الشغل فى الخرطوم السكن بحرى الفارغه والمقدوده فى أمدرمان

Post: #1
Title: الشغل فى الخرطوم السكن بحرى الفارغه والمقدوده فى أمدرمان
Author: فرح
Date: 06-21-2007, 07:24 PM
Parent: #0

أحسن بصل فى امدرمان زريبه العيش احسن بطيخ بطيخ ودحامد شمال امدرمان احسن سمك المورده امدرمان احسن لحمه فى زنك اللحمه امدرمان احسن عده فى سوق العده امدرمان احسن فرات فى المسالمه امدرمان ( الفرات اسألو منو رأفت ميلاد ) أجمل بنات فى امدرمان العب ناس فى امدرمان
الز فواكه فى السوق المحلى الخرطوم برتكان سيرلانكى جوافه ايطاليه منقه برازيليه ليمون هندى دكوه ايرانيه عجور شيلى اناناس صومالى
احسن عجور تبش فى السوق المركزى بحرى خس جرجير باميه ملاح باميه طبيخ سلج خضره ناعمه خضره خشنه فلفل احمر فلفل اخضر كوسه قرع طماطم صلطه طماطم ملاح فى بحرى
اكتر رشكات فى امدرمان اكتر دفارات فى امدرمان اكتر هايسات فى الخرطوم اكتر عجلات فى بحرى اكتر تكاسى فى الخرطوم اكتر قطارات فى الخرطوم اكتر طيارات فى الخرطوم اكتر ملاكيات فى الخرطوم
احسن فول فى امدرمان احسن كوارع فى امدرمان احسن شوربات فى الخرطوم احسن ام فتفت فى بحرى (ديوم بحرى)
اجمل بنات فى امدرمان اشنا ناس فى الخرطوم اجدع ناس فى بحرى
اكتر قروش فى الخرطوم اجمل بيوت فى بحرى الفارغه والمقدوده فى امدرمان
عاشت الفارغه والمقدوده .

Post: #2
Title: Re: الشغل فى الخرطوم السكن بحرى الفارغه والمقدوده فى أمدرمان
Author: bayan
Date: 06-21-2007, 07:49 PM
Parent: #1

شنو يا فرح ما ممكن ياخي؟؟؟!!!!
تعرس 6 شهور تجن...
نحنا لينا 21 سنة ولسع ما وصلنا مرحلتك دي ياخي...

عايزني اجي اشوف الحاصل شنو؟
غايتو البخاويكم الله معاه...
من جنس الحالة دي....بس ما تتطقع سامع كلام خشم بس

كلام يا عوض دكام..

Post: #3
Title: Re: الشغل فى الخرطوم السكن بحرى الفارغه والمقدوده فى أمدرمان
Author: فرح
Date: 06-21-2007, 07:56 PM
Parent: #2

احسن بيان فى بحرى احسن هدوم فى سعد قشره احسن مربه فى ماليزيا
يا دكتوره والله انا قربت اارشف الزواج بتاعى دا بعد السته الشهور الاولى

Post: #4
Title: Re: الشغل فى الخرطوم السكن بحرى الفارغه والمقدوده فى أمدرمان
Author: khaleel
Date: 06-21-2007, 08:06 PM
Parent: #3

فرح

امدرمان سجونها

وكوبر الزنزانة

والبعاند هوانا بنعاندو بي الجبخانة

وبنات بحري قالو بتحبو

Post: #20
Title: Re: الشغل فى الخرطوم السكن بحرى الفارغه والمقدوده فى أمدرمان
Author: فرح
Date: 06-22-2007, 08:01 PM
Parent: #4

ايييييييييييييييييييك يا خليل ايش الحاصل
امدرمان شتولا والخاين الله يخونه وبنات بحرى حلوات والله
وسجن امدرمان مرحلنو
مودتى

Post: #5
Title: Re: الشغل فى الخرطوم السكن بحرى الفارغه والمقدوده فى أمدرمان
Author: بكري الصايغ
Date: 06-21-2007, 08:16 PM
Parent: #1

... لحـدي وقـت قـريب... كـنت يافـرح بتـكتب عـن الفسـاد في الـجـبهة الشعبية ورحـت تنشـر صـور ايصـالات قـلت انو في بنك في كـينيا كـشف حـسابات تـخـص ناس حـكومـة الجـنـوب وانهـا امـوال بالـملاييـن دخـلت حـساباتهـم مـن قـروش عائـدات النـفط،

كـتبت كـمان وهـاجـمـت "الـحـركة" ووصـفتـهـم بالانـفصـالييـن الـحـرامـية،

ولـما شـعـرت انـو مـقالاتـك ماجـايب حـقـها في سـوق الإسـاءات والتـشهـيـر بالـمعارضـة، قبلـت تكـتب عـن الـكورة،

وبـرضـو كـانت مـواضـيـع كـروية هـدفـها صـرف انـظار القـراء عـن الـمواضـيع الـجـادة واغـتيـالات النـظام لسـكان كـجـبار،

ورحـت تكـتب عـن تـعـدد الزوجـات، فـي الـوقت الذي زادت فيـه اعـداد الارامـل بســبب رصــاصـات القـوات الـمسـلحـة والشـرطة الـمتطـايرة فـي كـل ربـوع البـلاد،

فـوجـئنا بـمقالتـك عـن سـليمان رشـدي اليوم، في الـوقـت الـذي كان كـل القـراء مـشـدوديـن لـخـبـر اغـتيال رجـال الشـرطـة للـمواطنييـن فـي كـجـبار واطـلاق الرصـاص عـليهـم مـن الـخـلف،

وجـاء مـوضـوعـك الاخـيـر عـن " الـقنقليـس، والـتبـش، وسـوق العـيـش و..و...!!!".

ويبـقي السـؤال الـهـام، لقـد وعـدت القـراء يافـرح في احـدي مـقالاتـك وان تكـشـف فسـاد اللـصـوص فـي الأنـقاذ بنـفـس القـدر الذي
كـتبـت فـيـه عـن فسـاد بعـض اعـضـاء حـكومـة الجـنوب، وانتـظـرناومــازلـنا مـنتـظـرين و " وعـد الـحـر ديـن عـليـه"!!!.
................
..................
اكتـب لنا عـن " الـكـوسـة " فـي القـصــر والـحـزب الحـاكـم، والـ " بتاعـت اسواق العاصـمة الـمثلثـة عـارفـنهـا كـويـس!!!!!!.

Post: #6
Title: Re: الشغل فى الخرطوم السكن بحرى الفارغه والمقدوده فى أمدرمان
Author: بكري الصايغ
Date: 06-21-2007, 08:26 PM
Parent: #5

الاخ فـرح،
...... " النـوبيـون في شـنـو، وانت النـوبي " السابـح عـكس التيـار " فـي شـنـو!!!!.

Post: #7
Title: Re: الشغل فى الخرطوم السكن بحرى الفارغه والمقدوده فى أمدرمان
Author: بكري الصايغ
Date: 06-21-2007, 08:54 PM
Parent: #6

بتاريـخ 20 يـونيو 2007 كـتب فـرح مـقالة تـحـت عنوان: " جميع الدلائل تشير لأن تعدد الزوجات هو الحل الأمثل (الإسلام هو الحل)".

وجـاء ردي عـلي مـقالتـه:

...... انـه مـوضـوع انـصـرافـي الـهـدف مـنه سـحـب الـبسـاط مـن تـحـت الـمـواضـيـع الـجـادة ومـواضـيع السـاعـة والقـوات الـدوليـة وضـحـايا كـــجـبار والزلزلـة التـي وقـعـت فـي الـحـزب الـحاكـم وشـتـت افـكار اهـله بعـد قبول الأنـقاذ ومـوافقتـه بـذلة وانكـسار قبول القرارات الـدولية التي عـرضـتـه لشـماتة الرائـح والغـادي وراح البشـيـر ومـحاولآ تبـريـر فشـله الـدبلوماسـي ويـمـلأ الـدنيـا تـصـريـحات وخـطـب وتهـديـدات فـي الـوقت الـضائـع ، انه مـوضـوع سـبق وان كـتبنا عـنه طـويلآ عـندما نادي البشـيـر وناشـد الـمواطـنييـن بالزواج مـن اربـعـة وبعـدان كان هـو قـد تزوج الثـانيـة وقـلـده عـلي الفور وفـي اللـحـظة الـطـيب " سـيـخـة " وهـو مـوضــوع لااسـتغـرب فـتـحـه الان مـن قبـل مـن يـهـمـهم الامـر فـي تـحـويل مـسار مـواضـيـع " الـمنبـر العـام " الـجـادة لـمواضـيع قـديـمـة وسـطحــية.
لقـد شـاركـت فـي هـذا " البـوسـت " لاكـتب فيـه عـن كـجـبار وحـالات الـطلاق والـتـرمـل والبـؤس الذي اضـحـي سـمـة بارزة عـن نسـاء سـودان الأنقاذ!!!.

