Post: #1
Title: انا اتهم حكومة الخرطوم بقتل ابن الرئيس ادريس دبي....
Author: Tragie Mustafa
Date: 07-08-2007, 01:40 AM
Parent: #0
المستفيد الاول لموته هو حكومة الخرطوم.
حكومة الخرطوم هي التي روجت لفريد دولة الزغاوه الكبرى لتفريق حركات دارفور.
وحكومة الخرطوم فشلت في ان تصنع معارضه تشاديه فاعله.
وحكومة الخرطوم هي التي غضبت من الرئيس الليبي معمر قذافي لانه
صالح الرئيس ادريس دبي مع معارضته.
وحكومة الخرطوم هي الرافضه لاستمرار حكم الزغاوه في تشاد.
وحكومة الخرطوم هي المتابعه لبروز نجم ابن الرئيس دبي.
وحكومة الخرطوم هي التي ترفض وجود حاكم مستنير تشادي يطبق ديمقراطيه بتشاد
ويعطي كل ذو حقا حقه كما كان يخطط السياسي الشاب ابراهيم ادريس دبي رحمه الله.
حكومة الخرطوم هي المتستفيد الاول و الاخير من قتل السياسي الشاب المميز ابراهيم ادريس دبي.
وحكومة الخرطوم هي النظام الوحيد في المنطقه المتورط في اغتيال رؤساء من قبل.
وحكومة الحرطوم هي النظام الوحيد السوداني الذي طبق سياسة الاغتيالات في اعوانه قبل خصومه.
وياربي
ينحرق حشاكم زي ما حرقتوا حشا اهله.
وياربي ينغدر بكم كما غدرتم به.
ويارب تنحرموا من الخير كما حرمتم شعب تشاد من هذه القياده الواعده.
الا رحم الله ابراهيم ادريس دبي
بقدر ما لحم بالخير لاهله وبلاده
وبقدر ما عمل للبسطاء و المسحوقين.
وبقدر ما قدم لاهلي بدارفور من دعم وغوث.
وحتى متى تغتال كل القيادات الافريقه الواعده بالخير لشعوبها؟؟؟
|
Post: #2
Title: Re: انا اتهم حكومة الخرطوم بقتل ابن الرئيس ادريس دبي....
Author: Tragie Mustafa
Date: 07-08-2007, 01:48 AM
Parent: #1
فلينزل الشرفاء كل ما يعرفونه عن ابراهيم هنا
فهنا نمجد ثوارنا الافارقه
واعلمو ان صمتنا هو امتداد للتيار العروبي
فكل طغاة العرب قد تم بكائهم هنا في هذا الموقع...
جديرين ان نبكي شبابه الغض
وانفعاله بهموم شعبنا
اليوم يا المقابر امانه ماجاك بطل.
|
Post: #3
Title: Re: انا اتهم حكومة الخرطوم بقتل ابن الرئيس ادريس دبي....
Author: Tragie Mustafa
Date: 07-08-2007, 07:12 AM
Parent: #2
فوق لاجل فقيد الشباب ابراهيم ادريس دبي.
|
Post: #4
Title: Re: انا اتهم حكومة الخرطوم بقتل ابن الرئيس ادريس دبي....
Author: محمد حامد جمعه
Date: 07-08-2007, 07:26 AM
Parent: #3
ربنا يرحمو وهو حسيبنا جميعا
|
Post: #5
Title: Re: انا اتهم حكومة الخرطوم بقتل ابن الرئيس ادريس دبي....
Author: Tragie Mustafa
Date: 07-08-2007, 07:28 AM
Parent: #4
هلا جنابوا
اول مره تدخل لي بوست
| Quote: ربنا يرحمو وهو حسيبنا جميعا |
ويغفر له .
|
Post: #6
Title: Re: انا اتهم حكومة الخرطوم بقتل ابن الرئيس ادريس دبي....
Author: nazar hussien
Date: 07-08-2007, 09:41 AM
Parent: #5
ربنا يرحم الفقيد ويحسن اليه ويتجاوز عن سيئاته ويدخله فسيح جناته انه نعم المولي ونعم النصير...
أما بعد...
وعليك ان تبيني لنا صحيفة اتهامك يا تراجي...وتفصحي عن الجاني الذي اوكلته حكومة
الخرطوم لقتل ابن الرئيس التشادي ادريس ديبي...حتي لا يكون القول سقط لقيط...
علما بأن حكومة دولة تشاد نفسها لم تجرؤ علي ما تقولين...!
هل هذا هو النضال...(تف علي النضال كان كدي)
|
Post: #25
Title: Re: انا اتهم حكومة الخرطوم بقتل ابن الرئيس ادريس دبي....
Author: Tragie Mustafa
Date: 07-08-2007, 03:29 PM
Parent: #6
نزار حسين
ما دام ختمت تساؤلاتك المزعومه ب :
| Quote: ...(تف علي النضال كان كدي) |
بقول لك تف عليك انت ذاتك .
لما تتعلم تحاور بأدب بعدين توقع اجابات على اسئلتك.
|
Post: #7
Title: Re: انا اتهم حكومة الخرطوم بقتل ابن الرئيس ادريس دبي....
