تخيلوا حال الكون لو انقرض الجنس الاخر (الجنس الخشن )

تخيلوا حال الكون لو انقرض الجنس الاخر (الجنس الخشن )


07-07-2007, 11:15 AM


  » http://sudaneseonline.com/cgi-bin/sdb/2bb.cgi?seq=msg&board=140&msg=1183803305&rn=14

Post: #1
Title: تخيلوا حال الكون لو انقرض الجنس الاخر (الجنس الخشن )
Author: رهف
Date: 07-07-2007, 11:15 AM
Parent: #0

كل المصائب فى الدنيا سببها ومن تحت راس طيب الذكر اخينا الرجل فهو من يخطط للانقلابات العسكرية ويسطو على السلطة فهل سمع احدكم ان امراة قادت انقلاب عسكرى او مدنى حتى. كل الجرائم المعروفة وغير المعروفة يرتكبها اخو البنات السيد الرجل الاغتصاب القتل بكل انواعه السطو المسلح والسطو الابيض النهب جرائم الحرب قطاع الطرق تجار ومتعاطى المخدرات وجرائم التهريب التزوير الاختطاف الارهاب بكل انواعه التطرف والتعصب الاعمى الاختلاس النشالين الطلاق اغلب بل كل هذه الجرائم ابطالها رجال .اذا وراء كل جريمة عظيمة رجل .فماذا لو تمت ابادة هذا المخلوق الغريب هل سنحتاج الى منظمات مراقبة حقوق الانسان ؟؟؟؟؟ومحاكم جرائم الحرب والابادة الجماعية والمحاكم الجنائية
Post: #2
Title: Re: تخيلوا حال الكون لو انقرض الجنس الاخر (الجنس الخشن )
Author: عبدالكريم الامين احمد
Date: 07-07-2007, 11:22 AM
Parent: #1

Quote: جريمة عظيمة

اعظم من جريمتك دي مافي يارهف..!!
دايرة تقرضي الرجالة وتعدمي القصة نفاخ النار...لييه كده الظلم ده؟؟؟
الكون حلقات متشابكة ومتداخلة وهارموني ونظام حياة لاغني عن اي جزئية ولو صغيرونة كده..!!
اعدام الرجال عملية شاقة والسوال من سينفذها اجدي لي الالية وطريقة الاعدام ساواصل معك تخيل
الكون بلا رجالة..
Post: #3
Title: Re: تخيلوا حال الكون لو انقرض الجنس الاخر (الجنس الخشن )
Author: sudania2000
Date: 07-07-2007, 11:39 AM
Parent: #2

رهف

سلامات

امبارح ع لمة جمعة كدا وبنات واولاد حصلت شكلة ع الكمبيوتر والالعاب مين يبدا اول

طبعا ان عندي تحيز مطلق للبنات اها قلت البنوتات احلي و احسن نبداء بالبنوتات

الاولاد احتجو واتهموني بالحساسية ضد الرجال ولمن امنت علي الفكرة صحن البنات

يا عمتو هي الدنيا كيف من غير الاولاد .. قلت ليهم ح تكون بمبي

قالوا لي لا بمبي ولا حاجة

نشاكل منو

وندق منو

ونقشر لمنو

انتي امرقي منها ونحن ادينا الاولاد الفرصة الاولي

اها العيال يبروا من الانقراض

لكن اليبقوا قلبهم عليكن زي ما قلبكن عليهم

ودي الدنيا

حواء و ادم

____

النبي يا بت ما شفتي محاكمة ليلي علوي لآدم ؟

تسلمي يا عسل
Post: #4
Title: Re: تخيلوا حال الكون لو انقرض الجنس الاخر (الجنس الخشن )
Author: Emad Abdulla
Date: 07-07-2007, 12:13 PM
Parent: #3



Quote: وراء كل جريمة عظيمة رجل
و وراء كل رجل بجريمته العظيمة تقف آفة الوجود كله ..
تلك المصيبة الناعمة الإسمها : إمرأة .



و ربنا على المفتري .
Post: #15
Title: Re: تخيلوا حال الكون لو انقرض الجنس الاخر (الجنس الخشن )
Author: رهف
Date: 07-09-2007, 12:55 PM
Parent: #2

شكرا عبد الكريم انتو اعلم بطرق الاعدامات والابادة اختار انت طريقة بس ما يكون فيها انتهاك لحقوق الانسان او اقول ليك اعملوا انتم انسحاب جماعى
Post: #5
Title: Re: تخيلوا حال الكون لو انقرض الجنس الاخر (الجنس الخشن )
Author: هاشم أحمد خلف الله
Date: 07-07-2007, 12:20 PM
Parent: #1

QUOTE]اذا وراء كل جريمة عظيمة رجل .فماذا لو تمت ابادة هذا المخلوق الغريب هل سنحتاج الى منظمات مراقبة حقوق الانسان ؟؟؟؟؟ومحاكم جرائم الحرب والابادة الجماعية والمحاكم الجنائية


