 نوفمبر تحت الأضواء الكاشفة.

أتمنى أن لا يعيد التاريخ نفسه، خاصة وأن الظروف والدوافع الحالية مختلفة تماماً عما مضى. وع ذلك، فإن مستوى الكرة السودانية بصفة عامة (وليس الهلال فقط) غير مستقر ويصعب التنبؤ به unpredictable

الإختلاف هذه المرة ربما كان في شكل الفريق وفي وجود دافع قوي.

Quote: وأعتقد أن هشام بوشروان المهاجم المغربي لو شارك في المباراة لكانت النتيجة مختلفة. إذ افتقد الفريق الضيف المهاجم الذي ينهي السيطرة الكاملة للفريق على مجريات المباراة.

اتمنى أن يكون تحليلك صحيحاً وبحيث يتاح لهذا المهاجم الخطير أن يجندل الأهلي القاهري ويلخبط حسابات المجموعة بصورة تصب في مصلحة الهلال والذي يجب أن يعمل على التأهل بيده، لا بيد غيره

عموماً، كل التوفيق للهلال والمريخ والسودان، وربنا يبعد عنهم جهل المسؤولين وتخبط الإداريين وتنظير المنظرين

Quote: يقيني أنها نفس المشاعر التي انتابت أفراد بعثة الهلال بعد مهاجمة حافتلهم في القاهرة.

.. والله يا راكوبة بقت حالتك تحنن .. يمسكوك من الاستاد تجيب الكراسي .. يفكوك من الكراسي .. تجيب لينا المقصورة .. يمسكوك من المقصورة تجيب سيرة البحــر ..
..
ياخي الكلام الفوق ده ما كان واضح .. المرة الفاتت الأهلى البتشجعو فيهو ده .. بعد ولادة متعثرة .. ودفــر ، وحكم .. وشلاليت جوه الميدان وبره الميدان .. حتين شمو النفس .. يجو يلمو في البرنس يضربوهو .. ويكسرو الحافلة .. ومن منــو أريتو كان من المشجعين كانت ( مهضومة إكتير ) .. لكن من اللعيبة زاتهم ..؟
طيب اهــا جماعتك ديــل يرجــو الراجيهم من حسع دي .. طبعا هيثم ا راح يوسخ يدو .. ولا قودويين ولا كلاتشي .. ديل بيسوو ليهم في الميدان ... وبعداك الله كريم عليهم .. النشوفهم بيطلعوا كيف من جــوه ..
دق .. جــوه .. وبره .. بطن وضهــر .. نحن ما قاعدين نخلي حقنــا..

بلاي تاني يا راكوبــة لما تجي تجيب ليك مواضيع خليك من المواضيع الضاربه دي ..
والله بقيت زيك وزي صاحبك ( كــــرش الحقيقة ) واحد ..




اسمع في خــواجة سايق ليهو بطــة ما لاقاك ؟؟

تامبا
سلملم

Quote: لكن من اللعيبة زاتهم

هو ناس الأهلي فاضين، في رواية أنو (مرق) نطح الحافلة قرب يلحقا أمات طه، وفي رشاشات زعلانين شاغلو قائلين "وقت بتدفر، مالو برشوك جو" فكسر باقي الحافلة!
البطات وأحواض البط معروفة وين، وامبارح قالوا شوارع امدر اتملت بي جير استاد الهلال مع المطرة الغزيرة اللي صبت امس

أبومصطفى
عليك الله جاوب ليناعلى السؤال دا وبس

Quote: اسمع في خــواجة سايق ليهو بطــة ما لاقاك ؟؟

الهلالابي

أبوفتحية

ابوفتحية
بركة الجيت
وفي مرق مشقق ما لاقاك

تصرب بايخ وقبيح

هسع لو عاملونا التوانسة بالمثل في مبارات الرد

في زول بقدر يسألهم ولا يدينهم

Quote: تصرب بايخ وقبيح هسع لو عاملونا التوانسة بالمثل في مبارات الرد

.. والله يا وليد تصرف ابيخ من البياخــه ومافي زول رياضي من اساسو مفترض يقبل الحاجة دي .. الكورة دي في النهاية غالب ومغلوب .. والروح الرياضية دي هي برضو نوع من الإنتصار ..
لكن
في حالة أنو يجيب الخبر ده ( راكوبة ) .. ويسردب من نفس الشي الحصل لي الهلال امبارح القريبه دي .. بي نفس الاسلوب .. لدرجة أنو فريق الهلال رفض حتى المؤتمر الصحفي ..
تفتكر راكبوة قاصد بيهو انصاف ..؟
والا تفتكر من حقنا على راكوبة نجي نقول ليهو لا والله كلامك صاح ..

