Post: #2
Title: Re: المعـز محجـوب : قـروشـي .. شى ..شى
Author: محمد عادل
Date: 06-25-2007, 08:37 PM
Parent: #1
ياحبيب منو القال ليك بانو المعز نادى بقروشو
المعز تحامل على الاحزانة وعلى اصابتة وشارك بقوة ودفاع عن مرماه بقوة
المعز كان نجم المباراة امس المعز لوطال الزمن اوقصر يعد من احسن حراس المرمى
الذين حرسو للهلال
لله درك يامعز ومازال المشوار طويل
|
Post: #3
Title: Re: المعـز محجـوب : قـروشـي .. شى ..شى
Author: yasir Abdelgadir
Date: 06-25-2007, 08:57 PM
Parent: #2
المعز بندفع ليهو من مال الهلال وحلاله ومصادره معلومه وهو بطل رغم انفكم وهو رفضكم عيانا بيانا مثلما رفضكم قودوين .....وديل ابطال الملحمة واحسن تلملموا كرامتكم وتبعدوا بعيد عشان ما يحرجوكم تاني
|
Post: #10
Title: Re: المعـز محجـوب : قـروشـي .. شى ..شى
Author: حسين يوسف احمد
Date: 06-26-2007, 01:57 PM
Parent: #3
الأخ ياسر ..
تحياتي ..
| Quote: المعز بندفع ليهو من مال الهلال وحلاله ومصادره معلومه وهو بطل رغم انفكم وهو رفضكم عيانا بيانا مثلما رفضكم قودوين .....وديل ابطال الملحمة واحسن تلملموا كرامتكم وتبعدوا بعيد عشان ما يحرجوكم تاني |
أول حاجة ، أشكرك على تأييدك لحق المعز في قروشو ..
وده أساس البوست .
تاني حاجة :
شوف أكبر كذبة في تاريخنا الرياضي مسألة مال الهلال
ومال المريخ ..
المريخ والهلال شئنا أم ابينا أفقر الأندية السودانية ...
ولا مصارد مالية لهما ..
من يدفع هم رجال عشقوا الناديين ، وربما استفادو ماديا
من ذلك ..
والدليل :
من يتبوأ مقعد الرئاسة هو من يدفع ..
وحين يغادر المقعد تغادر معه ملايينه ..
عشان كدا خلونا من مسألة أموال الهلال الحرة دي ..
ممكن توضح لينا مصدرها ؟؟
أريحك ، مصدرها اليوم : صلاح ادريس وحكومة الاقليم الأوسط
لأنو رئيس المؤتمر الوطني فيها كان رئيس الهلال ..
وبالأمس كان طه علي البشير ، وقبله كان الراحل الطيب ...
وهكذا المريخ ..
مع الحب ..
|
Post: #9
Title: Re: المعـز محجـوب : قـروشـي .. شى ..شى
Author: حسين يوسف احمد
Date: 06-26-2007, 01:50 PM
Parent: #2
الحبيب محمد عادل ..
| Quote: ياحبيب منو القال ليك بانو المعز نادى بقروشو |
طيب زعلان من شنو ؟؟
من القوون ؟؟
ما عادي يا ما دخلت فيهو ستات وخمسات ..
وما شفناهو بجقلب كدة ..
لكن زولك عارف إنو باقي الشيرنق ح يكون
صعب مع الهزيمة ...
الزول بجقلب لأنو عارف أنو الهزيمة ح تكون
سبب في ارتداد الشيك ..
أدو الزول قروشو ..
يا أبو حميد ..
عشان المرة الجاية ما يكفت صلاح ادريس .
|
Post: #4
Title: Re: المعـز محجـوب : قـروشـي .. شى ..شى
Author: abas
Date: 06-26-2007, 05:32 AM
Parent: #1
بس
شوف ليك موضوع غير الهلال
كل شغلك الهلال
|
Post: #11
Title: Re: المعـز محجـوب : قـروشـي .. شى ..شى
Author: حسين يوسف احمد
Date: 06-26-2007, 02:02 PM
Parent: #4
| Quote: شوف ليك موضوع غير الهلال |
لمن تشوفو ليكم شغل
غير الزعيم سودان المريخ .
