Post: #1
Title: ماذا قال مزمل ابو القاسم في صحيفته بعد انتصار الهلال على الترجي ؟؟
Author: علاء الدين حيموره
Date: 07-09-2007, 01:27 PM
الف مبروك هلال الملايين ..
الف مبور لكافة السودانيين ..
عم الفرح كل القلوب حتى اخوانا المريخاب لم يخفوا اعجابهم بهذا الاداء الرائع لنجوم الهلال ...
وطالعت الصدى وفي عمود الاخ الصحفي العفيف مزمل ابو القاسم كتب :Quote: الترجي راح في حق الله!
* كما توقعنا أمس.. لم يجد الموج الأزرق العاتي كبير عناء في اجتياح طيف الترجي صاحب الاسم الكبير.. وهزمه بهدفين نظيفين ليرد التحية الأهلي الذي قدم له أعظم هدية وقهر أسيك الإيفواري في عقر الدار.
* فوز الهلال القوي وضعه في المركز الثاني بثلاث نقاط.. ومهد له طريق العبور إلى نصف النهائي حسابياً!
* الترجي وأسيك تعثرا على ملعبيهما وخسرا خارجهما.. وفقد كل واحد منهما خمس نقاط.. بينما لم يخسر الهلال بأرضه.. وهذه أفضلية نتوقع لها أن تلعب دوراً كبيراً في حسم بطاقة الصعود الثانية.. على اعتبار أن فوز الهلال بمبارياته الثلاث على ملعبه قد يكفيه للصعود.
* وحسب مجريات التنافس على هذه المجموعة فإن فوز الهلال على أسيك في المباراة المقبلة بأم درمان سيعني اقترابه أكثر من التأهل.. لأنه سيلاقي الأهلي في الجولة قبل الأخيرة لدور المجموعات.. ووقتها سيكون الأهلي ضمن الصعود والصدارة غالباً.. ولن يهتم بإشراك الأساسيين.. كما فعل في ختام الدوري المصري.
* كما نتوقع أن تكون حظوظ الترجي قد تلاشت عندما يلاقي الهلال في ختام مباريات المجموعة بتونس.. وبالتالي سيسهل على رفاق البرنس التفوق عليه أو التعادل معه بأرضه لأنه سيلعب وقتها غالباً بلا طموح!
* مطلوب من الهلال اهتبال الفرصة السانحة.. وعدم التفريط فيها أبداً.. لأن احترام منطق المنافسات التي تُلعب بطريقة الذهاب والإياب وكسب كل المباريات بالخرطوم سيكفيه للعبور إلى نصف النهائي بإذن الله.
العقل زينة.. يا ريكاردو!
* قبل أن نحيي نجوم الهلال على الفوز الغالي والأداء العالي لا بد أن نشيد بمدربهم الذي تعقل ولعب على المضمون فكسب أغلى نقاط!
* خرج هيثم مصاباً فدفع ريكاردو بلاعب محور ثالث (مساوي) وحرر علاء يوسف.. وحرك يوسف وعلاء جبريل أماماً على الطرفين.. ثم انتظر من النيجيريين الإجهاز على بقايا الترجي فلم يخذلاه.
* حصد الهلال ثمار هذا الأسلوب العقلاني فوزاً مستحقاً سيمنحه دفعة معنوية هائلة قبل مباراته المصيرية أمام أسيك المقامة بالخرطوم يوم الأحد 22 يوليو الحالي.
* وكان كل لاعبي الهلال بقدر المسئولية.. فلم يتهيبوا الخصم واستغلوا السوانح التي تهيأت لهم لتمزيق شباكه مرتين.. فاستحقوا التربع على المركز الثاني خلف الأهلي (جعلي المجموعة الثانية)!
* على نجوم الهلال عدم التفريط في الفوز على أسيك بالخرطوم.. وبعدها (الرزق تلاقيط).. لأنهم يستطيعون خطف نقطة على الأقل من الإيفواري على أرضه وانتظار تأهل الأهلي المبكر للفوز عليه بالخرطوم ورفع الرصيد إلى عشر نقاط على الأقل ستكون كافية تماماً للصعود إلى نصف نهائي دوري الأبطال
|
|
Post: #2
Title: Re: ماذا قال مزمل ابو القاسم في صحيفته بعد انتصار الهلال على الترجي ؟؟
Author: علاء الدين حيموره
Date: 07-09-2007, 01:31 PM
Parent: #1
ياربي ده كلام ناس حاقدين ؟؟
الكلام ليك ..