يا تمبس
هو بالله البوست في حرب

انا قريت المداخلة الاولى وعلقت علي الموضوع


لكت يا تمبس بغض النظر انو راكوبة قاصد شنو ظ

هل حدث التصرف ده ولا ما حدث ؟
ده مربط الفرس
لو حصل

تبقى عيب وشينة وغير مبرره
خصوصا انو الهلال كان غالب
وانو لسع في مباراة رد في تونس

Quote: لكت يا تمبس بغض النظر انو راكوبة قاصد شنو ظ هل حدث التصرف ده ولا ما حدث ؟

تعرف يا وليد بغض النظر دي هي ذاته موضوع البوست ده .. لانو كان فرتقناها بتبقى زي المسالة بتاعت الجداده والبيضة والأول فيهم منــو ..
إنت زول لعبت درجة .. وانا القدامك ده لعبت درجــة .. وعارف حساسية المباريات الزي دي .. وعارف الواحد ممكن يتعرض لي شنــو .. انا القدامك ده مخيط ( سبعة غرز ) في راسي .. وكنت غالب وشايل كاس .. قس على ذلك ..
لكن المسالة هنا ما مسالة حلة ولا مسالة منافسة داخلية .. المسالة وطن بي حالو .. والمسالة شرف كلمة
لو راكوبة بس يوم مباراة الأهلى على الاقل ادان التصرف بتاع اللعيبة بتاعين الاهلي البشبه التصرف ده .. كان الواحد قال ليهو ده تصرف ما لذيذ .. ناهيك عن انو يدين تصرف الحكم واللعيبة جوه الميدان ..
بعدين يا وليد:
الخبر ده والله ما سمعتو إلا منـو .. لا قريتو في مكان ولا لاقاني في مكان .. طيب قول فعلا حصل .. احسن ياتو .. يدقوك اللعيبة المصريين ويشتموك ويستفزوك بعد نهاية الكورة .. ويحموهم بوليصهم .. والا يضربك ويكسر ليك عربيتك المشجع العادي دا ..
يا وليد . راكوبة الايامات دي المضادات الحيوية البياخد فيها دي .. تاعباهو شوية .. علشان كدا بيقول اي حاجة .. في كل حاجة . عن أي حاجة ..
كدي راجع بوست استاذ فيصل ده .. شوف بتلقى فيهو حاجة بتشبه الكلام ده ؟؟
تعصب راكوبة .. وفبركة االترجي !!

تمبس الرشاشة

Quote: ويسردب من نفس الشي الحصل لي الهلال امبارح القريبه دي

ماحصل في القاهرة كان سببه لاعبي الهلال، خاصة سفير النوايا الخمسة، ولو عندك اي مصدر قريب من لاعبي الهلال يحكو لي ما فعله (بيده)
ما المبرر الذي يدفع الأهلي أو جمهوره أن يحتكوا بلاعبي الهلال، وهم لهم مباراة في السودان؟ وهم يعلمون تماماً (شراسة) جمهور الهلال وحبهم (لحصب) الضيوف وإرهابهم؟

Quote: ما المبرر الذي يدفع الأهلي أو جمهوره أن يحتكوا بلاعبي الهلال، وهم لهم مباراة في السودان؟ وهم يعلمون تماماً (شراسة) جمهور الهلال وحبهم (لحصب) الضيوف وإرهابهم؟

حصــب الساهلة دي ..
إنتو شفتو ليكم حصــب ..
والله تتغلبو .. وتتدقو .. دق العيش .. غايتو اليوم داك كتر البنج بس ..