BLUE]
حرقـكم ؟؟؟
|
Post: #5
Title: Re: المعـز محجـوب : قـروشـي .. شى ..شى
Author: Ahmed Alrayah
Date: 06-26-2007, 05:55 AM
Parent: #1
هذه الصورة أخذت بعد هدف الأنجولي فلافيو مهاجم الأهلي في مرمى
الهلال ويظهر فيها حارسه المعز محجوب متحسراً على اهتزاز شباكه
وقد تبقت دقائق معدودة على انتهاء المباراة.
قال الشاعر في الحسرة والندم:
إذا فكـرتُ في ندمي علـيها - عضـَـضـْــتُ أناملي وقـَـرعـت سني
الصورة المتحركة المرفقة معبرة كأفضلِ ما يكونُ التعبير، اشتملت على
تعبير إنسانيّ بليغ عن أحد أكثر المشاعر أثراً؛ الحـسـرة والندم!
تحية للحارس المتميز المعز محجوب، قد أبلى بلاءاً حسناً وكان
يستحق الخروج بشباك نظيفة، لكن... الكورة كده! قد يخسر فريق
بخطأ من أحد لاعبيه أو بخطأ من الحكم ولا يدون التأريخ إلا
النتيجة النهائية!
توقعتُ كل شيء إلا السخرية ممن يتحسر على ضياع مجهوده وصموده!
بالغتَ يا حسـين!
|
Post: #13
Title: Re: المعـز محجـوب : قـروشـي .. شى ..شى
Author: حسين يوسف احمد
Date: 06-26-2007, 02:11 PM
Parent: #5
Quote: هذه الصورة أخذت بعد هدف الأنجولي فلافيو مهاجم الأهلي في مرمى
الهلال ويظهر فيها حارسه المعز محجوب متحسراً على اهتزاز شباكه
وقد تبقت دقائق معدودة على انتهاء المباراة. |
طيب ما اهتزت شبامو مليون مرة ليه ما جقلب كده ؟؟
الزول دا جقلب متحسرا على قطعة ا########## اللي ضائعة
وعلى الشيرنق اللي ما تميتوهو لسع يا أبو حميد ..
| Quote: يستحق الخروج بشباك نظيفة، |
ويستحق أن تكملو ليهو الشيرنق
وشوفوهو لو جقلب تاني ..
| Quote: توقعتُ كل شيء إلا السخرية ممن يتحسر على ضياع مجهوده وصموده! |
بقى ليكم حار يا أحمد ؟؟
نسيتو لمن كنتو بتسخروا من بهاء الدين
وهو يضيع مجهود لاعبي الزعيم ؟؟
المسكنة والمثالية دي ما بتنفع معاي يا أحمد ..
وأنا عاهدت نفسي أرد ليكم الصاع صاعين ..
وعاهدت نفسي ألا أجقلب مما تكتبون .
فقط أكيل لكم من نفس الاناء ..
ليه دائما عايزننا أقلام مدجنة ساكنة ،
وتسرحوا إنتو وتمرحوا ؟؟
تالله لن أكون كبعض كتاب المريخ ..
واحدة باتنين يا ابو حميد إلى أن تعودوا
لرشدكم ..
كما تسخرون منا سأسخر منكم ..
كما تشتمون لاعبيننا نشتم لاعبيكم ..
والسن بالسن والعين بالعين .
مع الود والاحترام ..
|
Post: #6
Title: Re: المعـز محجـوب : قـروشـي .. شى ..شى
Author: غباشي
Date: 06-26-2007, 07:36 AM
Parent: #1
Quote: منقـول من منتدى محبي المريخ
|
بوست يسئ للمريخ قبل أي شئ ...
كمريخابي أرفض أن يكون التهكم على حساب الوطن
و سمعة السودان فالفرح للهزيمة خارجيا
وفي موقع لمحبي نادي مثل المريخ يتصفحه الكثيرون
من الدول الأخرى, لا ينقص إلا من قدر المريخ ....