Author: هجو الأقرع
Date: 07-08-2007, 11:26 AM
Parent: #1
الاخت الفاضلة ام حازم ، نسال الله له الرحمة والمغفرة ، لكن وبصراحة اتهامك فطير ، يا ام حازم اسمحى لى ان اقول ليك المرة دى مش ضربت فى العارضة الكورة طارت وقعت فى بئر الجيران كمان ،الوليد مسكين ترحمى عليه بس .
|
Post: #9
Title: Re: انا اتهم حكومة الخرطوم بقتل ابن الرئيس ادريس دبي....
Author: Kamal Mahjoob
Date: 07-08-2007, 11:43 AM
Parent: #7
?
|
Post: #27
Title: Re: انا اتهم حكومة الخرطوم بقتل ابن الرئيس ادريس دبي....
Author: Tragie Mustafa
Date: 07-08-2007, 03:33 PM
Parent: #7
Quote:
الاخت الفاضلة ام حازم ، نسال الله له الرحمة والمغفرة ، لكن وبصراحة اتهامك فطير ، يا ام حازم اسمحى لى ان اقول ليك المرة دى مش ضربت فى العارضة الكورة طارت وقعت فى بئر الجيران كمان ،الوليد مسكين ترحمى عليه بس . |
الدبلوماسي الاسلامي هجو الاقرع
تعليقك الحنين لا يمنعني من المضي قدما في البوست.
هؤلاء الحكام يملكون من المكر والدهاء ما لم يخطر ببال احد.
تقدر تقول لي فكروا في قتل حسني مبارك ليه؟؟؟؟
وهل هذا كان يشبه خلقنا وعاداتنا؟؟؟
يا هجو اخير تعترف
ان ما احدثته هذه المحموعه بالسياسه السودانيه
لم يخطر ببال احد بانه ممكن يصدر من ساسه سودانين.
|
Post: #8
Title: Re: انا اتهم حكومة الخرطوم بقتل ابن الرئيس ادريس دبي....
Author: elameen
Date: 07-08-2007, 11:42 AM
Parent: #1
ام حازم تحياتي اليك ونسال الله ان يترحم الفقيد برحمته،،،،، لكن يا ام حازم الحاصل عليك شنو انشاء الله خير !!!! اتهامك ده ما بدخل الراس بالرغم اختلافنا كبير مع حكومة الخرطوم... يا اختى ركزي شوية ما تخلينا نقول المرة دي خرفت...
تحياتي اليك
|
Post: #10
Title: Re: انا اتهم حكومة الخرطوم بقتل ابن الرئيس ادريس دبي....
Author: محمد فرح
Date: 07-08-2007, 11:47 AM
Parent: #8
أسأل الله الرحمه للفقيد
أستاذه تراجي
ركزي شويه بالله
|
Post: #11
Title: Re: انا اتهم حكومة الخرطوم بقتل ابن الرئيس ادريس دبي....
Author: إسماعيل وراق
Date: 07-08-2007, 11:56 AM
Parent: #10
اللهم أغفر لإبراهيم وأرحمه
Quote: وحكومة الخرطوم هي الرافضه لاستمرار حكم الزغاوه في تشاد.
|
الأخت تراجي
إذا كان ذلك كذلك فهذا يعني أن للمعارضة التشادية مليون حق..
كلنا ضد حكم القبيلة الواحدة والحزب الواحد إلا في حال فوزه عبر إنتخابات حرة مباشرة.
|
Post: #12
Title: Re: انا اتهم حكومة الخرطوم بقتل ابن الرئيس ادريس دبي....
Author: عصام دهب
Date: 07-08-2007, 12:06 PM
Parent: #11
Quote: العثور على نجل إدريس دبي مقتولا
عثر في العاصمة الفرنسية باريس على نجل الرئيس التشادي ادريس دبي، ابراهيم، البالغ من العمر 27 عاما مقتولا في مرآب للسيارات يقع قرب الشقة التي كان يسكنها.
وقد قتل ابراهيم دبي خنقا بعد ان اجبر على استنشاق كميات من مادة تستخدم لاطفاء الحرائق. وقد عثر على قنينة اطفاء جنب جثته.
وجاء في تقرير الطب العدلي عقب تشريح الجثة ان القتيل مات مخنوقا بعدما اجبر على استنشاق "مسحوقا ابيض اللون."
وكان ابراهيم دبي قد طرد من المنصب الذي كان يشغله كمستشار لرئيس الجمهورية في العام الماضي بعد ان حكم عليه بجريمتي حيازة مواد مخدرة واسلحة.
وقد عثر على جثته في ممر يقع بين مرآب السيارات والسلم المؤدي الى شقته في حي كوربفوا غربي باريس.
وكان ادريس دبي قد وصل الى الحكم في تشاد عام 1991 عن طريق انقلاب عسكري.
وفي العام الماضي، حاول متمردون الاطاحة به عن طريق مهاجمة العاصمة انجامينا قبل ان تردهم القوات الفرنسية على اعقابهم. وقد فاز دبي بعد اشهر قليلة في انتخابات رئاسية قاطعتها المعارضة بدعوى وقوع تزوير واسع النطاق.