Quote: والله تتغلبو .. وتتدقو .. دق العيش .. غايتو اليوم داك كتر البنج بس

ياما غلبنا واتغلبنا، وياما سجلنا وسجل فينا
وياما رفعنا كؤوس ورفعنا اسم السودان؟ فماذا عنكم

Quote: ياما غلبنا واتغلبنا، وياما سجلنا وسجل فينا وياما رفعنا كؤوس ورفعنا اسم السودان؟ Quote: فماذا عنكم

.. خليناك ليك أربعة أيام تهــضرب .. تشخبت في اي حيطه تلقاهـا... تجدع بالكراسي .. تتدردق بالنجيلة .. تكسر في عربية ناس الترجي
حلاقة زي دي .. بتقيف ليها ..؟
تاني بتقول أحلقـو لي بي قطعية ؟؟

بلاي جيب لي الشريط بتاع أقوان الترجي النزلتو المرة الفاتت .. بالنهار
جيب معاهو واحد كرسي هزاز .. علي شرط يكــون أزرق



هاك الكرسي الهزاز ده

راكوبة
الفليق الصحى صحى فى الاسماعيلية
باذن الله فليق صاح غايتو
ربنا يستر من حبوبة العجب

Quote: راكوبة الفليق الصحى صحى فى الاسماعيلية باذن الله فليق صاح غايتو ربنا يستر من حبوبة العجب

... بلاي قوليهو يا حبيب .. كمان ما تقول ( كراسي ) الإسماعيلي .. مضروبة ( بوهية ) جديدة .. والنجيلة بتاعتهم طبيعية..

لا ابرئ راكوبا من فوبيا الهلال واعلم دون غيري كيف تكون حالة راكوبة مع ارتفاع اسهم الموج الازرق وبالمناسبة دي (كورة الترجي الفاتت) قربت (اخلي ليو الدوحة واجي الخرطوم) ويا ما نصحتو يا فيصل خالد وقلت ليو الهلال دة كان باريت انتصاراتو بيرفع ضغطك لانو الحكاية دي ما بتقيف قريب لكن ما سمع الكلام على كل حال الراجل حبيبنا وسافترض حسن النية فى الخبر الذى نشره واقول ان راكوبة قصد ان تنتبه الجماهير لممارسة سلوك يليق وعظمة الهلال اوربماقصد الرجل ضرورة المحافظة على السجل الوطني لمشاركات الاندية السودانية ومهما كان فان حسن السلوك مطلوب داخل وخارج الملعب . ويا راكوبة الجاتك فى الترجي سامحتك وجهز نفسل من الان للاحتفال مع الهلال بكاس ابطال افريقيا.

Quote: ربنا يستر من حبوبة العجب

ودعادل
بقيت (إسمعلاوي) ولا شنو ما تخاف العجب جايك جايك!

تامبا
حتى الكراسي الليبية (الزرقة) طلع الوالي دافع حقها

لا ابرئ راكوبة من انه مصاب بفوبيا الهلال فانا اعلم دون غيرى كيف تكون حالة الرجل حينما ينتصر الموج الازرق ويا ما نصحتو وقلت ليو كا ن باريت انتصارات الهلال دي بتتعب لانو الحكاية دي ما بتقيف بعد دة لكن يا فيصل خالد الراجل ما سمع كلامي ، وطبعا كورة الترجي الفاتت قربت اخلي لي الدوحة واجي الخرطوم المهم نقوم نفترض حسن النية فى الخبر النشرو ونقول ان راكوبة حريص على ان تكون جماهير الهلال بعظمة الانجاز وبقامة الانتصار الكبير لفريق يقول المحللون انه صاحب مدرسة كروية جديدة فى افريقيا ومهما يكن ياجماعة برضو السلوك مطلوب داخل وخارج الملعب.

أبوحباب
سلامات ومرحب بيك تاني

Quote: صاحب مدرسة كروية جديدة فى افريقيا

والله إلا مدرسة المشاغبين (الفلاقين)

Quote: وعلى ذات الصعيد سلمت إدارة بعثة نادي الترجي شكوى رسمية لوزارة الخارجية التونسية عما حدث لها بالخرطوم الباقر عبد الرحمن عضو مجلس إدارة نادي الهلال زار البعثة قبل مغادرتها عائدة إلى بلادها وقدم اعتذاراً رقيقاً لأفرادها إنابة عن مجلس الهلال.. مؤكداً إن ما حدث انفلات جماهيري لا دخل للمجلس به.

الصدى عدد اليوم.

