خالد المحرب ، معاذ حسن، هجو الاقرع ومحمد عمر الفكي شوفوا الصدفة الغريبة

يا جماعة عندما اشتركت في سودانيز اون لاين لم اكن اعرف احد من اعضاء المنبر لكن اكتشفت حاجات حيرتني وانا فعلا سعيد بيها
اولا الاسماء المذكورة في العنوان بينهم علاقات انا متاكد انهم لا يعرفونها
هجو الاقرع هو بمثابة خال لزوجة ابن عمي وفي نفس الوقت شيخ المحرب هو خال لابن عمي فهم يبقوا نسابة وقطع شك هم الاتنين ما عارفين.
ابن عمي التاني شقيق ابن عمي المذكور فوق متزوج عمة خطيبة معاذ حسن وفي نفس الوقت شيخ المحرب خاله فمعاذ وشيخ المحرب نسابة ورغم ان معاذ زار ود المحرب في منزله فانا متاكد انهم الاتنين ما عارفين العلاقة دي
حكما شيخ هجو ومعاذ نسابة.
موضوع نسابة شيخ هجو لينا عرفنه من بوست افرده لي خصيصا وموضوع نسابة معاذ عرفته بالصدفة لما عرفت اسم نسيبه الذي توفى الاسبوع الماضي.
انشاء الله البوست دا يكون في مجال صلة الارحام .
وشكرا لسودانيز اون لاين واخونابكري.

والله صدف غريبة كدى فتش لا قدام يمكن انا ذاتي اكون داخل في الشبكة دى

لو القاسم المشترك هو نزعة الهمبته انا معاكم طاااااااااب يا ود ابوى

عميق مودتى

الابن محمد عمر شكرا على هذا الموضوع ، بس عشان نعرف كلنا اننا متداخلين بصورة غربية ، ومن اجل هذا يجب علينا ان نناقش بعضنا فى المنبر بمنتهى الاحترام ، تحياتى للاسرة وابقو على (البنية عشرة) .

يا عم الطيب
الحاجات دي بتجي صدفة لكن من ناحية الهمبتة انت معانا تب.
عم هجو
شكرا للمرور والتعقيب