Post: #1
Title: فندق اكسلسيور والزمن الجميل وهاك اسمع وعش لحظات سبعينات القرن الماضي
Author: محمد زمراوي عبدالعزيز
Date: 05-06-2007, 02:05 PM
Parent: #0
كنت احد العاملين في شيخ الفنادق السودانية(اكسلسيور) في عامي 78 و79 وهذه الاغنية لا تبارح اذني...
لن انسى ذكريات هذا الفندق الجميل والمغلق الآن.. اذكر الديكور الانيق في الطابق التاسع
ولا زلت اذكر الاستاذ علي نقد مدير الفندق الذي سمعت عنه انه اصبح صاحب فندق النيل في امدرمان.
وعمنا الحلفاوي جنجامسئول الطلبات ومحمد عثمان والذي اغترب في الرياض
وكان في البار حلفاويان يعملان رغم انهما مسلمان (محي الدين وحسين) ومعهما الجنوبي الانيق كصبي بار.
ولا انسى محمد سيد حافظ وحيدر وعلي هلال في الاستقبال
وعبدالفتاح سوارالدهب والتجاني في الكاشير
وعمنا الشيف محمد احمد.
وكان نظام الخدمة في السفرة يقضي بأ يكونوا رجال كبار في السن بجلباب مخطط وقفطان مربوط في الوسط
منهم الشيخ شعبان الحلفاوي.
عموما اللي يذكر حاجة يذكرنا .. فقد لا يعود ذلك الزمن الجميل.
|
Post: #2
Title: Re: فندق اكسلسيور والزمن الجميل وهاك اسمع وعش لحظات سبعينات القرن الماضي
Author: الطاهر ساتي
Date: 05-06-2007, 04:14 PM
Parent: #1
أغنية عادية .. ولاتشبه وقار السبعينات ..!!
تمنيتهاأن تكون احدى روائع الحقيبة ..!!
غايتو استمتع بيها ..
حب الناس مذاهب ..!
|
Post: #3
Title: Re: فندق اكسلسيور والزمن الجميل وهاك اسمع وعش لحظات سبعينات القرن الماضي
Author: محمد زمراوي عبدالعزيز
Date: 05-07-2007, 07:28 AM
Parent: #2
الاغنية دي للناس الكانت بتجي الفنادق مش الناس البتخش كوليزيوم درجة شعب
وثم ثانيا انا ما قصدت امثالك للاستماع لانك ما بتعرف انجليزي
وانتقادك مسيس وسد كجبار لن يقام الا على جثثنا
|
Post: #4
Title: Re: فندق اكسلسيور والزمن الجميل وهاك اسمع وعش لحظات سبعينات القرن الماضي
Author: Abdelmuhsin Said
Date: 05-07-2007, 07:49 AM
Parent: #1
ياسلام عليك ياابوحميد نحن معاك بالله
واصل
|
Post: #5
Title: Re: فندق اكسلسيور والزمن الجميل وهاك اسمع وعش لحظات سبعينات القرن الماضي
Author: محمد زمراوي عبدالعزيز
Date: 05-07-2007, 08:23 AM
Parent: #4
Quote: ياسلام عليك ياابوحميد نحن معاك بالله
واصل |
شكرا يا عبدالمحسن على ذوقك
وارجو من كل من عاش ذلك الزمن الجميل ان يسرد محاسنه
|
Post: #6
Title: Re: فندق اكسلسيور والزمن الجميل وهاك اسمع وعش لحظات سبعينات القرن الماضي
Author: ولياب
Date: 05-07-2007, 09:14 AM
Parent: #5
نعم الأغنية جميلة ومن الزمن الجميل
ولست أدري لماذا أتذكر جون ترالفولتا وحمى ليلة السبت ، حينما تدندن هذه القطعة الرائعة أذني .
بس :
يا محمد أخوي مئات المسلمين بيشتغلوا في بارات .
بالرغم من حسن نيتك ولكن سيعتقد البعض أن هناك حلفاويين غير مسلمين .
|
Post: #7
Title: Re: فندق اكسلسيور والزمن الجميل وهاك اسمع وعش لحظات سبعينات القرن الماضي
Author: محمد زمراوي عبدالعزيز
Date: 05-07-2007, 04:07 PM
Parent: #6
اخي ولياب متعك الله بالصحة والعافية (يعني يطول عمرك مع العافي)
حمى الليلة السبت كان اجمل فيلم استعراضي في ذلك الزمن وكان الفتى جون ترافولتا
حديث العالم ومعبود الشباب بايقاعه السريع في الرقص.
