السبعة الحرقوا المنبر

السبعة الحرقوا المنبر


07-09-2007, 06:01 PM


  » http://sudaneseonline.com/cgi-bin/sdb/2bb.cgi?seq=msg&board=140&msg=1184000495&rn=22


Post: #1
Title: السبعة الحرقوا المنبر
Author: ASAAD IBRAHIM
Date: 07-09-2007, 06:01 PM
Parent: #0

وبس

Post: #2
Title: Re: السبعة الحرقوا المنبر
Author: ابوالقاسم ابراهيم الحاج
Date: 07-09-2007, 06:05 PM
Parent: #1

a-
b-
c-
d-
e-
f-
g-
......................
وثامنهم كلبهم.
h-

Post: #3
Title: Re: السبعة الحرقوا المنبر
Author: Tragie Mustafa
Date: 07-09-2007, 06:05 PM
Parent: #1

هو المنبر اتحرق بالله يا اسعد؟؟؟؟



لو سألت بكري لقال لك المنبر في ازهى ايامه.

Post: #4
Title: Re: السبعة الحرقوا المنبر
Author: ASAAD IBRAHIM
Date: 07-09-2007, 06:11 PM
Parent: #3

الحبيب ابو القاسم ..... ياخ ما كان تخليهم شوية .... افسدت علينا المفاجاة

لكن بالجد المنبر حالو لا يسر عدو ولا صليح

تشكرات

Post: #5
Title: Re: السبعة الحرقوا المنبر
Author: Tragie Mustafa
Date: 07-09-2007, 06:17 PM
Parent: #4

لا اتفق معك رغم الاحزان
لكن صدقني المنبر في اصح حالاته
ارقام زواره في السماء
ونشاط اعضائه مذهل
Quote: الحبيب ابو القاسم ..... ياخ ما كان تخليهم شوية .... افسدت علينا المفاجاة

لكن بالجد المنبر حالو لا يسر عدو ولا صليح

تشكرات

Post: #6
Title: Re: السبعة الحرقوا المنبر
Author: Rawia
Date: 07-09-2007, 06:34 PM
Parent: #5





اسفخوص* عليهم




____________________________________--
*اسفخوص يا استاذ احمد الريح حسب المسلسلات المصرية( يخسي) عليهم

وتاني يخسي عليهم

لانهم they hurt our feelings
بالمناسبة عندي الشجاعة اني احسبك ضمنهم يا احمد الريح

Post: #9
Title: Re: السبعة الحرقوا المنبر
Author: ASAAD IBRAHIM
Date: 07-09-2007, 06:50 PM
Parent: #6

راوية سلامات ارجو تن تكوني بخير

غايتو ما فهمت حاجة

لكن بالجد مدبرس جدا من ناس عزاز جدا هنا كانوا معروفين بمساهماتهم الحلوة

فجأة تلقيهم كل جهدهم الردود واعادة الردود والاقتباسات

وبذل كل الجهود للانتصار علي الاخر في معركة بلا معترك

بالجد حزين

شكرا راوية

Post: #8
Title: Re: السبعة الحرقوا المنبر
Author: ASAAD IBRAHIM
Date: 07-09-2007, 06:45 PM
Parent: #5

Quote: لا اتفق معك رغم الاحزان
لكن صدقني المنبر في اصح حالاته
ارقام زواره في السماء
ونشاط اعضائه مذهل


كثرة الزوار وكثرة الكلكات بالتالي لا تعني ان كل شئ علي ما يرام

قد يكون ذلك صحيحا "وكلو تمام" للموقع كموقع فيهو حركة كبيرة

ولكن للاعضاء والزوار اصبح المنبر ملجة كبيرة الاعمي شايل المكسر

وعينك ما تشوف الا النور

شكرا

Post: #7
Title: Re: السبعة الحرقوا المنبر
Author: ASAAD IBRAHIM
Date: 07-09-2007, 06:41 PM
Parent: #3

Quote: هو المنبر اتحرق بالله يا اسعد؟؟؟؟



لو سألت بكري لقال لك المنبر في ازهى ايامه.


