Post: #1
Title: دخلت كلبة...
Author: ibrahim fadlalla
Date: 06-27-2007, 09:32 AM
Parent: #0
بقية دبدبة..وحاجات تانية ، تاوق بي هنا.. لو إنت "راجل":
http://جغجغة .. وأخواتها ...
دبدبة
بعد ما استحلى
حلاوة الصولة
وحلا لو النوم
وسط الجوقة
قام إتنحنح
تجشأ وقحقح
شوية إتململ
وضع بيضة
كبيرة وبيضا
عليها عريضة
منحوتة .. فريضة
صك الحكم المطلق
للألف الجاية
حكراً.. تام ..لآل " قريضة "
|
Post: #2
Title: Re: دخلت كلبة...
Author: ibrahim fadlalla
Date: 06-27-2007, 10:50 AM
بدون...تأليغ...
|
Post: #3
Title: Re: دخلت كلبة...
Author: ibrahim fadlalla
Date: 06-27-2007, 11:15 AM
Parent: #2
تييب ..بدون تأليك..
|
Post: #4
Title: Re: دخلت كلبة...
Author: ibrahim fadlalla
Date: 06-27-2007, 12:54 PM
Parent: #3
يعني خطة تسويقية فاشلة ...وينك يا ود البشرى ...بالله نصايح كدة في
الماركيتينغ ...حتى ولو في مجال الميكانيكا..المنبرية....
هييعععع ....فووووق..آخر مرة
|
Post: #5
Title: Re: دخلت كلبة...
Author: رأفت ميلاد
Date: 06-27-2007, 01:20 PM
Parent: #4
دى عندها علاقةبى
سلمى الشينة
عريسا إب دقينة
جات تتكحل
طبزت عينا
جات تتصور
طلعت شينة
مش ؟
|
Post: #6
Title: Re: دخلت كلبة...
Author: ibrahim fadlalla
Date: 06-27-2007, 01:54 PM
Parent: #5
يا فتاح يا عليم .. يا رزاق يا كريم ... أها .. أول زبون بيعرف يتكلم
دخل علينا... أصلو بقية الزباين من صباح الرحمن .. الواحد يجيك داخل
يتلفت ويطلع ..لا سلام ولا كلام ...طيب بس كيف نقنعو يشتري حبة كلام مهبب..
بدون قروش كمان... شفتو الكرم ده كيف ...وينك يا حاتم الطائي ...أيامك
ما ولت ...هييييععععع...
أهلا ..أستاذ رأفت ... وشكرا على التعليق الظريف ...صدق..ما عارف لو
في قرابة مع سلمى الشينة.. ول لأ ...بس ممكن نعمل فحص دي.إن. أي
عشان نتأكد من صحة النسب..
شكرا كمان ...
ودي وتقديري ...مزيج بمزاج
|
Post: #7
Title: Re: دخلت كلبة...
Author: محمد البشرى الخضر
Date: 06-27-2007, 02:52 PM
Parent: #4
إبراهيم...يا عمك
كيف الحال
ياخي ما تستعجل , جغجغتك دي سوقها ماشي كويس مقارنة مع دخولها المتأخر
إنت هنا حبيت تطبق نظرية بيع الكوسة بالطماطم , لكن مشكلتك ما عرضت الطماطم بطريق جذابة
و بعدين في حاجة مهمة يا عمك
أهل البضاعة المتشابهة بيعرضوا في العادة في مكان واحد , يعني تلقى سوق الموبايلات في نمرة تلاتة, محلات الإتصالات موقف جبرة, مكنات التصوير و الطباعة ابو جنزير, التياب و الملابس سعد قشرة , و سوق الدهب و حتى في الميكانيكا تلقى ناس السمكرة و البوهية في أول المنطقة و شارع كامل ناس الخراطة و شارع تاني ميكانيكية الجاز و حتى حدادين الـواطـة عندهم شارعهم.
النظرية إنو أصحاب البضاعة المتشابهة يتلموا مع بعض يتكاتفوا و يجيهوا بعض و الزبون العايز حاجة ما حا يتعب و يفتشها , و طبعا كل سوق و ليه شيخ و ليه درجات
لكن دا ما ينفي إنو ممكن تلقى بضاعة أو نشاط معين في مكان مستقل بعيد عن السوق , ودا بيعتمد على نوع البضاعة المعروضة و تميزها و إسم و سمعة العارض في جذب الزباين , و برضوا لو فتشت بدايته حا تلقاها وسط الجماعة في السوق أو حا تلقى يافطة إعلانية بتاعته هناك .
يعني يا معلم قبل ما تفتح ليك محل براك كدا و داير الناس تجي من أول يوم , تمشي تتداخل (أو تتاخل) مع الشعراء القدام في المنبر , و تجامل بي كلمتين لطيفات, المرة الجاية ممكن تخت ليك ملاحظة نقدية مميزة تخلق نوع من الحوار الفني في الصنعة, كدا حا تجذب إهتمام الناس القدامك في السوق و المتخصصين و المهتمين, و لو بقيت محظوظ ينتبه ليك شيخ السوق ذاتو, أها المرة البعدها و إنت جاي تجامل تتكل اللنك بتاعك ,في الحالة دي تضمن زيارة المهتمين و الناس الكلمتهم في المجال دا مسموعة , و ديل بجيبوا الزباين
يا عمنا اخوك للاسف غير موهوب واهل عوض جدا فيما يتعلق بالشعر و الأدب و الموسيقى , لو ما كدا ما كنت بقصر معاك
قلبي معك
|
Post: #9
Title: Re: دخلت كلبة...