Post: #8
Title: Re: الشغل فى الخرطوم السكن بحرى الفارغه والمقدوده فى أمدرمان
Author: Hussein Mallasi
Date: 06-21-2007, 09:55 PM
Parent: #7

يا بكري الصايغ .. كم مرة أقول ليك افهم الحاصل و بعدين طفر!!

Post: #9
Title: Re: الشغل فى الخرطوم السكن بحرى الفارغه والمقدوده فى أمدرمان
Author: Hussein Mallasi
Date: 06-21-2007, 10:08 PM
Parent: #8

معليش يا فرح .. الحبيب الحبوب دا أصلو كدا؛
طوالي راكب غلط!

Post: #10
Title: Re: الشغل فى الخرطوم السكن بحرى الفارغه والمقدوده فى أمدرمان
Author: بكري الصايغ
Date: 06-21-2007, 10:24 PM
Parent: #9

انـت يامـلاسـي الـراكب صـح،.....

ليـه مابتـكتب عـن سـد " كـجـبار "??،

خـائـف يـعتـقلوك مـرة ثانيـة???،

عـايـزين نعـرف رأيـك سـلبآ او ايـجـابآ!!!، وبعـديـن انا بـهـاجـم فـرح عـشان مـا يـزعـجـنا بـمواضـيعـه الانـصـرافيـة زي ماانـت بتعـمـل!!!!.

Post: #11
Title: Re: الشغل فى الخرطوم السكن بحرى الفارغه والمقدوده فى أمدرمان
Author: Hussein Mallasi
Date: 06-21-2007, 10:28 PM
Parent: #10

واضح انك مصر ما تنزل يا حبيب يا حبوب!!

Post: #22
Title: Re: الشغل فى الخرطوم السكن بحرى الفارغه والمقدوده فى أمدرمان
Author: فرح
Date: 06-22-2007, 08:11 PM
Parent: #8

الحسين مكماهون ملاسى مشتاقين والله
ولا حتى تلفون ولا حتى رساله واحده

Post: #21
Title: Re: الشغل فى الخرطوم السكن بحرى الفارغه والمقدوده فى أمدرمان
Author: فرح
Date: 06-22-2007, 08:07 PM
Parent: #7

يا بكرى
انا من الاول قلت لى بكرى دا انتهاك لملكيتى الفكريه
ولا يهمك يا بكرى
انا الموقع اسمى ادناه اقر واعترف انى ليست محمد فرح
شكرا بكرى لك مودتى

Post: #12
Title: Re: الشغل فى الخرطوم السكن بحرى الفارغه والمقدوده فى أمدرمان
Author: Elawad
Date: 06-21-2007, 10:41 PM
Parent: #1

Dear Bakri,x
You got the wrong guy. This is Farah, and you are talking about Mohamed Farah. Regards.x

Post: #13
Title: Re: الشغل فى الخرطوم السكن بحرى الفارغه والمقدوده فى أمدرمان
Author: بكري الصايغ
Date: 06-22-2007, 07:35 AM
Parent: #12

الاخ الـحـبيـب الـحـبـوب،
فـرح،

تـحـية الـود والاعـزاز،

واعـتـذر لك وانـني في اول مـداخـلة لي مـعـك و" دخـلت غـلط " ظـنآ مـني انك مـحـمـد فـرح الذي

اناكـفه في المـنبـر دومـآوبينـنا "ومابيـن القـط والفار!!!!". ولااعـتقـد انه ولـم يـفت عليـك

هـذا الـخـطأ الغـيـر متعـمـد. واكـرر لك كـل اعـتـذاراتي.

واكـرر خالـص شـكري للاخ الـعـوض الذي لفـت نـظـري لـهـذا الخـطأ في الاسـماء وله مني كـل الشـكر

والعـرفان.

ولكـما كـل الـمـودة والاحـتـرامات الفائـقة.

Post: #14
Title: Re: الشغل فى الخرطوم السكن بحرى الفارغه والمقدوده فى أمدرمان
Author: bayan
Date: 06-22-2007, 07:49 AM
Parent: #13

واكثر فرح متمقلب في اسمو في امدرمان*

عاد الله معاك..
ربنا يحفظ فرح من هجمات المناضلين..

نجيب ليك حاتم الياس محامي عشان يمرقك من الحفرة دي

* تعرف يا فردة اسمك دا مشكلة لو جيت باسم محمد محمود يلخبطوك
مع وسام ينطو ضدك الظلاميين لو جيت باسم
فرح يلخبطوك بمحمد فرح تقع في يد المستنيرين.. الا نضبح ليك من اللوال وننجر ليك اسم..
ما قلت لي سبب الفورة دي شنو؟
يا احسن فرح في امدرمان

Post: #24
Title: Re: الشغل فى الخرطوم السكن بحرى الفارغه والمقدوده فى أمدرمان
Author: فرح
Date: 06-22-2007, 08:27 PM
Parent: #14

احسن فرح من حاتم الياس واحسن بيان من فرح واحسن حاتم الياس منى
يا دكتوره الخروف

اللخبطه حقتى دى ما عرفتيها من شنو
داير اارشف بس

Post: #15
Title: Re: الشغل فى الخرطوم السكن بحرى الفارغه والمقدوده فى أمدرمان
Author: محمد البشرى الخضر
Date: 06-22-2007, 10:47 AM
Parent: #13

دي طبزة قوية جدا
تستاهل نجمة

Post: #16
Title: Re: الشغل فى الخرطوم السكن بحرى الفارغه والمقدوده فى أمدرمان
Author: بكري الصايغ
Date: 06-22-2007, 11:14 AM
Parent: #15

الاخ الـحـبيـب الـحـبـوب،
مـحـمـد البشـري،

تـحـياتي ومـودتي،

انـت كـمان " طـبزتهـا " اكـبر من " طـبزتي!!! ".

انا زول عـاصـرت زمانات حـكم الانـجـليز وعـشت وشـفت الـحاكم العام البريطاني بام عـيوني، ولـما رفعـوا العلم " الازرق والاصـفر والاخـضـر" من فـوق "السـرايـة" كـنت زول كـبير و" بشـنيباتي!!"، تـجـي تقـول لي اخـد نـجـمة يـعني " مـلازم ثاني !!"، ولايعـني الاخـدوا الرتب الكبيرة " فـريق اول " كانوا احـسـن مـن???. لـو كنت عارف غـلطـتي مـع الاخ العـزيز حـتـديني انت فيـها دبـورة " نـجـمـة "، كـنت مـشـيت اشـوف لي عـمارة ولامـسـتشـفي ارمـيهـا ويقـوم البشـيـر يـديـني رتبـة فـريق اول ويعـينـي
وزيـر دفاع!!!.
" طـبزتهـا طـبزة" .. اديك فيـها رتـبة البشـيـر!!!!.
لك مـودتـي.

Post: #25
Title: Re: الشغل فى الخرطوم السكن بحرى الفارغه والمقدوده فى أمدرمان
Author: محمد البشرى الخضر
Date: 06-22-2007, 08:40 PM
Parent: #16

العفو يا عمنا
تستاهل النجوم و المقصات
لكن النجمة المقصودة دي ما ليها علاقة بالدبابير العسكرية
و هي للطبزة نفسها
بصراحة الطبزة قوية
و إتخيل معاي لو العوض ما كان اون لاين او لو إتغاتت عليك زي ملاسي
أظن لا أسي كنت تكون مدور في الراجل

إحترامي و تقديري

Post: #31
Title: Re: الشغل فى الخرطوم السكن بحرى الفارغه والمقدوده فى أمدرمان
Author: فرح
Date: 06-23-2007, 01:24 PM
Parent: #25

محمد البشرى تعرف انا كنت متخيل انو غير ملاسى مافى زول عارف الفرق لكن العوض طلع فقرى
تشكر
يا بكرى والله انا كنت بضحك
والاعمال بالنيات

Post: #30
Title: Re: الشغل فى الخرطوم السكن بحرى الفارغه والمقدوده فى أمدرمان
Author: فرح
Date: 06-23-2007, 01:17 PM
Parent: #15

محمد البشرى تشطر على مرور الكريم

Post: #23
Title: Re: الشغل فى الخرطوم السكن بحرى الفارغه والمقدوده فى أمدرمان
Author: فرح
Date: 06-22-2007, 08:16 PM
Parent: #12

العوض
مودتى وتقديرى
وشاكر لتنبيه بكرى الصايغ
يا بكرى الصايغ ولا يهمك واشكر لك مشاركتك فى البوست

Post: #17
Title: Re: الشغل فى الخرطوم السكن بحرى الفارغه والمقدوده فى أمدرمان
Author: Elawad
Date: 06-22-2007, 03:28 PM
Parent: #1

Quote: انا زول عـاصـرت زمانات حـكم الانـجـليز وعـشت وشـفت الـحاكم العام البريطاني بام عـيوني، ولـما رفعـوا العلم " الازرق والاصـفر والاخـضـر" من فـوق "السـرايـة" كـنت زول كـبير و" بشـنيباتي!!"