تعرفي يا تراجي منذ ان عرفت طريق هذا المنبر شاهدت واشتركت في كثير من المشاكل والعكات الاسفيرية

لكن الشايفو في اليومين ديل فات كل حد

ربك يهون

سلمي علي الوليدات

Post: #10
Title: Re: السبعة الحرقوا المنبر
Author: saif massad ali
Date: 07-09-2007, 07:33 PM
Parent: #7

انت كببرهم الذي علمهم

Post: #11
Title: Re: السبعة الحرقوا المنبر
Author: ASAAD IBRAHIM
Date: 07-09-2007, 07:34 PM
Parent: #10

Quote: انت كببرهم الذي علمهم


برضو رأي وتشكر عليهو

Post: #12
Title: Re: السبعة الحرقوا المنبر
Author: احمد التجانى احمد
Date: 07-09-2007, 08:09 PM
Parent: #11

اسعد ابراهيم

مادام فتحت البوست كان مفترض تورد اسماء الجماعة السبعة
الخاتيهم فى راسك ولا عايز غيرك يقترحوا ويرشحوا وتدفع بمذيد
من اشتعال النيران وانا حاليا شايف لى شرارة قذفت بها راوية
وجابت اسم احمد الريح وانا لو فى مكانه ح اعمل انى ماشفت الكلام
المكتوب دة ثم احتسب وانا شخصيا باسالها لماذا احمد الريح دون غيره
هل لانه بيزنق بعض المدللين بهذا البورد ؟
ثم ثانيا المنبر دة حر واى شخص يستطيع التعبير عن نفسه دون وصاية
ووعظ وبوستات الحريق دى ممكن الحساسين يتجاوزوها ومافى داعى نفتح بوستات
للتنويه عنها واعطائها زخما

لك التحية

Post: #15
Title: Re: السبعة الحرقوا المنبر
Author: Rawia
Date: 07-09-2007, 08:52 PM
Parent: #12

Quote: هل لانه بيزنق بعض المدللين بهذا البورد ؟



الاستاذاحمد التجاني
عبارتك دي انا مابصدق بيها ولا طريفة تفكيري كدا
يعني شنو بيزنق ويعني شنو مدللين
انا مؤمنة زيك تمام انه اي زول حر في المساحة الحرة دي يقول العاوزو
وانا عاوزة اقول الكلام دا لاحمد الريح تحديدا مش من حقي ولا عاوز تجيبو لي يزنقني
ولا اي صحي انت قلت ليهو ماتشتغل بيها الشغلة حتى

انا يازول حكاية هلال مريخ دي مامن ناسها
شوف ليك زول غيري تمارسها عليهو
انا بفتكر مايفعله احمد الريح وبعض الناس مزعج مزعج جدا وفي غمرة فرحهم بانتصاراتهم المتوهمة بيتمادوا ويتمادوا ويتمادوا ويزيدوا عدد المداخلات في البوستات (ارض المعركة المتوهمة) لغاية ما البوست يبقى هلامي وغير محدد المعالم وحتى الموضوع الاساسي للبوست يتنسي
ولعلمك انا مابدخل البوستات دي الا لما توصل للمرحلة بتاعة انه( تنبثق) منها بوستات تانية ودي مرحلة (وااااي شوفوا فلان قال لي فلان شنو)
اها انا الليلة الصباح عترت على بوست بتاع شوفوا فلان قال لي فلان شنو ولقيت انه ايدي اكلتني شديد ودخلت البوست الاصلي ولقيت حاجة غريبة فعلا وماتسميه انت بالزنقة دي خلتني ارثى لاحمد الريح قبل الزول المهزوم زاتو
وكتبت المداخله دي ولاني كان لازم امشي الشغل دا غير بصيص امل انه الحكاية تتصلح... مارسلتها
لكن بوست اسعد جا في وكته ونزلتها لاني انا من نوع الناس اللازم ولابد من انهمtalk it out
وماقاعدة انوم بي غبينتي
اها لقيتني كيف .....عليك الله خلي احمد الريح يرد علي

بالمناسبة اسمي الاستاذة راوية العباسي دا بالنسبة ليك بس

Post: #16
Title: Re: السبعة الحرقوا المنبر
Author: ASAAD IBRAHIM
Date: 07-09-2007, 09:07 PM
Parent: #12