وقال ناطق باسم حركة اتحاد القوات من اجل الديمقراطيسة والتنمية المتمردة معلقا على نبأ مقتل ابراهيم دبي إن سلوك القتيل قد اجبر العديد من المسؤولين التشاديين الكبار على الالتحاق بالتمرد، واضاف: "ابراهيم اساس الاحباط الذي تعاني منه البلاد. فقد كان يعتدي بالضرب على الوزراء وكبار المسؤولين. كان نجل دبي يهينهم جميعا." |
الله يرحمه و يغفر ليهو ..
لكن دي ما سبقت عليها البسوس يا تراجي ..
|
Post: #13
Title: Re: انا اتهم حكومة الخرطوم بقتل ابن الرئيس ادريس دبي....
Author: Mohamed E. Seliaman
Date: 07-08-2007, 12:08 PM
Parent: #11
تحياتي إسماعيل
لقد سبقتني بهذا ....
Quote: إذا كان ذلك كذلك فهذا يعني أن للمعارضة التشادية مليون حق..
كلنا ضد حكم القبيلة الواحدة والحزب الواحد إلا في حال فوزه
عبر إنتخابات حرة مباشرة. |
___________
كسرة
يا ود وراق
حسب كلام الأخ عبد المنعم فإن الإنقاذ
قد نزعت الجنسيات من أبناء الهوسا والفلاتا
بسسب إسقاطهم لمرشح الجبهة الإسلامية في
وانتخابهم للأخ الأستاذ حسن شيخ إدريس
نائب حزب الأمة عن دائرة كسلا غرب القاش ...
العهد الديموقراطي السابق !!
وهذه جريمة عنصرية كان ينبغي لحزب الأمة
أن يتصدى لها !!
على الأقل في المنابر المختلفة !!
لم كل هذا الصمت؟
|
Post: #14
Title: Re: انا اتهم حكومة الخرطوم بقتل ابن الرئيس ادريس دبي....
Author: Frankly
Date: 07-08-2007, 12:20 PM
Parent: #13
لله ما اعطى وله ما اخذ غفر الله لنا وله
| Quote: وحكومة الخرطوم هي الرافضه لاستمرار حكم الزغاوه في تشاد. |
أنت تقرين بأنّ الحكم في تشاد حكم قبيلة الزغاوة
يعني أنت تدعمين حكم القبيلة في تشاد وتتمنين استمراره وحكومة الخرطوم على خطأ في رفضها لحكم القبيلة واستمراره.
أنا ضد أي تدخل أجنبي لسيادة أي دولة ولكن مع ذلك أدعم ححكومة الخرطوم إن صدق ما كتبتي بشان رفضها استمرار حكم قبيلة الزغاوة في تشاد ونعم لحكم يتم الوصول له عن طريق صناديق الإقتراع غض النظر عن القبيلة والجهة والعنصر
هل تدعمين حكم الزغاوة في خارج تشاد أيضاً؟
في دافور مثلاً؟
لا للقبلية والعنصرية والحكم بإسم القبيلة والجهوية
شكراً تراجي على هذا الإبداع النضالي
كمال
|
Post: #15
Title: Re: انا اتهم حكومة الخرطوم بقتل ابن الرئيس ادريس دبي....
Author: إسماعيل وراق
Date: 07-08-2007, 12:44 PM
Parent: #14
Quote: وهذه جريمة عنصرية كان ينبغي لحزب الأمة
أن يتصدى لها !!
على الأقل في المنابر المختلفة !!
|
كلامك مظبوط يا محمد..
وأعلم أن حزب الأمة عبر أجهزته المعنية قد أحيط خبرا
مودتي.،
|
Post: #30
Title: Re: انا اتهم حكومة الخرطوم بقتل ابن الرئيس ادريس دبي....
Author: Tragie Mustafa
Date: 07-08-2007, 04:36 PM
Parent: #14
اسمع يا فرنكلي
يا زو الميزان العدلي المختل
اين دعمت حكم القبليه انا؟؟؟
Quote: أنت تقرين بأنّ الحكم في تشاد حكم قبيلة الزغاوة
يعني أنت تدعمين حكم القبيلة في تشاد وتتمنين استمراره وحكومة الخرطوم على خطأ في رفضها لحكم القبيلة واستمراره.
أنا ضد أي تدخل أجنبي لسيادة أي دولة ولكن مع ذلك أدعم ححكومة الخرطوم إن صدق ما كتبتي بشان رفضها استمرار حكم قبيلة الزغاوة في تشاد ونعم لحكم يتم الوصول له عن طريق صناديق الإقتراع غض النظر عن القبيلة والجهة والعنصر
هل تدعمين حكم الزغاوة في خارج تشاد أيضاً؟
في دافور مثلاً؟
لا للقبلية والعنصرية والحكم بإسم القبيلة والجهوية
شكراً تراجي على هذا الإبداع النضالي
كمال |
انا اوضح لك راي حكومتك المعتله
جكومتك روجت لفرية دولة الزغاوه الكبرى؟؟؟
حكومتك تعتقد طوال ما الزغاوه في حكم تشاد
اذن حركات درافور مدعومه؟؟؟
حكومتك الغبيه هذه نسيت ان آسياس افورقي عندما فتح اراضيه للمعارضه الدارفوريه
لم تكن تربطه صلات قرابه باخل درافرو لكنها توزانا السياسه.