أرجو من إدراة منتدى محبي المريخ بسحب هذا البوست
المجرد من أي حس وطني .... خسارة كلما ظننا اننا تقدمنا للأمام
نكتشف اننا نتدهور بسرعة الصاروخ للخلف بسبب تصرفات صبيانية غير واعية
ومن الغريب أن صاحب البوست يزيله بتوقيع من غيرنا يعطي لهذا الشعب معنى ان يعيش و ينتصر
فأين القيم النبيلة والسير؟
بكل أسف بوست غير موفق
|
Post: #7
Title: Re: المعـز محجـوب : قـروشـي .. شى ..شى
Author: tmbis
Date: 06-26-2007, 07:54 AM
Parent: #6
Quote: بوست يسئ للمريخ قبل أي شئ ...
كمريخابي أرفض أن يكون التهكم على حساب الوطن
و سمعة السودان فالفرح للهزيمة خارجيا
وفي موقع لمحبي نادي مثل المريخ يتصفحه الكثيرون
من الدول الأخرى, لا ينقص إلا من قدر المريخ ....
أرجو من إدراة منتدى محبي المريخ بسحب هذا البوست
المجرد من أي حس وطني .... خسارة كلما ظننا اننا تقدمنا للأمام
نكتشف اننا نتدهور بسرعة الصاروخ للخلف بسبب تصرفات صبيانية غير واعية
ومن الغريب أن صاحب البوست يزيله بتوقيع من غيرنا يعطي لهذا الشعب معنى ان يعيش و ينتصر
فأين القيم النبيلة والسير؟
بكل أسف بوست غير موفق |
.. العزيز غباشي .. أنت ودكتور شهـاب .. وبعض الأخـوة الذين وقفو مع الهلال وهو يمثل السودان .. هم وحدهم الذين يجبروننا على تحمل كل هذه الترهات وعدم الرد بالمثل ..
هذه الأفعال الصبيانية تمارس في الحواري .. بل الآن حتى الحواري كفت عن هذه الممارسات في ظل ما تنسمناه من رياح انتصارات اعادتنا مرة أخرى لمربع الأفراح والبطولات .. واعلنا عن سوداننا بقوة واجبرنا كل من تنكر لنا أن يحبس انفاسه ويرى الرعب بعينه ..
بعض الاقلام هنا وفي منتدى المريخ مخجله حقــا .. وهي تظهر وجها سافر تهين به الوطــن في شخص الهــلال ... سقوط .. سقوط متكرر .. يدل على ضحالة الفكر .. وضيق العقــل ..
متى ينتبه هؤلاء إلى أنهم معزولين .. كلنا تعصبا للولنـا الأزرق .. لكن خطنــا الفاصل .. هو الوطن السودان .. الذي يرتدي شعاره شباب هم في مواجهة اعلام غير .. موجه بعنف .. فمهزلة الحكم السنغالي .. والمحلل التونسي كافية بأن تجعل مننا كلنا دروع تتصدى لكل ما هو يحاك ضدنــا .. لكن ماذا نفعل .. فهذا زمان العقول الصبية التي لا تعرف إلى ماذا تهدف .. وهذا قدر السودان أن يكون فيه امثال هؤلاء القلــة الغير واعية ,, والتي ( تكابر ) وتظهر بالمظهر الطفولي .. وهي تعرف في حقيقتها قوة الهلال .. وعظمته وأنه في طريقه لتحقيق المستحيل .. فقط وجوده حاليا ضمن هذه المجموعة من أفضل فرق القارة .. وحده انجاز .. فما تبقى لديهم إلا أن يهزوا .. ويهرجوا يوميا ..
بالامس توعدونــا بالسبعة وبالتمانية .. سرعان ما تقازمو عندما احرجهم المارد الهلالي وفتيته وهم يدافعون عن اسم السودان .. بينما هم يطعنون في الخلف وخاب ظنهم .. فما تبقت لهم إلا الحسرة عندما عادوا إلى وعيهم في لحظة ندم ..
وتبقى لدينا الكثير عندها سيعرفون عظمة الهلال .. وتكسر حسراتهم ..
