إحـــتباس حزن المطر ( للعزيز المهندس abubakr والخنســاء )

معـتصمة ومقسـمة
مدسُوسـة في جواي شـواهد ريد عتيق
ممْــحوق يباس الشوق سبب
زخـم الرهافه المُنســجِم
زفـوكِ حـورية نصاح
قربان مواسم فى العَــكْر
الموج وزفــات الرحيل
إتهوْلـت فيك المِحـن
ما خُـفتي ألســنة اللهــب
زفـوك بصمتــك
دون حــذر
لما إبتداكـ خــدَر الفرح
يادوب تمّكـن فيــك
جــواى التعب
ككْــيف عيونك كلمـنّى عن الوهم ؟
وإستوطنت قبل إحتمالات منتهــاك.. !!
ما ردتِـك إلا عشان هــواى
ما بـنتِى .. كان معروف مداكَـِ
ورحلتِ فى أحـلك ظروف
وإتردد الصدى من صداك
الغـيبه بتفرزع غناى
كان يمكن أحتمل الحروف
وإمْـــكِن إذا إتسع المكان
غُرق القلب
أرجاك فى ذات الوجع
أو ما يكــون
لو يغسل الغـيم الجــروح
دمع المطر ِبِدفِـق عـليكَـ
وسـئلت ماخـليت ظنون
الليل ســجْعَ
ســرف المداين بالهديل
عطشــان ومتحمّد مجييـكـ
ضُمــينى مِنــك
فى جفون عينيك عليك
أنا جــدْ بحبــك إنبهــار
قُــدره وتساريح بالجهر
طوفان وأشــواق كالصهيــل..
رحلــة مواعيد الســنين
عِشقِــك على وعد إنتظار
ما بنتي ليه ..؟؟
ورحـلتي فى عمقى الهناك
ناديت فـترت من الحنين
مكتوبه فى جواى شَـقَف
عــورّتى جرحى صرخت فيك
نبرات وجـع / نبرات حـزن
مشـدوه وناكرنى المكان
فقـران ومنتظر الزمن
يمرقنى من وكــر البُــروق
نجم التريـات الهجَـع
سَــخرنى لى إنســان عينيك
كائن لحــبكـ مستطيع
النجده أغرق فى الحلم
أنا فينى هـْم كل الوجيع
لون الحراير فيك وشم
رسْـمِك يرجّـعْ للكـلام
يا أجمل الصُـدف السديم
ضميني في هــدب الشروق
اسقيني في غرقي الهُــلم
أنا لو بعيد
ما بين مسامك والأديـم
أنا فيني غـمْ
من مخادات الوحل والطين
وصول شاطيك كان حلمي الوهـم
زفوك وعطرك .. إنتعـاش
سيل طيوفـك هي الودار ..
أنا قيس واطاة الله الغفار
من مغــيبك ..
لى بزوق من شمس فجرك
ما نكــــرتك
يا سبيب عمري البيقصر كل يوم
وصلك يباعـد في الخُـطى
أنا .. كل يوم بصبح حُـطام
وين أُغـنياتك شان أعـود
زي المطـر
فال البروق
وسط الغمام
منســيه بين فصلين دعاش
وما نكرتــك ...
الحواس تشهـد على كل الحصــل
كان رحيقـك إحتكار
لى ظروف زمني المحَـل
وإنعدام البهجة والفقر البيفضح حالي دونك
حلمي بيك فرح الجـدايل
وريده زي لون الحراير
أو موشح بالسيوف
كان أشـيلك .. في جبين الراس هلال
رقصـتِ نيـلك
من جداول بهجـتِكـ
عشقك حـمام الأرصـفة
سمْـرتِ أصوات النغم
أدهشـتي جـيلك
وغبتي في لمحة بصـر
كان السـؤال
وين ألقى زيك وين مثيلك ؟
لالِـي زي نجم السـما
ما تبقى دون وعد المواسـم والمطر
أبقي للحزن الفـرح
وأبقي للزهرات عِـطر
كنت حاير في أسيلك
وبين خيوط نور الأصيل
حزمة حراير
غمضت عينيك سـر
زفونا بى رقصة رطـين
مـرّت وقات اللقـيا ..
في الزمن الصـعب
جيت ألتقـيك
من فرحي دسـيتك أمل
في غيمة من دون السحاب .. إتكـونت
كان إخـتزال سـحبك ضـباب
إتلونت أقواس بنفسـج
قوس قـزح
غرقانه في دارة رقيص
ظنيتك إنت الفال وجيتك
وفي مخـادات الوحل والطين
وصول شاطيك
كان حلمي الوهم

مراحب ياداش صاحب الرسم الجميل .. افتقدت صورك الجميلة حتي عدت اليوم
لعل طمطم تتاوق وتشوف احتباس حزن المطر
تماضر وداش كلام عجب
من وحيــــك!

