عن شبكة السودان الإخبارية: فاز هلال السودان على نظيره الترجي التونسي، بهدفين دون مقابل، في المباراة التي جمعت الفريقين مساء اليوم على ملعب استاد الهلال، ضمن مباريات المجموعة الثانية لمرحلة المجموعات لبطولة الأندية الأفريقية أبطال الدوري. ونجح المحترف النيجيري قودوين في إحراز هدف المباراة في الشوط الأول ، عندما أودع الكرة راسية في مرمى الترجي مستفيداً من عكسية كلتشي الرائعة في الدقيقة 28. وفي هذا الشوط حافظ الهلال على رباطة جأشه وجارى لاعبي الترجي واستطاع قفل كافة المنافذ على لاعبي الترجي للوصول إلى مرمى أبوبكر الشريف. وعلى الرغم من السيطرة الميدانية لفريق الترجي، إلا أن عدم وجود المهاجم القناص حرم الفريق الضيف من فرصة إحراز هدف. وفي الشوط الأول إضطر الهلال إلى استبدال قائد الفريق "هيثم مصطفى" بعد إصابته. وعلى الرغم من تأثير غياب هيثم على الناحية الهجومية للهلال، إلا أن اللاعبين واصلوا أدائهم المتزن دفاعاً وهجوماً. وشكل محترف الفريق النجيري "كليتشي" صداعاً دائماً لدفاع الترجي، واستطاع خلخلة خطوط الترجي الخلفية في أكثر من مناسبة ، إلا أن ضعف المساندة الهجومية أضعف تلك المحاولات. وفي الشوط الثاني، هاجم فريق الترجي على جبهة الهلال بقوة بغية تحقيق هدف التعادل، وسيطر على معظم مجريات المباراة، إلأ أن تماسك خط دفاع الهلال، نجح في قيادة المباراة إلى بر الأمان. والمباراة في طريقها للنهاية، نجح قودوين في خطف كرة من دفاع الترجي، لينفرد بحارس المرمى ويسجل هدفاً غالياً في الدقيقة 91 ليقضى على آمال الفريق التونسي نهائياً. وبنهاية مباريات اليوم يتصدر الأهلي المصري المجموعة برصيد 6 نقاط، ثم الهلال برصيد 3 نقاط، والترجي وأسيك بنقطة لكل منهما. ويلعب الهلال مباراته القادمة في 22 يوليو عندما يستضيف آسيك العاجي.
مبروك لكل الرشاشات رغم الانتصار إلا أن الأداء لم يكن مقنعاً البتة، خاصة وأن فريق الترجي استلم زمام المباراة، ولو كان لديه لاعب قناص يمتلك نصف موهبة لأدرك التعادل على أقل تقدير. الهلال اثبت أنه بغياب هيثم مصطفى يضيع خط الوسط تماماً، ولا يقدر على خلق كرة منظمة وممرحلة. الأهلي المصري حلق بعيداً عن الجميع، ومباراة آسيك القادمة، سوف تكون أصعب بكثير من لقاء الترجي، واعتقد أنها سوف تحدد من سيرافق الأهلي إلى المرحلة القادمة. الفريق الإيفواري كله مواهب وحيوية وتشكيلته شابة وهي الأصغر في المنافسة الأفريقية. غاب بوشروان اليوم واختفى كمال زعيم وأدريانو كما قال الشوالي لم نرى منه سوى الأسم؟! واعتقد أن المباراة لو أقيمت على استاد المريخ لكانت لها شكل آخر. فإستاد الهلال لم يكن جاهزاً بشكل كامل، وبمقارنته حتى بملعب آسيك العاجي الذي رأيناه اليوم يظهر جلياً أنه أسوأ ملعب في مرحلة المجموعات حتى الآن.
Quote: فإستاد الهلال لم يكن جاهزاً بشكل كامل، وبمقارنته حتى بملعب آسيك العاجي الذي رأيناه اليوم يظهر جلياً أنه أسوأ ملعب في مرحلة المجموعات حتى الآن.