يا لبؤسهم .. مساكين .. يركضون خلف السراب بمحاولات نيلهم من الهلال العظيم ..
|
Post: #14
Title: Re: المعـز محجـوب : قـروشـي .. شى ..شى
Author: حسين يوسف احمد
Date: 06-26-2007, 02:20 PM
Parent: #6
عزيزي غباشي ..
حبي وتقديري ..
| Quote: كمريخابي أرفض أن يكون التهكم على حساب الوطن |
خلينا نكون واضحين جدا ..
أين الوطن هنا ؟؟
ستقول الهلال .
حسنا ..
أرجو أن تجاوب على هذه الأسئلة :
1/ الهلال في دور من الأدوار لعب ضد
فريق نيجيري ، و3 من لاعبي الهلال لعبوا
ضد فريق وطنهم ، وأحدهم سجل هدف للهلال ..
والسؤال :
هل هؤلاء خانوا وطنهم ، أم طابور خامس ضد الهلال
2/ الزعيم سيقابل فريقين من نيجيريا ..
وبالمريخ ايداهو وايفوسا وهما من نيجيريا
فاذا لعبا ضد فريق وطنهم ماذا نصنفهم ؟؟
خونة أم طابور خامس ضد المريخ ؟؟
Quote: وفي موقع لمحبي نادي مثل المريخ يتصفحه الكثيرون
من الدول الأخرى, لا ينقص إلا من قدر المريخ ....
أرجو من إدراة منتدى محبي المريخ بسحب هذا البوست
المجرد من أي حس وطني .... |
عفوا عزيزي ..
ما تكون زول مسكين ..
قبل أن تنتقد موقع محبي المريخ
عليك أن تزور موقع ولدنا الصغير
الهلال ..
وسترى العجب العجاب ..
يبدو أنك غير متابع للحرب ـ التي لا نؤيدها ـ
بين الموقعين ..
لو زرت موقع ولدنا الصغير لن تكتب كلامك هذا ..
وما تقول لي صفوة ..
فالصفوة والصفوية لا تعني على الاطلاق السكوت
ولا تعني أن تكسر قلمك ..
الصفوة تعني :
أن تفهم متين تبقى المطر ..
ومتين تصبح حريق ..
مع الحب ..
|
Post: #8
Title: Re: المعـز محجـوب : قـروشـي .. شى ..شى
Author: haleem
Date: 06-26-2007, 10:45 AM
Parent: #1
صاحب البوست..انت شخص فارغ
|
Post: #15
Title: Re: المعـز محجـوب : قـروشـي .. شى ..شى
Author: حسين يوسف احمد
Date: 06-26-2007, 02:27 PM
تمبس ..
حليم ..
ضيعت وقتي في قراءة ما كتبتوه ..
ولاحظت انجرافكم وراء الاساءات والشتائم الشخصية ..
وبالتالي لن أضيع وقتي كمان في الرد عليكما
فقط أقـول :
الصمت عن جاهل أو أحمق شرف ..
وفيه أيضا لصون العرض اصلاح ..
أما ترى السد تخشى وهي صامتة..
والكلب يرمى لعمري وهو نباح ..
|
Post: #12
Title: Re: المعـز محجـوب : قـروشـي .. شى ..شى
Author: Ahmed Mohammed Osman
Date: 06-26-2007, 02:10 PM
Parent: #1
حسين يوسف
اتوقعتك عاقل
او حساس
المنظر الشايفو دا تعبير حسرة علي المجهود الضاع بي سبب الظلم
علي الاجتهاد الراح شمار في مرقة
اجتهاد حقيقي
واذا كان دا راي المريخاب في المشهد دا
فبقول ليكم
دي حسرة قون واحد وخسارة لعب ممتاز
ورونا حسرتكم ح تكون كيف عندما تنهال الاهداف الاسماعيلية علي بهاااااااااااااء الدين بتاعكم
كان في فلم اسمو اسماعيلية رايح جاي
الله يستر
|
Post: #16
Title: Re: المعـز محجـوب : قـروشـي .. شى ..شى
Author: حسين يوسف احمد
Date: 06-26-2007, 02:37 PM
Parent: #12
أحمد محمد ..
وأنا نهائي ما اتوقعتك عاقل .
| Quote: ورونا حسرتكم ح تكون كيف عندما تنهال الاهداف الاسماعيلية علي بهاااااااااااااء الدين بتاعكم |
ثق يا حبيب ..