Dear Ustaz Bakri,x
Thank you for your nice reply, and please accept my appology for addressing you with your name without giving you the desrved respect.x

Post: #18
Title: Re: الشغل فى الخرطوم السكن بحرى الفارغه والمقدوده فى أمدرمان
Author: بكري الصايغ
Date: 06-22-2007, 06:15 PM
Parent: #1

الأخ الحـبيـب الـحـبوب،
الـعـوض،
تـحـية طـيبة، وشـكرآ شـكر يعـجـز عـنه اللسان علي كلامك اللطـيف وسـمح بالـحـيل.

لفـت نظـري في مـوضـوع "البوسـت" الخاص بالأخ فـرح " الشغل فى الخرطوم السكن بحرى الفارغه والمقدوده فى أمدرمان "، انو دمـج مـدن العاصـمة المثلثـة في وحـدة اقتصـادية واحـدة زي حـكاية الـمـدن الأوربية هـنا بعـد التكامل الأقتصادي بيـن الدول دي. وبقت حـاجة عادية ويقوم الالمـاني في الصـباح ويركب عـربيتو ويسافر لـمدن الـحـدود ويشتـري من هناك الـحاجات الرخـيصـة، واغلـب الـمان الشـرق بسـافروا لـبراغ ومـن هناك يشـتروا البنـزين لانو ارخـص من اسـعار المانيا.

نـرجـع لـموضـوعنا واقول ليـك، في سـنوات الاربعـينيات والـخـمسينيات ماكان هـناك فـي اي ارتباط اقتصـادي بيـن مـدن العاصـمة المـثلثة، وكل مـدينة مـستقلة تـمامـآ عـن الاخـري وينـدر كنا نسـمـع انو واحـد مـن ناس الخـرطوم راح يشتـري ليه حـاجـة مـن امـدرمان مـثلآ!!!، ولاسـمـك الـمـوردة يبـتاع في بـحـري!!. هـل تـصـدق يااخ العـوض، انو فـي ناس فـي الـخـرطوم من يـوم مااتـولـدوا لـحـد ماكـبروا وعـجـزوا ومـاتوا ماشـافـوا امـدرمان!!!!ولاحـتي عـدو الكـبـري، ولـما كـنا نسـألـهـم "ليـه مـاتـمشـوا تشـوفـوا بـحـري ولاامـدرمان?"، يقـولوا ليـك " اللـه عـمـل بيـنا وبيـنهـم بـحـر، عـشان لايـجـونا ولانـمـشـي ليـهـم!!!!!". الـمـرة الاولـي في حـياتي الزرت فـيها امـدرمان كانت لـما انـجـليـز بنـوا اسـتاد " دارالـرياضـة " بامـدرمان سـنة 1948، وكانت الـمباراة بيـن الفـريق العسـكري الانـجـليـزي لـكـرةالـقـدم وفـريـق الـهلال الامـدرماني وبـمناسـبة افـتتـاح الاسـتاد، وركـبنا "الـحـنطـور" مـن الـخـرطوم وعـبـر بيـنا الكـوبري والقلـوب مـنقبـضـة لانـنا نـحـنا ناس الـخـرطوم وماكـنا بنـحـب امـدرمان وناسـهـا والسـبب انـو ناس امـدرمان دائـمـآ بـيذكـرونا بانهـم " احـسن ناس " عـنـدهـم التاريـخ ومـعـركة "كـرري" وعـنـدهم "الطـوابي" وبيـت الخـليفة وحـزب الأمـة.. وبوابة " عـبـدالقيـوم"
والهـلال والـمريـخ والاسـتاد، ويقولوا عـن الـخـرطوم " بلـد الـخـواجات والـموظـفيـن!!!.

الشـئ الـوحـيـد الذي كان يـجـمع ناس العاصـمـة المثلثة هـي الـوزارات التـي يعـمل فيـها الـكل.

الاخ فـرح بقـول انـو اجـمـل بنات الأن هـن بنات امـدرمـان، لكـن في زمـاناتنا " وياليـت ايام الشـباب تـعود يـومـآ" كـن بنات الأقـباط فـي الـخـرطوم، واجـمـل بيـوت فـي الـخـرطوم " بيـوت الـحـرس " مبنـية عـلي
الطـراز الانـجـيـزي شـرق الـخـرطوم، اسـواقـنا فيـها مايكـفي ناس الـخـرطوم ويـزيـد، احـسـن انواع فـواكـه وخـضـروات الشـمالية كانت في
" سـوق الـزنك " السـمك يـجـينا مـن جـبل اوليــاء، والـ " سـوق الافـرنـجـي " فيـه الـمـودرن ، والـ " سـوق العـربي " ..."العـنقـريب" تـمنـو 14 شـلن مـصـري!!!!، الـجـلابيـة بـ25 قـرش مـصـري!!!.

فـرح بقـول حـصـل " انـدماج " اقتـصـادي، ولـكـن ياتـري كـل الناس مـرتاحـة ومـاكـله ولابسـه وسـعـيـدة زي ناس زمـانا????.

لك وللاخ فـرح مـودتي وتـحـياتي.

Post: #29
Title: Re: الشغل فى الخرطوم السكن بحرى الفارغه والمقدوده فى أمدرمان
Author: فرح
Date: 06-23-2007, 11:36 AM
Parent: #18

بكور بتاع الدهب
تعرف يا بكرى انا ما بمسك الكى بورد دا الا اكون شبعان
شبعت يوم الخميس ماكل لى سلطه روب وزبادى وجبنه مضفره
وشربت لى لبن وقمت لى احسن دا والذ دا
دى كل القصه

Post: #19
Title: Re: الشغل فى الخرطوم السكن بحرى الفارغه والمقدوده فى أمدرمان
Author: بكري الصايغ
Date: 06-22-2007, 07:47 PM
Parent: #1

الأخ الحـبيـب الـحـبوب،
الـعـوض،

رجـعت ليك تاني عـشان أسـالك عـن بعـض "الـمـصطـلحات" الـجـديدة عـلي وردت في مـقالة الأخ فـرح ولـم اسـمع بها مـن قبـل خـصـوصـآ واننـي مـنـذ 21 عـامـآ لـم أزر السـودان، فـمامـعـني:

1- بـطـيـخ ود حـامـد!!!!!، بـخـتلف عـن بـطيـخ زمـانا الكان اسـمـو
" حـمـار وحـلاوة!!".. ولاماشـبه بـطيـخ " ابـوالـعـلا "???، وبـطـيـخ ود حـامـد مـدورولامـربع????.

2- يـعـني شـنو " فـرات "??.

3- دكـوة ايـرانيـة!!!، فـي دكـوة غـيـر ايرانية???، وهـي شـنو اصـلآ??.

4ـ تـبـش ????.

5- طـبيـخ سـلـج ????.

6- هـايسـات ???.

7- عـجـور شـيلـي ???.
ارجـو الشـرح بالصـور لـو امـكـن!!.

يعـني "صـينـية الاكـل" فـيها حـاجـات مـن كـل دول العـالـم!!.

عـاشـت الـعـولـمـة.

لـكـمـا مـودتـي.