الراكوبة في الخريف مالك مساهر ولا النوم جافاني لسة انتو شفتو حاجة قلتا كيف ملعبنا شين؟؟ غايتو جنس حقد أسه الملعب الشافو منو مع الألوف دي؟
Post: #23 Title: Re: هلال السودان يهزم الترجي التونسي بثنائية قودوين Author: Rakoba Date: 07-09-2007, 08:39 AM Parent: #16
Quote: أسه الملعب الشافو منو مع الألوف دي؟
القردابي شفنا كل حاجة، وظهر لنا أن الفرق شاسع بين الردكاسل وزريبة العيش، وهاك حاجة آمنة دي، هي أصلا صابرة أصبروا معاها انتو كمان حبة جير مابسوي شي وينا الإضاءة وينا الأرضية مابسوي شي مابسوي شي وينا المقصورة وينا نضافة الصورة
Quote: رغم الانتصار إلا أن الأداء لم يكن مقنعاً البتة، خاصة وأن فريق الترجي استلم زمام المباراة، ولو كان لديه لاعب قناص يمتلك نصف موهبة لأدرك التعادل على أقل تقدير.
يا راكوبة انت يا احول يا كنت بتشوف كورة تانى فرص الهلال كانت الاوفر و الاخطر ولو كل فريق احرز الاهداف الاتيحت ليهو لكانت النتيجة ثقيلة لصالح الهلال راجع شريط المباراة.
الهلال رغم انو فقد هيثم مصطفى فى بداية المباراة الا انو تماسك ولعب برجولة لنهاية المباراة. الهلال فريق كبير. اعترف
Post: #18 Title: Re: هلال السودان يهزم الترجي التونسي بثنائية قودوين Author: hatim ibrahim Date: 07-08-2007, 10:51 PM Parent: #1
.
Quote: فإستاد الهلال لم يكن جاهزاً بشكل كامل، وبمقارنته حتى بملعب آسيك العاجي الذي رأيناه اليوم يظهر جلياً أنه أسوأ ملعب في مرحلة المجموعات حتى الآن
غايتو يا راكوبة يا حاقد شكلك كده اقتنعت بأنو الهلال هو ( الأفضل ) افريقيا في الوقت الراهن بقيت تقابض في ( ستادو ) بس عشان تستخدم كلمة ( أســـــــوأ ) دي
الاستاد يا راكوبة جميل .. وجميل جدا ، والتحية لجمهورنا الوفي القام بمجهودات جبارة عشان يلحقوا المباراة بس صراحة ( الملعب ) شكلو قبيح ..تقول أدوهو لحلاق أول مرة يمسك ليهو ماكينة حلاقة قام وقع فيهو معيط شديد.. .
Post: #19 Title: Re: هلال السودان يهزم الترجي التونسي بثنائية قودوين Author: yasir Abdelgadir Date: 07-09-2007, 00:15 AM Parent: #18
تعرف يا راكوبة قرار اقامة المباراة في ستاد الهلال دا اصح قرار لمجلس الهلال ...لانو ماعايزين اي حسنةمنكم..بس الله يكفينا شركم وشر استادكم الملان كدايس دا
Post: #21 Title: Re: هلال السودان يهزم الترجي التونسي بثنائية قودوين Author: Rakoba Date: 07-09-2007, 08:26 AM Parent: #19
د. ياسر تحياتي إقامة المباراة في ملعب غير مكتمل كان تهورا وكان في أي وقت أن تنهار الزريبة، ودونك أرضية الملعب المخجلة. أمس الأول أدى لاعبو الهلال مرانهم باستاد المريخ (كالمعتاد) وتمنوا لو عدلت إدارتها من هذا القرار. الإنتخابات على الأبواب والأرباب مادام مافي مدينة رياضية ولا قمر اصطناعي ولا أي حاجة اشترى 50 كرسي بلاستيك وزعمط النجيل، تاني دايرين شنو؟ انتخبوا 10 سنوات لي قدام.
