Post: #1
Title: من هو (الجعلي) الذي سيرث ملف دارفور؟
Author: Zoal Wahid
Date: 06-27-2007, 12:21 PM
؟
|
Post: #2
Title: Re: من هو (الجعلي) الذي سيرث ملف دارفور؟
Author: saif massad ali
Date: 06-27-2007, 12:24 PM
Parent: #1
السماني الوسيلة
|
Post: #3
Title: Re: من هو (الجعلي) الذي سيرث ملف دارفور؟
Author: Zoal Wahid
Date: 06-27-2007, 12:26 PM
Parent: #1
تشكر على المشاركة و التصويت
|
Post: #4
Title: Re: من هو (الجعلي) الذي سيرث ملف دارفور؟
Author: Hatim Yousif
Date: 06-27-2007, 12:33 PM
Parent: #1
نرجو التحديد أكتر ... ياتو فرع في الجعليين ؟؟؟؟؟؟؟؟؟
|
Post: #5
Title: Re: من هو (الجعلي) الذي سيرث ملف دارفور؟
Author: Zoal Wahid
Date: 06-27-2007, 01:09 PM
Parent: #4
يا حاتم اخوي ليه...ادخلت الدرب في الموية؟
ناس دارفور بيقولوا ( درب دخل في ألمي) كناية عن استحالة تتعب الاثر
تحياتي ومشكور
*** حد يساعدنا ؟؟؟؟؟
|
Post: #6
Title: Re: من هو (الجعلي) الذي سيرث ملف دارفور؟
Author: ahmed haneen
Date: 06-27-2007, 01:20 PM
Parent: #1
زول واحد ..
بعيدا عن عنصرية ... وجهوية ..
كان يجب ان يكون السؤال هكذا ..
من هو المؤتمر الوطني الذي يرث ملف دارفور ؟؟؟
|
Post: #7
Title: Re: من هو (الجعلي) الذي سيرث ملف دارفور؟
Author: Tragie Mustafa
Date: 06-27-2007, 01:33 PM
Parent: #6
احمد حنين
سلام
لا يا اخوي الموضوع لم يعد مؤتمر وطني وشعبي
صار مجموعة علي عثمان ومجموعة البشير
ومجذوب الخليفه كان من مجموعة البشير
وعلي عثمان اتصل بناس دارفور كثير ودخل الواسطات
ودعاهم لان يطلبوا تحويل ملف دارفور لشخصه!!
يبقى زول واحد ما علطان لما سمى الحاجات باسمائها.
ترى لمن في جعلين المؤتمر الوطني سينتقل ملف دارفور؟؟؟
شايقية علي عثمان تركنا ليهم فساد قضايا المناصير وسد مروي العايزين يقوموه
على جماجم المناصير وجماجم النوبين في كجبار.
اما جعلية عمر البشير رهطه المؤتمر الوطني فهم مسؤلين عن مأساة دارفور...
وعلى عثمان ليس بريئا ايضا من دارفور
فقد كان يشارك بزيادو الفتنه حتى يثبت فشل مجذوب الخليفه!!
عشان عايز يضيف ابوجا لمنجازاته مثل نيفاشا .
ظل علي عثمان المسؤل الاول من ملف الفتنه باشعال المعارضه التشاديه
التي احتواها القذافي لاحقا
كل هذا حتى تكون له سطوة في موضع دارفور
شوف بقى يا احمد حنين نحن كنا البقعه الحقيقه للصراع الداير في القصر كيف؟؟؟؟
بين شايقية المؤتمر الوطني و جعلية المؤتمر الوطني!!
|
Post: #8
Title: Re: من هو (الجعلي) الذي سيرث ملف دارفور؟
Author: اسامه هاشم
Date: 06-27-2007, 01:42 PM
Parent: #7
تراجي مصطفى
يبقى المؤتمر الوطني كله حسب تحليلك لقمة سائقة
بين ما هو جعلي بزعامة البشير او شايقي بزعامة
علي عثمان.... طيب البقية راحوا فين؟؟؟
هل فعلا المؤتمر الوطني تم اختزاله تماما في الشايقي
والجعلي؟؟؟؟ افيدونا يا ناس المؤتمر الوطني...
|
Post: #10
Title: Re: من هو (الجعلي) الذي سيرث ملف دارفور؟
Author: saif massad ali
Date: 06-27-2007, 01:52 PM
Parent: #8
نعم يا اسامة هاشم
وكمان جعلين وشايقية السافل
|
Post: #11
Title: Re: من هو (الجعلي) الذي سيرث ملف دارفور؟
Author: Zoal Wahid
Date: 06-27-2007, 02:00 PM
Parent: #7
العزيزة تراجي
على عثمان سبب مباشر في دخول البلاد نفق الجهوية.
محاولته امساك الملف ليس حبا في احقاق الحق انما يريد ان يرفع
رصيده كما تفضلت بعد نجاح نيفاشا ويصبح الرجل الاول الملم بكل
ملفات الهامش.
امكانية قيادته للمفاضات حاليا ضئيلة ما لم يتمكن من زحزحة نافع
وبكري من حول البشير
|
Post: #9
Title: Re: من هو (الجعلي) الذي سيرث ملف دارفور؟
Author: Zoal Wahid
Date: 06-27-2007, 01:50 PM
Parent: #6
الاخ احمد حنين
الانقاذ بعد المفاصلة بقت واضحة المعالم
بدليل ان ملفات المفاوضات مسكوها ناس من جهة محددة
احتفلت قبيلة مصطفى عثمان بنجاحه في مفاوضات الشرق
على عثمان مفاوضات الجنوب
الملفات الحساسة زي دي لا تعطي لغير ابناء القبائل الثلاثة المهيمنيين
على الدولة و المؤتمر الوطني
من وجهة نظري فان ام المستحيلات كسر هذه القاعدة لمنح الملف لشخص
من الشرق او الجنوب او الغرب.