اخونا احمد التيجاني

تحياتي

يا احمد والله انا ما فتحت البوست دة عشان ادخل في جدلية لا تؤدي الي اي نتيجة

كل الهدف انو الناس الشغالة تعوس في المنبر قلبة وعدلة عاوزينهم يتنبهوا البسووا فيهو دة غلط

وما اظن في معني من معاني الحرية "انها فوضي"

البورد دة بيتنا كلنا ولازم نحافظ علي نظافتو ونعمل علي ازالة الاذي منو

وبعدين تصدق بالله ما كان عندي اي سبعة اشخاص قاصدهم وانما قاصد الوضع العام

ولو جيت حسبت معاي ناس المهاترات ممكن تلقاهم سبعين اقل شئ



Quote: ثم ثانيا المنبر دة حر واى شخص يستطيع التعبير عن نفسه دون وصاي


ما انا كمان بمارس في حريتي وبدون ما اجرح زول او اتهم زول تاني

انا فقط بحتج انو الوضع سئ جدا وما اظن مارست وصاية علي اي واحد

عموما اشكرك علي المداخلة

Post: #13
Title: Re: السبعة الحرقوا المنبر
Author: Kostawi
Date: 07-09-2007, 08:13 PM
Parent: #11

يا كرمبا
أعمل ساتر
أو تعلم مهنة النوم و الإستكانة



لا تحزن يا صديقي
حصل شفت ليك بحر بلا أمواج?

Post: #17
Title: Re: السبعة الحرقوا المنبر
Author: ASAAD IBRAHIM
Date: 07-09-2007, 09:09 PM
Parent: #13

الخردة يا صديقي

قلنا اضعف الايمان نعمل تنويه بصورة عامة

لكن تعرف احسن الواحد لو ما عجبو الوضع يشتت بس

سلام

Post: #14
Title: Re: السبعة الحرقوا المنبر
Author: أيمن الطيب
Date: 07-09-2007, 08:41 PM
Parent: #11

الأخ أسعد إبراهيم سلامات,

كبيرهم الذى علمهم ماذا!! فكثير جدا هو ما تعلمناه وغيرنا
من هذا المكان فعذرا صديقى ولكن ماذا علمتهم!!حتى تتضح
الرؤية!!!!!

أرجو أن تضع فى الحسبان أن الفرقعات الإعلانية والعناوين
الصارخة وكتابة عشرين مداخلة فيما كان يمكن إختصاره فى
نصف بوست يعد أيضا حريقا كبيرا وجرحا فى خاطرة البورد
وليست خاصرته وهى إحدى طرق الجذب الجماهيرى ومكافحة ما
يعرف بالبوار البوردي!!!!!!!!

وما يحيرنى هؤلاء الذين يفتحون البوستات ولا يعودوا لرؤيتهامرة
أخرى وكأنما لسان حالهم يقول( الحمد لله الذى أخرج مّنا هذاالأذى)

قنابل الصوت والمتفجرات الفراغية حرقت أخلاقنا وأشياء أخرى!!

واصل يا صاحبى فالضوء يجذبهم!!



تحياتى.

Post: #18
Title: Re: السبعة الحرقوا المنبر
Author: ASAAD IBRAHIM
Date: 07-09-2007, 09:12 PM
Parent: #14

Quote: كبيرهم الذى علمهم ماذا!! فكثير جدا هو ما تعلمناه وغيرنا
من هذا المكان فعذرا صديقى ولكن ماذا علمتهم!!حتى تتضح
الرؤية!!!!!


ايمن الطيب يا عزيز والله انا ذاتي "المعلم" ما عارف الحاصل شنو

اهو الكلام يدخل من هنا ويمرق من هنا واخوك صدرو بقي واسع وبيتحمل

ودي من حسنات المنبر دة انو الواحد يتوقع اي حاجة

ولو قعدت تساكك في الحاجات ما حتخلص

شاكر عزيزي كلماتك الطيبة

Post: #19
Title: Re: السبعة الحرقوا المنبر
Author: عبدالكريم الامين احمد
Date: 07-09-2007, 09:20 PM
Parent: #18

اسعد سلام
المنبر ده حرقوا الناس ديل
1-المهندس خليل
2-المهندس احمد التجاني
3- المهندس انور تاج السر
4- المهندس معاوية داوود
5-المهندس ابوبكر عثمان
6_ المهندسةرباح الصادق المهدي
7_المهندس محمد الصايم
حرقوا وحرقوا معاهو (اسمي الاصلي) الذي تحول بين ليلة ضحاها الي (كيكي)

