Post: #1
Title: وصفة شعريّة..للعلاج النفسى من الشواكيش ..للمشوكشات فقط
Author: د.ناهد محمد الحسن
Date: 06-24-2007, 12:32 PM
Parent: #0
ثلاثة شدّات على الاذن ..صفعة ورحيل
شدّة على الاذن (1)
ما معنى أن يحبّك الانسان ..ساميا معافى مبرّءاًمن العيوب
مالحب ان لم يكن مقابل ...الشتاء والشقاء والذنوب
شدّة على الاذن (2)
خذ منشّتك كى تهشّ أعين الرجال من اطارك المذهّب..
اهذا الذى تركتنى لاجله ؟
قائمة مشتروات..!
منشّة للذباب..
بعض رطل من اللحم ..
وكم سنتميتر من الشعر المكعّب؟!
شدّة على الاذن(3)
لم اعد انثاك لاننى صرت
اكثر من محاربة..
وانت تشتهى أنثى ..
لاتعى حتى ..مصيدة انك
عالمها الحربى الوحيد ..
يارجلا من فخاخ ..
على اى صدر ستتكئ...؟
بعد ان عبئت ذاكرة العناق فيك
بقلب ناهد ..يعرف تماما متى يخذ ..!
صفعة
أبصرتها معك ..
ذات خيبة كبيرة ..كبيرة
لصيقة باذرعك ..
جمالها , من ذلك النوع الذى ان ذقته سيلسعك
عيناها ولونها ووجهاوكل ما بها ..
مختصر ما يحبذ الرجال من جمال
وشعرها نسيت شعرها ؟؟!
حكاية الاميرة السجينة ..
ان جذبته اليك سوف يرفعك ..
وانت تدور حولها ..
مدلّها بحبها ..
كم وددت وقتها
لو امد اذرعى لاصفعك ..
رحيل
( تحتجب قصيدة رحيل ,لحين تسديد رسوم الكشف ..الملح ده بكتلكم يوم !)
|
Post: #2
Title: Re: وصفة شعريّة..للعلاج النفسى من الشواكيش ..للمشوكشات فقط
Author: حليمة محمد عبد الرحمن
Date: 06-24-2007, 12:56 PM
Parent: #1
| Quote: وصفة شعريّة..للعلاج النفسى من الشواكيش .. |
ناهد ازيك.. الجملة المقتبسة الفوق
دي الجابتني جارية عدييييييييل..
بس لكن اختها دي...
نوديها وين؟ ان دخلنا ثبتت علينا وان وقفنا بعيد .. الملح بفوتنا..
انت ما سمعتي بـ(كَتِر من المجان كان يقد المصران)..
انا غايتو ما مشوكشة.. الله يسالني يوم القيامة..
اها صدقتيني..؟؟
كان صدقتيني بجيك راجعة.. خلي ستات الشواكيش الجد يدننا معاهن فرقة..
بس قبل ما يجن يصنقرن بعندك.. زحي الترباس دا شوية..
فتك بعافية..
حليمة
|
Post: #3
Title: Re: وصفة شعريّة..للعلاج النفسى من الشواكيش ..للمشوكشات فقط
Author: انعام عبد الحفيظ
Date: 06-24-2007, 01:02 PM
Parent: #2
Quote: نوديها وين؟ ان دخلنا ثبتت علينا وان وقفنا بعيد .. الملح بفوتنا..
انت ما سمعتي بـ(كَتِر من المجان كان يقد المصران)..
انا غايتو ما مشوكشة.. الله يسالني يوم القيامة..
اها صدقتيني..؟؟
كان صدقتيني بجيك راجعة.. خلي ستات الشواكيش الجد يدننا معاهن فرقة..
بس قبل ما يجن يصنقرن بعندك.. زحي الترباس دا شوية..
