مبروك .. مامون أبو الطيب .. نجاح و تفوق ابنته النجيبة ..

تواجدها.. وحضورها فى كل المنتديات .. الثقافية ..
بل ومشاركتها .. الجادة والتى تدل على ذكاء وثقافة

ومنها وقوفها لنقد مقال( محسن خالد) فى ندوته النص المبدع والأخلاق

كان ملفتا أن فى الطريق فتاة غد ..

وهاهى تحرز اليوم (96%) ..
مبروك لمامون و بناته ..

وللنجيبة أيضا ألف مبروك وأفراح تتلاحق ..

وألف ألف مبروك لك أيضاً أيها المعتصم النبيل ,
ماهى برضها بتك وإنت أبوها زى ما أنا أبوها ..

مبروك للبت الحديقه ( مهاد ) .. وهى كمان بتعزك كتير
وبتشكرك كتير , وزى ماإنت عارف عمو معتصم عندها بالدنيا ..

أجمل حاجه فى مهاد يا معتصم إبتسامتها الدائمه , وروحا العاليه
ودميعاتا القريبه ! وده فى حد ذاتو أكبر نجاح فى الوجود ,

أن تكون دائم البشر , طيب القلب , ورحب الصدر .. هكذا دائماً عودتنا مهاد,

فلها كل التحيه , وإلى الأمام ...

ألف مبروك ليكم كلكم ياباشمهندس .

مبروك لمهاد

الف مبروك ليكم الأتنين ومزيد من النجاح يارب..




تحياتي...

الف مبروك النجاح وعقبال الشهادات العليا..
مبروك الاخ الطيب نجاح بتك وعقبال اخواتها الباقيات..
مبروك مهاد..(على فكرة اسمك حلو شديد)..
مبروك ام مهاد نجاح بتك وبداية الحصاد الطيب..

الف مبروك اخى مامون نجاح البنية وربنا يعليها ويزيدها نجاح وعقبال الدكتوراه والله خبر جميل والفضل لله ثم لك ثم لامها التى سهرت من اجل نجاحها..


عقبال باقى الابناء انشاءالله كلهم ناجحين ومتفوقين..

العزيز الانسان و الاخ الصديق الاستاذ/ مامون و الاسرة.....

الف مبروك النجاح للابنة مهاد و مزيداً من التقدم لرفعة السودان الكبير و الذى اعلم تماماً بان أخى مامون مهمومً بهمه.

مبروك للسودان و لنا جميعاً

أخوك

صديق عبدالمنعم - الدوحة

صديق الصدوق ياسلام وين إنتو ياخى ,

ماهى دى بتكم مهاد .. ألف ألف مبروك
ليكم كلكم .. ولى كل حبيب وقريب ..

والف تحيه ليك ياضحيه , وما بقول بتك , لكن أختك الصغيره ,

ألف ألف مبروك ليك , ولى كل نسوان وبنات السودان ..

ياسلام ياحليمه , يباركو ليك كل جديد .. وإنت كمان إسمك مافى أحلى منو . وحقيتى الإسم يا حليمه .. ومبروك أستاذتى الغاليه , ليك ولى كل نساء السودان .. بالمناسبه أعز إنسانه فى حياتى كانت إسمها
حليمه .. وطبعاً هى حبوبتى أم أمى الغاليه .. وإنت حقيتى الإسم ياحليمه .

[]ومبروك ليكم كلكم يامنى , ماهى بتكم وروعتكم كلكم .. ألف تحيه ليك يامنى ..تسلمى

الف مبروك لمهاد ومذيدا من التفوق والنجاح


وفى امان الله

لا اله الا الله

بت الأحفاد , ألف تحيه ليك وألف ألف مبروك .. وبالمناسبه مهاد ناويه على طب
ومن الخيارات العندها , طب الأحفاد , أها إنت رايك شنو .. إذا جلينا من القبول الحكومى
طب الأحفاد كيف .

الف مبروك لمهاد وامنياتى بحياة اكاديمية زاهرة ..

وفرحنا ليكم يامامون ..

وياباشمهندس شنو (رافع القزاز)

ياسلام , يا محمد عبدالرحمن

مبروك ليكم كلكم , ووجودنا معاكم

هنا , هو فى حد ذاتو نجاح , وأكبر

فلاح . أسمى التحيات ..

Alsa7afa-30
لك حبى وباقات من أحلى ورود الدنيا,

ومن مهاد أجمل التحيات وجزيل الشكر.

ياسلام عليك .

أن تكون دائم البشر , طيب القلب , ورحب الصدر .. هكذا دائماً عودتنا مهاد,

فلها كل التحيه , وإلى الأمام ...

ده الكلام السمح
ربنا يحفظها

الى الامام
البت التمام
عالية المقام
ان شاء الله دايما
قدام قدام قدام

تحياتى
ام وضاح

الف الف مبروك
و نحو مزيدا من التوفيق

سلامات يا معتصم

غادة

وألف ألف سلامات يا غاده العزيزه.

بتسلم عليكى مهاد وأم مهاد ,

تهنئتكم لينا يا غاده قلاده على الجبين,
وده أكبر نجاح , وفرح مابعدو فرح ..

تسلمو .

يا للروعه يا أم وضاح ومهاد , ومافى أسمح من كلامك ,

وأى نجاح من غيركم , ماهو نجاح , ولا يعنى أى شىء ..

بتسلم عليك مهاد , وأم مهاد .. تسلمى أم وضاح .