وقد كانت هذه الاغنية من الاغاني المحببة لينا كموظفي الفندق وكنا نشغل الشريط
بصوت هادي يسمعه كل من دخل بهو الفندق ومن جلس صالة الطعام وحتى من جلس في ذلك
البار الانيق ذو الاستول الاحمر الدوار واللوحة الجميلة المثبتة على الحائط.
وعن المسلمين في البارات كان ممنوعا بامر الحكومة الا في الفنادق ولكن كان قريب يعمل في محل للبيع المشروبات الروحية لونه يشبه الناس الحمر فكان يقول لي يا ود اخوي الناس ديل لو عرفوني مسلم بعملوا لي مشكلة.
|
Post: #8
Title: Re: فندق اكسلسيور والزمن الجميل وهاك اسمع وعش لحظات سبعينات القرن الماضي
Author: willeim andrea
Date: 05-07-2007, 04:46 PM
Parent: #1
BEE GEES
|
Post: #9
Title: Re: فندق اكسلسيور والزمن الجميل وهاك اسمع وعش لحظات سبعينات القرن الماضي
Author: محمد زمراوي عبدالعزيز
Date: 05-09-2007, 09:02 AM
Parent: #8
yes.
have u ever being hearing this music that time?
have u seen how come Khartoum was lovely in that era?
can u compare the diff.?
|
Post: #10
Title: Re: فندق اكسلسيور والزمن الجميل وهاك اسمع وعش لحظات سبعينات القرن الماضي
Author: حمزاوي
Date: 05-09-2007, 09:16 AM
Parent: #1
ميمد زمراوي
مسكاقمي
يا راجل يا عجوز انت لسع متذكر الايام الحلوة وروعة الخرطوم بالليل
أيام اكسلسيور والصحاري وشيش كباب وكوبا كوباني واتني والغار والواحة
اتخيل الحاجات الرائعة دي كلها كانت في شارع واحد هو شارع الجمهورية
ونهاية الشارع من جهة الغرب غردون مزيوك هول GMH
يا حليل ايام زمان وروعة زمان
|
Post: #11
Title: Re: فندق اكسلسيور والزمن الجميل وهاك اسمع وعش لحظات سبعينات القرن الماضي
Author: Dr. Abdalla Siddig
Date: 05-09-2007, 09:23 AM
Parent: #10
يا راجل يا عجوز انت لسع متذكر الايام الحلوة وروعة الخرطوم بالليل
أيام اكسلسيور والصحاري وشيش كباب وكوبا كوباني واتني والغار والواحة
اتخيل الحاجات الرائعة دي كلها كانت في شارع واحد هو شارع الجمهورية
ونهاية الشارع من جهة الغرب غردون مزيوك هول GMH
يا حليل ايام زمان وروعة زمان
وسانت جيمس
والليل الهادي
|
Post: #12
Title: Re: فندق اكسلسيور والزمن الجميل وهاك اسمع وعش لحظات سبعينات القرن الماضي
Author: محمد زمراوي عبدالعزيز
Date: 05-09-2007, 03:35 PM
Parent: #11
وسانت جيمس كان اسمه بلاي بوي وكنا نخاف الدخول فيه
لمان كنا طلبه
ولكن بعدما اشتغلت في اكسلسيور
كنا دائما نمشي نشرب في سانت جيمس الوايت ليبل ونقعد في الاستول ونعاين ونشرب
يا حليل السانت جيمس.
غردون ميوزيك هول ... كان ارقى مكان يستورد الفنانين والراقصين من بلاد برا
وكان يواجه مسجد الملك فاروق ولا يسمع له صوت لانه كان يبدأ العمل بعد السعاعة12 ليلا
حتى الصباح..
وين يا حليل الزمن ولى وراح
كنت دائما اجلس في الطابق العاشر في اكسلسيور واتفرج على افلام المعهد الثقافي الفرنسي
وطبعا الواجهة مقبلة علينا وطبعا كانوا بعرضوا الفيلم على الحائط وانا اتفرج بس ولا اسممع لانو كان بعيد شوية ومرات كنت استعمل المنظار الذي نسيه احد النزلاء الاوروبيين وقد تملكته بالتمام والكمال لانو الزبائن كانوا ترانزيت..