Quote: للمشوكشات فقط
|
كلام حليمة دا صاح
هسه انا من قبيييييييييل منتظرة لي واحدة
تخش البوست دا وبعدها اجيك طوالي
ناهد الكلام دا صعب شوية يختي
|
Post: #9
Title: Re: وصفة شعريّة..للعلاج النفسى من الشواكيش ..للمشوكشات فقط
Author: د.ناهد محمد الحسن
Date: 06-24-2007, 01:17 PM
Parent: #3
انعام يا حلوة ازيك
الصورة عجبتنى شديد ..ضحكة خجولة تغطى الوش كلو , وانت مغطية بالقضايا العظيمة يا عظيمة ..لكن بعيدا عن كده ما هى احوال القلب ؟ ارجو ان تكون افضل من احوال وليد دارفور..باقى الإعانة قاسية ..
|
Post: #5
Title: Re: وصفة شعريّة..للعلاج النفسى من الشواكيش ..للمشوكشات فقط
Author: انعام عبد الحفيظ
Date: 06-24-2007, 01:03 PM
Parent: #2
مكرر
|
Post: #10
Title: Re: وصفة شعريّة..للعلاج النفسى من الشواكيش ..للمشوكشات فقط
Author: د.ناهد محمد الحسن
Date: 06-24-2007, 01:21 PM
Parent: #5
انعام ياختى ؟! الشاكوش فقش البورد ...انت رقاد عديل كده ..ياممرضين اقبضو؟!
|
Post: #12
Title: Re: وصفة شعريّة..للعلاج النفسى من الشواكيش ..للمشوكشات فقط
Author: انعام عبد الحفيظ
Date: 06-24-2007, 01:25 PM
Parent: #10
| Quote: انعام ياختى ؟! الشاكوش فقش البورد ...انت رقاد عديل كده ..ياممرضين اقبضو؟! |
ممرضين ليه؟ ماأجيك بالسكة عدييييييييييييييل
|
Post: #15
Title: Re: وصفة شعريّة..للعلاج النفسى من الشواكيش ..للمشوكشات فقط
Author: د.ناهد محمد الحسن
Date: 06-24-2007, 01:46 PM
Parent: #12
عارفة يانعام عندنا فى اجراء الكشف السريرى تعلى المرضى حاجة اسمها ( الاستبصار ) ,اى يعنى المريض واع بحالته ام لا ؟..وانت واعيه ماشاءالله عليك ..ما حناخد زمن على العافية ..ولحدى ما نبدا العلاج قولى لى ..نرقعو دعوة تهدّو ولا زى مشتاق برضو انت ؟..
ياللذين يغفرون قبل ان يجففوا
ادمعا جريحة ...
مايستاهل والله يا انعام ..لكن نقول شنو ؟...الشقى ما بسعد ..
|
Post: #6
Title: Re: وصفة شعريّة..للعلاج النفسى من الشواكيش ..للمشوكشات فقط
Author: د.ناهد محمد الحسن
Date: 06-24-2007, 01:06 PM
Parent: #2
حليمة ..شنو خفّة الدم دى ..موت بس والله ..