Post: #26
Title: Re: الشغل فى الخرطوم السكن بحرى الفارغه والمقدوده فى أمدرمان
Author: ابو مهند
Date: 06-22-2007, 10:04 PM
Parent: #1

ازيك يا ود كدفور
والله مشتاقين لكل الاخوان بطرفكم.
طبعا اخوك ميت من الضحك,,,,
شد حيلك واصلب طولك,, والعرس سبيل الاولين والاخرين
اما بخصوص الاأرشفه فاسأل اخوك ود مهدي
والذ جسنه عند حمر و ناس الخور
تحياتي
ش.ل.ف

Post: #33
Title: Re: الشغل فى الخرطوم السكن بحرى الفارغه والمقدوده فى أمدرمان
Author: فرح
Date: 06-23-2007, 04:41 PM
Parent: #26

الشاب ود عباس اطيب الله ثرى الاراضى الهولنديه اما بعد
بالتبادى مبروك لاخونا اللمين عباس والتهانى من الاخت حرم بقوز نفيصه وودحامد والحقنه وبيت مال وبطيخ
تانيا ود مهدى قالو فى السودان اليومين دى
تالتا مشتاقييييييييييين يا حمر يا بت المك
اخيرا مختفى شديد انتى

Post: #27
Title: Re: الشغل فى الخرطوم السكن بحرى الفارغه والمقدوده فى أمدرمان
Author: محمد هواري
Date: 06-22-2007, 10:43 PM
Parent: #1

سلام يا فرح
دحين يا خوي ديل ستة شهور العرس خلاك تطربق زي دا
بعد الستة الشهور التانيات الشافك امتطيت ليك صينية في قلب الخرطوم ما كضب
أها بعد ما يجو الشفع والويغ ويغ تكتر تسوي شنو؟ تركب ليك كبري؟

Post: #28
Title: Re: الشغل فى الخرطوم السكن بحرى الفارغه والمقدوده فى أمدرمان
Author: Kostawi
Date: 06-22-2007, 10:53 PM
Parent: #27

Post: #35
Title: Re: الشغل فى الخرطوم السكن بحرى الفارغه والمقدوده فى أمدرمان
Author: فرح
Date: 06-23-2007, 04:59 PM
Parent: #28

كوستاوى يا جميل يا مدلل
تشكر على الاغنيه الجميله
اختفيت نهائى لكن

Post: #34
Title: Re: الشغل فى الخرطوم السكن بحرى الفارغه والمقدوده فى أمدرمان
Author: فرح
Date: 06-23-2007, 04:57 PM
Parent: #27

يا هوارى
هسى انا خايف بعد السته سنوات اختفى نهائى
الصوانى زاتا الزمن داك ما تكون فاضيه لى زول جديد

Post: #32
Title: Re: الشغل فى الخرطوم السكن بحرى الفارغه والمقدوده فى أمدرمان
Author: بكري الصايغ
Date: 06-23-2007, 02:56 PM
Parent: #1

الأخ الـحـبيـب الـحـبوب،
فـرح،
لاحـظـت فـي اغـلب مـداخـلات الأخـوة الأشـارة لزواجـك وانك لسـه عـريـس جـديـد ودخـلت عـلي الـدنياالـجـديـدة السـعـيـدة دي قـبل سـتة شـهـور، وماعارف اذا كـنت قـد هنئتك سـابقآ وقبـل سـتة شـهـور ولا لا، واقـدم لك تـمنياتي الطـيبة وحـياة زوجـية سـعـيـدة مـديـدة مـليئة بالافـراح والعـافيـة.

لـما قـريت ردك عـلي وانـك بتشـرب لـبـن زبادي وتاكل جـبنة مـضـفرة يـوم الخـميـس ، لقيت نفسـي واقـول " شـتان مابيـن خـمـيساتنا زمـان وخـمـيسـاتكـم ياشـباب الزمـن!!!!". نـحـنا كـنا بنشـرب " لـبن زبادي!!!"
لـونـو اصـفـر بتباع فـي قـزايـز مـكتوب عـليـها " زبادي ابـوجـمـل !!".
وبتتـباع فـي اجـزخـانة " باباكـوسـتا"، ومـابناكـل مـعاها جـبنـة مـضـفرة ولا"بـطـيخ ودحـمـد " ولا " اناناس الصـومال " ولكـن " كاتليـت "
او " اسـكلوب!!" وحـاجـات تانيـة اخـتفت مـع بـداية تـطـبيق " شـريعـة نـميـري". كـنت عـاوز افـتـح مـلف تاريـخـي عـن الاكـل في زمـانات الـرخـاء والـديقـراطـية وانواعـهـاواشـكالهـا واسـماءهـا السـودانية والـمعـربة ومـن ايـن جـاءت ولـماذا نقبل نـحـن السـودانيـون دومـآ بالمسـتورد ولااحـدآ اخـر فـي الخـارج يستـيغ الاطـعمـة السـودانيـة??.
ولـكن في النـهايـة وجـدت انو حـيكون موضـوع اسـتفـزازي فـي ظـل اكـثـر مـن 41 فـي المائـة مـن سـكان السـودان ويـعيشـون تـحـت خـط الفقـر، واكـثـرمن 71فـي الـمائـة يعيشـون بـمـعـدل 2دولار فـي اليـوم!!!!!.

لـك مـودتـي ياعـريـس.

Post: #36
Title: Re: الشغل فى الخرطوم السكن بحرى الفارغه والمقدوده فى أمدرمان
Author: bayan
Date: 06-23-2007, 05:12 PM
Parent: #32

" />">

Post: #38
Title: Re: الشغل فى الخرطوم السكن بحرى الفارغه والمقدوده فى أمدرمان
Author: فرح
Date: 06-23-2007, 05:21 PM
Parent: #36

يا دكتوره بيان دا ما الجنن عبد اللطيف زاتو المصاريف
قطع مصارينى اخونا عبد اللطيف بالحوامه وعدم المصاريف
لكى مودتى

Post: #37
Title: Re: الشغل فى الخرطوم السكن بحرى الفارغه والمقدوده فى أمدرمان
Author: فرح
Date: 06-23-2007, 05:19 PM
Parent: #32

بكرى يا جميل اشكرك على ماصلتك مداخلتى فى البوست
طبعا اختنا وحبيبتنا متابعه قصه عرسى دا وهى اول ما من عرف قصه نفسياتى دى قبل البوست دا
ربنا يحفظها
طبعا نحن ناس بابا كوستا ديل سمعنا بيهم وبى اتنى وبى فكتوريا
طبعا الايام دى يا بكرى تخش ليك بقاله فى الخرطوم ما تفهم حاجه وحليل خميساتكم

Post: #39
Title: Re: الشغل فى الخرطوم السكن بحرى الفارغه والمقدوده فى أمدرمان
Author: bayan
Date: 06-23-2007, 05:26 PM
Parent: #37

يا فردة انا قلت ليك ما تشيل هم
الكرفتة الغالبك تشتريها برسلها ليك..
وكدا لا ارشفة لا يحزنون..
بس يخنقوك بيها ..
يا حزن يا مرسوم بين العروس ووالحنك البيش,,,
دا عريسنا المحامي المتعوس..
الليلة واقع وين..
واقع ليه سنين الارشفة تبدى متين ومن وين..

لقيتني كيف؟

Post: #40
Title: Re: الشغل فى الخرطوم السكن بحرى الفارغه والمقدوده فى أمدرمان
Author: فرح
Date: 06-23-2007, 05:38 PM
Parent: #39

لكن ما ختيييييييييييره
يا بيان

لمن العرس مفهوم
ايش اللزوم للهدوم
ايش المضمون من مصاريف القدوم
تخلى بيان تقوم تقول تانى ما مفى زول يحوم

Post: #41
Title: Re: الشغل فى الخرطوم السكن بحرى الفارغه والمقدوده فى أمدرمان
Author: معتصم دفع الله
Date: 06-24-2007, 07:25 AM
Parent: #1

فرح
ياخي أنت أجمل زول ..
حمد لله على السلامة ومشتاقووووون ..

Post: #42
Title: Re: الشغل فى الخرطوم السكن بحرى الفارغه والمقدوده فى أمدرمان
Author: فرح
Date: 06-24-2007, 10:15 AM
Parent: #41

معتصم مشتاقين والله وحمد الله على السلامه انت
ولينا زمن ما شفناك
تسلم يا زول يا لطيف

Post: #43
Title: Re: الشغل فى الخرطوم السكن بحرى الفارغه والمقدوده فى أمدرمان
Author: انعام عبد الحفيظ
Date: 06-24-2007, 11:58 AM
Parent: #1

Quote: اجمل بنات فى امدرمان اشنا ناس فى الخرطوم اجدع ناس فى بحرى

ليه كده يا فرح؟

غايتو الليلة طلعتنا شينين

لكن برضو مشتاقين

Post: #44
Title: Re: الشغل فى الخرطوم السكن بحرى الفارغه والمقدوده فى أمدرمان
Author: فرح
Date: 06-24-2007, 02:56 PM
Parent: #43

انعام بتنا اجمل بنات فى الخرطوم شرق يا جميل يا مدلل
نحن برضو مشتاقين

Post: #45
Title: Re: الشغل فى الخرطوم السكن بحرى الفارغه والمقدوده فى أمدرمان
Author: فرح
Date: 06-24-2007, 02:58 PM
Parent: #44

انعام كيف تكون خرطوميا
كيف تصبح مرطبا
اجعل هدفك في الحياة هو الراحة والاسترخاء
حب سريرك فهو مملكتك الوحيدة
ارتاح بالنهار لتتمكن من النوم في الليل
العمل شي مقدس لذلك لا تقترب منه
اذا احسست بان لديك رغبة في العمل استرخي قليلا حتي تزول الرغبة
لا تنسي العمل مفيد للصحة لذلك اتركة للمرضي

Post: #46
Title: Re: الشغل فى الخرطوم السكن بحرى الفارغه والمقدوده فى أمدرمان
Author: حاتم الياس
Date: 06-24-2007, 03:39 PM
Parent: #45

حبيبنا..فرح أزيك بالتقويم العاطفى من العام بتاعك..طبعا فرح التاريخ عن فرح بقى بالتقويم العاطفى...باأنعام..!