يا حليل الترانزيت ..تتصوروا ان الخرطوم كان نقطة ترانزيت الطائرات الاوروبية لمواصلة الرحلة لافريقيا.. الله يخرب بيتك يا نميري...
|
Post: #13
Title: Re: فندق اكسلسيور والزمن الجميل وهاك اسمع وعش لحظات سبعينات القرن الماضي
Author: willeim andrea
Date: 05-09-2007, 04:31 PM
Parent: #1
حمزاوي وزمراوي ودكتور عبدالله ياخي انتو عجايز خلاص .. انا كنته قايل نفسي اعجز زول في سودانيز اون لان... غايتو لقينا دفعه قدامنا.. يعني نحن زمن ما اشتغل فندق صحاري وغنو فيهو ناس نادر خضر...... وفندق السودان والهبي لاند والقرين فليتش.. والسكه حديد...... ناس العقارب والبلو استارز...اخ ... نسيت.. وكازينو النيل الازرق.. استغفر الله استغفره الله ايام الجاهليه... فتايل الكرفوازير وبس...... فتايل مش ال جي اند بي ابو يد بتاع اللترين بتاع السوق الحره بتاعت الزمن داك 
|
Post: #14
Title: Re: فندق اكسلسيور والزمن الجميل وهاك اسمع وعش لحظات سبعينات القرن الماضي
Author: Kostawi
Date: 05-09-2007, 04:42 PM
Parent: #13
معناها بتتذكر جيمي كلف لمن جا السودان!!!
|
Post: #15
Title: Re: فندق اكسلسيور والزمن الجميل وهاك اسمع وعش لحظات سبعينات القرن الماضي
Author: محمد زمراوي عبدالعزيز
Date: 05-12-2007, 01:35 PM
Parent: #14
| Quote: حمزاوي وزمراوي ودكتور عبدالله ياخي انتو عجايز خلاص .. انا كنته قايل نفسي اعجز زول في سودانيز اون لان... غايتو لقينا دفعه قدامنا.. يعني نحن زمن ما اشتغل فندق صحاري وغنو فيهو ناس نادر خضر...... وفندق السودان والهبي لاند والقرين فليتش.. والسكه حديد...... ناس العقارب والبلو استارز...اخ ... نسيت.. وكازينو النيل الازرق.. استغفر الله استغفره الله ايام الجاهليه... فتايل الكرفوازير وبس...... فتايل مش ال جي اند بي ابو يد بتاع اللترين بتاع السوق الحره بتاعت الزمن داك |
نادر خدر شنو يا زول في الوكد داك يمكن ابوه الكان بغني (المرضي والد فوزي)
يا سلام والله الواحد بعد يخلص من الدوام الساعة 12 بالليل كنا بنمشي سانت جيمس وناخد لينا كام فتيل كدا ونلخبتوا مع البيرة يعني هم كانوا بقفلوا الساعة واحدة ونص .
وبعد داكا نتحرك للبلو نايل وكمال كيلا والجينار... بالله دا بسموه الجاهلية...
اسع احنا تايبين من الحاجات دي .. لكن اكان رجعوه تاني امانة في ناس كتيرة حترتد..
لا انسى ابيل ألير اللي كان دائما بنزل الفندق عندنا والبقشيش بتاعوا بكون اكثر من ثمن البيرة هنكين الاخدر..
الزمن داك عصير الليموت في السوق العربي بقرشين ولكن في الفندق كان ب 22 قرش ومع كدا حبايبنا الاريتريين كانوا بحبذوا يشربوا (اثير ليمون) في الفندق.
.... ونعاود....
|
Post: #16
Title: Re: فندق اكسلسيور والزمن الجميل وهاك اسمع وعش لحظات سبعينات القرن الماضي
Author: الطاهر ساتي
Date: 05-12-2007, 03:01 PM
Parent: #1
| Quote: يا سلام والله الواحد بعد يخلص من الدوام الساعة 12 بالليل كنا بنمشي سانت جيمس وناخد لينا كام فتيل كدا ونلخبتوا مع البيرة يعني هم كانوا بقفلوا الساعة واحدة ونص . |
بلاهى هسع دى حاجات بيتحسرو عليها ...؟؟
كنت داير تعيش طول عمرك فاقد وعى ..؟؟
ليك حق لمن ترفض كجبار ...
|
Post: #17
Title: Re: فندق اكسلسيور والزمن الجميل وهاك اسمع وعش لحظات سبعينات القرن الماضي
Author: محمد زمراوي عبدالعزيز
Date: 05-13-2007, 11:26 AM
Parent: #16
Quote: بلاهى هسع دى حاجات بيتحسرو عليها ...؟؟
كنت داير تعيش طول عمرك فاقد وعى ..؟؟ |
يا ريت لو كنا فقدنا الحياة ظاااااااااطو بدلما نشوف اشكالكم دي
انت يا واد مين المصطلك تتكلم مع الناس الكبار
انت واد حتة كاتب في جرنال.