الملف بيد الجعليين في المؤتمر الوطنى الآن.... فمنسيكون الوريث؟
|
Post: #12
Title: Re: من هو (الجعلي) الذي سيرث ملف دارفور؟
Author: WadalBalad
Date: 06-27-2007, 02:09 PM
Parent: #1
مصطفى عثمان إسماعيل
أو
أحمد الدابى
وحا تشوف كلامى دة
|
Post: #13
Title: Re: من هو (الجعلي) الذي سيرث ملف دارفور؟
Author: Zoal Wahid
Date: 06-27-2007, 02:14 PM
Parent: #12
Quote: مصطفى عثمان إسماعيل
أو
أحمد الدابى
وحا تشوف كلامى دة |
الاخ ود بلد
حسب ظني مصطفي عثمان اخذ فرصته
هل الدابي جعلي ؟؟؟
|
Post: #14
Title: Re: من هو (الجعلي) الذي سيرث ملف دارفور؟
Author: Hatim Yousif
Date: 06-27-2007, 02:22 PM
Parent: #1
طيب جعلية وشايقية الصعيد مستنين شنو ؟؟ المفروض طوالي يخشوا الغابة ..
مني البيان الأول .. بإسم حركة تحرير جعلية وشايقية الصعيد - مكتب أروبا
|
Post: #15
Title: Re: من هو (الجعلي) الذي سيرث ملف دارفور؟
Author: أنور أدم
Date: 06-27-2007, 02:45 PM
Parent: #14
مصطفى عثمان إسماعيل
|
Post: #17
Title: Re: من هو (الجعلي) الذي سيرث ملف دارفور؟
Author: nazar hussien
Date: 06-27-2007, 03:21 PM
Parent: #15
قوات الامم المتحدة...هي الجعلي الذي سيرث ملف دارفور...
|
Post: #34
Title: Re: من هو (الجعلي) الذي سيرث ملف دارفور؟
Author: Zoal Wahid
Date: 06-30-2007, 05:28 AM
Parent: #17
Quote: قوات الامم المتحدة...هي الجعلي الذي سيرث ملف دارفور...
Nazar |
روق المنقة ... ما تتجوعل
|
Post: #16
Title: Re: من هو (الجعلي) الذي سيرث ملف دارفور؟
Author: WadalBalad
Date: 06-27-2007, 03:17 PM
Parent: #1
مصطفى عثمان إسماعيل فى معسكر البشير والذى
يضم أيضا نافع على نافع وعبدالرحيم محمد حسين
وبكرى حسن صالح وصلاح قوش.
على عثمان معه عوض الجاز وبعض قيادات الجيش
والحركة الإسلامية.
والوضع متوتر جدا وحا يحصل فرز مثل قرارات
رمضان التى أطاحت بالترابى.
والسبب كله دارفور....
ولذلك لا يمكن للرئيس أن يسلم الملف إلا لشخص
يثق فيهو تمام نسبة للحساسية البالغة للمشكلة.
سلام الشرق إكتمل... ومصطفى عثمان إسماعيل
سوف يستلم ملف دارفور,,,,
نعيش .... ونشوف,,,,,,
|
Post: #18
Title: Re: من هو (الجعلي) الذي سيرث ملف دارفور؟
Author: الطيب عبدالرازق النقر
Date: 06-27-2007, 03:39 PM
Parent: #16
اخ حاتم
انا جعلى ومن الصعيد اؤيد ما ذهبت اليه وارى نفسى جديرا بان تحال
الى احدى الملفات المعقدة والا لاعلنت تمردى عن نظام البشير ولاتصلت
باهلنا المبعثرون فى اثيوبيا طالبا منهم النصرة والعون
وعاشت العقلية السودانية وعاش النضال الاسفيرى
|
Post: #36
Title: Re: من هو (الجعلي) الذي سيرث ملف دارفور؟
Author: Zoal Wahid
Date: 06-30-2007, 05:38 AM
Parent: #18
Quote: اخ حاتم
انا جعلى ومن الصعيد اؤيد ما ذهبت اليه وارى نفسى جديرا بان تحال
الى احدى الملفات المعقدة والا لاعلنت تمردى عن نظام البشير ولاتصلت
باهلنا المبعثرون فى اثيوبيا طالبا منهم النصرة والعون
وعاشت العقلية السودانية وعاش النضال الاسفيرى |
الاخ الطيب النقر
انا بقول وجهة نظر
عمرى ما قلت انا مناضل او منتمي الى حزب او حركة.
كدى اسألك لماذا الملفات الكبيرة دي شايلنها ناس من جهوية محددة
وكل قبيلة مسكت ليها ملف.
لماذا لا يعطي الملف لسلفاكير او ابو علي مجذوب من الشرق او شخص
من كردفان او حتى من دارفور ... اذا الموضوع تحقيق سلام وليس
هيمنة؟
|
Post: #35
Title: Re: من هو (الجعلي) الذي سيرث ملف دارفور؟
Author: Zoal Wahid
Date: 06-30-2007, 05:30 AM
Parent: #16
Quote: مصطفى عثمان إسماعيل فى معسكر البشير والذى
يضم أيضا نافع على نافع وعبدالرحيم محمد حسين
وبكرى حسن صالح وصلاح قوش.