يأخى 0ثورتنا بحاراته وشوارعه وناسه وقعداته ياها السكن والمكان وكنت حأكتب ليك كلام كتير لكن مباراة الهلال الليله وأخوك من هسع (شغال رجفيبه) وحاسدك عديييل ..من يوم ماسقتك معاى دار الرياضه أمدرمان الحرية والأحرار وشبكتنى داك أسمو منو وده ياتو فريق وده ياتو فريق اللابسين أحمر ديل 0(طيرته لى الكوره من راسى)..اسع نحنه فى الكبكبه وانت فى رصد السماحة والتقويم العاطفى ياعريس يامزرزر يامزنوق..

التوقيع ودجيرانك (عوض ربنا)

Post: #47
Title: Re: الشغل فى الخرطوم السكن بحرى الفارغه والمقدوده فى أمدرمان
Author: انعام عبد الحفيظ
Date: 06-25-2007, 01:13 PM
Parent: #46

Quote: حبيبنا..فرح أزيك بالتقويم العاطفى من العام بتاعك..طبعا فرح التاريخ عن فرح بقى بالتقويم العاطفى...باأنعام..!

والله يا حاتم ضحكت ضحك شديد

الجرسة دي كلها لزومها شنو

ولا دي كمان!!!
Quote: التوقيع ودجيرانك (عوض ربنا)

Post: #50
Title: Re: الشغل فى الخرطوم السكن بحرى الفارغه والمقدوده فى أمدرمان
Author: فرح
Date: 06-25-2007, 06:40 PM
Parent: #47

انعام ع الحفيظ
القدله ليك القومه ليك يا اسمهان

وين البت اسمهان

Post: #49
Title: Re: الشغل فى الخرطوم السكن بحرى الفارغه والمقدوده فى أمدرمان
Author: فرح
Date: 06-25-2007, 06:28 PM
Parent: #46

حارس الصمت والنزهات القصيره لقيت ليك منسى فى منسى الطيب صالح انسان نادر على كيفو صوره طبق الاصل منك
ضربت ليك عشان اقول ليك الكلام دا لكن بتكون فى واحده من وهماتك
لكى تستمر الحياه لابد من بعض التفاهات

يا منسى

يزعم بعض الانكليز ان مفردات لغتهم مصادرها ثلاثة: الانجيل وشكسبير ولعبة الكركت. من بين مصطلحات لعبة الكركت: "All Rounder" وتعني اللاعب "الشامل"، وتطلق على اللاعب المكتمل اللياقة والذي يجيد اللعب بمهارة في كل موقع.
الطيب صالح -في رأيي-كاتب "شامل". مكنته ثقافته العميقة والمتنوعة واطلاعه الواسع باللغتين العربية والانجليزية على علوم اللغة، والفقه، والفلسفة، والسياسة، وعلم النفس، وعلم الأجناس، والأدب، والشعر، والمسرح، والاعلام، أن يروي، ويحكي، ويخبر، ويوصّف، ويحلل، ويقارن، وينقد، ويترجم بأسلوب سهل عذب ينفذ الى الوجدان والفكر كما تشهد هذه المجموعة من "مختارات من الطيب صالح".
محمود صالح عثمان صالح
http://www.adabwafan.com/display/product.asp?id=55803[/B]

Post: #82
Title: Re: الشغل فى الخرطوم السكن بحرى الفارغه والمقدوده فى أمدرمان
Author: فرح
Date: 07-11-2007, 07:51 PM
Parent: #46

@@@@@@@@@@@@@@

Post: #48
Title: Re: الشغل فى الخرطوم السكن بحرى الفارغه والمقدوده فى أمدرمان
Author: فرحات عباس
Date: 06-25-2007, 06:16 PM
Parent: #1

فرح يا خوي الحصل ليك شنو ...
زمان كان الواحد خايفك تجنن ليك زول ... تقوم إنت ....
احسن حاجة تزوج تاني

أخوك فرحات

Post: #51
Title: Re: الشغل فى الخرطوم السكن بحرى الفارغه والمقدوده فى أمدرمان
Author: فرح
Date: 06-25-2007, 06:42 PM
Parent: #48

فرحات حبيبى بركه الشفناك طيب
ياخى انا جنيت وعقلت هسى انافى فتره النقاهه

Post: #52
Title: Re: الشغل فى الخرطوم السكن بحرى الفارغه والمقدوده فى أمدرمان
Author: بكري الصايغ
Date: 06-25-2007, 09:52 PM
Parent: #1

"اجمل بنات فى امدرمان اشنا ناس فى الخرطوم اجدع ناس فى بحرى" ( فرح ).
----------------------------------------------------------------

...بـمناسـبة كـلامـك عـن انه اجـمل بنات فـي امـدرمـان اقـول،

فـي عام 1956 لـما الفنان الرحـل حـسـن عـطية غـنـي اغـنيته الشـهـيـرة " نـونـو يانـونـو " الـجـماهـيـر ابتـدأت تسـأل عـن صـاحـبة الأغـنية وراحوا ناس امـدرمان يـؤكـدوا ان " نونـو " امـدرمانيـة بـدليل ان الفنان حـسن عـطـية اصـبح كـثيـر الـظهـور في امـدرمان وهـو اصـلآ يسـكـن فـي الـخـرطوم ولااهـل لـه او قـرايـب في امـدرمان، ولـما كان مـجـتمعـنا السـوداني فـي بـدايـة الـخمسـينيات ويـخلـو مـن وسـائل التـرفيـة واجـهـزة التلفـزة والـمسـارح فعـادة وماكنا ننشـغـل بـمثل هـذه الـمـواضـيع وتصبـح شـغلـنا الشاغل ليـل نهـار حـتـي ظـهـور مـوضـوع جـديـد!!!.

اغـتاظ أهـل الـخـرطوم مـن ادعـاء ناس امـدرمان ان " نـونـو " مـن عنـدهـم وسـرقـت لـب فنان الـخـرطوم، وكان العـداء كـبيـرآ بيـن اهـل الخـرطوم وامـدرمان، ويعـودالسبب الي ان ناس امـدرمان ودومآ ينسـبون كـل شـئ جـميل يظـهـر في السـودان الـي انهـا "صـناعـة امـدرمانيـة!!!!" .... في كل الـمجالات بلا اسـتثناء "الكـرة الفـن السـياسـة الأداب والعلـوم العسـكرية التجـارة!!!".

واشـتـدت حـدة المواجـهـة بيـن الـطـرفيـن وزاد مـن اشـتعالـهـا سـكوت وصـمـت حـسـن عـطـية. ولعـبت الصـفحـات الفنـية دورآ فـي ازدياد بالاهـتـمام بهـذه الشـخـصيـة الغـامـضـة.

وجـاء الـخـبـر مـن احـد اصـدقاء حـسـن عـطـية الـمقـربيـن له، ان "نونـو " هـي خـرطـومـية مـن مـنطـقة "الشـجـرة"، فـصـار عـليـنا ولـزامآ وان نـعاينهـا فـهـي قـد دخلـت قلوبنا مـن خـلال الأغنيـة. وكانت بـحـق "أفـروديـت" سـودانيـة. وهـزمـنا امـدرمان الـمغـرورة، ولكـن سـكان امـدرمان ويـؤكـدون ان " بدور القـلعـة وجــوهـرهـا" اجـمـل الف مـرة مـن " نـونـو " التـي فـي هـواهـا الـمـلاييـن " جــنـوا!!!".

كـلامـك يافـرح عـن جـمـال بنات امـدرمان وانهـن " اسـمـح خلق اللـه " هـو امـتـداد طـبيـعـي لـنظـرية اباءكـم وجـدودكـم الامـدرمانييـن حـول
" امـدرمان الـكل فـي الكـل!! ".

Post: #53
Title: Re: الشغل فى الخرطوم السكن بحرى الفارغه والمقدوده فى أمدرمان
Author: بكري الصايغ
Date: 06-25-2007, 10:37 PM
Parent: #52

الـحـبيـب الـحـبوب العـريـس،

..... رجـعـت ليك تاني عشـان أسـال،

" انت قلت اجـمـل بنات فـي امـدرمان، ولكـن وماحـددت وين فـي امـدر?".