وايه معرفتك بكجبار انت خليك في الكارو بتاعك تتنقل بيهو من دنقلا وماتنسى تشيل برسيمك معاك.
|
Post: #18
Title: Re: فندق اكسلسيور والزمن الجميل وهاك اسمع وعش لحظات سبعينات القرن الماضي
Author: محمد زمراوي عبدالعزيز
Date: 05-15-2007, 03:19 PM
Parent: #17
فوق فوق لرواد جيل منتصف السبعينات
|
Post: #19
Title: Re: فندق اكسلسيور والزمن الجميل وهاك اسمع وعش لحظات سبعينات القرن الماضي
Author: الطاهر ساتي
Date: 05-15-2007, 04:24 PM
Parent: #1
| Quote: فوق فوق لرواد جيل منتصف السبعينات |
أهاياالخال ..
عملنا فيكم خير ورفعنا ليكم البوست ..
استمتعو .... لولا اختلاف الاجيال السودانية لكسدت الاغانى الاجنبية.....
|
Post: #20
Title: Re: فندق اكسلسيور والزمن الجميل وهاك اسمع وعش لحظات سبعينات القرن الماضي
Author: ترهاقا
Date: 05-15-2007, 07:21 PM
Parent: #19
Quote: بلاهى هسع دى حاجات بيتحسرو عليها ...؟؟
كنت داير تعيش طول عمرك فاقد وعى ..؟؟
|
الطاهر ساتى تجى نعزمك كاسين؟ ، ده فى ناس بدون ما يشربوا ماشين دايشين
|
Post: #21
Title: Re: فندق اكسلسيور والزمن الجميل وهاك اسمع وعش لحظات سبعينات القرن الماضي
Author: الطاهر ساتي
Date: 05-15-2007, 07:32 PM
Parent: #1
ترهاقا...
كيفك وكيف أمورك
لعلك طيب
| Quote: ده فى ناس بدون ما يشربوا ماشين دايشين |
صاح والله ...
أهو الزينا ديل ...
حال بلدنا دى ما كاس كبيييييييييييييييير ..
كل يوم بنصحى نجغم منو ونطلع كرعينا تخيط ا ..
الله يستر الحال ..
مودتى
|
Post: #22
Title: Re: فندق اكسلسيور والزمن الجميل وهاك اسمع وعش لحظات سبعينات القرن الماضي
Author: ترهاقا
Date: 05-15-2007, 07:39 PM
Parent: #21
| Quote: كل يوم بنصحى نجغم منو ونطلع كرعينا تخيط ا |
دى قوييييييييييييييييييييية
|
Post: #23
Title: Re: فندق اكسلسيور والزمن الجميل وهاك اسمع وعش لحظات سبعينات القرن الماضي
Author: محمد زمراوي عبدالعزيز
Date: 05-16-2007, 02:30 PM
Parent: #22
يا ترهاقا العظيم
بالله الزي الطاهر ساتي دا اسع كان اخد ليه كاس مش كان انتظم
يا الطاهر ساتي بالله انت فرقك شنو من احمدج علاء الدين بتاع جريدة الخرطوم
|
Post: #24
Title: Re: فندق اكسلسيور والزمن الجميل وهاك اسمع وعش لحظات سبعينات القرن الماضي
Author: محمد زمراوي عبدالعزيز
Date: 05-19-2007, 01:17 PM
Parent: #23
انا عايز الناس الهكر ديل يقرو الموضوع دا يوميا
|
Post: #25
Title: Re: فندق اكسلسيور والزمن الجميل وهاك اسمع وعش لحظات سبعينات القرن الماضي
Author: الطاهر ساتي
Date: 05-19-2007, 01:27 PM
| Quote: بالله الزي الطاهر ساتي دا اسع كان اخد ليه كاس مش كان انتظم |
انتظم وين ...؟؟
هنا مثلا ...