على عثمان معه عوض الجاز وبعض قيادات الجيش
والحركة الإسلامية.
والوضع متوتر جدا وحا يحصل فرز مثل قرارات
رمضان التى أطاحت بالترابى.
والسبب كله دارفور....
ولذلك لا يمكن للرئيس أن يسلم الملف إلا لشخص
يثق فيهو تمام نسبة للحساسية البالغة للمشكلة.
سلام الشرق إكتمل... ومصطفى عثمان إسماعيل
سوف يستلم ملف دارفور,,,,
نعيش .... ونشوف,,,,,, |
|
Post: #19
Title: Re: من هو (الجعلي) الذي سيرث ملف دارفور؟
Author: ahmed haneen
Date: 06-27-2007, 06:26 PM
Parent: #1
يا زول يا واحد .. وتراجي ..
انت لم تقل في البداية جعلية المؤتمر الوطني ..
ولكنك عممت .. ولذا لزم التنبيه
فالمؤتمر الوطني .. به من كل القبائل نفعيين ومتسلقين ..
اليس كذلك ؟؟
|
Post: #20
Title: Re: من هو (الجعلي) الذي سيرث ملف دارفور؟
Author: Ahmed Mohamedain
Date: 06-27-2007, 10:30 PM
Parent: #19
Let all who orchestrated ethnic cleansing go to hell straight up!
Amen
|
Post: #21
Title: Re: من هو (الجعلي) الذي سيرث ملف دارفور؟
Author: Mohamed Suleiman
Date: 06-28-2007, 04:45 AM
Parent: #20
الأخ زول واحد ..
لك التحية و الإحترام
كتب الأخ ود البلد :
Quote: ولذلك لا يمكن للرئيس أن يسلم الملف إلا لشخص
يثق فيهو تمام نسبة للحساسية البالغة للمشكلة. |
و سيكون هذا الشخص هو البشير نفسه .... ( لأنو اليومين ديل لا يثق في أي أحد من حوله .... فلقد بدأ يسألهم الواحد تلو الآخر : يا زول إنت خواجة ؟؟ ... ما في خواجة يجينا ) ...
خلاص فكت منو ... و نحن دايرين لسانو ينطلق .. يكشف المسكوت عنه ..
نحن نريده ان يستلم ملف دارفور ....
و يركب نفس العربية ...
بنفس طاقم الإطارات ...
.
.
لم نري هذه الحساسية من هجو الأقرع عندما مات الألاف من أهل دارفور . ...
اللهم لا شماتة في الموت ...
و لكن الآن قد وضحت الصورة لكل الناس و مدي عمق جراح أهل دارفور و أبناء دارفور ...
لكل من تصفح البورد اليوم يجد أن الراحل قد تسبب في أذي أناس كثر ...
نعم ... أذكروا محاسن موتاكم ... و موتانا دفنوا في مقابر جماعية و كان منهم الفكي التقي و التاجر و المدرس و ربة البيت ...
ذهب مجذوب الخليفة ... الفرد ..
لكن المؤسسة مازالت هنا .
.
.
|
Post: #22
Title: Re: من هو (الجعلي) الذي سيرث ملف دارفور؟
Author: Tragie Mustafa
Date: 06-28-2007, 04:57 AM
Parent: #21
يا احمد حنيني
هي ما بقت ما فارقه
Quote: يا زول يا واحد .. وتراجي ..
انت لم تقل في البداية جعلية المؤتمر الوطني .. |
تقول شايقية المؤتمر الوطني ينطوا لك شايقيه ختميه في حلقك
تقول جعلية المؤتمر الوطني ينطوا لك حزب بهجة الجعليه في حلقك
يبقى الدقه لمن ولشنو؟؟ كل عند العرب صابون.
|
Post: #39
Title: Re: من هو (الجعلي) الذي سيرث ملف دارفور؟
Author: Zoal Wahid
Date: 06-30-2007, 05:53 AM
Parent: #21
Quote: نحن نريده ان يستلم ملف دارفور ....
و يركب نفس العربية ...
بنفس طاقم الإطارات ... |
بشرط يا محمد ... وداد ما تركب معاهو
|
Post: #38
Title: Re: من هو (الجعلي) الذي سيرث ملف دارفور؟
Author: Zoal Wahid
Date: 06-30-2007, 05:49 AM
Parent: #20
الاخ احمد محمدين
اكبر كارثة حلت بالسودان هي الجهوية والعرقية
والمؤسف انها جاءت من حركة ادعت انها اسلامية.
|
Post: #37
Title: Re: من هو (الجعلي) الذي سيرث ملف دارفور؟
Author: Zoal Wahid
Date: 06-30-2007, 05:44 AM
Parent: #19
Quote: يا زول يا واحد .. وتراجي ..
انت لم تقل في البداية جعلية المؤتمر الوطني ..
ولكنك عممت .. ولذا لزم التنبيه
فالمؤتمر الوطني .. به من كل القبائل نفعيين ومتسلقين ..
اليس كذلك ؟؟ |
الاخ احمد حنين
مشكور على التنبيه، فعلا ما قصدته هو جعلية المؤتمر الوطني وليس
الوطنيين من الجعليين.
الانقاذ لا تعترف بوطنية من لا يدخل المؤتمر الوطني ولا تكلفهم
بمهمة وطنية ....
.
|
Post: #23
Title: Re: من هو (الجعلي) الذي سيرث ملف دارفور؟
Author: Salwa Seyam
Date: 06-28-2007, 05:01 AM
Parent: #1
Quote: ذهب مجذوب الخليفة ... الفرد ..
