سعاد ......والأستاذ الرائع عبد الكريم الكابلي

لكم أحبتي سعاد أوركسترا

من أجمل ما صدح به الكابلي رغم التعديلات الكثيرة التي أجراها علي كلمات عمر الطيب الدوش..

لك التحية..

سعاد الم الم
وحانبطل كلام الجرسه ونقول
سعاد ابحار رائد في بحور الابداع

لك الشكر على نشر الروعه

سعاد الأصلية:
شكرا لبناديها..(من الأرشيف)..



دقت الدلوكة..قلنا الدنيا مازالت بخير..أهو ناس تعرس وتنبسط
تككت سروالي الطويل سويتلو رقعات في الوسط
في خشمي عضيت القميص أجري وأزبد شوق وانط
لامن وصلت الحفلة
زاحمت الخلق
وركزت
شان البت سعاد
أصلي عارف جنها في زول بيركز وينستر
لكني عارف إنها لو كلو زول في الحلة بالسترة انجلد
ياني الآزاها وجنها
برضي عارف اظنها
تحت
تحت
بتحبني
ديمة في صرة وشيها يلفحني شوق نافر لبد
وركزت للحرقة المشت فوق الضلوع تحت الجلد
ضميت قزازتي مرقت عن طرف البلد
وسكرت..سكرت جد
وانا جايي راجع منتهي
لاقتني هي
قالت تعال
كبرت كراعي من الفرح..نص في الأرض نص في النعال
اتلخبط الشوق بالزعل
اتحاوروا الخوف والكلام
هـــــــي ياسعاد على ودسكينة وكلتي في خشمو الرماد
على ودسكينة ومات أسى..وأنا بت بلاك ملعون أبوي لوكنت أرضى أعرسها
وانا ياسعاد وكتين تصبي سحابة تنزلي زي دعاش
بفرش على روحي واجيك زولا هلك تعبان وطاش
وانا ياسعاد وكتين أشوفك ببقى زول فرشولو فرش الموت وعاش
قالت سعاد: بطل كلام الجرسة..انجض ياولد
مزقت روحي نتف نتف مرقت من وجيب القميص تمباك وحب وعرقي واسف
طبيت قزازتي وصلت لي طرف البلد وسكرت جد
اذنت في الشوك والسلم
وسرحت بالناس والغنم
وركعت للعرقي البكر
ورقدت في الألم الحكر
وحلمت زي شالني ومشى فوق زحمة نبي الله الخضر

وانا جاي راجع اجهجهو

لاقاني هو

سايق العساكر بالحراب

صغرت كراعي من الزعل

من تحتها اتململ تراب

أخي الحبيب خالد الطيب,
لك كل المودة والتقدير و أشكرك الشكر الجزيل على سعاد الأصلية لك مني التقدير و الإحترام.

أخي الغالي شهاب,
بطل كلام الجرسة..انجض ياولد
مزقت روحي نتف نتف مرقت من وجيب القميص تمباك وحب وعرقي واسف
طبيت قزازتي وصلت لي طرف البلد وسكرت جد

الأخ المحترم طارق الأمين,
وانا جايي راجع منتهي
لاقتني هي
قالت تعال
كبرت كراعي من الفرح
نص في الأرض نص في النعال

أحبتي لكم مني كل الإحترام و التقدير و أشكركم على مروركم الطيب

بارك الله فيك

الأخ منصور شاتاتي
لك مودتي و الشكر الجزيل على المرور