| Quote: انا عايز الناس الهكر ديل يقرو الموضوع دا يوميا |
|
Post: #26
Title: Re: فندق اكسلسيور والزمن الجميل وهاك اسمع وعش لحظات سبعينات القرن الماضي
Author: محمد زمراوي عبدالعزيز
Date: 05-19-2007, 01:59 PM
Parent: #25
والله يا الطاهر ساتي انا كلما يجيني احساس انو الخبت معاك بس صورة الولد البريء دا بخليني اصبر عليك.
|
Post: #27
Title: Re: فندق اكسلسيور والزمن الجميل وهاك اسمع وعش لحظات سبعينات القرن الماضي
Author: محمد زمراوي عبدالعزيز
Date: 05-20-2007, 03:26 PM
Parent: #26
فوق فوق
|
Post: #28
Title: Re: فندق اكسلسيور والزمن الجميل وهاك اسمع وعش لحظات سبعينات القرن الماضي
Author: محمد زمراوي عبدالعزيز
Date: 05-28-2007, 10:04 AM
Parent: #27
يا ربي الناس دي بقت تخاف ذكر الزمن الجميل زمن الكورفوزير والجن تونك والوايب ليبل ولا خايفين من الطاهر ساتي .
|
Post: #29
Title: Re: فندق اكسلسيور والزمن الجميل وهاك اسمع وعش لحظات سبعينات القرن الماضي
Author: haleem
Date: 05-28-2007, 01:31 PM
Parent: #1
تصور يا زمراوي سينما قاعة الصداقة كانت بتعرض فيلم جون ترافولتا دة ...في نفس الوقت النزل فيه في أمريكا بضجة رهيبة..
|
Post: #30
Title: Re: فندق اكسلسيور والزمن الجميل وهاك اسمع وعش لحظات سبعينات القرن الماضي
Author: محمد زمراوي عبدالعزيز
Date: 05-28-2007, 01:54 PM
Parent: #29
كان الواد جون ترافولتا يرقص رقصا جميلا في فلم حمى ليلة السبت..
كان التذكرة في قاعة الصداقة 49 قرش
اما في كلوزيوم 7 قروش شعب و21 قرش لوج
ووقتها اجعص حفلة ما بفوت الالف جنيه
وكان راتب الموظف في اكسلسيور 32 جنيه
وكنا نوفر منه............... يااااااااااااااااه
|
Post: #31
Title: Re: فندق اكسلسيور والزمن الجميل وهاك اسمع وعش لحظات سبعينات القرن الماضي
Author: محمد زمراوي عبدالعزيز
Date: 05-29-2007, 04:20 PM
Parent: #30
ٍٍحمى ليلة السبت
Saturday Night Fever
|
Post: #32
Title: Re: فندق اكسلسيور والزمن الجميل وهاك اسمع وعش لحظات سبعينات القرن الماضي
Author: بكري الصايغ
Date: 05-29-2007, 07:02 PM
Parent: #1
الـحـبيـب الـحـبوب،
زمـراوي،
مـسـكاقـمـي،
في بعض المواضيع في "المنبر العام" لما اطالعها تأتيني رغبة التعليق عنها من وجهه نظر تاريخية، وموضوعك ده لمس شغاف جوارحي وذكرني ايام " القراند هوتيل " البناه اللـه يرحمه يـحسن اليه عـمنا الجنرال "كتشـنر" وكان هذا الفندق هـو "شيـخ" فنادق السودان ومش " اكسلسيور" زي ماإنت قلت.
فندق "القراند هوتيل" كانت وحتي نهـاية 1979 وتسير اداريآ وتنظيميآ علي نفس النظام الانجـليزي السابق ، ولكن وبعد تأميمه وتولي ادارته شـقيق زوجه
الرئيس السابق نميـري مهام الاشراف عليه وسعيه لتطوير الهـوتيل بنهـج يخالف النظام المعمول به منذ عام 1911 ضاعت هـيبه الفندق وافلس بعـدمـدة.
