Post: #1
Title: جوبا 2012 ...... روعه
Author: Ashraf El Bagir
Date: 06-26-2007, 08:27 AM
مع تمنياتنا لجنوبنا الحبيب بالتقدم و الأزدهار
|
Post: #2
Title: Re: جوبا 2012 ...... روعه
Author: Ashraf El Bagir
Date: 06-26-2007, 08:35 AM
Parent: #1
بس شوية مجهود بسيط مع الأمكانيات البتروليه المتوفره
بعدين
حجز الطيران لى جوبا ح يكون داير ليهو واسطه
|
Post: #3
Title: Re: جوبا 2012 ...... روعه
Author: أيمن الطيب
Date: 06-26-2007, 09:09 AM
Parent: #1
الأخ اشرف سلامات,
صورك جميلة لكن أكثر ما يميزها هو الهدوء والطمأنينة والسلام!
ليس ببعيد إذا توفر الأمن والسلام وتطور ونمو الإنسان أن ترى
جمالا أكثر من ذلك ,فى أحد الكتب التى قرأتها وكان عن مذكرات
بعض الإداريين الإنجليز فى فترات عملهم بالسودان أثناء حقبة
الإستعمار تعليق لأحدهم يوصف فيه بعض مشاهداته عن الجنوب,,, أنه
لم ير مكانا فى الدنيا أجمل من إفريقيا,,,, وفى إفريقيا لم ير
أجمل من السودان وفى السودان كان أجمل مارأته عيناه من إبداعات
الخالق فى(راجا) حيث أنه رأى منظراإعتقد أنه حد الأرض وآخر مكان
فى الدنيا من شدّة جماله وتفرّده.
نحن منذ ولادتنا لم نسمع بغير الحروب والقتل وإرتبط الجنوب
عندنابالموت والهلاك ... فانظر كيف كانت نظرتهم له و ما كان
إرثهم الذى خلفوه وبذرة الشر التى زرعوها ورحلوا.
حلمك جميل .
|
Post: #4
Title: Re: جوبا 2012 ...... روعه
Author: Ashraf El Bagir
Date: 06-26-2007, 09:16 AM
Parent: #3
اخوى ايمن
لو صفت النفوس و اخلصت النيه
الحلم ح يصبح حقيقة
|
Post: #5
Title: Re: جوبا 2012 ...... روعه
Author: Ashraf El Bagir
Date: 06-26-2007, 10:17 AM
Parent: #4
...
|
Post: #6
Title: Re: جوبا 2012 ...... روعه
Author: Ashraf El Bagir
Date: 06-26-2007, 12:00 PM
Parent: #5
و كمان مطار دولى يربط الشرق بالغرب بحكم موقعها الأستراتجى
بلأ مطار القاهره بلأ لمة
|
Post: #7
Title: Re: جوبا 2012 ...... روعه
Author: Hatim Yousif
Date: 06-26-2007, 12:18 PM
Parent: #1
أشرف .... سلامات
جوبا... ياسلاااام ... أجمل الأيام ... ونحن جايين من الشمال ..من الحر والكتاحة .. جوبا ... 9 أشهر في السنة خريف ومطر منتهى الجمال ...
تعرف بالرغم من الحاصل هسع ..برضه جوبا اليوم أجمل من الصور الموجودة فوق دي ...
أنا شاهد عيان .. مافي زول ببيع منجه .. لانها موجوده في أي مكان ومجاناً ... الأناناس كان بيوصلنا من جهة (ياي) .. ب خمسين قرش أناناسة قدر الضربة ..ناكل فيها يومين في الداخلية ... وإسبوع ريحة الغرفة أناناس ...
عمرنا ماحسينا بحوجة لمروحة ... أيام جوبا ...
حتى الجنوبيين نفسهم كانوا معانا في منتهى الطيبة .. وعلاقاتنا كانت أول أيام صعبة ..بحكم إنه كل واحد فينا جاي من ثقافة مختلفة ..وبفكرة معينة عن الآخر ... مع مرور الزمن وعند التخرج ...تسمع الضحكات ..والمشاغلات ..(أمشي يادينكاوي ياوهم يابتاع البقر - أمشي يا مندكورو ياوهم) قبايل الأستوائية ناس مساكين وفي حالهم ..
أغرب حاجة ... عربي جوبا اللغة الوحيدة اللي ممكن يتفاهم بيها الناس هناك ..
|
Post: #8
Title: Re: جوبا 2012 ...... روعه
Author: Ashraf El Bagir
Date: 06-26-2007, 04:57 PM
Parent: #7
اخوى حاتم
الجنوب بصوره عامه و جوبا بصوره خاصه
جنة السودان
مستقبل السودان
ليت قومى يعلمون
تسلم يا حاتم يا ذووق
|
|