Post: #22 Title: Re: هلال السودان يهزم الترجي التونسي بثنائية قودوين Author: Rakoba Date: 07-09-2007, 08:28 AM Parent: #18
حاتم الفنان
Quote: بس صراحة ( الملعب ) شكلو قبيح ..تقول أدوهو لحلاق أول مرة يمسك ليهو ماكينة حلاقة قام وقع فيهو معيط شديد
هذا هو الحاصل، ليس هناك مضمار، حسكنيت وضريسة على جوانب الملعب، دكة الاحتياط مغطاة بالأكياس، علما بأن ناس الترجي طلبوا مراتب احتياطية ولم توفر لهم أيضاً
Post: #20 Title: Re: هلال السودان يهزم الترجي التونسي بثنائية قودوين Author: Gaafar Ismail Date: 07-09-2007, 02:36 AM Parent: #1
Post: #24 Title: Re: هلال السودان يهزم الترجي التونسي بثنائية قودوين Author: nazar hussien Date: 07-09-2007, 08:48 AM Parent: #20
يا راكوبة اين الاهداف؟
مالا تقيلة...؟
Post: #26 Title: Re: هلال السودان يهزم الترجي التونسي بثنائية قودوين Author: Rakoba Date: 07-09-2007, 09:09 AM Parent: #24
ما تقيل إلا مرق يانزار
Post: #25 Title: Re: هلال السودان يهزم الترجي التونسي بثنائية قودوين Author: ALGARADABI Date: 07-09-2007, 08:58 AM Parent: #1
Post: #27 Title: Re: هلال السودان يهزم الترجي التونسي بثنائية قودوين Author: Ahmed Mohammed Osman Date: 07-09-2007, 09:32 AM Parent: #1
هلا راكوووووووووووووووبة مالك اتاخرت في التهنئة علي العموم دا ياهو هلالنا البنزاحم بيهو ونفاخر بيهو لا ترجي ولاغيرو بهمنا غيروا دي فيها ناس كتاااااااااااااااااار اختار وخت
واوعدك بما هو قادم وعشان اريحك ضيف اللينك الجبت منو الخبر دا لي الفيفوريتس بتاعتك عشان ما تتعب تفتشوا كل مرة اخبار الهلال ح تجيبها لينا انت لاننا ح نكون مشغولين بي الفرح ومن غيرنا يعطي لهذا الشعب معني ان يعيش وينتصر منوووووووووو
الف مبروك لهلال السودان
والعقبي للمريخ امام الدراويش
Post: #30 Title: Re: هلال السودان يهزم الترجي التونسي بثنائية قودوين Author: Rakoba Date: 07-09-2007, 11:26 AM Parent: #27
أبوحميد
Quote: ومن غيرنا يعطي لهذا الشعب معني ان يعيش وينتصر
جابت ليها سرقات كمان بعد شوية تقول لينا من غيرنا لون التاريخ بالذهب!
Post: #28 Title: Re: هلال السودان يهزم الترجي التونسي بثنائية قودوين Author: hatim ibrahim Date: 07-09-2007, 09:48 AM Parent: #1
.
.
Post: #29 Title: Re: هلال السودان يهزم الترجي التونسي بثنائية قودوين Author: Rakoba Date: 07-09-2007, 11:18 AM Parent: #28
وهاك ياحاتم إضغط للتشغيل
Post: #31 Title: Re: هلال السودان يهزم الترجي التونسي بثنائية قودوين Author: محمد عادل Date: 07-09-2007, 11:31 AM Parent: #29
Post: #32 Title: Re: هلال السودان يهزم الترجي التونسي بثنائية قودوين Author: Rakoba Date: 07-09-2007, 11:48 AM Parent: #31
ودعادل مبروك ما تقرب .. المباراة، يافوز ياتعادل ياخسارة الفوز ليس جديد علينا والتعادل أسوأ نتيجة في كرة القدم والخسارة واردة! الألقاب وحصدناها من قبل، وديننا على الوطن وفيناه، الكلام في الباقين، متى تحللون مواطنتكم!