"اكسلسيور" وفنـدق "صـحــاري" ومعـاهـما "الأرز" وفنادق " كيشـو "
و" الـميرديـان " لكل منهم تاريخ خـاص به لايعرفه الامـن عاصـر تاريخ الأحـداث في الخرطوم. احـد فنادق الخـرطوم وفي اعوام الستينيات كانت له شـهره بإنه مـلتقي " الـجـواسـيس " ورجـال مخــابرات العالـم!!!!!وكانت الحـكومة تعـرف هـؤلاء الجــواسـيس والذين اغـلبهـم من عــتاه رجــال المخـابرات
الأثيـــوبيـة ولكـن هــذه الـحكومـة كانت تعــاملهـم كـضيـوف واجـانب
مـحـترميــن!!!!! يسكنون فـي فنــدق راقـي ويـدفعـون الـحـساب!!!! والبقشـيش!!!!!.
|
Post: #33
Title: Re: فندق اكسلسيور والزمن الجميل وهاك اسمع وعش لحظات سبعينات القرن الماضي
Author: محمد زمراوي عبدالعزيز
Date: 05-30-2007, 01:45 PM
Parent: #32
Quote: وكان هذا الفندق هـو "شيـخ" فنادق السودان ومش " اكسلسيور" زي ماإنت قلت.
فندق "القراند هوتيل" كانت وحتي نهـاية 1979 وتسير اداريآ وتنظيميآ علي نفس النظام الانجـليزي السابق ، ولكن وبعد تأميمه وتولي ادارته شـقيق زوجه
الرئيس السابق نميـري مهام الاشراف عليه وسعيه لتطوير الهـوتيل بنهـج يخالف النظام المعمول به منذ عام 1911 ضاعت هـيبه الفندق وافلس بعـدمـدة.
"اكسلسيور" وفنـدق "صـحــاري" ومعـاهـما "الأرز" وفنادق " كيشـو "
و" الـميرديـان " |
اخي الحبيب بكري الصايغ
عندما تتحدث القامات امثالكم نقف اجلالا واحتراما ليس لكبر سنكم عنا ولكن لما تملكونه من ملكات الكلام الرزين.
فانا عندما ذكرته ان فندق اكسلسيور كان شيخ فنادق السودان لانني عندما التحقت به في 1977 مع بداية اجازة المدارس ونحن انتهينا امتحانات الشهادة العليا في الطريق الى الجامعة عند اسمع من موظفيه الكبار ان القندق كان يسمى شيخ الفنادق ولست انا الذي اضع ترتيب الفنادق. ربما كان الموظفون القدامي يفتخرون به وبامجاده وربما الفندق مبني من عهد الانكليز ولم تطاله التحديثات حتى في وقتنا ذاك. وكان من بين التدريب في الفندق ان علمونا عن اسماء الفنادق القديمة والمتنزهات حتى الاندية الليلية ومن عجائب الزمن الجميل ان فندق اكسلسيور كان الفندق الوحيد الذي تتعاقد معه شركات الطيران الاجنبية للترانزيت لكافة الدول الافريقية عندما كان السودان يمثل القلب النابض لآفريقيا اما الكباتن فكانوا يسكنون في فندق الواحة الذي يمتلك ايضا قرنفلي صاحب فندق اكسلسيور.
وربما تنازل القراند اوتيل عن شياخة الفنادق لاكسلسيور للتعديلات والتحسينات التي ادخلت فيه حيث تغير ملامحه.. والله اعلم.
شكرا مرة اخرى احي الصايغ وحتى نلتقي مرة اخرى بعد ان نستصحب بعض من عملوا في الفندق قبلي.
|
Post: #34
Title: Re: فندق اكسلسيور والزمن الجميل وهاك اسمع وعش لحظات سبعينات القرن الماضي
Author: Abdulbagi Mohammed
Date: 05-30-2007, 02:23 PM
Parent: #33
أيوه صاح و غنيتهم لي يومنا ده بتطرب الناس و بيرقصوا عليها في
النايت كلب
يعني عنية جميلة وعايشة في أذهان الناس المن الزمن داك
و الناس الهسع ..
ما حضرنا الأيام ديك لكن بنستمتع بذكريات الذين منها
تحياتي و شكراً للاغنية
|
Post: #35
Title: Re: فندق اكسلسيور والزمن الجميل وهاك اسمع وعش لحظات سبعينات القرن الماضي
Author: محمد زمراوي عبدالعزيز
Date: 05-30-2007, 03:49 PM
Parent: #34
عبدالباقي يا راقي
شكرا لراستماع والاستمتاع والرد
الناس الكبار الكانو في الزمن هسع بقوا عواجيز الا من رحم
ويمكن بقوا أبان دقون وخايفين على سمعتهم
هذه ذكريات الزمن الجميل
فلنعش قليلا فقد مسخها مدمروا كل شيء جميل
|
Post: #36
Title: Re: فندق اكسلسيور والزمن الجميل وهاك اسمع وعش لحظات سبعينات القرن الماضي
Author: محمد زمراوي عبدالعزيز
Date: 06-10-2007, 10:12 AM
Parent: #35
المحل للتفبيل لعدم التفرغ وفتح محل جديد
|
Post: #37
Title: Re: فندق اكسلسيور والزمن الجميل وهاك اسمع وعش لحظات سبعينات القرن الماضي
Author: AmroKamal
Date: 06-11-2007, 05:36 PM
Parent: #36
| Quote: have u ever being hearing this music that time? |
انا شخصيا ود السبعينات!!!!!!