بــدون تـعـلـيـق

رهـف !! تتجازي
Post: #6
Title: Re: تخيلوا حال الكون لو انقرض الجنس الاخر (الجنس الخشن )
Author: انعام عبد الحفيظ
Date: 07-07-2007, 01:08 PM
Parent: #1

غايتو يا رهف أظنك جنيتي
Post: #7
Title: Re: تخيلوا حال الكون لو انقرض الجنس الاخر (الجنس الخشن )
Author: الصادق صديق سلمان
Date: 07-07-2007, 01:22 PM
Parent: #1

يا رهف

لو بتقدري تعيشي من دون رجل نكون اتفقنا

أبوفتحية (الله يخليها لي) (فتحية اقصد يا رهف)
Post: #8
Title: Re: تخيلوا حال الكون لو انقرض الجنس الاخر (الجنس الخشن )
Author: غزلان إدريسي
Date: 07-07-2007, 01:54 PM
Parent: #1

Quote: فماذا لو تمت ابادة هذا المخلوق الغريب...


أؤيدك يا رهف ..

بس السؤال كيف الاستمرار ..؟!! .

بلا تعنت هذا الاخر ...
Post: #9
Title: Re: تخيلوا حال الكون لو انقرض الجنس الاخر (الجنس الخشن )
Author: شهاب الفاتح عثمان
Date: 07-07-2007, 03:23 PM
Parent: #8

اذا اصبحت الدنيا بلا رجال ستبدا المراءه
في اغتراف كل هذه الجرائم واكثر.بالاضافه
للسته كبيره من جرائمها هي ..

شكرا لك
Post: #17
Title: Re: تخيلوا حال الكون لو انقرض الجنس الاخر (الجنس الخشن )
Author: رهف
Date: 07-09-2007, 01:03 PM
Parent: #9

ما وريتنا يا دكتور شهاب جرائمنا الستة دى شنو اشكرك
Post: #10
Title: Re: تخيلوا حال الكون لو انقرض الجنس الاخر (الجنس الخشن )
Author: أبوذر بابكر
Date: 07-07-2007, 03:27 PM
Parent: #1

بكل سهولة وبساطة

الحياة، الحياة البشرية، حتنتهى فى الكوكب العجيب ده

ولو بعد حين
Post: #11
Title: Re: تخيلوا حال الكون لو انقرض الجنس الاخر (الجنس الخشن )
Author: ابوحراز
Date: 07-07-2007, 06:44 PM
Parent: #10

أول شيء قروش العالم كلها حاتشترن بيها عدة وملايات ومكياج وحنة التاج
لكن المشكلة المكياج لمنو
وحنة التاج لمنو
تاني شيء حايكون كوكب الأرض كلو نقة
والله تصل الأمور انكن تاكل بعض وتعضعضن بعض وتخربشن بعض
اها { والبدق } ليكن الدهب منو ؟؟
والمشكلة الكبرى الرومانسيات والعشق وأعذب الكلام بماذا ستعوضنه
حتى أنني اعترض وبشدة على إمراة مسترجلة
فبعض النساء إن كن مسترجلات نهاراً
فوالله ليلاً كلهن رقة وعذوبة ونكهة مميزة
هل يمكن أن يكون الانسان بلا قلب وبلا روح
هكذا الحياة المراة روحها والرجل قلبها
الحياة ليل ونهار
قمر ونجوم
زهرة ونحلة
لقاح ورحيق
شخصياً لا اتخيل حياتي بدون إمراة كيف سيكون طعمها
قال الجنس الخشن قال !!
عايزات تبرطعن سااااااااااااي في الدنيا
Post: #12
Title: Re: تخيلوا حال الكون لو انقرض الجنس الاخر (الجنس الخشن )
Author: ابوحراز
Date: 07-07-2007, 06:50 PM
Parent: #11

هسي كدي شوفي الردود لوحدها تعكس ليك إنو الحياة دي مليئة بالجمال
يعني الرجل والأنثى هم من يزرعون الجمال في هذا الكون
والدليل حتى الردود جات بترتيب غريب جدا
نحن خرمجناها في الآخر
عسى ربنا أن يأتي لنا بالجنس اللطيف
شوفي الملاحظة دي
رهف + عبد الكريم
سودانية + عماد عبد الله
هاشم أحمد + انعام
الصادق + غزلان

اها بعد كده ديوان البكاء 00 الفاتحة
شهاب
ابوذر
ابوحراز

الله يستر مايجي ابوالقنفذ يرد ورانا
قال انقرض قال
Post: #13
Title: Re: تخيلوا حال الكون لو انقرض الجنس الاخر (الجنس الخشن )
Author: ابوبكر على
Date: 07-08-2007, 01:09 PM
Parent: #12

سلامات
يارهف
اكيد سمعتى بالمثل الشهير
cherchez la femme

لاتعليق
ههه
Post: #14
Title: Re: تخيلوا حال الكون لو انقرض الجنس الاخر (الجنس الخشن )
Author: فرح
Date: 07-09-2007, 10:42 AM
Parent: #13