لكن المؤسسة مازالت هنا . |
للأسف ..
|
Post: #24
Title: Re: من هو (الجعلي) الذي سيرث ملف دارفور؟
Author: osama elkhawad
Date: 06-28-2007, 06:52 AM
Parent: #23
المؤسسة هي تمظهر لاستراتيجية وتكتيك اي حزب
الجعليون ظلموا لانهم حسبوا ضمن الفريق السياسي المعين،
لكنهم من أبأس خلق الله في عيشهم،
مما لا يتوافق مع الزمرة التي تمثل الجعليين في السلط كلها.
انا جعلي بالتصنيف،
لكنني لا أتشرف بذلك ،
لانني ضد القبلية وضد قرابة الدم
محبتي
المشاء
|
Post: #40
Title: Re: من هو (الجعلي) الذي سيرث ملف دارفور؟
Author: Zoal Wahid
Date: 06-30-2007, 05:58 AM
Parent: #24
Quote: انا جعلي بالتصنيف،
لكنني لا أتشرف بذلك ،
لانني ضد القبلية وضد قرابة الدم
محبتي
المشاء |
الاخ اسامة الخواض
اعتذر لك للتعميم(بلا قصد)
امثالك الذين نتشرف بوجودهم ونتطلع انهم سيبنوا معنا دولة المواطنة.
سودان يسع الجميع بلا عرقية او جهوية
|
Post: #25
Title: Re: من هو (الجعلي) الذي سيرث ملف دارفور؟
Author: بدرالدين كاجوري
Date: 06-28-2007, 11:44 AM
Parent: #1
ZOAL WAHID
اعتقد احمد هارون او فاروق احمد ادم
تراجي
شايقية المؤتمر الوطني و جعلية المؤتمر الوطني
او غرابة لمؤتمر الوطني
الاتتفقي معي ان المسالة عبارة عن افراد وليس قبائل
وانا فهمت من حشركم لجعلي دي فيها تورية وهذا مانرفضة لانناجعلتيا
ولكم الود شوالات
|
Post: #26
Title: Re: من هو (الجعلي) الذي سيرث ملف دارفور؟
Author: خالد علي محجوب المنسي
Date: 06-28-2007, 07:36 PM
Parent: #25
Quote: زول واحد ..
بعيدا عن عنصرية ... وجهوية ..
كان يجب ان يكون السؤال هكذا ..
من هو المؤتمر الوطني الذي يرث ملف دارفور ؟؟؟ |
لما كل هذه الاحقاد على الجعلين... الحكومة موتمر وطني وحركة والوان طيف اخرى
وحتى المؤتمر الوطني كم عدد الجعليين فيه
والله لو مسكت معاي هسا نحسب وزير وزير أكثرهم من الغرب
لكن في البطون حقد على الجعليين ولا ادري لما ؟
دعوها فأنها نتنة
أما إذا كانت عجعبتك فارغة فألزم القراءة وما ضروري تكتب موضوع
ولك تحياتي خالص احترامي وأرجو ان تحترم مشاعرنا نحن جعليين
خالد محجوب
|
Post: #27
Title: Re: من هو (الجعلي) الذي سيرث ملف دارفور؟
Author: Tragie Mustafa
Date: 06-28-2007, 08:03 PM
Parent: #26
الجعلي الفاضل بدر الدين كاجوري
Quote: شايقية المؤتمر الوطني و جعلية المؤتمر الوطني
او غرابة لمؤتمر الوطني
الاتتفقي معي ان المسالة عبارة عن افراد وليس قبائل
وانا فهمت من حشركم لجعلي دي فيها تورية وهذا مانرفضة لانناجعلتيا
ولكم الود شوالات |
والله لا اعتقد انه زول واحد يعتقدها حشرت حشرا( الجعليه )
لكنه يعتقد صادقا ان الملف سيحول لجعلي آخر مؤتمرجي.
وياناس تورط الجماعه ديل ماعايز ليه شاهد
وهم من فعلوا ذلك ونحن فقط نسمي الاشياء بمسمياتها.
ولك من الود اطنان.
|
Post: #28
Title: Re: من هو (الجعلي) الذي سيرث ملف دارفور؟
Author: Tragie Mustafa
Date: 06-28-2007, 08:08 PM
Parent: #27
الحبيب خالد محجوب المنسي
اياك ان تصدق ان هنالك حقد خاص تجاه الجعلين صدقني تكون ظلمت نفسك
Quote: لما كل هذه الاحقاد على الجعلين... الحكومة موتمر وطني وحركة والوان طيف اخرى
وحتى المؤتمر الوطني كم عدد الجعليين فيه
والله لو مسكت معاي هسا نحسب وزير وزير أكثرهم من الغرب
لكن في البطون حقد على الجعليين ولا ادري لما ؟
دعوها فأنها نتنة
أما إذا كانت عجعبتك فارقة فألزم القراءة وما ضروري تكتب موضوع
ولك تحياتي خالص احترامي وأرجو ان تحترم مشاعرنا نحن جعليين
خالد محجوب |
بعدين الجعلين هم ديل منو البتكرهوا ككقبيله؟؟؟
ما عندنا خالد المنسي
رجلا كغمام في نهار حار
وعندنا خالد العبيد اخو بيسند الظهر
وعندنا اسامه الخواض يترفع عن الصغائر وهو في قمة حزنه.
وعندنا القردابي حبنا ومعزتنا ونوراة بوردانا
يا اخي حتى العزيز هجو الاقرع بكل اسلميته لكنه روض البورد كله بمحبته وخوته.
