كلمات/امثال/عبارات مظلومه " دين حجر"

تستخدم عبارة دين حجر في الشارع العام وفي أواسط الشباب بكثرة
والمعني الحرفي الواضح يظن من الوهلة الأولى المقصود به المعتقد
إي بمعني معتقد الحجر

يقال

الزول ده دين حجر خلاص
يا دين حجر ما تروق

والحقيقة أن كلمة دين حجر مصدرها هو مدينة واو في بحر الغزال في الجنوب الحبيب
وتقال للزول (الناشف) صعب المراس
او الزول القحط الجلده

وحقيقة هذه العبارة واصلها اللفظي هو (دهن حجر) وليس ( دين حجر)

ومخارج حروف أهلنا في واو أخرجتها بهذه الصورة فصارت دين حجر باعتبار إن الهـ سايلند


وطبعا أهلنا في الشمال شالوها زي ما هي
واعتبروها دين حجر

دهن حجر : لفظة يقصد بها التشبيه بشي غير موجود ، وحينما يقال أن فلان دهن حجر يقصد حينها إنه كدهن الحجر ، والحجر لا دهن له كما هو معلوم وهي كناية عن البخل او الصعوبة المراس

ماسورة


الماسورة هي القضيب المعدني المجوف

تطلق هذه الايام على الزول العارض

ويقال
الزول ده ماسورة

اي بمعني انه زول عارض