Post: #21
Title: Re: السبعة الحرقوا المنبر
Author: معتصم الطاهر
Date: 07-09-2007, 10:11 PM
Parent: #19

Quote: 1-المهندس خليل
2-المهندس احمد التجاني
3- المهندس انور تاج السر
4- المهندس معاوية داوود
5-المهندس ابوبكر عثمان
6_ المهندسةرباح الصادق المهدي
7_المهندس محمد الصايم


كيكى دا شنو

أنا ما همانى السبعة

أنا همانى كلبهم ...
خايف بس زول يجيب سيرة الكلب
وأقوم أقفل من آخلا المنابر ..

متاكاة :
اسه الجاب اسم رباح شنو ؟
جنس سلبطة .. انت قايل اى دفعة .. دفعو ..
ولا أيى أى .. ولا زييى زي ..

Post: #20
Title: Re: السبعة الحرقوا المنبر
Author: احمد التجانى احمد
Date: 07-09-2007, 09:22 PM
Parent: #14

الاستاذة راوية العباسى

استاذة وفوق راسى كمان

معنى انه احمد الريح بيزنق بعض الناس
انه بيطالبهم باثبات مايتهمونه به
من علاقته باهل الحكم فى السودان (الكيزان)
ووجوده كلاجى فى امريكا وهم لايستطيعون تدعيم
اتهاماتهم بالادلة التى تثبت ذلك مما جعلهم مجرد
مروجى اشاعات واقاويل

ومدللين تعنى ان هؤلاء دايما هناك من يقف معهم
فى الحق والباطل يجدون من يزين لهم ساقط قولهم
وافترائهم وتنميطهم لخلق الله

بعدين معرفة احمد الريح شرف لا ادعيه
فليس لى به سابق معرفة ولاتداخل فى البوستات
وجهت له ان ان لايرد على ايرادك لاسمه فقط دون غيره
حرصا منى ان لاينبثق بوستا اخر تنبثق منه بوستات اخريات
فيما لايفيد فانا لا ارى فائدة فى بوستات التباكى على ماوصل
اليه حال المنبر وكذلك بوستات الصراعات الشخصية والنيل من
الخصوم لكن لن افتح بوستا لاشجبها فكل انسان حر فيما يكتب


وللعلم انا اسمى احمد التجانى ساااى من غير استاذ
ولتجنب رفع الكلفة مع امثالى يمكنك ان تطلقى لقب
السيد قبل اسمى عند المخاطبة ان كان لنا نصيب فى ذلك

Post: #22
Title: Re: السبعة الحرقوا المنبر
Author: أيمن الطيب
Date: 07-10-2007, 07:04 AM
Parent: #1

الأخ أبو السعود صباح الخير بتوقيتنا,
Quote: انت كببرهم الذي علمهم

بما إنك لم تشرح لى لعدم معرفتك بالمادة موضوع الإتهام
ولإصرارى الشديد على معرفة ماذا علمتهم!!!فأرجو أن تسمح
لى بتحويل السؤال للأخ سيف ود عوج الدرب الله يعدل طريقو
وأتمنى أن يشرح لى الأخ د. سيف ما قصده بتسميتك تلك! !

تكون علمتهم الحريق وتكون بتاع حرايق ونيران يا اللخو

Post: #23
Title: Re: السبعة الحرقوا المنبر
Author: محمد فرح
Date: 07-10-2007, 08:03 AM

Quote: معنى انه احمد الريح بيزنق بعض الناس
انه بيطالبهم باثبات مايتهمونه به
من علاقته باهل الحكم فى السودان (الكيزان)
ووجوده كلاجى فى امريكا وهم لايستطيعون تدعيم
اتهاماتهم بالادلة التى تثبت ذلك مما جعلهم مجرد
مروجى اشاعات واقاويل

ومدللين تعنى ان هؤلاء دايما هناك من يقف معهم
فى الحق والباطل يجدون من يزين لهم ساقط قولهم
وافترائهم وتنميطهم لخلق الله


السيد / أحمد التجاني
لك التحيه
ماقلت إلا الحق

مؤونة عام من الود