جومتك تنسة ايضا ان قذافي يحترم قيادات درافور كثيرا
وهو لاتربطه صلات قرابه باهل دارفور.
اهل دارفور سيظلون علاقتهم طيبه بتشاد بحكم الجيره وتقارب الثقافه
لو كم تشاد قرعاني او عربي او سارها من مسيحي الجنوب.
فالتعلم حكومتك الغبيه هذا اولا.
ادريس دبي
واسياس افورقي
من اخطر دكتاتوري افريقيا كتبتها هنا اكثر من مره
فهل تعتقد انني اطبل لاحد؟؟؟
|
Post: #29
Title: Re: انا اتهم حكومة الخرطوم بقتل ابن الرئيس ادريس دبي....
Author: Tragie Mustafa
Date: 07-08-2007, 04:12 PM
Parent: #11
الاخ اسماعيل وراق
لو تابعت هذا المنبر
لوجدت انني اكثر من انتقد نظام ادريس دبي واسياس افورقي
ولم اقبل دكتاتوريتهم في معاملو شعوبهم.
لكن هذا ليس عملنا نحن الجيران
ليس مهمتنا تصفية ملكو المستقبل في بلادهم
هل نجرؤ على قتل سيف الاسلام معمر القذافي؟؟؟
هل تجرأنا على رفض حكم بشار الاسد
لماذا نعيث فسادا في الشقيقه تشاد؟؟؟
Quote: الأخت تراجي
إذا كان ذلك كذلك فهذا يعني أن للمعارضة التشادية مليون حق..
كلنا ضد حكم القبيلة الواحدة والحزب الواحد إلا في حال فوزه عبر إنتخابات حرة مباشرة. |
بعدين معليش لكن شكلك راكب خطأ
فالتعلم ان المعارضه التشاديه القويه لاجريس دبي جلها من ابناء الزغاوه انفسهم
وبعدهم القرعان ثم التاما هم المعارضه الورقيه التي صنعتها حكومة الخرطوم.
وللاسف طبيعة الصراع السياسي في تشاد لا يشبه صراعنا
فهم اشبه بالصومال
لم تنضج الاحزاب السياسه عندهم بعد
وحركاتهم ومعارضتهم كلها اساها قبلي.
|
Post: #33
Title: Re: انا اتهم حكومة الخرطوم بقتل ابن الرئيس ادريس دبي....
Author: Tragie Mustafa
Date: 07-08-2007, 04:53 PM
Parent: #10
Quote:
أسأل الله الرحمه للفقيد
أستاذه تراجي
ركزي شويه بالله |
خليني ك\ه انا كان ركزته بتتعب انت
|
Post: #16
Title: Re: انا اتهم حكومة الخرطوم بقتل ابن الرئيس ادريس دبي....
Author: Adil Osman
Date: 07-08-2007, 01:33 PM
Parent: #1
ولماذا لا توجهين اصابع الاتهام لزوجة دبى السيدة هندة؟
يقولون ان سلطتها السياسية تزداد كل يوم. وتأثيرها فى صناعة القرار كذلك.
اليس لها طموحات سياسية فى خلافة زوجها المريض؟
|
Post: #24
Title: Re: انا اتهم حكومة الخرطوم بقتل ابن الرئيس ادريس دبي....
Author: Tragie Mustafa
Date: 07-08-2007, 03:28 PM
Parent: #16
عادل عثمان
Quote: يقولون ان سلطتها السياسية تزداد كل يوم. وتأثيرها فى صناعة القرار كذلك.
اليس لها طموحات سياسية فى خلافة زوجها المريض؟ |
لاي جريمه دافع ومستفيد اليس كذلك؟؟؟
السيده هند زوجة دبي المتعلمه جدا فعلا طموحاتها لا تخفى على احد
وانا تعجبني شخصيا....ولكن معرفتها بطبيعة الفهم الذكوري التشادي
يجعلها تحسب خطواتها جيدا.
فمسيره المرأه في تشاد...لازالت تحتاج الكثير ليتحقق لهند اي طموح مثل هذا.
|
Post: #17
Title: Re: انا اتهم حكومة الخرطوم بقتل ابن الرئيس ادريس دبي....
Author: عبد الغفار عبد الله المهدى
Date: 07-08-2007, 02:22 PM
Parent: #1
Quote: وحكومة الخرطوم هي المتابعه لبروز نجم ابن الرئيس دبي.
وحكومة الخرطوم هي التي ترفض وجود حاكم مستنير تشادي يطبق ديمقراطيه بتشاد
ويعطي كل ذو حقا حقه كما كان يخطط السياسي الشاب ابراهيم ادريس دبي رحمه الله.