تقوعا فقط في خطأ كبير
عندما تخلطوا الامور بين الجعلين بالمؤتمر الوطني و الجعلين القبيله.
ولك اطنان من الود يا ود شندي
|
Post: #29
Title: Re: من هو (الجعلي) الذي سيرث ملف دارفور؟
Author: خالد علي محجوب المنسي
Date: 06-28-2007, 08:42 PM
Parent: #28
Quote: زول واحد ..
بعيدا عن عنصرية ... وجهوية ..
كان يجب ان يكون السؤال هكذا ..
من هو المؤتمر الوطني الذي يرث ملف دارفو |
الأخت الفاضلة تراجي
تحية طيبة
لذا كان أقتباسي الفوق من أخ كريم ماعدمناه يعرف أسلوب الخلاف السياسي
أرض الجعليين كانت دوماً معارضة لاي حكم عسكري ومازالت
ولا تتناسو حتى العساكر من ابناء الجعليين كانوا دوماً سنداً للديمقراطية
فكان أنقلاب عبدالرحيم شنان علي عبود
وكان انقلاب هاشم العطاء على نميري
اتحاشى دوماً عزيزتي تراجي المهاترات في هذه الأمور .. لستُ بعنجهي ولا قبلي ولكن من يتعدى ويطعن قبيلتي حتى لو بهمس لا أسكت له
ودوما يتكرر من الأخوة البمسكو صداع سببو الجعليين
تعرفي يا تراجي كان في واحد وجارو جعلي ... جاءت جمعية خيرية أعطت كل واحد منهم بقرة ... بعد فترة من الزمن رجعوا ناس الجمعية ليطمئنوا على الابقار فوجدوا بقرة الرجل جار الجعلي ماتت .. فعرضوا عليه أنهم سوف يعوضونه بقرة أخرى .. فقال لهم الرجل ما عاوز تعويض لو عاوزين تفشو غبينتي دي ... أكتلوا بقرة الجعلي جاري
لك التحية والاحترام تراجي على تلك الكلمات الطيبة
خالد محجوب
|
Post: #30
Title: Re: من هو (الجعلي) الذي سيرث ملف دارفور؟
Author: Tragie Mustafa
Date: 06-28-2007, 08:45 PM
Parent: #29
يبرأ الجعلي يا يمه وتبرأ بقرته. يا خالد.
Quote:
لك التحية والاحترام تراجي على تلك الكلمات الطيبة
خالد محجوب |
خالد يا اخي انت رجل طيب وتستحق كل طيب.
ادامك الله اخا فاضلا اعتز به.
|
Post: #42
Title: Re: من هو (الجعلي) الذي سيرث ملف دارفور؟
Author: Zoal Wahid
Date: 06-30-2007, 06:19 AM
Parent: #26
Quote: لما كل هذه الاحقاد على الجعلين... الحكومة موتمر وطني وحركة والوان طيف اخرى
وحتى المؤتمر الوطني كم عدد الجعليين فيه
والله لو مسكت معاي هسا نحسب وزير وزير أكثرهم من الغرب
لكن في البطون حقد على الجعليين ولا ادري لما ؟
دعوها فأنها نتنة
أما إذا كانت عجعبتك فارغة فألزم القراءة وما ضروري تكتب موضوع
ولك تحياتي خالص احترامي وأرجو ان تحترم مشاعرنا نحن جعليين
خالد محجوب |
الاخ خالد
الناس بدل (صرف) روشتة الحقد و الحسد حقو يتناقشو لماذا تطرح
هكذا مواضيع؟
الانقاذ يهيمن عليها جعل / دناقلة / شايقية
شوف اكبر 6 رؤؤس في الانقاذ تلقاهم من القبائل الثلاثة هذه.
باقي المؤتمر الوطني اقرب الى الرجرجة والدهماء.. مجرد متسلقين ونفعيين.
كلمة دعوها فانها نتنة يجب ان توجه الى ابوالجاز وعلى عثمان
والبشير وبكري وعبدالرحيم وصلاح قوش وعطا ونافع وغيرهم وليس الى الضحايا.
ملاحظتي ان ملف نيفاشا بعد نجاح على عثمان فيه اعطيت الفرصة لمجموعة
الجعليين اماملف الشرق اعطيت الفرصة لمصطفى عثمان ففرحت قبيلته بانجازه،
السؤال اليس في السودان رجال آخرون من غير قبائل الشمال لتولى الملفات
الساخنة؟
ماذا يضير السودان لو تم تسليم الملف الى دارفورى من المؤتمر الوطني
لتحقيق السلام؟ لن يحدث ذلك لان الجهوية هي التي تمسك بمفاصل الدولة.
Quote: أما إذا كانت عجعبتك فارغة فألزم القراءة وما ضروري تكتب موضوع
ولك تحياتي خالص احترامي وأرجو ان تحترم مشاعرنا نحن جعليين |
الموضوع ده مهم لتعرف كيف افكر انا وتناقشني بالحجة.
اوضحت انني لا اعني كل الجعليين انما جعل المؤتمر الوطني
|
Post: #41
Title: Re: من هو (الجعلي) الذي سيرث ملف دارفور؟
Author: Zoal Wahid
Date: 06-30-2007, 06:05 AM
Parent: #25
Quote: WAHID
اعتقد احمد هارون او فاروق احمد ادم
تراجي
شايقية المؤتمر الوطني و جعلية المؤتمر الوطني
او غرابة لمؤتمر الوطني
الاتتفقي معي ان المسالة عبارة عن افراد وليس قبائل
وانا فهمت من حشركم لجعلي دي فيها تورية وهذا مانرفضة لانناجعلتيا
ولكم الود شوالات |
الاخ بدرالدين
لك من الود براميل.
