أخي الأصغر محمد نورالهدى (جبره)...... يطرق الباب.....

الأخ بكري أبوبكر

فضلا....أخي الأصغر محمد نورالهدى (جبرة) يطرق الباب لطلب العضوية في منبركم العامر هلا أستجبتم له كرما.

الشكر لكم مقدما.

اهلين وسهلين والفين مراحب بود العمدة اخينا محمد نور الهدى اضافة ثرة لهذا السايبر الجميل وفي انتظار الاذن من صاحب الدار.
ازيك يا بن عمي (ود دريشة) مع تحياتي للاسرة الكريمة

ناظرنا الهمام
ود ود هباني

ياها المحرية فيك...

شكرا للمرور و المعاضدة
و الشكر مقدما لصاحب الدار

و إنشاء الله إنت و العقب كلكم طيبين؟

أخي محمد جبره يا باشمهندس

يطرق الباب مرة ثانية و يطلب الإذن بالإنضمام.....
هلا تكرمتم بالموافقة......

شكري

السيد/ الباشمهندس بكري المحترم

تحياتي

نثني انضمام الاخ/ والصديق محمد (جبرة)

وهو راجل فنان ويعتبر اضافة حقيقية لهذا المنبر

وتفضلوا بقبول فائق الاحترام والتقدير

حمدلله بسلامة الوصول
يا مهلب
و كتر خير صاحبك الدخلك علينا
مراحب كتيرة يا بلدياتي
ما السلام سنة... ولا شنو...

وشكرا على التثنية

تحياتي

... خلقني الله محبًّا للباسطة
إذا أنت خرجت إلى باحة الحي الثامن في مدينة الدويم
ونظرت شرقًا سيطالعك (مصنعها)
عمنا عبدالرحيم إسماعيل المتعافي يصنعها
وأخونا "النّيل" يبيعها ليلاً بجوار مكتبة غانم في قبالة توتو كورة
كان عذابي مع الباسطة كبيرًا وعظيما
فالمسافة بيني وبينها محكومة بتبرجها ومصدومة بضيق ذات يدي
لعن الله الفقر والعوز
عذبتني الباسطة (سمنًا) وأرهقتني (عسلا)
أمر بها محيّيًا (مثلثاته) و(مربّعاته)
وهي كما هي ..
في دلالها خلف زجاج من (ساديته) البغيضة يمنع اللّمس و لكن لا يحجب الرؤيا

فياأخينا بكري
يا سيد الحوش
والله جبرة أخوي وبعرفو
"باسطة" عديييييل
لماذا تجعل بيننا وبينه (زجاجً)
وتعمّق (الأزمة) مرّتين
أديو مفتاح خليهو يخش
فالجمال سيكسب كثيرًا به
ويا أبوالزهور
جد مشتاقين

مليون مرحب بمحمد قبل و بعد
الدخول

الاخ ازهري قبل ما اطلب من المهندس بكري ابو بكر منح تاشيرة
الدخول للاخ جبرة ، داير الوم جبرة دة شوية ، تعرف انا الدفعة
القدامو في الجامعة وكنت زمان رئيسو بهناك ، والان انا معاه
في حلة واحدة الا هو سنير علي لكن بقوليهو العين لا تعلي علي الحاجب
يعني يتذكر سنيرتي الزمان عليهو.
بعد دة يجي داير يدخل سودانيزاونلاين وانا اقدم منو باولاد اهلوا
دة شنو يا اولاد بحري ، القبلية والجهوية وكوم الحلة وكدة
غايتو انا بثني انضمام العزيز جبرة والي ان يصل الي هنا
للمعاقبة ، ومعليش لخطاب التثنية الطويل ، لكن نعمل شنو
مع حربنا ضد القبلية والاخوية والجهوية وهلجرا

هوي هوي ياسري محمد شنو الدفعة الوراك قول يا لطيف أنا ده الدفعة الوراك نسيت و لا أذكرك....بعدين يا أخوي أنحنا ما دافننو سوى...الحكاية شنو....؟

على العموم يا أخي لك العتبى حتى ترضى
و مرحب بيك و إنت سيد بيت

و جبرة يعتقل و يحقق معاه و يحاكم....بس كيف صاحب الدار إدينا الإذن

و شكرا على التثنية الممتعة

ازهري كيفك ، يا اخ انتو بص بحري كنتو بتعملوا لينا حركات
عشان ما نركبوا ، جبرة هنا في حلتنا بتعات ماشنسير يونايتد
وخلي تشجيع الاتحاد البحراوي لكن لقتو عمدة في البلد السيدا
مافي .
الاخ بكري الرجاء منح الاخ جبرة تاشيرة الدخول هو من اولادكم
ناس بحري ، ورجل مبدع وشواف ؟؟؟
اها يا ازهري اكتر من كدة ببقي كضاب وبخش النار دة مش كان
جبرة او يحزنون؟؟؟

**


محمد نورالهدى (جبرة)
ابوالزهور..
مادام ج برا ..
يبقي ذنبو في جنبو..
ونحن نثنى ..
النيل الابيض داير فعلا محاربين
بعد الشفنا داك ..
وانتو دوقوا مزيكا ..
لك ودى..



**