Post: #1
Title: سجمانيين !!
Author: محمد حامد جمعه
Date: 07-05-2007, 08:51 AM
فتحى شيلا ما خاطب حفل الاتحاديين قالو ليك المؤتمر الوطنى (عصر ) مولانا قام هرش زولو ومنعو من الخطابة ، الحركة الشعبية شالت ياسر عرمان من قطاع الشمال قالو ناس المؤتمر الوطنى عصرو سلفاكير يشوت الزول دا ويحلقو (صلعة موس ) ، عرمان زاتو مرقو من المجلس الوطنى قالو ليك المؤتمر الوطنى جاب ناس كتلة الحركة الشعبية وقال ليهو اشلعو الزول دا هسة ، الحركة الشعبية استدعت الدكتور محمد يوسف وزير الدولة بالعمل وقالت ليهو يا ترعى بقيدك يا بنشيلك من الوزارة دى ونرفك فى قطاع الشمال ولا اى حتة وانت اصلك وزير سجمان مدير العلاقات العامة بيمسح بيك الارض وانت ما بتقدر تستوضحو وبرضو قالو ليك المؤتمر الوطنى ورا القصة
مبارك الفاضل رجع حزب الامة قالو الجماعة دفرو تانى عشان يخش حوش الامام ويفرتق حزب الامة البقى راس هوس للحكومة ،
رفدوا (ولاء صلاح ) قالو دا المؤتمر الوطنى دردق المسكينة وشالها الصالح العام رغم انو الحزب الحاكم (قدة ) فى امتحانات الاتحاد لكنو عندو جوه (رجال المستحيل ) قامو باللازم .
حركات دارفور بقت زى اكوام البصل كل ستة مع بعض وضد بعض برضو قالو دا المؤتمر الوطنى !!!
عاوزين النصيحة يا اخوانا ... والله انتو حالتكم بالبلا ..... اقعدو لينا مرعوبين ومبشتنين كدا لمن تجى الانتخابات تمرقو منها كيت .. وتشبكونا مزورة ومضروبة وبتاع ...
والله المؤتمر الوطنى ما قدر دا بس انتو ما عندكم حاجة سجمانين
|
Post: #2
Title: Re: سجمانيين !!
Author: محمد حامد جمعه
Date: 07-05-2007, 09:30 AM
Parent: #1
اها وتمت الناقصة قالو ربيكا قرنق ابت تؤدى القسم قدام سلفاكير ... حردانة .. وذنب جديد سيضاف لصحائف المؤتمر الوطنى ... بلاع المية
|
Post: #3
Title: Re: سجمانيين !!
Author: Mustafa Mahmoud
Date: 07-05-2007, 09:39 AM
Parent: #2
ولكن تبيّن أنهم ما أتوا لرأي ولا لحوار ولا لنقاش بل أتوا لأجندات أخرى
1-التجاهل
2- التجاهل
3- التجاهل
for all posts written by ingaz gang
members in this board
for all who are supporting the ingaz gang mafia islamaist theives
dr mustafa mahmoud
|
Post: #4
Title: Re: سجمانيين !!
Author: محمد حامد جمعه
Date: 07-05-2007, 11:32 AM
Parent: #3
هسة دى حالة معارضة يغوصو ليها
|
Post: #5
Title: Re: سجمانيين !!
Author: حيدر حسن ميرغني
Date: 07-06-2007, 01:25 AM
Parent: #4
محمد جمعة
سلامات
| Quote: وتشبكونا مزورة ومضروبة وبتاع ... |
طيب يا حبيب
الانتخابات الحرة والنزيهة الاخيرة جماعتكم قرَبو يجو فيها الطيش
الجديد شنو
قلبو الحكومة الجات بالانتخابات زاتها
صدقني فاقد الشرعية يظل عريان وان تدثَر بلباس الانتخابات
|
|