الانقاذ هي التي حشرتنا في جحر التصنيف العرقي والجهوي.
الوظيفة و الوزارة بقت بالقبيلة وليست بالمؤهل.
الانجليز فاتوا خلونا كلنا بنقول ( انا سوداني انا)
حسع محل ما تقابل ليك زول تتفرس في وجهه او يالاخو انت من وين؟
معروف ان الانقاذ لن تسلم هذا الملف (لجعلي) غير مؤتمر وطني مهما
كانت تضحياته للوطن.
|
Post: #31
Title: Re: من هو (الجعلي) الذي سيرث ملف دارفور؟
Author: بدرالدين كاجوري
Date: 06-29-2007, 10:28 AM
Parent: #1
اتحاشى دوماً عزيزتي تراجي المهاترات في هذه الأمور .. لستُ بعنجهي ولا قبلي ولكن من يتعدى ويطعن قبيلتي حتى لو بهمس لا أسكت له
ودوما يتكرر من الأخوة البمسكو صداع سببو الجعليين
ود اعمي خالد المنسي تسلم
والمفروض هذا الكلام ينطبق عليك ياتراجي يعني نحترم دفاعك عن قبيلتك مع انني ارفض الاطار الضيق ولكن نجبر احيانا لذلك .
كلنا سودانيين ولا فرق بيننا الا بدرجات اخلاصنا وتجردنا وحبنا لهذا الوطن واللة السودان دة اكبر ممانتصور بسعنا كلنا وقدرنا كمان بس النفوس كان اطايبت قالوا السرير بشيل عشرة .
ولكم الود شوالات
|
Post: #32
Title: Re: من هو (الجعلي) الذي سيرث ملف دارفور؟
Author: khaleel
Date: 06-29-2007, 05:52 PM
Parent: #31
من النكات التي تروي ايام مفاوضات الجنوب
قيل ان وفد الحركة الشعبية رفض التفاوض مع علي الحاج بحجة انه ليس سوداني
ورفضوا التفاوض مع غازي صلاح الدين بحجة انه تركي
ونحن باسم قبيلة الجعليين جاتنا تعليمات من سيدنا المك نمر من قبره
بعدم التفاوض حول دارفور
|
Post: #33
Title: Re: من هو (الجعلي) الذي سيرث ملف دارفور؟
Author: احمد التجانى احمد
Date: 06-29-2007, 09:00 PM
Parent: #32
Quote: حنين
سلام
لا يا اخوي الموضوع لم يعد مؤتمر وطني وشعبي
صار مجموعة علي عثمان ومجموعة البشير
ومجذوب الخليفه كان من مجموعة البشير
وعلي عثمان اتصل بناس دارفور كثير ودخل الواسطات
ودعاهم لان يطلبوا تحويل ملف دارفور لشخصه!!
يبقى زول واحد ما علطان لما سمى الحاجات باسمائها.
ترى لمن في جعلين المؤتمر الوطني سينتقل ملف دارفور؟؟؟
شايقية علي عثمان تركنا ليهم فساد قضايا المناصير وسد مروي العايزين يقوموه
على جماجم المناصير وجماجم النوبين في كجبار.
اما جعلية عمر البشير رهطه المؤتمر الوطني فهم مسؤلين عن مأساة دارفور...
وعلى عثمان ليس بريئا ايضا من دارفور
فقد كان يشارك بزيادو الفتنه حتى يثبت فشل مجذوب الخليفه!!
عشان عايز يضيف ابوجا لمنجازاته مثل نيفاشا .
ظل علي عثمان المسؤل الاول من ملف الفتنه باشعال المعارضه التشاديه
التي احتواها القذافي لاحقا
كل هذا حتى تكون له سطوة في موضع دارفور
شوف بقى يا احمد حنين نحن كنا البقعه الحقيقه للصراع الداير في القصر كيف؟؟؟؟
بين شايقية المؤتمر الوطني و جعلية المؤتمر الوطني!! |
تحليل سطحى دون اى ادلة
غايتو ياتراجى بتكتبى بالشهرة ساااى بقيتى
|
Post: #43
Title: Re: من هو (الجعلي) الذي سيرث ملف دارفور؟
Author: Zoal Wahid
Date: 06-30-2007, 06:24 AM
Parent: #32
Quote: ونحن باسم قبيلة الجعليين جاتنا تعليمات من سيدنا المك نمر من قبره
بعدم التفاوض حول دارفور |
البيقنع البشير منو ؟؟؟
مشكور على النكتة.
|
Post: #44
Title: Re: من هو (الجعلي) الذي سيرث ملف دارفور؟
Author: Zoal Wahid
Date: 06-30-2007, 06:28 AM
Parent: #1
Quote: بعدين الجعلين هم ديل منو البتكرهوا ككقبيله؟؟؟
ما عندنا خالد المنسي
رجلا كغمام في نهار حار
وعندنا خالد العبيد اخو بيسند الظهر
وعندنا اسامه الخواض يترفع عن الصغائر وهو في قمة حزنه.
وعندنا القردابي حبنا ومعزتنا ونوراة بوردانا
يا اخي حتى العزيز هجو الاقرع بكل اسلميته لكنه روض البورد كله بمحبته وخوته.
تقوعا فقط في خطأ كبير
عندما تخلطوا الامور بين الجعلين بالمؤتمر الوطني و الجعلين القبيله.