وبعدين ياختى انا طبيبة نفسية ..الترباس ده اجرى منو وين؟
البعالج البطتون بتاع باطنية والبعالج الشواكيش , لازم يعلن انو دكتور شواكيش ...وبعدين يا حليمة ياختى ما عليك مدسّة , ما فى زول بجينا بمرق نصيح ..الما مشوكش مشوكش فى اللاوعى , وهاك يا كهارب والمجنون ما بلوم ؟! ولاشنو ؟ نقول شكوش فى اللاوعى , جذبك الى هذا البوست ..؟! ولاشمار ساكت ؟! ماتتسرّعى فى الاجابة العلاج مجان للمبادرات الاولى ..الله يخليك للملح ده ..تسلمى يا حلوة
|
Post: #4
Title: Re: وصفة شعريّة..للعلاج النفسى من الشواكيش ..للمشوكشات فقط
Author: Sabri Elshareef
Date: 06-24-2007, 01:02 PM
Parent: #1
رحيل
( تحتجب قصيدة رحيل ,لحين تسديد رسوم الكشف ..الملح ده بكتلكم يوم
انا دافع بياض السمع والشوف
وكلامك بفتش قلوب مجرحة وجارحة
تحياتي للبت الشاعرة الاديبة الطبيبة / ناهد محمد الحسن وشكرا لبكري ابوبكر
ان شاء الله كمان يقدر يجيب استاذ عمر علي احمد واللورد يس محمد النعيم
منبر فيه كل السودان
امشي وتعالي مع زحمة الخرطوم وساعات نتاوية جيدة
وادي الناس جرعات بسيطة ما تكتري الناس بتشرق بالكلام السمح وبتلحق امات طه يا حليل طه
|
Post: #8
Title: Re: وصفة شعريّة..للعلاج النفسى من الشواكيش ..للمشوكشات فقط
Author: د.ناهد محمد الحسن
Date: 06-24-2007, 01:13 PM
Parent: #4
صبرى الشريف مشتاقين موت..وين انت ياواد يا امريكانى انت ؟! اوع صواتك الهنا تكون صتها هناك ..باقى الكهربة هناك للبشوكشو ..يجيبوهم ليك فى اوبرا وهاك يالبع ؟..نحن هنا ارهابيين على قدرنا , شدّة اذن وصفعة صفعتين وكده ..
بعيدا عن البوست , الليلة ماشّة لسموءل وحاجّة عشّة وشماراته..حتى لو عينه فيها عملية مابتخليها ..البوست نور ياملك ...
|
Post: #7
Title: ردا علي ناهد
Author: مشتاق
Date: 06-24-2007, 01:12 PM
Parent: #1
نحياتي د ناهد
اتمنى تفعيل بوم المشوكشين العالمي
|
Post: #13
Title: Re: ردا علي ناهد
Author: د.ناهد محمد الحسن
Date: 06-24-2007, 01:26 PM
Parent: #7
مشتاق ؟! شكرا على التحية ..
علم وسينفّذ..بى جنبة كده( انت مشوكش ولسّة مشتاق ...حالتك صعبة ياابنى نرقدك معانا فى المستشفى كيف؟!..لكن عارف نفسى كان اشوف مشوكش مشتاق ! ..تحيّة الوفاء لاهل الاخلاص والوفاء وسلامات ياكبير .
|
Post: #11
Title: Re: وصفة شعريّة..للعلاج النفسى من الشواكيش ..للمشوكشات فقط
Author: Sabri Elshareef
Date: 06-24-2007, 01:23 PM
Parent: #1
قائمة مشتروات..!
منشّة للذباب..
بعض رطل من اللحم ..
وكم سنتميتر من الشعر المكعّب؟
( شاكوش وصف غير لائق بالعلاقة الانسانية وهذا تعبير ايهاب عمر )
ويقول الناس تجيب لها اسم تاني
مثلا لو واحدة رافضة بتقول عايزه تقرا او هكذا
لي صديق اخذ علي راسه بمكابسة لحتات ما بتاعته يعني مدا رحلو ابعد من لحافو
تعرفي اجمل رفض اشوفو هكذا الاثنان ديمقراطيان
الاول يقول والله هو يريد التقرب لتاسيس علاقة انسانية وان شخصيتك فيها الكثير من
الحداثة والشفافية ومعا ممكن ناسس لحياة جيدة
هي تقول
والله لدي مشروع علاقة خليك( انكنتاك)
صاحبي يهيم ويهيم ويرجع للزواج من بت البلد علي وزن غطي قدحك
انا شاهد علي علاقة وشاكوش
واخر تم بالابحاث الزراعية وسط الزهور متصور
قائمة مشتروات..!
منشّة للذباب..
بعض رطل من اللحم ..