التحكيم فاشل

Quote: قوون تكشف الحقائق الكاملة لخطأ حكم مباراة الهلال والترجي كتب: علي الزغبي اثار التصرف الذي قام به نجم الهلال الدولي عمر بخيت في مباراة الترجي التونسي مساء امس الاول باستاد الهلال بارجاعه للكرة بالراس للحارس ابوبكر شريف بعد قيامه برفع الكرة من الارض عاليا العديد من التساؤلات للوقوف علي الجوانب الفنية حول هذه الحالة اكد لقوون امس خبير التحكيم الدولي محمد الامين بابكر والحكم الدولي المتقاعد صلاح احمد محمد صالح سكرتير لجنة التحكيم المركزية اكدا ان حكم المباراة اليوغندي اخطا في تطبيق القانون في هذه الحالة وذلك بعدم اشهاره للبطاقة الصفراء للاعب عمر بخيت بسبب تحايله علي القانون وكذلك عدم معاقبته للاعب باحتساب ركلة حرة غير مباشرة من مكان حدوث الحالة· من جانبه اكد الدولي المتقاعد صلاح ان ماحدث في مباراة الامس بين اللاعب عمر بخيت والحارس ابوبكر شريف حدث في مباراة الهلال والاهلي بمدني يوم 6 يونيو الماضي بمدني في ختام الدورة الاولي لبطولة الدوري الممتاز وللاسف كذلك لم يقم حكم المباراة بانذار اللاعب واحتساب الركلة الحرة غير المباشرة· وللفائده للعامة وللثقافة الرياضية توضح قوون الحقائق الكاملة وفقا لقانون لعبة كرة القدم عبر هذه المساحة : جاء في القرار رقم 3 لقرارات مجلس الاتحاد الدولي مايلي طبقا لاحكام القانون 21 الاخطاء وسوء السلوك فانه يجوز للاعب تمرير الكرة لحارس مرماه مستخدما راسه او صدره او ركبته الخ·· ولكن علي كل حال اذا كان راي الحكم ان هذا اللاعب قد لجأ الي خدعة متعمدة والكرة في اللعب ليتحايل علي القانون فانه يكون مدانا بارتكاب سلوك غير رياضي وينذر وتظهر له البطاقة الصفراء وتحتسب ركلة حرة غير مباشرة للفريق المنافس تلعب من المكان الذي حدثت فيه المخالفة اللاعب الذي يتعمد عمل خدعة ليتحايل علي القانون عند قيامه بتنفيذ ركلة حرة ينذر للسلوك غير الرياضي وتظهر له البطاقة الصفراء وتعاد الركلة الحرة في مثل هذه الحالات فانه ليس هنالك علاقة بين ما اذا كان حارس المرمي قد قام بعد ذلك بلمس الكرة بيده ام لا لان الخطا قد وقع من اللاعب بقصد التحايل علي نص وروح القانون

ذكر الاستاذ مزمل أبوالقاسم في عموده اليوم:

Quote: * مثلما تعرض لعقوبة صارمة من الاتحاد العربي لكرة القدم بسبب شغب جماهيره في مباراة الرجاء المغربي نتوقع أن يتعرض الهلال لعقوبات جديدة من الكاف بسبب اعتداء جماهيره على بعثة الترجي! * زجاج الحافلة تعرض للتهشيم بسيل من الحجارة.. فتقدم نادي الترجي بشكوى للكاف.. دعمها بالصور! * حدث هذا والهلال منتصر.. فماذا كان سيحدث للاعبي الترجي لو فازوا على الهلال؟

هذا التصرف مرفوض وغير أخلاقي وندينه بشده ..
لكن صراحة انتو غلبكم البتسوهو يا راكوبة ..
ما عارف زعلانين على حافلة ولاعبي الترجي ولا على فوز الهلال
بس عايزين أي حاجة تمسكوها على الهلال ..
وبعدين المشجع مزمت أبوالقاسم دا قلنا ليهو اترك الهلال في حاله وخليك في مريخك ..
المصيبة ما عنده شغلة غيره ولا حد ح يهبب ليهو جريدته المهببه دي غير جمهور الهلال بقروها عشان يضحدو كلامه الخارم بارم دا ..
احسن لحضرة المشجع مزمت يشجع مريخه ويشوف ليهو شغله تاني غير الصحافة ..


ما قلت لي مباراتكم كيف الليلة ..