ولك اطنان من الود يا ود شندي |
العزيزة تراجي
لم يكن في خاطري حين كتبت البوست غير جعل المؤتمر الوطني
في ما بعد تعذر تغيير العنوان او الاضافة اليه.
الانقاذ لا تعترف بوطنية غير المنتمين اليها حتى ولو كانوا جعليين.
اكرر اعتذاري للخطل الغير مقصود.
|
Post: #45
Title: Re: من هو (الجعلي) الذي سيرث ملف دارفور؟
Author: Zoal Wahid
Date: 06-30-2007, 08:46 AM
Parent: #1
من من جعل المؤتمر الوطني سيرث الملف؟
|
Post: #46
Title: Re: من هو (الجعلي) الذي سيرث ملف دارفور؟
Author: خالد علي محجوب المنسي
Date: 06-30-2007, 09:27 PM
Parent: #45
Quote: العزيزة تراجي
لم يكن في خاطري حين كتبت البوست غير جعل المؤتمر الوطني
في ما بعد تعذر تغيير العنوان او الاضافة اليه.
الانقاذ لا تعترف بوطنية غير المنتمين اليها حتى ولو كانوا جعليين.
اكرر اعتذاري للخطل الغير مقصود. |
الحبيب الفاضل / زول واحد
أخي نعرف أنه يتعذر تعديل العنوان بعد تنزيل الموضوع
لكن كان تنزل وتنوه حتى لو بي سطر أنك لا تقصد الجعليين كقبيلة
ارجع لاول البوست تجد المهاترات التي مست أهلنا الطيبين وهم ابرياء من كل فعل ... وهي التي حركت عواطفنا أنا وأخي كاجوري
كثرت المسبات للجعليين وفاتت الحد اخي وبالذات في هذا المنبر كلما عملت حكومة السجم مصيبة اول مسبة توجه للجعليين وليست للانقاذ كحكومة.
فقط نرجو ان تراعو مشاعرنا فيما تخط كيبورداتكم من كلمات ترموها وهي تغوّر في الجروح لناس لا ناقة
ولا جمل لهم في كل هذه المعمعة
ولك الود التقدير وشكراً
خالد محجوب
|
Post: #47
Title: Re: من هو (الجعلي) الذي سيرث ملف دارفور؟
Author: Zoal Wahid
Date: 07-01-2007, 05:46 AM
Parent: #46
Quote: الحبيب الفاضل / زول واحد
أخي نعرف أنه يتعذر تعديل العنوان بعد تنزيل الموضوع
لكن كان تنزل وتنوه حتى لو بي سطر أنك لا تقصد الجعليين كقبيلة |
الحبيب/ خالد
الانسان يسهو في الصلاة وهي ارفع الاعمال فما بالك ببوست.
بعد مداخلة الاخ حنين انتبهت فقدمت اعتذاري ... لو راجعت
مداخلاتي ستجد ذلك.
اكرر اعتذاري للشرفاء من الجعليين الذين رفعوا اياديهم عن دعم دولة
الظلم.
ومعا لنبنى دولة الوطن الذي يسع الجميع بلا اراقة دماء.
|
Post: #48
Title: Re: من هو (الجعلي) الذي سيرث ملف دارفور؟
Author: NASERELDIN SALAH
Date: 07-01-2007, 07:09 AM
Parent: #47
this is just ...b ....s..... ssssh
ما عنيت اعلاه هو ان ما تقولوان مقرف
===شايقي == جعلي نظريه لايقوي السودان علي تحملها
لو جا دينكاوي مثلا يحتج الجعلين و الشايقيه والعكس صحيح
تفتكروا الكسبان منو
انتو ناس ما عندكم شغله و لا بعد نظر
خليكم في الجبهه ك ايدولجيا ما قبيله لانوا لو مشيتوا في الدرب
دا واطاطكم اصبحت
لانوا لو مشيتوا في الدرب ده انا بكون مع قبيلتي ضد الكل اذا كانت القبيله اخر خط دفاع بالنسبه لي و ليست المواطنه
ياخي دي ضحاله غريبه
دي -====كم و دي== سودانكم
نصرالدين
|
Post: #49
Title: Re: من هو (الجعلي) الذي سيرث ملف دارفور؟
Author: Zoal Wahid
Date: 07-01-2007, 07:46 AM
Parent: #48
الاخ نصر الدين صلاح
انت بتحاول تغبش الرؤية.
اذا انت ما شايف .... ناس كتار شايفه الحاصل في السودان شنو
بعد النظر لا يعني ان تتجاهل الحفرة القدامك وتمشي عشان تطلع شجرة.
الانقاذ لم تعد ايدلوجية. الانقاذ صارت جهوية وقامت بتفتيت المجتمع
السوداني لتحكم وفقط الاطار الذي رسمته.
كأني بك من هذه القبائل الثلاثة فيؤلمك التناول المباشر.
ان لم تكن لنا الشجاعة لوضع ايادينا علي موقع الالم لن نتمكن
من معالجة قضايا الوطن.
قيادة الدولة المتنفذة كلها من 3 قبائل
يعني حواء ما ولدت كردفاني يبقى رئيس او نائب رئيس
او رئيس جهاز الامن
او وزارة الطاقة
ما في دارفورى يدخل(الدائرة) الا بالبندقية... ما في جنوبي يقرب من
الرئاسة الا بعد بحور الدم .... اليس هذا امرا معيبا ومخجلا؟
اتحداك تكتب اسماء 5 من الانقاذيين متخذي القرارات ليست اصولهم
من الشمالية.