Quote: مبروك لمامون و بناته .. وللنجيبة أيضا ألف مبروك وأفراح تتلاحق ..

ياسلام ياكمال عباس ,

بكم تكتمل كل فرحه

وكل نجاح .

لك كل
الود.

أكرر بالغ شكرى ليك ,

عزيزى الباشمهندس معتصم ,

وفيت وكفيت, وتسلم يا حبيب.

وعقبال كل البنات .

أبو الطيب .......... أبو مهاد

ألف مبروك ومزيد من التقدم

شكراً باشمهندس معتصم

وعلى قدر أهل العزم تأتى العزائم ..

محمد أبوالعزائم , شديت عزيمتنا ياخى
ربنا يديك ألف عافيه وعقبال كل البنات
والأولاد ... تسلم يا الحبيب .

1000 مبروك لابنتنا النجيبة

مهاد مأمون احمد إبراهيم

ومبروك لأخي مامون احمد ابراهيم (ابي الطيب سابقا) ولصديقي صلاح فالولة (عم العروس)
وللسيدة الجليلة أم مهاد صاحبة الفضل الأكبر في الرعاية والمتابعة والاهتمام

ونسأل الله ان يطيل عمرك وعمر والدتها لتروا باعينكم ثمار غرسكم وقد اتت اؤكلها


وعقبال نجاح اخوانها و/أو اخواتها الصغار

أبوحريره ياسلام عليك يا صديق ,

وأنت تطرز هذا المكان, وتنسجه بالحرير

وفرحانين بيك كتير يا الحبيب .

مهاد مامون
النجابة والذكاء الوقاد
ظاهرات في عيونها
وكذلك تمتلك جرأة الحديث في المحافل بلسان ذرب
وحضور طاغي

أتنبأ لها بمستقبل باهر
مليون مبروك لمهاد
والعقبى لاخواتها
والتهاني لك ولوالدتها وأعمامها النجوم

أبوساندرا , وأبومهاد ومنى , وكل البنات

ياها دى المحريه فيك , وعلى درب بناتنا الكبار
الغاليات ساندرا وماهى وساره , نستهدى الطريق

ألف مليون تحيه يا الحبيب ومبروك ليكم كلكم .

ومعليش اليوم داك ماقدرنا نصل , وكنا مشغولين
بى موضوع مهاد . بلغ إعتذارنا للجميع .

مبروك لمهاد مامون النجاح الباهر

ومبروك لأبوها وليك يا معتصم ولكل الأسرة

سلامات يا إنعام , وأكبر سعاده

وأروع نجاح , وجودنا معاكم هنا
وروعة طلتك البهيه وفرحك معانا ..

تسلمى يا إنعام ربنا يحفظك .

يا سلام.. ألف مبروك يا مهاد.. والله فرحنا ليك فرح شديد.. مهاد يوم العقد بتاعي كانت مستغربة إني ما حألبس فستان زفاف أبيض، وكانت بتسأل عمو دالي بذكاء محبب، كيف يعني من غير زفاف ؟ ...

مهاد بدون مقدمات، لقيتها بقت صاحبتي.. ما بتذكر يوم لا قيتها أول مره.. لانه كل مره ألاقيها كانت بتكون بنفس حماس وحرارة اللقاء..

مبروك يا د.مهاد

بنت الحسين

وياسلام , بت الحسين وبت أهلى الكرام ,

الفرح فرحكم وإنتو أسيادو , وياهو عجنكم وخبزكم
وحرث أهلى العزاز الكرام , العلمو العلم التمام ,

وكيف يكون الحب والسلام , وكيف يكون الوئام والإبتسام .

سلام وألف مليون سلام , لى أهل السلام .

سلام د.أحمد , علويه , مريم , مازن , مروان , محمود .

مامون لاول مرة أكتشف أنك سمي
فبنتى الكبيرة مهاد وهى طالب
بجامعة الاحفاد تدرس علوم ادارية
ألف مبروك لمهاد مامون ويادوب
إبتدى العمر الجميل وعقبال نقول
مبروك الدكتورا لمهاد وجدو لمامون

ياسلام يابدر البدور ,

وأنا أول مره أكتشف أنو عندى بت تانيه إسمها مهاد ,
وأبوها بدر .. بقو مهادين , وروح واحده وإنقسمت قسمين ,
وده شىء عجيب فى هذا الغرام , وفى هاتين الفروع ياسمين !

أها يابدر تانى فى صدفه ! ما إنت سيد العارفين !
ياخى نحن والبنات ديل مرسومين رسم !

يخليهن الله لينا وليكم .. ألف مبروك يابدر , تسلم .

*
**

ياله من عقل جميل... ممتلئ بملاحظات ذكية، يحلق هنا، وهناك، في جنة الحياة الماثلة، يشحذ شفافيته، فيرى ما لا يرى، من بهاء الوجود، ونضارة الواقع، وشاعرية الحياة...

Quote:

التعليم (هو مجهود فردي يقوم به كل فرد لتحرير المواهب الطبيعة، "العقل والقلب"، من اسر الأوهام والأباطيل)... الاستاذ محمود..


ياله من شرف لنا..

**
*

وأكبر شرف لنا أن تتواجدوا هنا ,
أيها الأحباب .

عبدالغنى مادى بنيتك مهاد الأنت
عارفا .

شكراً معتصم , شكراً عبدالغنى ,
ومبروك ليكم كلكم.