Post: #54
Title: Re: الشغل فى الخرطوم السكن بحرى الفارغه والمقدوده فى أمدرمان
Author: bayan
Date: 06-26-2007, 03:03 AM
Parent: #53

Quote: احسن حاجة تزوج تاني

يا فرحات شنو ياخي اسع ننجدر فيك
الراجل يقول عايز يارشف.. تقوليه
افتح صفحة جديدة؟
صاحبك اتمكن
انتو قايلين العرس دا شنو؟
حفلة وكوشة؟

انه حلة ملاح للرجل
وكوم غسيل هدوم وعدة للزوجة..
اذكر انه بعد زواجي بي 5 سنوات
وجدت ان الملابس التي غسلتها..توازي ما غسلته منذ ميلادي
لحين زواجي..
واسع بعد 21 سنة حيكون جبل كبيييييييير حق هدوم
وعرفت ان الزواج عبارة عن بقجة هدوم غسيل للنساء

بعدين الراجل يمرق الصباح يجي العصر عشان حلة ملاح...
لكن بس جرست هذا الفرح عجيبة جدا
تحسبو لعب؟
قلت لي اسمح بنات وين؟

ولا يفوتنا هنا ان نحي ولدنا حاتم الياس
الذي يحاول اخفاء احراجه من فضيحة فرح دي..
ويقلبها ضحك..
الزول دا شوفو ليه صرفة
ولا انا مستقيلة من محنتكم..
الليلة دي في زول قالي فردتكم فرح مالو؟
اسع افك التسجيل دا..

كما نحي استاذ بكري الصايغ الذي يحاول
اخراج من موية الفسيخ شربات..
واخفاء حرج المساندرستاندق اللذيذ..

ولدنا فرح دا راجل طيب جدا بس مرات مرات
بتقوم عليه حالة عدم الجدوى دي...

Post: #55
Title: Re: الشغل فى الخرطوم السكن بحرى الفارغه والمقدوده فى أمدرمان
Author: عبدالرحيم ابوحراز
Date: 06-26-2007, 03:52 AM
Parent: #54

السلام عليكم يا فرح
جد جد ما قصر في الوصف يافرح

Post: #79
Title: Re: الشغل فى الخرطوم السكن بحرى الفارغه والمقدوده فى أمدرمان
Author: فرح
Date: 07-01-2007, 05:47 PM
Parent: #55

ع الرحيم

انشاء الله يوم شكرك ما يجى
دمت

Post: #59
Title: Re: الشغل فى الخرطوم السكن بحرى الفارغه والمقدوده فى أمدرمان
Author: فرح
Date: 06-26-2007, 11:49 AM
Parent: #54

حاله عدم الجدوى دى انتى اول زول يعرفا
الجدوى هى مقياس للعبقريه

سرعه النوم مقياس للعبقريه
كترت الاكل مقياس للعبقريه
بيان مقياس للعبقريه

Post: #67
Title: Re: الشغل فى الخرطوم السكن بحرى الفارغه والمقدوده فى أمدرمان
Author: فرح
Date: 06-27-2007, 09:00 AM
Parent: #53

وين يا بكرى الصايع اختفيت
ادينا كمان زياده عشان انا عندى كلام كتير داير اقولو ليك

Post: #56
Title: Re: الشغل فى الخرطوم السكن بحرى الفارغه والمقدوده فى أمدرمان
Author: فرح
Date: 06-26-2007, 10:06 AM
Parent: #52

بكرى انا طبعا الجكس بتاع الخرطوم ما بنعرفو بنعرف جكسينا فى امدرمان زمان لمن كنا فى الثانوى كنا بنهاجر لحدى امدرمان القديمه بنات عشان الزول اشيل ليهو جواب غرامى من الحبيبه بتاعتو

Post: #57
Title: Re: الشغل فى الخرطوم السكن بحرى الفارغه والمقدوده فى أمدرمان
Author: بكري الصايغ
Date: 06-26-2007, 10:37 AM
Parent: #56

"اشنا ناس فى الخرطوم" ( ( فـرح ).
------------------------------------

جـالية اجـنبية كانت متـواجـدة في الـخـرطوم وافتتـحـت لـها نـوادي ومـدارس خـاصـة بـها. وكان المـعروف ان بنات الجـالية اليـونانيـة مـضـرب المـثل في الـجمال بالسودان قاطـبة، حـتي ان احـد شـعـراء امـدرمان.. " خـلي بالك من كـلمة امـدرمان دي!!".. كـتب قصـيـدة في اجـنبية وقال:

حـوريـة في السـودان بـحـبي لك ابوح،
ياعـنب جـناين النيل.

والحـورية دي كانت عـنـدنا في الخـرطوم وامثالها كـثر من بنات مـصـر ولبنان والهـنـد واثيـوبيا وكـينيا. ولـو نتكـلم عـن الجـمال السـوداني الـقح فما ننـسـي جـمال البنات القبـطيات ، يـعني حـكاية ناس الخـرطوم اشـنا ناس دي مابنقبلـها. وبعـديـن انت مـابتعـرف ناس الـخـرطوم زي ماقلت ، فكـيف تـحـكم علي بناتنا الـخـرطوميات بالشـنا?.

Post: #58
Title: Re: الشغل فى الخرطوم السكن بحرى الفارغه والمقدوده فى أمدرمان
Author: فرح
Date: 06-26-2007, 11:46 AM
Parent: #57

يا بكرى بنات الخرطوم ديل انا زعلان منهم
لانو زمنى الكنت بقرى فى الخرطوم
حبيبت لى واحده فى الجامعه
ادينها
واوصلها الداخليه
اصور ليها المقررات
اعمل ليها اى شى
ولانى بخاف من الشواكيس فى اخر العام الدراسى قلت اقول ليها بحبك لو قالت لا بعد الاجازه الجرح بكون انداوى
اتخيل قالت لى شنو
انا عاداك زى اخوك
قلت ليها خوخا تكسر راسك
اخوك بفطرك
اخوك بدينك
اخوك بشرح ليها

ومنها الى بنات امدرمان الحلوات

Post: #60
Title: Re: الشغل فى الخرطوم السكن بحرى الفارغه والمقدوده فى أمدرمان
Author: شكرى سليمان ماطوس
Date: 06-26-2007, 11:50 AM
Parent: #1

Quote:
عاشت الفارغه والمقدوده

Post: #61
Title: Re: الشغل فى الخرطوم السكن بحرى الفارغه والمقدوده فى أمدرمان
Author: بكري الصايغ
Date: 06-26-2007, 12:06 PM
Parent: #60

يا بكرى بنات الخرطوم ديل انا زعلان منهم
لانو زمنى الكنت بقرى فى الخرطوم
حبيبت لى واحده فى الجامعه.
( فـرح ).

....
مـاقلت لي،... مـش مـحـتـمل بـرضـو البنـت دي تكـون امـدرمانيـة???،

اصـلـو بنات امـدرمان البقـولـو للـمحـب " بعـتبـرك زي اخـوي!!".

.... مـش ابراهـيـم بتاعـكم غـنـي: " ياخـائـن ".

Post: #62
Title: Re: الشغل فى الخرطوم السكن بحرى الفارغه والمقدوده فى أمدرمان
Author: فرح
Date: 06-26-2007, 12:20 PM
Parent: #60

عشت يا شكرى
امدرمانى
صاح يا شكرى

Post: #63
Title: Re: الشغل فى الخرطوم السكن بحرى الفارغه والمقدوده فى أمدرمان
Author: بكري الصايغ
Date: 06-27-2007, 07:47 AM
Parent: #62

الشغل فى الخرطوم السكن بحرى الفارغه والمقدوده فى أمدرمان. " " فـرح ".

.... لـو سـألت اي واحـد في العاصـمة المثلثة " لاي الـمـدن الثلاثة تتـبع جـزيرة تـوتي ?"، لوجـدته يضـرب اخـماس في اسـداس. لقـد ظـلت جـزيرة " تـوتي " دومـآ مهـملة وقليلة الاهـتمام بـدرجة كبيـرة عـنـد سكان العاصـمة المـثلثة. في سـنوات السـتينيات ماكنا نعـرف عـن هـذه الـجـزيرة الاانه وبهـا فـريق كـرة قـدم يلعـب بالـدرجـة الاولـي وقتـها ودائـمآ ماكان تعـيس الـحـظ وينـزل للـدرجـة الثانية.