اتحداك ..... اتحداك
ويوم تثبت ذلك ساعترف ان كلامي (مقرف)
وان لم تفعل فاعلم ان (النتنة) معشعشة هناك.
|
Post: #50
Title: Re: من هو (الجعلي) الذي سيرث ملف دارفور؟
Author: Zoal Wahid
Date: 07-01-2007, 07:50 AM
Parent: #1
؟
|
Post: #51
Title: Re: من هو (الجعلي) الذي سيرث ملف دارفور؟
Author: خالد علي محجوب المنسي
Date: 07-01-2007, 10:17 PM
Parent: #50
الحبيب زول واحد
تحية واحترام
أحيك فيك هذه الروح السمحة ومعاً كما قلت لنبني بلد موحد خالي من سفك الدماء
تعرف كلنا خطائون وخيرنا من يرجع للحق بعد أن يبين له
لك الشكر أولاً وأخيراً
خالد
|
Post: #52
Title: Re: من هو (الجعلي) الذي سيرث ملف دارفور؟
Author: الطيب عبدالرازق النقر
Date: 07-02-2007, 02:53 PM
Parent: #51
Quote: الاخ الطيب النقر
انا بقول وجهة نظر
عمرى ما قلت انا مناضل او منتمي الى حزب او حركة.
كدى اسألك لماذا الملفات الكبيرة دي شايلنها ناس من جهوية محددة
وكل قبيلة مسكت ليها ملف.
لماذا لا يعطي الملف لسلفاكير او ابو علي مجذوب من الشرق او شخص
من كردفان او حتى من دارفور ... اذا الموضوع تحقيق سلام وليس
هيمنة؟ |
one man
ترانيم مودة
لو اعدت قراْءة ما كتبت لوجدتنى مازحا
لاننى استنكر هذا النوع من المواضيع فانت تعنى ان الجعليين والشوايقة
استأثروا بمقاليد الحكم وهى فرية لا تنطلى على احد فالواقع يدحض ما ذهبت اليه
فقط سرح بصرك فى الطغمة الحاكمة لوجدت ان كل الوان الطيف مشاركة فى حكم السودان
ان ارى ان يتقلد ملف دارفور للدكتور على الحاج فالرجل اوحد عصره وهو محنك وله
باع طويل فى حوارات السلام ولكن هل هذا من رابع المستحيلات لانه خارج الاطر الحاكمة
ودمت
|
Post: #53
Title: Re: من هو (الجعلي) الذي سيرث ملف دارفور؟
Author: Zoal Wahid
Date: 07-03-2007, 05:22 PM
Parent: #52
Quote: ترانيم مودة
لو اعدت قراْءة ما كتبت لوجدتنى مازحا
لاننى استنكر هذا النوع من المواضيع فانت تعنى ان الجعليين والشوايقة
استأثروا بمقاليد الحكم وهى فرية لا تنطلى على احد فالواقع يدحض ما ذهبت اليه
فقط سرح بصرك فى الطغمة الحاكمة لوجدت ان كل الوان الطيف مشاركة فى حكم السودان
ان ارى ان يتقلد ملف دارفور للدكتور على الحاج فالرجل اوحد عصره وهو محنك وله
باع طويل فى حوارات السلام ولكن هل هذا من رابع المستحيلات لانه خارج الاطر الحاكمة
ودمت |
الاخ /الطيب
كوم مودة
جملة النضال الاسفيري في مدلخلتك السابقة هي الخلتني افتكرك جاد ( الضرب تحت الحزام).
على كل معليش.
الطغمة الحاكمة من جهة محددة اما البقية فاما مخالب قط او كمبارس
او نفعيين ومتسلقيين.
د. على الحاج فقد ارضيته في دارفور من اجل الانقاذ.
الملف لن يخرج من يد جعليي المؤتمر الا اذا تغيرت معادلات جهوية داخل القصر.
|
Post: #57
Title: Re: من هو (الجعلي) الذي سيرث ملف دارفور؟
Author: Zoal Wahid
Date: 07-08-2007, 04:17 PM
Parent: #51
الاخ خالد المنسي
شكري لك وتقديري لتقديرك
القلوب لو اتصافت فالبلد كبيييييييييرة وخيرها كتير
|
Post: #54
Title: Re: من هو (الجعلي) الذي سيرث ملف دارفور؟
Author: Mahadi
Date: 07-03-2007, 05:24 PM
Parent: #1
دكتور مطرف صديق
|
Post: #55
Title: Re: من هو (الجعلي) الذي سيرث ملف دارفور؟
Author: Zoal Wahid
Date: 07-03-2007, 05:31 PM
Parent: #54
لديه خبرة في التفاوض .. كان في نيفاشا
|
Post: #56
Title: Re: من هو (الجعلي) الذي سيرث ملف دارفور؟
Author: Zoal Wahid
Date: 07-08-2007, 04:12 PM
Parent: #1
غازي العتباني أغا
يتوق لتولي االملف .... مقرب من البشير
لديه خبرة كبيرة في التفاوض.
نزع منه ملف الجنوب بطريقة دراماتيكية.
مشكلة غازي اولا: انه ليس من الشمال.
ثانيا : يحاول غازي (عقلنة) مواقفه ... فيبدو عاقلا وسط مجانيين.
ثالثا: (يشطح احيانا) فيعترف بان للآخرين حقوقا في الوطن ودي غير مقبولة لدي الانقاذيين.
رابعا: (من المصائب) صرح عدة مرات بان دارفور عانت من التهميش.
المفاوض عليه ان يكون صخرة صلدة امام مطالب اهل دارفور. فهل بمقدور غازي ان يفعل لو تم اختياره؟
|
|