حكومة الخرطوم هي المتستفيد الاول و الاخير من قتل السياسي الشاب المميز ابراهيم ادريس دبي.
وحكومة |
اللهم ارحمه واغفر له
دى البالونيه
ولا بلاش
يعنى ابن دبى الله يرحمه كان سيكون خليفة والده
تخيا الاستناره والديمقراطيه الوراثبه
طيب القتل ابن عمر منو ولشنو؟؟؟؟؟
|
Post: #18
Title: Re: انا اتهم حكومة الخرطوم بقتل ابن الرئيس ادريس دبي....
Author: علاء الدين يوسف علي محمد
Date: 07-08-2007, 02:35 PM
Parent: #17
المُفلِسة تراجي مغيبة الضمير عاشقة اللغة العبرية
إنتي قايلة الناس الإنتي قعد تكتبي في نصهم ديل كلهم فهمهم زيك كدة يا عبقرية التحليل و التخمين و التأويل
صحي الفهم قسم
هسة دة فهم مناضلة
والله يا حكومة الكيزان الحبة ما تجيكم من ناس بهذا الفهم
صدقيني إنتي و الشبهك أكبر هدية للحكومة و أكبر جرح للمعارضة الشريفة
(جرح بي خُرّاج)
|
Post: #19
Title: Re: انا اتهم حكومة الخرطوم بقتل ابن الرئيس ادريس دبي....
Author: وليد محمد المبارك
Date: 07-08-2007, 02:40 PM
ولي ما تكون الحركات الطردت بعد الاتفاق هي من قتلته
هاهاهاهاهاهاهها
والله دي قلبتي فيها الهوبة
بكونوا كتلوه اصحابك اليهود عشان يشعلوا الفتنه
|
Post: #20
Title: Re: انا اتهم حكومة الخرطوم بقتل ابن الرئيس ادريس دبي....
Author: Fadl Karrar
Date: 07-08-2007, 02:52 PM
Parent: #1
وياربي
ينحرق حشاكم زي ما حرقتوا حشا اهله.
وياربي ينغدر بكم كما غدرتم به.
ويارب تنحرموا من الخير كما حرمتم شعب تشاد من هذه القياده الواعده.
الأستاذة تراجي
كلامك فى الأول كان مجرد إتهام
وبعدها أصبح إدانة قاطعة
نرجو التوضيح؟؟؟؟؟؟؟؟؟؟؟؟؟؟؟؟
|
Post: #21
Title: Re: انا اتهم حكومة الخرطوم بقتل ابن الرئيس ادريس دبي....
Author: فيصل نوبي
Date: 07-08-2007, 02:55 PM
Parent: #1
اللهم لا نسألك رد القضاء ولكن نسألك اللطف فيه.
رحمه الله و غفر له.
|
Post: #22
Title: Re: انا اتهم حكومة الخرطوم بقتل ابن الرئيس ادريس دبي....
Author: محمد خليل إسماعيل
Date: 07-08-2007, 03:12 PM
Parent: #21
حيزبونة
تطلعي منو عشان تتهمي حكومة الخرطوم
الكلام دا ناش تشاد ظااااطو ما قالو
والله كلام
ولله في خلقه أناس أمخاخهم فاضية
ابوشهد
|
Post: #23
Title: Re: انا اتهم حكومة الخرطوم بقتل ابن الرئيس ادريس دبي....
Author: Tragie Mustafa
Date: 07-08-2007, 03:23 PM
Parent: #22
هلا..هلا..بكل الجلابه و المتوجلبين
الا قله من الموضوعين عبرت من هنا.
ساعود لكم.
|
Post: #26
Title: Re: انا اتهم حكومة الخرطوم بقتل ابن الرئيس ادريس دبي....
Author: nazar hussien
Date: 07-08-2007, 03:30 PM
Parent: #23
Quote: هلا..هلا..بكل الجلابه و المتوجلبين
الا قله من الموضعين عبرت من هنا.
|
قبل ما تجينا راجعة...صلحي دي
|
Post: #28
Title: Re: انا اتهم حكومة الخرطوم بقتل ابن الرئيس ادريس دبي....
Author: حماد الطاهر عبدالله
Date: 07-08-2007, 03:51 PM
Parent: #26
انا لله وانا ايه راجعون
اللهم اغفر للمرحوم وارحم غربته وانس وحشته.
فقد مات غريبا مغدورا.
والعزاء لاسرته كافة بتشاد والسودان وغيرهما
فقد كثرت المهاجر وتفرق الناس.
وعجوبة ... الخربت سوبا
اللهم إكف السودان وتشاد شرها، فقد جاءت بفرية
عظيمة، والفتنة أشد من القتل.
ولا حول ولا قوة إلا بالله العلي العظيم.
|
Post: #31
Title: Re: انا اتهم حكومة الخرطوم بقتل ابن الرئيس ادريس دبي....