لابد من الانتباه الى النقطة الواضحة فى الخبر ان الترجى قدم شكواه
ضد الجماهير السودانية ولم يقل الخبر الهلالية لان الاحداث التى تكلم
عنها التوانسة حدثت خارج الاستاد فى وقت كان الاهلة يحتفلون بالفوز
داخل الملعب
كما ان الخبر تحدث عن ما اسماه احياء الخرطوم القصديرية ولاندرى
اين تلك الاحياء بين ستاد الهلال وفندق قصر الصداقة ثم ان من قاموا
بهذا العمل من يجزم بالقطع انهم هلالاب طالما ان الاحداث وقعت خارج
الملعب بل والاستاد

ياراكوبة
لا نستبعد ان يكون هناك ناس زعلانين من الترجى عشان اتغلب من الهلال
يعنى انتا بى زعلتك دى لفوز الهلال لو لميت فى ناس الترجى ديل ما كتا
فلقتهم

Quote: ياراكوبة لا نستبعد ان يكون هناك ناس زعلانين من الترجى عشان اتغلب من الهلال يعنى انتا بى زعلتك دى لفوز الهلال لو لميت فى ناس الترجى ديل ما كتا فلقتهم

والله يا تيتاوي ضحكتني ضحك جد
وبكلامك ده لخصت روح البوست
وابو الرواكيب لو لاقي طريقة كان من الزعل ناس الترجي دي سجنهم في كوبر..

أبوالتيت
مجلس إدارتكم أدان السلوك، كما فعل من قبل حينما حصب الرشاشات العجب

Quote: الباقر عبد الرحمن عضو مجلس إدارة نادي الهلال زار البعثة قبل مغادرتها عائدة إلى بلادها وقدم اعتذاراً رقيقاً لأفرادها إنابة عن مجلس الهلال.. مؤكداً إن ما حدث انفلات جماهيري لا دخل للمجلس به.

السلوك العدوانى مدان من الجميع ولا احد يقبل بالتهجم على الضيوف
خاصة ان الرياضة اخلاق وتسامح وفيها النصر وفيها الهزيمة ولكن اعتذار
مجلس ادارة الهلال لا يعنى الاعتراف بان تلك الجماهير هى جماهير الهلال
طيب الترجى ده ماجا ولعب مع الهلال ثلاث مباريات فى السابق فى الاولى
تعادل مع الهلال 3-3 ايام الزعيم الطيب عبد الله 1999 وكانت الاجواء ملبدة
بالكثير من الغيوم بين الطرفين ولعب الترجى فى عز الظهر ايام السحائى
ورغم التعادل والزعل الا ان الهلالاب لم يتصرفوا بسوء تجاه لاعبى الترجى
وجاء الترجى مرة تانية فى عام 2003 ولعب مع الهلال فى البطولة العربية
وفاز الهلال 3-1 ولم يقم الهلالاب بالفليق وفى المرة الثالثة ايضا جاء
الترجى الى السودان فى بطولة افريقيا 2005 وخسر امام الهلال 2-صفر
ولم يحدث شىء فلماذا هذه المرة يحدث كل هذا


ياكيكى صاحبنا راكوبة لو لم فى جماعة الترجى ديل الا يرجمم

كالعادة، الجمهور يجقلب يفلق وينكر، والإدارة تدين وتستنكر!
أرسوا على بر

لا استغرب ان يستشهد راكوبة بكتابات مزمل ابو القاسم ، لان الطيور على اشكالها تقع !

اين كان راكوبة وابو القاسم عندما مارس مشجعو المريخ الارهاب الجماهيري في بطولة سيكافا بالخرطوم ، وتمت مكافاة المريخ المهزوم باعادة المبارة بدلا من معاقبته !

راكوبة يفتي :

- سيعاقب الهلال بحرمانه من اللعب في استاده .

صاحب العقل بميز يا راكوبة

جماهير خرجت منتشية ومنتصرة وترتيبها الثاني ترمي اللاعبين بالحجارة ..


مؤكد ديل ناس اغاظهم فرح الهلال ..


زي موضوعك الغياظ ده ..

Quote: زي موضوعك الغياظ ده ..

والله ياعلاء الدين باين عليك (مفلقاتي) نمرة واحد
تحياتي لآل حيمورة خاصة ناس 29 اولاد حلتنا