وراء كلو شكله وتوتر وضيق نفس فلس و حراق روح وجنون
وجنون عظمه ثلاث نساء فى حياتى
انعام عبد الحفيظ
رهف عبد الحفيظ
اسمهان عبد الحفيظ
وبس
Post: #16
Title: Re: تخيلوا حال الكون لو انقرض الجنس الاخر (الجنس الخشن )
Author: رهف
Date: 07-09-2007, 01:00 PM

بس نحن ما سبب الفلس على الاقل بنسلفك لما المرتبات تجى بس المشكة بتدينوا ما بترجعوا
Post: #18
Title: Re: تخيلوا حال الكون لو انقرض الجنس الاخر (الجنس الخشن )
Author: محمد البشرى الخضر
Date: 07-09-2007, 01:04 PM

Quote: تخيلوا حال الكون لو انقرض الجنس الاخر (الجنس الخشن )
Quote: حال الكون
سجم أمو
Post: #19
Title: Re: تخيلوا حال الكون لو انقرض الجنس الاخر (الجنس الخشن )
Author: رهف
Date: 07-09-2007, 01:05 PM
Parent: #12

شكرا ابو حراز نشترى العدة لمنو والمكياج لمنو منو البعجبك المكياج غيركم نواصل
Post: #20
Title: Re: تخيلوا حال الكون لو انقرض الجنس الاخر (الجنس الخشن )
Author: ibrahim fadlalla
Date: 07-09-2007, 04:20 PM
Parent: #19

بعد مجهود علمي كبير...تمكنت حركة سلامة البيئة..من القضاء على الجنس
الخشن..من على سطح البسيطة...وقام بالإعلان عن ذلك الخبر المفرح
ست الدار المقشاشة..بصفتها الأمين العام للأمم النسائية المنتحرة...
وخرجت جموع النساء...في صبحية ذلك اليوم الأغر..للإحتفال بالفرحة الكبيرة
والنصر المؤزر...بإنتهاء سطوة الرجل..وإنقضاء جميع الشرور والأحزان
التي سببها لجميع الأجناس الحية على كوكب الأرض...
بعد مضي الأسبوع الأول...بدأت الحقيقة تتكشف..بكامل بشاعتها..وارتفعت
أصوات النقنقة النسائية...طويلة الأمد ....تهز أرجاء الكون الأربعة...
وكان صوت الصحون المتطايرة...مشهدا فريدا...إذ تخلصت كل نساء الأرض من
الإرث الإنساني ..الذي كان يقيدهن ويعيق تقدمهن..في مراتب السلم
الإجتماعي..وزاد معدل الإعتداء بواسطة الخربشة الجسدية بين المشاة في الطرقات
والمركبات..والأماكن العامة...وبدأت البهدلة تسيطر سيطرة تامة
على الفيزيونوميا النسائية..لتنافس أكثر أفلام الرعب تطرفا...في رسم الوجوه
المهملة ..الخالية من الميكاب.. لتظهر آثار كريمات تفتيح البشرة...حفرا غائرة بالوجوه..وألوان موغلة في النزعة..السريالية ..المرقعة...بما لم يخطر حتى ببال دالي..

وفي تطور غير متوقع...انقطع التيار الكهربائي بعد ثلاثة أيام وليال...وتوقفت
المياه..والصرف الصحي..وذبلت الأزهار...وهاجرت الطيور..هربا من الروائح..الخطيرة
بعبارة قصيرة..توقفت عجلة الحياة...إلا ما ندر...
وفي اليوم السابع..من إعلان إختفاء آخر رجل من على ظهر البسيطة..
وصلت رسالة فضائية قصيرةإلى مرصد ناسا الفضائي.....تفيد
إكتشاف رجل وحيد..عجووز ..يقال أنه العالم الفيزيائي البريطاني الشهير
المعاق..تمكن من..الهروب على متن مكوك فضائي إلى كوكب المشترى...
ومن تلك الليلة تم تغيير جميع النوافذ في كل بيوت العالم ...ليطل منها كوكب
المشترى..ليلاً..ليستقبل آهات الحسرة ..والندم...
وكان الفرح هذه المرة ..لا يشبه الأفراح التي عرفها الجنس البشري..الناعم
كان إعلان كبير .عن التوبة من التافف ..من الجنس الخشن...
وبدأ المشروع الكبير...إعادة توطين الجنس الخشن..من المشترى إلى الأرض
كرة آخرى...

كتير إحترامي ..للمرأة..الأم..الإبنة..الأخت..الزوجة..الكائن العاقل...الكامل ...في حدودالكمال الإنساني...تماما مثل الرجل..
مع حفظ المسافة بيننا..المسافة التي حفظتها طبيعة الخلق والتكوين مسافة تمتد أفقياً..مع فروقات الفسيولوجي والسيكولوجي...
ودي وتقديري...