Author: محمد عادل
Date: 07-08-2007, 04:46 PM
Parent: #28
استاذة تراجى
كدا دحين نسالك سؤال
حكومة الخرطوم رغم اختلافنا الكبير معاها
قبلت يمين قبلت شمال مالقت الا ود ادريس دبى دا ربنا يغفر ليهو ويرحمو
ياستاذة معليش ياخى الاخوان طالبو منك التركيز شوية
يعنى والله اخوى الصغير فى البيت لو قلت ليهو الكلام دا يقعد اضحك
حكومة الخرطوم الله يطلعة من المحاكم الدولية
بعدين تجى تقتل ولد القذافى او ولد زناوى او ولد موسفينى او ولد افورقى
اولد دبى التانى
ارحمونا راسنا حيطرشق
|
Post: #32
Title: Re: انا اتهم حكومة الخرطوم بقتل ابن الرئيس ادريس دبي....
Author: Tragie Mustafa
Date: 07-08-2007, 04:50 PM
Parent: #31
الابن محمد عادل
خليك في حفل استقبال ناذر الخليفه
هذا نضم كبار عليك
Quote: استاذة تراجى
كدا دحين نسالك سؤال
حكومة الخرطوم رغم اختلافنا الكبير معاها
قبلت يمين قبلت شمال مالقت الا ود ادريس دبى دا ربنا يغفر ليهو ويرحمو
ياستاذة معليش ياخى الاخوان طالبو منك التركيز شوية
يعنى والله اخوى الصغير فى البيت لو قلت ليهو الكلام دا يقعد اضحك
حكومة الخرطوم الله يطلعة من المحاكم الدولية
بعدين تجى تقتل ولد القذافى او ولد زناوى او ولد موسفينى او ولد افورقى
اولد دبى التانى
ارحمونا راسنا حيطرشق |
كدي شاور زعيمك مبارك وارجع لي.
|
Post: #34
Title: Re: انا اتهم حكومة الخرطوم بقتل ابن الرئيس ادريس دبي....
Author: محمد عادل
Date: 07-08-2007, 04:55 PM
Parent: #32
والله ناذر زول اخوانا وصاحبنا
وزول ولد بلد ومرحب بيهو وحبابو الف
وحبابو عشرة وماحفلة استقبال واحدة بل ستكون ايام ناذر كلها هنا استقبالات
كدة رسلى لينا وليدك بقال المناضل
كدة صحى بقال حسه شايت مع منو كدة
مع خليل ولا عبدالرحمن موسى ولا رجع لى اصلو
فوقى شوية سيبك من البتعملى فيهو دا
والله سيد مبارك ماعندو معاكى شغلة ولا فاضى للكلام الفارغ البتكتبى فيهو دا
ياريت لو كانت معارضتك ذى معارضة مبارك كان الليلة صحى صحى عينوكى ملك
شروق دارفور
|
Post: #35
Title: Re: انا اتهم حكومة الخرطوم بقتل ابن الرئيس ادريس دبي....
Author: Tragie Mustafa
Date: 07-08-2007, 05:04 PM
Parent: #34
لعلك صادق يا محمد عادل تعتقد انه الناس تكتب او تنضال لاجل منصب؟؟؟
Quote: والله سيد مبارك ماعندو معاكى شغلة ولا فاضى للكلام الفارغ البتكتبى فيهو دا
ياريت لو كانت معارضتك ذى معارضة مبارك كان الليلة صحى صحى عينوكى ملك
شروق دارفور |
ملك ولا ملكه كدي ركز معاي الاول
هل هذه صفات من يبحث عن ملك؟؟؟
يازول انا فاتحه نار في كل الجبهات لو بهتم بالتوازنات ما بعمل كده.
|
Post: #38
Title: Re: انا اتهم حكومة الخرطوم بقتل ابن الرئيس ادريس دبي....
Author: محمد عادل
Date: 07-08-2007, 05:10 PM
Parent: #35
ياستى
كدة حسه صحى اللجؤ الى كندا ساهل ولاصعب
لانو انا وعبدالغفار بنفكر نهاجر
وعاوزين لينا قضية مهمشين نتبناها
بقال وين ياتراجى
|
Post: #36
Title: Re: انا اتهم حكومة الخرطوم بقتل ابن الرئيس ادريس دبي....
Author: Mohamed Abdelmotalib Hassan
Date: 07-08-2007, 05:07 PM
Parent: #32
Quote: ما شاء الله اولاد كيزان في هــــاواااااااي!! (Re: Alshafea Ibrahim)
بالله يا هياني ده الفيديو الخلا زولنا يجقلب زي الدخلت نحله في هدومه؟؟؟
قريب ودويه وفاتح لك عشانه بوست اللجان الثوريه...
|
اوعي تكون زي تهمتك لي الفوق دي؟؟؟
بس ما تجي تنكري.
دي فضيحة بجلاجل ايتها المناضلة.
تاني حأطاردك بالاكذوبة دي لحدي ما تورينا الحقيقة
كيف لفقتي لي كلام زي ده؟؟
وكنتي عايزة تصلي لي شنو؟؟؟
يا لفضيحتك!!!
طلعي الأخ عز الدين كذاب كمان!!
عزالدين محمد عثمان كتب:
Quote: te: الأخت تراجي صباحاتك بيض وسلامي للاولاد
اظنك قاصده الأخ محمد عبدالمنطلب حسن بهذه
المداخله واريد ان اؤكد لكي وللجميع بانه
لا علاقة له البته بوداد بابكر زوجه البشير
الثانيه ومن اورد المعلومه للأخ هشام قد أخطأ..