|
Post: #4
Title: Re: ماذا قال مزمل ابو القاسم في صحيفته بعد انتصار الهلال على الترجي ؟؟
Author: mohanad haimoura
Date: 07-09-2007, 01:46 PM
Parent: #3
الف مبروك اخي علاء
وعقبال الكبيره والكاسات الوفيره
اصلا الزول لمن يكون مرضان ومنسوب للهلال وناس الهلال زاتم يطردوه ( مطرود من منتدي الهلال )
اتخيل
يبقي زول عيان
وداير ليهو موضوع
وداير يلفت الناس لي كتاباته المريضه واعتقد انه مريض
وحاسد ونفسو يبقي زي المعلم ولدنا مزمل ابو القاسم
ياخي الزول ده اقرو ليهو
عشان ماينبذ ويقول كلام فارق
قايتو
|
Post: #5
Title: Re: ماذا قال مزمل ابو القاسم في صحيفته بعد انتصار الهلال على الترجي ؟؟
Author: علاء الدين حيموره
Date: 07-09-2007, 02:35 PM
Parent: #4
لا تؤاخذ السفهاء بما يقولون ...
ويبقى الهلال جميلا ومزمل اجمل ..
مودتي
|
Post: #6
Title: Re: ماذا قال مزمل ابو القاسم في صحيفته بعد انتصار الهلال على الترجي ؟؟
Author: mohanad haimoura
Date: 07-09-2007, 06:09 PM
Parent: #5
|
Post: #7
Title: Re: ماذا قال مزمل ابو القاسم في صحيفته بعد انتصار الهلال على الترجي ؟؟
Author: محمد البشرى الخضر
Date: 07-09-2007, 09:48 PM
Parent: #6
سجمنا يالحيموراب
طلعتوا مريخاب
|
Post: #9
Title: Re: ماذا قال مزمل ابو القاسم في صحيفته بعد انتصار الهلال على الترجي ؟؟
Author: علاء الدين حيموره
Date: 07-10-2007, 08:52 AM
Parent: #7
اهلا بيك أخي محمد البشرى
والله نحن الهلال ده جاري في دمنا وهلالاب حتى النخاع لكن نسوي شنو مع من يدعي الصحافة والنقد الرياض وراس مالو في الصحافة الرياضية الشتم ...
الله يهدي الكاتب والناقد الرياضي ويتعلم من مزمل كيف يكتب
|
Post: #10
Title: Re: ماذا قال مزمل ابو القاسم في صحيفته بعد انتصار الهلال على الترجي ؟؟
Author: عبد اللطيف عبد الحفيظ حمد
Date: 07-10-2007, 09:25 AM
Parent: #1
الهلال الشغل الناس هلالو
مبروك لهلال الملايين الفوز ولكل جماهير السودان
تحياتي وتحياتي لمزمل أبو القاسم الذي تعجبني كتاباته رغم إني هلالابي على السكين!!!!!!
بس مزمل أبو القاسم ده راجل شريف وعفيف وبيكتب صاح!!
|
Post: #11
Title: Re: ماذا قال مزمل ابو القاسم في صحيفته بعد انتصار الهلال على الترجي ؟؟
Author: علاء الدين حيموره
Date: 07-10-2007, 09:35 AM
Parent: #10
Quote: الهلال الشغل الناس هلالو
مبروك لهلال الملايين الفوز ولكل جماهير السودان
تحياتي وتحياتي لمزمل أبو القاسم الذي تعجبني كتاباته رغم إني هلالابي على السكين!!!!!!
بس مزمل أبو القاسم ده راجل شريف وعفيف وبيكتب صاح!! |
والله تسلم يا عبد اللطيف وانا برضو زيك اموت في الهلال ولكن من يقنع الكاتب والناقد الرياض بهذا الكلام ؟؟؟؟
|
Post: #12
Title: Re: ماذا قال مزمل ابو القاسم في صحيفته بعد انتصار الهلال على الترجي ؟؟
Author: علاء الدين حيموره
Date: 07-10-2007, 10:57 AM
Parent: #11
| Quote: بس مزمل أبو القاسم ده راجل شريف وعفيف وبيكتب صاح!! |
وفي دي والله صدقت فهو أغترب للامارات ولم نسمع انه ارتكب جريمة تخل بالشرف وباتت يده نظيفة ولم يطلب للعدالة ولم يفر ويتسكع في حانات القاهرة ..