Post: #33 Title: Re: هلال السودان يهزم الترجي التونسي بثنائية قودوين Author: محمد عادل Date: 07-09-2007, 11:50 AM Parent: #32
Quote: والخسارة واردة!
ودا المتوقع من ناس الفضائح الصهاينة
Post: #34 Title: Re: هلال السودان يهزم الترجي التونسي بثنائية قودوين Author: hatim ibrahim Date: 07-09-2007, 12:10 PM Parent: #1
. شكرا يا راكوبة يا راقي على الأهداف.. الهدف الأول هدف ( ملعوب ) و جميل جدا ، الهدف الثاني ده المافي زول اتفق معاي انو ( فاول ) من قودوين شكلي كده لو كنت حكم .. كل مباراة كنت حأطلع ( مفلق ) من الجمهور .
التحية لجمهورية نيجيريا الفدرالية لهزيمة لاعبيهاالفريق التونسي على أرض السودان
يجب أن لا ننسى دور نيجيريا في هذا الفوز
ونحيي الموطنين النيجيريين على مهارة محترفيها
الكورة حظوظ ومدورة والإياب قدام
مبروك لجماهير الهلال ولكن يجب أن لا يبحروا بعيداً في بحور فرحهم
Post: #39 Title: Re: هلال السودان يهزم الترجي التونسي بثنائية قودوين Author: Ahmed Mohammed Osman Date: 07-09-2007, 02:00 PM Parent: #1
Quote: هلا راكوووووووووووووووبة مالك اتاخرت في التهنئة علي العموم دا ياهو هلالنا البنزاحم بيهو ونفاخر بيهو لا ترجي ولاغيرو بهمنا غيروا دي فيها ناس كتاااااااااااااااااار اختار وخت
واوعدك بما هو قادم وعشان اريحك ضيف اللينك الجبت منو الخبر دا لي الفيفوريتس بتاعتك عشان ما تتعب تفتشوا كل مرة اخبار الهلال ح تجيبها لينا انت لاننا ح نكون مشغولين بي الفرح ومن غيرنا يعطي لهذا الشعب معني ان يعيش وينتصر منوووووووووو
العزيز راكووووووووبة هسي خليت كلامي الفوق دا كلو ومسكت في دي
Quote: أبوحميد
Quote: ومن غيرنا يعطي لهذا الشعب معني ان يعيش وينتصر
جابت ليها سرقات كمان بعد شوية تقول لينا من غيرنا لون التاريخ بالذهب!