دليلي على ذلك ان الأخ محمد هو اخي ابن عمتي
والدي ووالدته اخوان اولاد خالات.. ونحن من بدين
يعني محس..ولايوجد في اسمنا اسم بابكر البته ..
ولم يكن محمد كوز ولن يكون في اي وقت..
اما حضوره لامريكا فقد كان عن طريق اللوتري..
قد لا يعرفني الكثيرين في المنبر ولكنك تعرفينني
فهل تتوقعي ان اكون كاذبا؟.. ارجو منكم جميعا عدم
الزج باسم الاخ محمد كقريب لوداد فهذا الامر يؤلمنا
جدا.. و
ولكم مودتي
عزالدين |
|
Post: #41
Title: Re: انا اتهم حكومة الخرطوم بقتل ابن الرئيس ادريس دبي....
Author: Tragie Mustafa
Date: 07-08-2007, 06:25 PM
Parent: #22
Quote:
حيزبونة
تطلعي منو عشان تتهمي حكومة الخرطوم
الكلام دا ناش تشاد ظااااطو ما قالو
والله كلام
ولله في خلقه أناس أمخاخهم فاضية
ابوشهد |
ابو شهد انت ما النوبي البقى يتباكى لناس كجبار بعد المذبحه عشان يسامحوه؟؟؟
يا راجل قوم اتلمى انت اهلك ما طلعت حقهم حتطلع حق ولد دبي؟؟؟
|
Post: #42
Title: Re: انا اتهم حكومة الخرطوم بقتل ابن الرئيس ادريس دبي....
Author: JOK BIONG
Date: 07-08-2007, 06:41 PM
Parent: #41
تراجي
حكومة الكيزان وازيالها في الخارج متورطين في هذه الجريمة البشعة...
لكم منا الشكر
جوك
|
Post: #39
Title: Re: انا اتهم حكومة الخرطوم بقتل ابن الرئيس ادريس دبي....
Author: Mohamed Abdelmotalib Hassan
Date: 07-08-2007, 05:33 PM
Parent: #37
أخي عبد الله عقيد
اسمح لي باضافة مع رجاء مراجعة مداخلتي السابقة في الأعلي في هذا البوست
انا اثني بي شده ومعاها: كدارتين
ارجو رجاء خاص اضافة لقب الكذابة ملفقة القصص والاكاذيب
تمشي كالاعمي ..... تتبع البعض كالظل بلا بصيرة.
ارشح أن تكون ملكة نساء البورد في الكذب والتلفيق.
ازيدكم ولا كفاية كده؟؟؟؟
عالم وهم!!!
احب سبورتنج واموت في الشاطبي انا!!!
|
Post: #40
Title: Re: انا اتهم حكومة الخرطوم بقتل ابن الرئيس ادريس دبي....
Author: مدثر محمد ادم
Date: 07-08-2007, 06:00 PM
Parent: #39
تراجي
الكيزان البقتالو بعض
عشان النسوان و الكراسي
ما بعيده
وتسلمي
|
Post: #43
Title: Re: انا اتهم حكومة الخرطوم بقتل ابن الرئيس ادريس دبي....
Author: Tragie Mustafa
Date: 07-08-2007, 10:39 PM
Parent: #40
Quote: تراجي
الكيزان البقتالو بعض
عشان النسوان و الكراسي
ما بعيده
وتسلمي |
شكرا مدثر لمرورك...
|
Post: #44
Title: Re: انا اتهم حكومة الخرطوم بقتل ابن الرئيس ادريس دبي....
Author: هجو الأقرع
Date: 07-09-2007, 04:39 AM
Parent: #1
الاخت الكريمة تراجى ، زمان حبوباتك الجعليات لما الزول يقول ليهو كلام ذى شغلك ده ، يقولن(غايتو فلان الله يخليه بس لى وليداتو) الايام دى حقو تطلعى اجازه بى الوليدات وتمشى عند ناس ود عمك سعد الاقرع منتظرينك ما شغالين بى السياسة . بشاشا انا خلاص وزعتو ، و دينق مقدور عليهو كلها كم يوم ويرجع ليهو ود القريش .
|
Post: #45
Title: Re: انا اتهم حكومة الخرطوم بقتل ابن الرئيس ادريس دبي....
Author: Ahmed Abdallah
Date: 07-09-2007, 04:49 AM
Parent: #44
كل حرف تكتبيه يدل على افلاسك و سطحيتك
و مخك الفاضي ..................
تراجي ...
بصراحة كده ...
انتي في زول دافع ليك علشان تسيئ للمعارضة
بكتاباتك وسطحيتك دي .....
بلا يخمك
|
Post: #46
Title: Re: انا اتهم حكومة الخرطوم بقتل ابن الرئيس ادريس دبي....