بس هل الحقاد الصحفي يعي هذا الدرس ؟؟؟
|
Post: #13
Title: Re: ماذا قال مزمل ابو القاسم في صحيفته بعد انتصار الهلال على الترجي ؟؟
Author: الناظر
Date: 07-10-2007, 12:44 PM
Parent: #1
اخونا علاء الدين والله اول مرة اعرف انو فى ناس حاسدة و حاقدة و ماعندهم وطنية و الله نحن الهلال على العين و فوق الراس و كمان رفع راسنا , و لايهمنا من يكتب و يقول , نحن نفعل و نلعب و نغلب هو لية القول .
هلالنا فوق
الود و الحب لكل من حب الهلال و من فرح مع ابناء الهلال الاشاوس
صديق
|
Post: #14
Title: Re: ماذا قال مزمل ابو القاسم في صحيفته بعد انتصار الهلال على الترجي ؟؟
Author: علاء الدين حيموره
Date: 07-10-2007, 01:02 PM
Parent: #13
| Quote: الود و الحب لكل من حب الهلال و من فرح مع ابناء الهلال الاشاوس |
الود فعلا لمن تشبع بحب الهلال وساهم في نجاحه ..
نسوي شنو لو الحاقد ما بعرف حاجة ؟؟؟
تسلم يا ناظر
|
Post: #15
Title: Re: ماذا قال مزمل ابو القاسم في صحيفته بعد انتصار الهلال على الترجي ؟؟
Author: mohanad haimoura
Date: 07-10-2007, 02:42 PM
Parent: #14
سبحان الله
واحد عامل فيها هلالابي ويطردوه من منتدي الهلال
ده يكون هلالابي كيف
واحد عامل فيها صحفي ومابعرف يكتب
وكل كتاباته حقد وشتيمه وعدم موضوع
زول مطرب نفسيا
غير ناجح في حياته المهنيه او الز.....
سبحان الله
ولدنا بي مالو ودلالو عمل صحيفه
انت عملت شنو ؟؟؟؟؟
الكلام ليك يا..... حاقد
|
Post: #16
Title: Re: ماذا قال مزمل ابو القاسم في صحيفته بعد انتصار الهلال على الترجي ؟؟
Author: hatim ibrahim
Date: 07-10-2007, 09:23 PM
Parent: #1
.
| Quote: ياربي ده كلام ناس حاقدين ؟؟ |
مزمل أبو القاسم ده لو ( زغرد ) بعد انتصار الهلال برضو حيفضل انسان ( حاقد )
مزمل هو مشجع متعصب يكتب في صحيفه صفراء باللون الأحمر ..ليس إلا
بئس الصحافة والصحفيين لو كان هذا(الحاقد ) يصنف كـ ( صحفي رياضي ) ...
هذا رأيي ( الخاص ) ..
وليس دفاعا عن رأي من تقصدونه في المداخلات ألسابقة ..
.
|
Post: #17
Title: Re: ماذا قال مزمل ابو القاسم في صحيفته بعد انتصار الهلال على الترجي ؟؟
Author: abuguta
Date: 07-11-2007, 12:46 PM
Parent: #16
Quote: وهـذا نمـوذج لمن يكتبون بمداد
المشجعين عن أمير الصحفيين الرياضين
الأستاذ مـزمـل .. |
ما تشكر لى الرواكيب فى الخريف
وانت ذاتك ياحسن يوسف راكوبة خريف
لم تتمنى لحظة من قلبك تقدم الهلال...تفرج فى النقل بس
ولا تكتبو شىء عن الكبار..ركزو على فريقكم
كلامى دا وقع ليك...الجبناهو دا كلو ضرب ضراعنا
الارشيف موجود يا صاحب البط..
كل كلمة كتبت من قبلك موجوةد..وكل كلمة كتبت من غيرك موجودة
انت وعلى مزمل ..صحافين درستو فى المدرسة التصحيف المعروفة
فكو عنا...يكفى المعلقين امثال خالد بيومى..بل يكفى الشوالى الترجاوى المتعصب
الذى نطقها بعظمة لسانه..وقال الهلال كبير وركب الموج مع الكبار..
تانى نحن نسوى بكلام الصغار المحلين شنو
امشو لمعو كا ساتكم المحمولة ووروها لناس الart كان يعرضوها لكم
نحن يكفينا سحق الكبار فى مقبرة الكبار
إذا مـا رمت في أمر عظيم *** فلا تقنع بمــا دون النـجوم
فطعم الموت فـي أمر حقير *** كطعم الموت في أمر عظيـم
شكرا صاحب البوست
|
|