ابوبكر

العزيز


قدر كيف حزنان
لما فات منى العجب
لم أشاهد البوست
وذلك لسوء حظى

لذا أجد لى مخرج
يكفل لى السلام

كما تحبكـ هذه الجموع الغفيره
ســارفع صوتى بالهتاف النشيد

لك كامل الود

داش إنتا رائع وكفي !!

هاشم

مروركـ يعنى إنكـ
فى الترانيم والنشــيد


كامل الود

Quote: لذا أجد لى مخرج يكفل لى السلام

انت في سلام بالكلام البترسمو لوحات بهية

Quote: ضُمــينى مِنــك فى جفون عينيك عليك أنا جــدْ بحبــك إنبهــار قُــدره وتساريح بالجهر طوفان وأشــواق كالصهيــل.. رحلــة مواعيد الســنين عِشقِــك على وعد إنتظار

ابو عبده الكتااااااااااااب

اسكرتني هذه القصيدة حتى الثمالة ترابط ..انسجام ..قوة وجمال..انسياب شلالي من القلب الى القلب

واللوحة المرسومة في هذا الاقتباس مكانها متحف الروائع الانسانية في سفر الادب.


واصل الدروشة فمثلك لا يكون الا درويش كتابة.

وفي انتظار ايقاعات جديدة

الدرويش الأخــدر

بوحمـيد

كإنجــذاب الدروايش
من أصداء نوباتهم
من ترانيهم
مثلهم أدور فى فرح
من وقع ما لمست منكـ

موده وإحترام

Quote: انت في سلام بالكلام البترسمو لوحات بهية

زازيـــت
المرقـــتْ من أســبار الخوف
رجفه وخفقــان
راجيــكـ بين الترحال الفضّــل
من مشوار الرجعه وصــول
صــاحيكـ متأكد
جد حاحيت النوم
لليوم الجــاى
فتشــت عليك
قابلتكـ
وكت الهجعه
بتهـدّى الخاطر
للإنســان إنســان



( عكس إحتباس مطرى الوشــيك )

أبوبكر
شكراً
ياغيم

Quote: أنا جــدْ بحبــك إنبهــار قُــدره وتساريح بالجهر طوفان وأشــواق كالصهيــل.. رحلــة مواعيد الســنين عِشقِــك على وعد إنتظار ما بنتي ليه ..؟؟

رمش الخواطــر منْكســر جوا الزمن
بوح الشـعور مسجـون
بأحكام العشــائر فى الوطن
ممكن مســافاتكـِ تكون
إحســاس يعلمنى الوصول
فى لحظه ..
فيــك سِــركـِ بــراكـ
والبينا من قدرالشتات
بيــناتنا يأســفنى البعاد
وبصمّــت ليكـ
الليل ضفــيره من الســواد
كان إحتشــادكـ فى الكواكب
والمدارات إنتهن
وبديت تعْتنقى الغياب


ما بنتى ليه..؟

Quote: ابو عبده الكتااااااااااااب اسكرتني هذه القصيدة حتى الثمالة ترابط ..انسجام ..قوة وجمال..انسياب شلالي من القلب الى القلب واللوحة المرسومة في هذا الاقتباس مكانها متحف الروائع الانسانية في سفر الادب. واصل الدروشة فمثلك لا يكون الا درويش كتابة. وفي انتظار ايقاعات جديدة

هند
العزيزه

أكاليل الياسمين
ونكهات الربيع
كلها
لكـ

مودتى

طمطم قالت

Quote: وبرفع رايتي قبالك عشان خاطر الكلام مجبور إذا ..وحّيت .. بجيكا حِداك.. وبعيش تعبك ..بكون مسرور ولو سكت الكلام مني.. أكيد معذور.

وقالت هند

Quote: الطير الهَاجر .. يبدأ الرحلة .. ويفضل يعانى .. رحيل الطير أيام وليالى كان للآرض الفيها براحو آملو يلاقى الضل والراحة ووطناً يمسح دمع أحزانو وأرضاً فيها النيل والخضرة رخية وتصبح زى أوطانو حلمو زهور ورياض الجنة شعاع الشمس المنو صباحو نسيم الليل الدافئ يداعب خصلات ريشو ونبض أحساسو غايتو سلام ووئام ومحنه عالم حب ..الصدق أساسو شوقو لهمسة وبسمة جميلة تطفئ النار وتداوى جراحو أملنا يلاقى الراحة ويوصل دنيا جميلة يصادف آحلامو ..