ما ح نجقلب حسرة على قروش ضائعة
ولا واطة فشنك ..
ولا شيك مرتد ..
| Quote: كان في فلم اسمو اسماعيلية رايح جاي |
ما مشكلة على الاطلاق ..
وحينها أكتبوا ما تحبون ..
مش ح نجقلب ..
ولا ح أنبذكم في ذاتكم ..
ولا ح أشتمكم .. زي ما كتبت أعلاه
فقط سنرد عليكم في حدود الكورة ..
ويظل احترامي لأشخاصكم ..
ولا تنسى فلم ذات المراتب ..
أول عرض يوم 8 يوليو ..
بزريبة العيش ..
وتحت تحت كدا ، وبني بينك
مكان العرض ح يكون في الرد كاسل ..
لأنو للأسف أعمال الصيانة عندكم لم تكتمل بعد ..
بختكم عزر جاهز عشان تقولو ما أستادنا ..
مع الحب ..
وخليك عاقل .
|
Post: #17
Title: Re: المعـز محجـوب : قـروشـي .. شى ..شى
Author: غباشي
Date: 06-26-2007, 03:37 PM
Parent: #1
أخي حسين .... تحياتي
Quote: 1/ الهلال في دور من الأدوار لعب ضد
فريق نيجيري ، و3 من لاعبي الهلال لعبوا
ضد فريق وطنهم ، وأحدهم سجل هدف للهلال ..
والسؤال :
هل هؤلاء خانوا وطنهم ، أم طابور خامس ضد الهلال
2/ الزعيم سيقابل فريقين من نيجيريا ..
وبالمريخ ايداهو وايفوسا وهما من نيجيريا
فاذا لعبا ضد فريق وطنهم ماذا نصنفهم ؟؟
خونة أم طابور خامس ضد المريخ ؟؟ |
الأمثلة بعيدة كل البعد عن عين الحقيقة ...
فهي تتحدث عن تنافس شريف على مرأى و بشهادة الكل
فكون أن يحرز لاعب هدفا في شباك فريقه السابق أو
قريق بني جلدته ... فسيكون بطلا لأنه نجح في كسر عدةة حواجر
كفيلة بأن تجعل منه لاعباٍ محترفا .. و هنا جوهر
الرياضة الفعلية الذي يتطلب البذل و العطاء , ذلك للوصول
الى الغاية المنشودة ... الا و هي النصر.
لكن يا عزيزي إذا دققت في حديثي ستجد أنني انتقدت اسلوب
التناحر الغير منطقي الذي يمهد لإبادة جماعية لكل ما هو جميل !
لماذا دائما لا نعترف بالمواقف المشرفة لبعضنا البعض
لقد انتقدت الحرب النفسية و محاولات التثبيط و التهكم لوأد
انجازاتنا الرائعة على قلتها......!!!!!!!!
Quote: قبل أن تنتقد موقع محبي المريخ
عليك أن تزور موقع ولدنا الصغير
الهلال ..
وسترى العجب العجاب ..
|
حقيقة لم أزور هذين الموقعين منذ فترة طويلة
و لكن اذا كانت هذه رسالتهما التي انشئا من أجلها
فأبشرك يا صديقي بأن لن تقوم قائمة للرياضة فيى وطني
بالرغم من كل الملاييين التي يسيل لها اللعاب من أجل
ضم لاعبين للاستفادة منهم , فهي مواقع صغيرة لأندية كبيرة
Quote: الصفوة تعني :
أن تفهم متين تبقى المطر ..
ومتين تصبح حريق .. |
الصفوة التي علمتها الآن هي أن تكون دوما حريق
تدمر كل شي أمامها... لا يوقفها مد البحر
عزيزي حسين ...
لأ أدعي المثالية و لا اريد منك أن ترتدي القميص الأزرق
حتى أرضى عنك و لكن علينا أن نكون على قدر من التسامح
و هذا هو أسمى معاني الرياضة
محبتي الأكيدة
|
Post: #18
Title: Re: المعـز محجـوب : قـروشـي .. شى ..شى
Author: حسين يوسف احمد
Date: 06-29-2007, 01:41 PM
Parent: #17
عزيزي غباشي ..