لكن سمعتها بد داك كتير فى الافلام
والتلفزيون لحد وقت متأخر فى كم وثمانين
زمن التلفزيون بعرض الجميل قبل ما يتقلب كومر ..!!!!!
فندق اكسلسيور
... داما يثير فضولى.... ارى لافتته على شارع الجمهورية.. وأتساءل لماذا اغلق وسببه؟؟؟؟
خاصة موقعه المميز بالسوق الأفرنجى!!!!!
وصارت الخرطوم مدينة خواء.... نحبها لسيرتها فقط وليس للحسن فيها!!!!!
|
Post: #38
Title: Re: فندق اكسلسيور والزمن الجميل وهاك اسمع وعش لحظات سبعينات القرن الماضي
Author: معتصم عبدالرحيم
Date: 06-11-2007, 06:33 PM
Parent: #37
زمراوي الحبيب
اتيت علي زكر الاطلال..وجمال الخرطوم باليل
آه ...يازمن
كانت الخرطوم ...قبلة و منارة..وليس كما هي الآن..
ابدأ لك من شارع كترينة وشارع 15 و شارع واحد ..وكلٍ يحكي روعته
وتروي فيه القصص وتفرد اليه الصفحات
ونعرج علي حديقة القرشي ..والتي حينها لايضاهيها حدائق الميرلاند في القاهرة
حين كان يأتيك الويتر في قمة اناقتةوهندامه..وانت تجلس حول النافورة المضاءة
بالوان زاهية...تجلس والاسرة حيث لايضرسك لا كلم نابه و لامنظر خارج عن اللياقة
ويازمراوي ... لنا عودة للزمن الجميل
معتصم العربي
|
Post: #39
Title: Re: فندق اكسلسيور والزمن الجميل وهاك اسمع وعش لحظات سبعينات القرن الماضي
Author: بكري الصايغ
Date: 06-11-2007, 08:37 PM
Parent: #1
....
درجـت بـعـض الأسـر الـميسـورة الـحـال وان تلقي مـساء كـل اول خـميس
مـن الشهـر ويـقضـون سـهـرة خـاصـة مـقفوله عليهـم وبفـرقة " جـاز "
ولايستطيـع احـدآ مـن الـمتطـفلييـن ودخـول " الروف " العـلوي وازعـاج
صـفو ومـزاجات هـذه الأسـر. شاء حـظي وبعـد قـدومـي مـن موسـكـو عام 1971
ان وجـه لـي زمـيلي الـمحـامـي كـمال خـليل دعـوة لـحـضور سـهـرة
بالفندق تـحـييها فـرقة" جـاز" كان يشـرف هو ومـجـموعـة مـن اصـدقاءه
عـليهـا، ورغـم مـرور اكثـر مــن سـتة وثـلاثـون عـامآ عـلي هـذه
السـهـرة الرائـعـة شـكـلآ وتنظـيـمـآ فانهـا مازالت فـي ذاكـرتي حـتـي
اليوم لانـها كـانت اول سهـرة احـضـرهـا في الـخـرطوم بـعـد غـياب سـتـة
اعـوام عنهـا.
وجـاءت نـهاية الابتـهاجـات بالـهـوتيـلات في السودان مـع بـداية تـطبيق
" شـريعـة نمـيـري " واجـبار السواح عـلي تناول " الكـركـدي " بـدلآ عن
الـبيـرة " ابوجـمـل " و " الشـعيـر " بـديلآ عـن الويسكـي " جـوني
ووكـر "!!!. وتـدنت الـخـدمات في فنـدق " صـحـاري " و " اكـسليسيور "
بسـبب الرقابـة الصارمـه مـن رجـال الأمـن والتعـديات علي حـريات الـسواح.
|
|