آســـــــــــــفين ...

مشـهاد السكة
الراحـت مِنك
طشَّت بين أبعاد اللوحة
وذابت في التلوين
كونتك زُمرة شوق
فسرتِك من سِفر التكوين
داهمتِــك
وإنتِ قريبة الطيف
الجافل مني
وفارض نفسو على الاحلام
مبتوت لاقيتك
من الصوب للّوب
في وِجهة دربي الماش
خليتك في أهداب العين قُنديف
ناديتك سائلك عني وعنك
بيني وبينك .....
ماليه عليّ أفراحي ومِنك
ومِنــك ...
كيفن أقدر اتوب ؟؟
مسدار في ليل
مزعوج من عتمـة
تأكد حزنكـ
ويفرح بيك الضو مكبوب
نفاج مفتوح
في روحي دروب ....
بتخضـب شُح البكا من عين
دا الحيــن ..!!
مين كان في ظنك فارع طول ..؟
وموسم لونك لو مشهوب
مين ودَّر فيني نعاس الليل بالكوم ..؟
سهَّرني معاك ..
وصبحت دنيا الناس شمسين
لو قلت عليك القمرا ظلمتِكـ
أو قارنتِك بى وهاج الشمس يادووب
يادووب كان يمكن اكون أدركتِك
فكرة طين ..
من ضُلعة آدم
يارب الكون الخلق الناس .... آمين
آمييين .. ألقاها معاي
بين شهقة وغيبة ومدة
وبين خفقات القلب حنين
للبت الراحت في جواي
فتشتها صوب ..
يمرقني من الاحزان
آسفين ..
ياوردة تموت في الضل
قبلان بالقدر الحتمي ..
وصابر
وراضي عن المكتوب
آميين ...
يا صبري المُر سلوان

درست هواك عشق مفتون وصوت محزون

وتائه في بلاد الله براك مسكون

تفتش في محاسن الكون بكل فنون

إلا وحاتك خيال شعرك تقول مجنون

آمييين .. ألقاها معاي
بين شهقة وغيبة ومدة
وبين خفقات القلب حنين
للبت الراحت في جواي
فتشتها صوب ..
يمرقني من الاحزان
آسفين ..
ياوردة تموت في الضل
قبلان بالقدر الحتمي ..
وصابر
وراضي عن المكتوب
آميين ...
يا صبري المُر سلوان

يارب الكون لك ونحن نهيم معك جمال

عبدالله
مودتي

نهال

دائماً أتفقدكـ
وأبدو بدون حضوركـ
لاشئ ..

ولكنكـ كما أعرف
رحيبـه
بتشدهى
الفرح
البيشــبه
لونكـ
المكحول
على ..
عيونك
كأنكـ ضو

آمـــين
ألقها معاى

الوريف هاشم...

ســعدت فعلاً بتفاعلك الرقيق

آمين
دوام الموده

موده بحر

كلّمتك مرّة
كتابتك دي براها

Quote: طشَّت بين أبعاد اللوحة وذابت في التلوين كونتك زُمرة شوق فسرتِك من سِفر التكوين داهمتِــك وإنتِ قريبة الطيف الجافل مني وفارض نفسو على الاحلام

Quote: كلّمتك مرّة كتابتك دي براها

براى مشرور
على الفرح الشحيح
مصلوب


بقدر أتوب
وأرجاك فى ذاتى ..!
وشكراً

خنســــأء

أكيد معاك
يبدأ الفرح

حد وين معزتى ليكـ...

روعه استاذ داش ..كلمات عميقة ومعبرة .. يديك الف عافية ..

خلينى أشبع
من لحونكـ
بالسمع

هند العزيزه

حد وين بتدينى الفرح...؟

موده
تشبهكـ
براك
...
.

على نهج الخطوه
اللبست دوب الريح
مشــتاق على كيفكـ
أخبزى قدر الشــوق
من طعم اللهفه عليكـ
أنا ســائلك
ومنكـ وين ما كنتــِ
جاتكـ منى خطاوى اللُقــيا
بلا تســريح
إتلافى معاى الشوق
ما تلحقــى باب الروح القافل
دقى الجرس الهامد يحيا
مشــتاق على كيفكـ
ألبس منكـ
طوق على شكلكـ
كنت فســيح متمهل
وما مستعــجل أبداً
وكان شريان الروح
يتمادى عليكـ
مذبوح وجريح
نفّضــتى حنينكـ
قبل الوهن الفاتر
بين إحســاس الوجع الكان
مســجون فى طيفكـ
كنت بصيح


مشــتاقكـ كيف..؟