Author: ibrahim fadlalla
Date: 06-27-2007, 09:24 PM
Parent: #7
ود البشرى .. يا خطير ..تعال هنا .. إنت مهندس ميكانيكا ول "خضرجي " محترف
حيرتني معاك .. يعني نصيحتك مسبوكة سبكة شديدة خلاس ..لاكن أخوك أهل العوض
زيك كدة في علم التسويق ..يعني الطماطم من الكوسة ما فارزة ...بعدين
طريقة العرض .. أصلا قصد منها الإيذاء ...يعني عشان نكون صادقين مع الناس
وكدة ... عشان الواحد ما يشوف العنوان مليان رومانسية .. يخش لي جوة
يلقى كدايس وكلاب .. حديقة حيوانات عديل كدة ...يعني الحب والرومانسية
ما عندهم أي فرقة معاي ...
طيب ...بعدين قلت لي كل بضاعة عندها شيخ ...أها .. شيخ الخرماجين ده يلقوه
كيف ووين ..عارف .. بكرة حأنزل أعلان ..لمعرفة شيخ الخرماجين ...عشان
الواحد يقدم لو مجاملة مجاملتين كدة ..وبعدين يقدم قرعتو...
طيب .. قبل ما أتخارج ..أشكرك مرة تانية ... على النصائح الغالية ..بعدين
ياخ إنت كان عندك بوست ظريف قبل الأرشفة ..حول الجارقون المستخدم في المنبر
..الواحد كان عايز ياخد فيهو درس عصر ...لكن الظاهر بكري غمتو ...مع
البوستات الما طلعت هنا ...المهم ..واصل بالله في بوستاتك التصنيفية المفيدة
..وبدون مجاملة يعني ...
فتك بعافية ...أنشوف شيخ الخرماجين وين...
ودي وتقديري ...مزيج بمزاج..
|
Post: #8
Title: Re: دخلت كلبة...
Author: أبوذر بابكر
Date: 06-27-2007, 03:09 PM
تحياتى يا ابو خليل
كيف الحال
تعرف
الكلام ده، مع شوية بهارات كده، ما كتير يعنى
ممكن يخلى الزول يضوق طعم الأبنودى
أيوه الأبنودى عديل كده
بتكلم معاك جد والله، لو إنت جاد
أو ممكن كمان تتكرف ريحة أحمد فؤاد نجم
ليه لا
رتب الموضوع وتخير المفردات المطلوبة
وهدا ترا موسيقتك الجوانية تمام التمام
تانى مافى أى شى
وابقى طيب وسعيد دائما
|
Post: #11
Title: Re: دخلت كلبة...
Author: ibrahim fadlalla
Date: 06-28-2007, 08:58 AM
Parent: #8
الشفيف الرائق ..أبوذر ...أشكرك ..كثيرا ..على هذه الكلمات
اللطيفة ...أسعدني إطراءك ..كثيرا ..أن تجد في " خرمجتي"
بعض من ريحة شعراء كبار..بحجم الأبنودي ونجم ...لكني يا صديقي
بعيد أنا من هذه القمم..وهمتي ..تتقاصر عن السير قدما في درب،
الخطوة فيه ..كلمة ..تصيب ..فتخلد..وتخيب فتهوي بنا سبعين
خريفا ..في مدارك سحيقة..سحيقة..
تجدني دوما سعيد بزيارتك ..وكلامك ..الأنيق ..الصادق..وأنا
بتحفز أرقب ..الفجر..القادم منك..بعد أن أشجانا ليلك الممدد
بجانبك..طريح كلماتك الساحرة...
ودي وتقديري ..مزيج بمزاج
|
Post: #12
Title: Re: دخلت كلبة...
Author: ibrahim fadlalla
Date: 06-28-2007, 09:52 AM
Parent: #10
نجررررحبا...معقولة ..العريس ذاتو يجينا زاير ...أهلين وسهلين
الزول المشهور ..ذو الإبتسامة المصنفرة ..ناذر..والله كيترة منك
يعني في زحمة الترتيب للعرس ...والإستعداد للدخول للسجن الذهبي
برغبتك كدة يعني ....لقيت فرقة عشان تزورنا..مشكور على الزيارة
وعلى اللينك ا لظريف ..بتاعة الهوهوة ...
أتمنى لك حمبكانة كبيرة وبيت مال وعيال ..جوز جوز ..
بس ما تفتح البرميل بالقلبة...ودامت أيامك عسل ...
ودي وتقديري ..مزيج بمزاج
|
Post: #13
Title: Re: دخلت كلبة...
Author: ناذر محمد الخليفة
Date: 06-28-2007, 01:22 PM
!
Quote: أتمنى لك حمبكانة كبيرة وبيت مال وعيال ..جوز جوز ..
بس ما تفتح البرميل بالقلبة...ودامت أيامك عسل ...
|
|
Post: #14
Title: Re: دخلت كلبة...
Author: ibrahim fadlalla
Date: 06-28-2007, 08:58 PM
Parent: #13
الشي حنكو مشحم ..ول شنو؟
|
Post: #15
Title: Re: دخلت كلبة...
Author: عبدالرحمن عزّاز
Date: 06-30-2007, 02:23 AM
Parent: #14
|
|