سـبب الكتابة الان عـن هـذه الـجـزيرة الأن لأسـأل، لـماذا لـم تقـم بزيارة الـجـزيرة وتكتب لنا عـنها كـما كـتبت عـن الخـرطوم وامـدرمان والخـرطوم بـحـري?، هـل صـحـيح ومايقال ان اغلب الاراضـي في الـجـزيرة اشـترتها سـفارات اجـنبية لبناء سـفارتهـم الـجـديـدة هـناك وهـربآمـن الخـرطوم المزدحـمة?، كـيف حـال الـجـزيرة بعـد وصـول عـدد سـكان العاصـمة المثلثة الي 8 مليـون مـواطـن?، هـل صـحـيح ومايقال ان السـكان القـدامي في الجـزيرة رحـلوا من الـجـزيرة بعـد "الغـزو" الاجـنبي!!!!عليـها?، هـل جـاء عـدم اهـتمامك بزيارة الـجـزيرة والكتابة عـنها يعـود الي ان الـجـزيرة ليس فيها ومايغـري بالكتابة والوصـف?، هـل الـجـزيرة تعـتمد في تـطويرها علي ولايـة الخـرطوم ام مـدن اخـري?، كـم عـدد السكان فيها وهـل مازالت الزراعـة هـي عـماد الاقتصـاد والـدخل للسـكان?، هـل المنازل بهـا غالية كباقي الـمن الثـلاث?.

لك مـودتي.

Post: #64
Title: Re: الشغل فى الخرطوم السكن بحرى الفارغه والمقدوده فى أمدرمان
Author: bayan
Date: 06-27-2007, 08:12 AM
Parent: #63

Quote: اخوك بدينك

وجدتها وجدتها وجدتها...

فرح درس العصر عشان انت فردتي بي 100 دولار في الساعة...

Post: #80
Title: Re: الشغل فى الخرطوم السكن بحرى الفارغه والمقدوده فى أمدرمان
Author: فرح
Date: 07-03-2007, 02:31 PM
Parent: #64

الدرس هسى بقى بالصباح يا بيان ما بالعصر

Post: #65
Title: Re: الشغل فى الخرطوم السكن بحرى الفارغه والمقدوده فى أمدرمان
Author: Ahmed Mohammed Osman
Date: 06-27-2007, 08:49 AM
Parent: #1

قيل في الاثر:

الخرطوم محل ما الرئيس بنوم
والطــيـــــارة بتــقووووم
والجكس النضيف بحووووووووم

.....

بحري: تتميز بالهدوء والسكينة والرقي، اي نعم الرقي،، اولادها قمة في النضافة والقشرات والحلاوة، كلامهم راي ما بتاعين مشاكل ومرتاحين كلهم
اما الجكس فحدث ولا حرج،، ما شفت لي بت من بحري شينه ولا مبشتنة،، نضاااااااف وحلوااااااااات وبقطعوا معاك بي زوق، بي النهار ما بتحاومن الا في سعد قشرة المعروش، حتي الجكس التجاري (: عندهم نضيف. بالاضافة لي انو زحمة السير فيها خفيفة وشوارعا واسعة والحلال مقسم وواضح وبسيط

امدرمان: زحمة و سخانة ،، اولادا شينين، وعاملين فيها شفوت، ولو اتكلمت عن جزر البطيخ يقولو ليك امدرمان الاصالة والعراقة، تغير الموضوع لي قون فلافيو يقولو ليك امدرمان الاصالة والعراق، تغير لي التدخين والسرطان يقولو ليك امدرمان الاصالة والعراق،، عندهم احساس انو شباب امدرمان مفتحين والباقين وهم،، وبرضو يقولو ليك امدرمان الاصالة والعراق..اما الجكس بتاعم فدا براهو كوم تاني (زي شبابهم واااااد)، لو خالط بت من امدرمان فما تتردد من انك تطلع الكيس وتخت السفة، او تتضارب مع الكمساري او حتي تمشو كداري وتغبر رجليك ( لاحظ انا بقول لو خالط، يعني مجكس، يعني المفروض يكون في رومانسية،، طبعا غير كدا هم اجدع ناس) ، الحلال في امدرمان من الصعب حفظها ود مكي ود درو ود منو ود منو جوطةحلال حول صينية الاستوب فيها ما شغال، اما الشوارع فالضيق الضيق، لا تستطيع ان تستعدل في الشارع، الا تمشي نهايتو وتجي،، الجكس التجاري فيها نصيحتي ليك ابعد منو

الخرطوم: تتميز بوضع خاص ، خليط بين امدرمان وبحري، تجد الفاكيها في روحو والراقي، والزحمة والهدوء و...... و........، قالو الخرطوم لحم راس.. الجكس التجاري فيها يعمل بقاعدة انت وحنكك

احمد
من الخرطوم

Post: #66
Title: Re: الشغل فى الخرطوم السكن بحرى الفارغه والمقدوده فى أمدرمان
Author: فرح
Date: 06-27-2007, 08:57 AM
Parent: #65

حماده من الخرطوم
من اخوك فرح من امدرمان
بنات بحرى الزولا تجكسا اول حاجه تقول حول لى رصيد انا جعانه دايرا لى بيرقر عشطانه وليست عطشانه
اولاد بحرى الواحد اديك شيك توديهو النيابه طوالى ما تمشى البنك
عدا ذلك اجدع ناس
المرسى
الجناين
الرحلات
نحن بحرى دى زى مدنى ما بنمشيها الا الرحلات ولا نكون قاطعين الخرطوم
ناس امدرمان الاصاله والعراقه
قرقرقر
فرح امدرمان
ص ب سوق العناقريب

Post: #68
Title: Re: الشغل فى الخرطوم السكن بحرى الفارغه والمقدوده فى أمدرمان
Author: Ahmed Mohammed Osman
Date: 06-27-2007, 09:34 AM
Parent: #66

بنات بحري حاشاهن من كلامك
ترطيبة وكريمات وريحة لما سعد قشرة اتملي عشانهم
طبعا ما كريمات ديانا وما شابهه
هسي في زمتك في بحري في محل قدر ظروفك؟؟؟ (:
ناس رايقة وما متضايقة
اما الشباب فالحق اقول لكم
معظمهم متعلمين وشهاداتهم عالية وظراف
الشيكات البترجع دي الا ناس من امدر او الخرطوم محتالين بي اسمهم

واجمل مافي بحري ما عندهم طابية ولا بوابة وكرري
يقدونا بيها

زمن الشقي والفهلوة والقطيع جكست كم مرة كدا
واحدة من الخرطوم مشيت معاها زمن طويل والله ما قسم
واحدة من امدرمان ونفسي عزت علي من البهدلة والجفاف
واحدة من بحري تمنعت وعضت اصصصصصصصصصصصصصو ما تخش معاي في علاقة

-----
امدرمان الاصالة والعراقة التاريخ والاذاعة والتلفزيون والهلال والمريخ والسمك والمهدي وكرري والغنا و و و و
وبعد داك؟؟ شنو يعني؟؟

خرتووووووووووووووووووووووووووووووووووووم يا

Post: #69
Title: Re: الشغل فى الخرطوم السكن بحرى الفارغه والمقدوده فى أمدرمان
Author: bayan
Date: 06-27-2007, 09:34 AM
Parent: #66

Quote: اما الشوارع فالضيق الضيق، لا تستطيع ان تستعدل في الشارع،

العجب كان سكاك كلب وجريت.. الا عاد تكربش الحيطة الحتلقاها سادة الشارع
فجأة كدا,,

تستعدل دي بتكون ماشي ولا راكب..؟

Post: #70
Title: Re: الشغل فى الخرطوم السكن بحرى الفارغه والمقدوده فى أمدرمان
Author: Ahmed Mohammed Osman
Date: 06-27-2007, 09:46 AM
Parent: #69

Quote: العجب كان سكاك كلب وجريت.. الا عاد تكربش الحيطة الحتلقاها سادة الشارع

بيان
انا ما بهلوس
لكن بي الجد الكلاب زاتا بتفرق
وزي دايرين اختصاصي بيطري يورينا في علاقة بين الكلاب وسكان الحي في السلوك
يعني
كلاب الخرطوم تحيرك التشوفيهو عاتي وبتاع مشاكل ويقطع قلبك ممكن ما يسالك
تجي ماشي فيهو قاري القران كلو ، يرفع حاجبو وما يشتغل بيك
والتشوفيهو مضبلن وسهتاااااان ومافيهو حيل يديك فت هوهوه يقطع ريقك
(( ما شغال بيك، او، بشتغل بي الفي راسو))

كلاب امدرمان لو ماشي بي شارعين منو يقوم في عز السخانة ويجري عليك يهوهو
اول ما يصلك يلف منك او يعمل انو ما قاصدك ويعديك
((شلاقة واستعرض في غير محلو))

