Post: #1
Title: الهوية السودانية بين مطرقة العصبية القبلية وسندان الاستعلاء الاسلامعربي " للاضافة والنقاش"
Author: hanadi yousif
Date: 06-26-2007, 09:38 PM
1
جلسنا بالصدفة بالقرب من بعض في مترو الانفاق المتجه الى عين شمس فتاة جميلة شامخة كوطني تحمل علم السودان مكتوب عليه في الاتجاه الاخر هلال السودان فسلمت عليهابفرح وكاني أملك العالم.
سلام
مرحب
كيف؟
تمام
سالتني الابنوسية بفرح تلقائي:انتي سودانية؟
أيوة انا سودانية
ردت علي: وأنا كمان سودانية - فرصة سعيدة
سالتني :انتي منو وين في السودان؟
أجبت عليها: انا من حتات كتيرة في السودان نحنا مع السكة حديدالسودان كلو
اضافت "اناسودانية من جوبا
كدت ان اطير من الفرح ونحنا نحدد هويتنا "انا سودانية وانا كمان سودانية"
نواصل
|
Post: #2
Title: Re: الهوية السودانية بين مطرقة العصبية القبلية وسندان الاستعلاء الاسلامعربي " للاضافة والن
Author: محى الدين ابكر سليمان
Date: 06-27-2007, 00:44 AM
Parent: #1
| Quote: كدت ان اطير من الفرح ونحنا نحدد هويتنا "انا سودانية وانا كمان سودانية" |
بت الفضل سلامات وتحايا
خيط يحتاج لنفس عميق وترمسة شاى وتمباك "يرحمن".
وبينى وبينك اشراقات زى دى ما بجيبها الا هلالنا العظيم.
عودة اكيدة للبوست الراقى دة.
تحايانا
|
Post: #3
Title: Re: الهوية السودانية بين مطرقة العصبية القبلية وسندان الاستعلاء الاسلامعربي " للاضافة والن
Author: محمد عادل
Date: 06-27-2007, 00:57 AM
Parent: #2
اختى هنادى
اثناء توجهى للاستاد وكنت ارفع علم الهلال والسودان فوق الشباك التاكسى
قبالنى بعض من الاخوة الجنوبين ويقولو لى سودانى قلت لهم نعم سودانى
ممكن توصلنا معاك قلت ليهم التاكسى مابشيل
لانو كان برفقتى 2 من الاصحاب قامو قالو لى ندافر قلت ليهم تعالو والله ماردكم
قامو قالو لى الليلة البلعب هلال السودان لانو يمثلنا نحن السودانيين والله اقشعر جسدى
وعلمت بان الوحدة مابين الشمال والجنوب لاتنتهى
|
|