الأسلحة الكيميائية وحقيقة استخدامها في السودان في منتدى ميديكس للحوار
|
|
 اكتب لكم من وسط المدينة العائمة
|
العنوان يوحى ان محدثكم يكتب من ايطاليا ومن مدينة عائمة ولكن انا انا اكتب من وسط عاصمة عايمة ودى ما عايمة دى غرقانة فى شبر مية ان صح التعبير .الخرطوم الذى داهمها الخريف فجعة كما يفاجئها كل عام وتبدا تحوطات الخريف فى الشتاء بعد نهايته تعودنا ذلك وكل البقدر عليه المسئولين اللهم اجعلها امطار خير وبركة ودا طبعا اقوى الايمان عندهم.وناس المحليات كل همم الجبايات دمغة الجريح والشهيد وتحصيل العوائد رسوم النفايات ورسوم بيع الشاى والكسرة الشحادين لانه الشحدة الا بتصديق من المحلية .العربات الفارهة تسبح كانها اساطيل البحرية الامريكية فى شوارع العاصمة القومية عاصمة دولة النفط والبترول حيث الابراج العملاقة التى تناطح السماء والعمارات الفخمة فى وسط الخرطوم والنوافير الكابة ما ء يتلالا وكل احياء الخرطوم مواسير المياه فيها سكنها العنكبوت . شوارع الاسفلت تبدو وكانك تتجول فى مشروع الجزيرة زمان ايام الموية الهادرة فى ابو ستة وابوعشرين .بدل كجبار مفروض يعملوا سد فى السوق العربى ويستفيدوا من كميات المياه المحجوزة فى ابوجنزير وممكن يولدوا الكهرباء فى النفق القريب من جامعة الخرطوم وعلى الاقل يوفروا الكهرباء للجامعة اذ اغلب كليات الجامعة تعانى انقطاع الكهرباء والماء . ونحن لسة فى بداية الخريف يعنى يومين تلات الا الحكومة الاكترونية تشتغل لانه كل موظفى الدولة لن يتمكنوا من الوصول الى اماكن العمل والترحيل الا بطايرات عمودية بس المشكلة تنزل وين سمعنا قالوا بعض الوزراء ما وصلوا الوزارات بسبب الوحل.المشكلة انه فى بنود اتفاقية السلام ولا فى برتوكول مشاكوس الاطارى ما ورد اى نص يعالج ازمة الخرطوم فى الخريف وحتىالمفوضيات ماشكلوا مفوضية لمعالجة هذه المشكلة غايتو فى البرلمان فى لجنة كونت للمصالحة برئاسة الاستاذ على السيد وعرفت انه اعضاء هذه اللجنة من منوسبى الموتمر الوطنى فى غياب مستمر يعنى ما اجتمعت ولا يوم وانا بقترح تتحول هذه اللجنة الى لجنة مصالحة بين الخرطوم وفصل الخريف عشان تعالج التضارب وتعمل تنسيق انه الخريف دا ما يجى الابعد الخرطوم تكون جهزت عدتها ونصبت سراديق الفرح بقدومه عشان ما يكون ضيف ثقيل الظل غير مرغوب فيه .اللهم اجعلها امطار خير وبركة
|
|
 
|
|
|
|
|
|
|
|
Re: اكتب لكم من وسط المدينة العائمة (Re: رهف)
|
رهف والله كلامك يخوف هسع دي انا قلتا نازل إجازة والدنيا خريف والجو حايكون بديع
وشاعري والواحد يسرح بمزاج ويكتب شعر وتأملات في الكون الواسع الرحيب , لكن يا خسارة
يظهر انو الواحد يعلم للخلف دور , ويدور علي جهة تانية يمشي يستجم فيها بعد الإرهاق
في العمل وضغط المدارس وجوطة الشفع الصغار , الله يجيب العواقب سليمة بس .
| |
|
|
|
|
|
|
|
|
|
Re: اكتب لكم من وسط المدينة العائمة (Re: رهف)
|
يا حظ المتعافي وشركاته وشركات شيوخ الموتمر الوطني ، سحب برميل موية من المحطة الوسطى بمبلغ وقدره ، ناهيك من ردم البركة ذاتها - موسم تشغيل وتحصيل وربح وخير لهم ، ساكنين في القصور وراكبين سيارات الدفع الرباعي الميري - خليها تعوم
شكرا رهف ، وربنا وحده يخفف و يلطف ويحفظ الغلابة من سكان العاصمة
الشفيع
| |
|
|
|
|
|
|
| |
رهف
هاشم أحمد خلف الله
فيس بوك
تويتر
انستقرام
يوتيوب
بنتيريست