اما كلاب بحري، فلو وجدوا في الشارع ( عادة ما يكونو في البيت) اها لو لقيتم في الشارع وفي سخانة تاكد انو ما ح يشتغل بيك الشغلة،، ولو لقيتو في جو سمح او بارد، ممكن يهوهو فيك لو شكلك مش ولابد لكن ما بعضيك،، اما لو كنت قاشر ومتريح ونضييف وجا جاري عليك الكلب، فما تتخلع لانو بكون داير يلعب معاك
(( كلاب مسالمة، وبتقيم الناس.. كلاب فاهمة))

Post: #71
Title: Re: الشغل فى الخرطوم السكن بحرى الفارغه والمقدوده فى أمدرمان
Author: bayan
Date: 06-27-2007, 10:05 AM
Parent: #70

ياخي كلاب ام درمان دي عجيبة
عندي صاحبتي ماشة هي وبت خالتها بس يسمعو
هو
قامو عايزين يمسكو بعض بالخلعة واحدة وقعت والتانية وقعت فيها
اتخيل مرتين واقعات في بعض ويصرخن
قالو الكلب ذاتو اتخلع وقف جنبهم ويعاين ليهم
خشمو فاتح ويهوزز في راسو
ذات اليمين والشمال مستغرب في الحاجة دي..
والهو اتقطعت ليه في راسو..
الا انقذ الكلب فاعل خير جا قومن وقفن..

Quote: ((شلاقة واستعرض في غير محلو))

موش بالاهي؟

Post: #72
Title: Re: الشغل فى الخرطوم السكن بحرى الفارغه والمقدوده فى أمدرمان
Author: Ahmed Mohammed Osman
Date: 06-27-2007, 10:20 AM
Parent: #71

ما قلت ليك،،

Quote: قالو الكلب ذاتو اتخلع وقف جنبهم ويعاين ليهم
خشمو فاتح ويهوزز في راسو
ذات اليمين والشمال مستغرب في الحاجة دي..
والهو اتقطعت ليه في راسو..

انتي عارفة ليه اتحير؟؟ ماعندو سابقة زي دي
لا شافا في تلفزيون لا استاد لا سمعها في رادي ولا جمب الطابية ولا في معركة كرري
اتحير ما عرف اتصرف
ما موجودة في الكتاب
بكون قال: ياربي دي شنو الحاجة الجديدة دي؟؟ اتصرف كيف كيف كيف؟؟ لغاية ما حلاهو زول
مافي ابداع؟ هسي دا لو من الخرطوم كان قرمن ليك
ولو من بحري كان قومن
----
انا مرة ماشي زيارة في الموردة خلف الشوايات
اها في الرجعة ، انا حافظ الدرب
عكست الخرطة وتالت لفةيمين وماشي الاقي ليك الشارع بتلولو
اها عيني علي كلبين بتعاورو هناااك
امشي اليمين الاقاهم جو
احول الشمال القاهم جو
عملت خطة ذكية عشان اتخارج منهم
مسكت ليك الشارع اليمين وماشي لغاية ما قربت لي الزلط
ولفيت شمال لقيتهم مافي
احححححححححح الحمدلله
الا اسمع وراي صوت حوافر
قلت دا جيش عرمرم
اتلفت لقيتهم الاتنين جارين علي وقاصديني
طبعا الحمدلله الكنت عطشان والا كنت ح اعملا في نفسي
المهم من الرعب اتجمدت تماما
والله والله والله
الكلاب وصلتني وبقي عليها بس تفتح خشمها وكج تعضيني
وحاتك وقفن زي ثانيتين عاينو لي
وهوب رجعو لي عوارتم تاني
بعيد

استجمعتي شجاعتي وعملت فيها ما خفت ولا اتوترت
لكن جواي قلت امدرمان دي كان كتبوها تاني ما بجي

Post: #73
Title: Re: الشغل فى الخرطوم السكن بحرى الفارغه والمقدوده فى أمدرمان
Author: فرح
Date: 06-27-2007, 11:01 AM
Parent: #71

شفتى يا بيان كلاب امدرمان حنينه كيف
كلمى احمد دايرين نجيبو البطرى امدرمان هسى بحرى دى يا بيان فيها بطرى
كلاب امدرمان بتاخد تطعيم سنوى ضد شلل الكلاب والحسبه والكتكوتا
كلاب حنينه زى ناسا
بتهرش لكن ما بتعضى
بعدين يا احمد تعال شوف كدايس امدرمان فى تانى يوم فى العيد
تلقها كلها نايما
الناس تشبع والكدايس تشبع
كرم كرم
اجدع ناس فى المسالمه غزال

Post: #74
Title: Re: الشغل فى الخرطوم السكن بحرى الفارغه والمقدوده فى أمدرمان
Author: فرح
Date: 06-28-2007, 06:20 PM
Parent: #69

يا بيان لولوه الشوارع دى ما مانطق اثريه عشان كدا كحتفظين عليها

Post: #75
Title: Re: الشغل فى الخرطوم السكن بحرى الفارغه والمقدوده فى أمدرمان
Author: jini
Date: 06-28-2007, 11:05 PM
Parent: #74

Quote:
العجب كان سكاك كلب وجريت.. الا عاد تكربش الحيطة الحتلقاها سادة الشارع
فجأة كدا,,

تستعدل دي بتكون ماشي ولا راكب..؟

فى نص الشارع موية وجنب الحيطة كلب يعنى الا هيلكوبتر!
جنى

Post: #76
Title: Re: الشغل فى الخرطوم السكن بحرى الفارغه والمقدوده فى أمدرمان
Author: فرح
Date: 06-30-2007, 06:02 PM
Parent: #75

جنى نشكرك على الزياره

Post: #77
Title: Re: الشغل فى الخرطوم السكن بحرى الفارغه والمقدوده فى أمدرمان
Author: bayan
Date: 06-30-2007, 06:15 PM
Parent: #76

t,r

Post: #78
Title: Re: الشغل فى الخرطوم السكن بحرى الفارغه والمقدوده فى أمدرمان
Author: فرح
Date: 06-30-2007, 06:17 PM
Parent: #77

شفتى يا بيان
التى ار دى اختصار
لى تراب
ردميه
فى بحرى
صاح

Post: #81
Title: Re: الشغل فى الخرطوم السكن بحرى الفارغه والمقدوده فى أمدرمان
Author: فرح
Date: 07-11-2007, 01:49 PM
Parent: #69

وين انتى ياام الحسن
حاتم عامل لى مجنون اليومين دى

Post: #83
Title: Re: الشغل فى الخرطوم السكن بحرى الفارغه والمقدوده فى أمدرمان
Author: Ahmed musa
Date: 07-11-2007, 11:48 PM
Parent: #1

فرح توكلنا علي الله ودخلنا , والله موضوعك ده قدرما قريتوا ما فهمتوا سألت المرة تسوي لي سلطة روب قلت يمكن الحكاية مربوطة بسلطة الروب ما جابت نتيجة (شكيت في روب حاجة التاية يكون مضروب) مرات اقول هووووووي يا ابوحميد فرح ده محامي ماااا بقول كلام ساكت بتكون كودات سرية بتاعة تنظيم داير يسوي ليهوا حركة موش ولابد , مرات اقول لا يمكن تكون دي رموز وغايتوا في النهاية قلت سجن سجن غرامة غرامة وخشيت والتجي تجي لكن ما حأقول حاجة عشان لو حصلت حاجة أطلع براءة بدون حاجة وحأقرأ من برة برة بدون ماتحصل لي حاجة

Post: #84
Title: Re: الشغل فى الخرطوم السكن بحرى الفارغه والمقدوده فى أمدرمان
Author: bayan
Date: 07-12-2007, 06:48 AM

احمد فرح دا زول كارك وابو القدح بيعرف يعضي رفيقو وين..
هو طوالي بيعمل
هبارك ذي دي..
عشان الناس تجي تقع فيها..

فتح عينك ما تبقى دقوسة..

فرح قلت منو عامل مجنون؟

Post: #86
Title: Re: الشغل فى الخرطوم السكن بحرى الفارغه والمقدوده فى أمدرمان
Author: فرح
Date: 07-12-2007, 04:08 PM
Parent: #84

احمد موسى نحن الاتنين اعمال حره
حقو تفهمنى
بيان دى اصلا راعيه المهنه دى
مودتى
بيان صاحبى حاتم العامل مجنون منى

Post: #85
Title: Re: الشغل فى الخرطوم السكن بحرى الفارغه والمقدوده فى أمدرمان
Author: فرح
Date: 07-12-2007, 04:04 PM

يا سلاااااااااااااام
اخيرا مولانا احمد معانا
ومرحب بيك
وراجين قلمك
وحكاويك

تشكر ابو حميد