تحية حمراء من الوريد إلى الوريد
ومن الدم الأحمر للدم الأحمر ..
حين أتيتك بنماذج للاعبين يلعبون ضد
أندية بلدانهم ..
أردت أن أوضح لك أن الوطنية هذه
فقط مع المنتخبات الوطنية ..
والنادي يلعب لنفسه ..
وحتى أؤكد لك صدق حديثي ، أتحدى أي
واحد من أدعياء الوطنية ديل أن يفتخر
بكأسات الزعيم الخارجية ..
أنظر لهم عزيزي كيف يبخسون كاسات الزعيم
هل سمعت بأحدهم يتحدث عن بطولات الزعيم
بافتخار ؟؟
لا ورب الكعبة ، بل يحاولون أن يبخسوها
لذلك تجدني صادق مع نفسي ..
لا يمكنني أن أتعاطف مع ولدناالهلال ، إلا حين
يفتخرون هم ببطولات الزعيم الخارجية ..
وبما أنهم لن يفعلوا ..
من الأفضل ألا نكذب على انفسنا ونتستر خلف
ستار الوطنية ..
من حقي أن أتعاطف مع أي فريق بعد المريخ
فهذا قسمي فيما أملك ...
لا يمكن أن أشجع الهلال لأني اساسا لا أرى
فيه ما يستحق التشجيع ..
أما بخصوص الموقعين :
فقد بذلنا بعض الجهود للارتقاء
بلغة الحوار ، ومانجر بكري يشهد
ولكني لم أجد تجاوبا !!!!
عميق الحب والتقدير ..
|
Post: #19
Title: Re: المعـز محجـوب : قـروشـي .. شى ..شى
Author: keiga2000
Date: 06-29-2007, 05:59 PM
Parent: #18
حسين يوسف احمد
الله يجازي محنك ياخوي دي فكرت فيها كيف والله قدر ماعاينت للقطة دي ما اتوقعت هذا الكلام
ياخوي نحن الايام دي في بيت البكاء ماعاوزين ضحك لازم نقيف معاهم لانو المرحوم قالوا قتلوا سنغالي بعطنتين نجلتين
الفاتحه
كلم اخونا طارق الامين يعمل لينا قصيدة
ابومصطفى
|
Post: #20
Title: Re: المعـز محجـوب : قـروشـي .. شى ..شى
Author: حسين يوسف احمد
Date: 07-03-2007, 00:33 AM
Parent: #19
عزيزي كيجـا ..
حبي وتقديري ..
| Quote: الله يجازي محنك ياخوي دي فكرت فيها كيف والله قدر ماعاينت للقطة دي ما اتوقعت هذا الكلام |
الفكـرة للعزيز سـومي بمنتدى محبي المريـخ ..
فقـط لدينـا أجـر المنـاولـة ..
بس بيني وبينك ..
اللقطة تعبير حقيقي عن جقلبة المعز
وخوفه على فلوسه اللي راحت فلافيو
فـي مـرق ..
مع الحب ..
|
Post: #21
Title: Re: المعـز محجـوب : قـروشـي .. شى ..شى
Author: ABDELMAGID ABDELMAGID
Date: 07-03-2007, 07:18 AM
Parent: #20
حسين أخوى ...
الله اجازى محنك  !!!
الزول ده ( أدو ! قرشو ! )
عبدالماجد
|
Post: #22
Title: Re: المعـز محجـوب : قـروشـي .. شى ..شى
Author: حسين يوسف احمد
Date: 07-04-2007, 05:43 PM
Parent: #21
مجيد الرائع ..
Quote: الزول ده ( أدو ! قرشو ! )
عبدالماجد |
من وين يا حبـة عيني ؟؟
لو كان الكابتن سـيدهم ظاااتو
شـيكو ارتـد ..
أصلو قالوا البرير دفنهـا مع البـط !!!
قـروشـي ..
قـروشـي ..
هسـع نااااو ..
تشـمهـا قـدحـة ..
ختيييييييييير يا أرباب ..
|
|