Author: إسماعيل وراق
Date: 07-09-2007, 06:30 AM
Parent: #45
Quote: بعدين معليش لكن شكلك راكب خطأ
فالتعلم ان المعارضه التشاديه القويه لاجريس دبي جلها من ابناء الزغاوه انفسهم
وبعدهم القرعان ثم التاما هم المعارضه الورقيه التي صنعتها حكومة الخرطوم.
وللاسف طبيعة الصراع السياسي في تشاد لا يشبه صراعنا
فهم اشبه بالصومال
لم تنضج الاحزاب السياسه عندهم بعد
وحركاتهم ومعارضتهم كلها اساها قبلي. |
أبدا يا تراجي.. أخوك راكب صاح..
أنا علقت تعليق واضح وكان رداً على كلامك أن قبيلة الزغاوة تحكم تشاد.. وقلت هذا يعني أن للمعارضة التشادية ألف حق.. ودا رأي مبدئي مني لأنني ضد حكم حزب واحد أو قبيلة واحدة أو عشيرة واحدة اللهم إلا عبر إنتخابات.
|
Post: #47
Title: Re: انا اتهم حكومة الخرطوم بقتل ابن الرئيس ادريس دبي....
Author: nazar hussien
Date: 07-09-2007, 07:17 AM
Parent: #46
Quote: نزار حسين
ما دام ختمت تساؤلاتك المزعومه ب :
Quote: ...(تف علي النضال كان كدي)
بقول لك تف عليك انت ذاتك .
لما تتعلم تحاور بأدب بعدين توقع اجابات على اسئلتك.
(عدل بواسطة Tragie Mustafa on 08-07-2007, 03:30
|
الاستاذة المناضلة العالمية تراجي مصطفي
لو قلت ليك تف عليك حا اكون خسران...وندمان سافي التراب...
وانت قطعا كمناضلة لن ترضي لأي انسان بأن يسف التراب...
ومع ذلك تف علي وجه النتال لو كان بهذا الفهم...
هذه نصيحة مني لوجه الله...قفي مع نفسك شوية لتري الي اين انت ذاهبة!!!!!
|
Post: #48
Title: Re: انا اتهم حكومة الخرطوم بقتل ابن الرئيس ادريس دبي....
Author: الطيب عبدالرازق النقر
Date: 07-09-2007, 10:59 AM
Parent: #47
| Quote: هذه نصيحة مني لوجه الله...قفي مع نفسك شوية لتري الي اين انت ذاهبة!!!!! |
الى تل ابيب طبعا
معقل السادة والاحبة
مدعية النضال تراجيدى ما هى الحيثيات التى بنيتى عليها اتهامك التفل ما يصدقوا
كده امش اخد ليك جرعات تنمى بيها مقدراتك التلفقيه حتى تغمزى بيها حكومة(الانغاز)كما يحلوا لبعض المناضلين كتابتها مثل سئ الفكر بشاشا
ايه رايك تستعين بساره عيسى رائده هذا الفن وهى على حال حاتعالج السطحية الطافحة فى بوستاتك
|
Post: #49
Title: Re: انا اتهم حكومة الخرطوم بقتل ابن الرئيس ادريس دبي....
Author: Tragie Mustafa
Date: 07-09-2007, 06:24 PM
Parent: #48
Quote:
الاخت الكريمة تراجى ، زمان حبوباتك الجعليات لما الزول يقول ليهو كلام ذى شغلك ده ، يقولن(غايتو فلان الله يخليه بس لى وليداتو) الايام دى حقو تطلعى اجازه بى الوليدات وتمشى عند ناس ود عمك سعد الاقرع منتظرينك ما شغالين بى السياسة . بشاشا انا خلاص وزعتو ، و دينق مقدور عليهو كلها كم يوم ويرجع ليهو ود القريش . |
هجو انت الله يخليك لنا والله مدخلاتك دائما بتضحكني ضحك
يازول انت ود حبوبات مصفى...كلامك لذيذ خلاص.
|
Post: #50
Title: Re: انا اتهم حكومة الخرطوم بقتل ابن الرئيس ادريس دبي....
Author: Tragie Mustafa
Date: 07-09-2007, 06:27 PM
Parent: #49
Quote:
كل حرف تكتبيه يدل على افلاسك و سطحيتك
و مخك الفاضي ..................
تراجي ...
بصراحة كده ...
انتي في زول دافع ليك علشان تسيئ للمعارضة
بكتاباتك وسطحيتك دي .....
بلا يخمك |
ياتى معارضه دي؟؟يعلها ناس انتو البتكتبوا غلفاء وشايله موسى بتطهر!!
انت قايل روحك معارضه؟؟
قال تسيء للمعارضه قال
يابا انا ابرأ واستبرأ من المعارضه الانتو فيها.
|
Post: #51
Title: Re: انا اتهم حكومة الخرطوم بقتل ابن الرئيس ادريس دبي....
Author: ابوالقاسم ابراهيم الحاج
Date: 07-09-2007, 06:45 PM
Parent: #1
تراجى.
لك التحية.
قتل إبراهيم شئ مؤسف حقا وسوف أعود إليك ببعض التفاصيل عما يتداول من كلام حول قتله .
رحمه الله واسكنه فسيح جناته.
|
|