لكن دا معناهو انك بديت تتعافي وبقيت تشوف الهلال علي حقيقتو سكوتك عن باقي الكلام اعتراف ضمني بانو صحيح 100% اما الذهب والفرح فدي تعبيرات بيحددها سيد البلد يا عمك
افتحو الدولاب ونضفوا الدهب بتاعكم دا واطلبو منو العفو قبل مبارة الاسماعيلي العفو لو (لما) تفشلو في انكم تجيبو اخوه
وهااااااااااااااك هاك البقجلي دا هاك هاك الما بجلي دي
كلامك الباقي مشترك مع كل الرشاشات، (علا) الجديد هو (من غيرنا دي) شايفك انت ورمضان أحمد السيد شغالين بيها الليلة وبالجد خايف بكرة تواصلو (الأفراح) وتنطوا في الدهب والمحمول جواً
تمبس الرشاشة الأصلي مافي كسير ولا حاجة، الكسير والفليق عندكم بس ، ده خبر ، وزي ما بنقول دائما الخبر مقدس تخريمة: قالوا امبارح بتتراجف ساااي
Post: #40 Title: Re: هلال السودان يهزم الترجي التونسي بثنائية قودوين Author: Ahmed Mohammed Osman Date: 07-09-2007, 02:16 PM Parent: #1
Quote: حتى نكون منصفين
التحية لجمهورية نيجيريا الفدرالية لهزيمة لاعبيهاالفريق التونسي على أرض السودان
يجب أن لا ننسى دور نيجيريا في هذا الفوز
ونحيي الموطنين النيجيريين على مهارة محترفيها
الكورة حظوظ ومدورة والإياب قدام
مبروك لجماهير الهلال ولكن يجب أن لا يبحروا بعيداً في بحور فرحهم
فرانكلي مبروك للهلال مبروك لهلال مبروك للهلال الفريق العالمي زمان لما قلنا فريق عالمي فلقتونا وقلتو كضابين لما يجيب القون نيجيري ولا سوداني ولا برازيلي دي ما شغلة الشغلة ان جابو بي شعار الهلال بعدين احنا المحلية الوحلانين فيها انتو دي اتخطيناها زماااااااااااااااااااااااان النيجيري دا محتررررررررررررررررررررررررف بتفهمو معني الاحتراف؟؟؟ معليش ما ح تستوعب الحاجة دي لانك محلي وما عالمي بعدين احترافك البتحاكينا فيهو دا ما بساعد انك تفهم الوضع
وبعد دا بي السودانين بتاعينك ديل يا ود يا صافي انت بعد دا تم المشوار انتو ناس برشلونة والميلان ويونايتد و و و و و لعيبتهم كلهم وطنيين
ويا وطني يا بلد احبابي
قالو البرازيلي المريخي باولينو جا وووووووب عليكم من غز اليدين في النص والتحزم مع الاسماعيلي ------------------------------------------- تمبس اول مبروك للهلال بعدين راكوبة دا خليهو، بدا يفيق خليهو ينزل الاقوان ويتمتع عسي ولعل ان يهديه الله ويخرجه من الظلمات الي النور (: ولا ما كدا يا اخي في الله فرانكلي؟؟؟؟؟
Post: #42 Title: Re: هلال السودان يهزم الترجي التونسي بثنائية قودوين Author: abuguta Date: 07-10-2007, 05:40 AM Parent: #40
شكرا راكوبة
على بوستك الجميل دا انا ما قريت غير كلام تمبس لكن بقولك ما تزعل منو دى حلاوة النصر
وين باقى الجماعة
حسن يوسف محمد احمد يوسف ابو بطاقة مريخابية وين مزمل ابطاقية وين كيجا السمح وين محمد على بشير الجميل وين الجماعة ديل
عموما شكرا ياراكوبة
انا كنت مختفى خاناقنى كمية فرح هلال وبنية
Post: #43 Title: Re: هلال السودان يهزم الترجي التونسي بثنائية قودوين Author: شرير والبرتقاله Date: 07-10-2007, 07:06 AM Parent: #42
مبروك هلالنا الجميل
ورغم انف كيد الحاقدين .. سنواصل .. وموش كده وبس .... حـ نفاوض (اندية اوروبا) على لاعبيينا .... وقريب جدا ، لو ما موسم الانتقالات في اوروبا شار ف على الانتهاء .. كان سمعت بان رامون كالديرون قاعد في امدرمان بفاوض في انتقال ريتشارد للريال .. اها عجبك الكلام دا يا راكوبة ولا غلبك..؟؟؟
Post: #44 Title: Re: هلال السودان يهزم الترجي التونسي بثنائية قودوين Author: Rakoba Date: 07-10-2007, 08:51 AM Parent: #43
شرير والبرتقالة مشتاقين والله وبركة السمعنا صوتك
Quote: كان سمعت بان رامون كالديرون قاعد في امدرمان بفاوض في انتقال ريتشارد للريال ..
ريتشارد في الاسماعيلي المصري ما نفع خلي الريال ولا الدينار