وكم سنتميتر من الشعر المكعّب؟
|
Post: #14
Title: Re: وصفة شعريّة..للعلاج النفسى من الشواكيش ..للمشوكشات فقط
Author: د.ناهد محمد الحسن
Date: 06-24-2007, 01:34 PM
Parent: #11
صبرى قول لى صخبك اىّزول حر فى شاكوشو ..والوصف غير الائق ده انا جبتو من وين ؟ كل يومنسمع عن طلبات زواج , طويلة وبيضاء وشعره طويل و...و...والى آخر القائمة ..ياما فى ناس هجرت القلوب المحبّة من اجل هذه الاوصاف ..ولا شنو يابتاع الابحاث الزراعية ..تانت بالذات ما عندك كلام ..دافننو سوا ...هئ هئ هئ
|
Post: #16
Title: Re: وصفة شعريّة..للعلاج النفسى من الشواكيش ..للمشوكشات فقط
Author: تماضر الخنساء حمزه
Date: 06-24-2007, 02:18 PM
Parent: #1
سلامات ناهد
| Quote: ( تحتجب قصيدة رحيل ,لحين تسديد رسوم الكشف ..الملح ده بكتلكم يوم !) |
ليه بس حاجباها ؟؟ جيبيها ومافي ملحاً كتلّو زول
أختك في الشاكوش.
|
Post: #21
Title: Re: وصفة شعريّة..للعلاج النفسى من الشواكيش ..للمشوكشات فقط
Author: د.ناهد محمد الحسن
Date: 06-25-2007, 01:47 PM
Parent: #16
تماضر ياخنساء ..دايره تاكلينى عديل كده فى حقى !والله علا كان تدفعى ..الرسول ..القريشات ديل لاماهن لى متين ..فكى صرتك ياختى ..نفك ليك ضيقتك ..علينا جاى ...(برسله ليك فى مسنجر عشان مايطردونى لو شافوها )..شكرا ياجميل
|
Post: #17
Title: Re: وصفة شعريّة..للعلاج النفسى من الشواكيش ..للمشوكشات فقط
Author: سلمى الشيخ سلامة
Date: 06-24-2007, 02:21 PM
Parent: #1
يعنى يا ناهد دايرة تجيبى لينا (الهوا)
نحنا البنصرف الشواكيش ( هييييييييع )
وكان ما صرفنا شاكوش بنورى (البخرة حقتو )
زى ما قال الطيب صالح ( يازول انت قصةتك ما مخارجة معانا)
وعلى راى الشماشه ( اتفكفك يا فردة )
اها يا ستى الشاكوش دا ما علينا بحوم
وحاتك من ( صرة الوش الاولى ) التانية (شتات يا فردة )
العمر ( مش بعزأة يختى )
فكرة لذيذة انتى عالجى بالطب النفسى ونحنا بالبلدى
هسى كان الزول فتح ليهو عيادة (موازية ) لعلاج المشكوشكين والمشوكشات ما بتزعلى منو ؟
بالجد ما بتزعلى لانى عندى ( زى ديل عييييييييييييك ) واسوى لى حائط مبكى رايك شنو ؟
والله ما بحميك عارفة العلاج حيكون بالغنا
ودى تجربة حقيقية كان بعملا الراحل عبد العظيم حركة والفنانة ستونه مجروس فى مستشفى التجانى الماحى بغنوا للمرضى ولانه بيتنا كان قريب من المستشفى ( اتعاديت طبعا ) كنت بسمع الحفلة
دامت لكم افراحكم
|
Post: #22
Title: Re: وصفة شعريّة..للعلاج النفسى من الشواكيش ..للمشوكشات فقط
Author: د.ناهد محمد الحسن
Date: 06-25-2007, 01:54 PM
Parent: #17
سلمى ..مشتاقين ..
بالله همباتية انتى ..عافية منك ؟ شوكشيهم لينا ..يشوكشن البلا الفى خلقتهن ..لو بكرى ادانى فرصة ,انزل ليك لستة بالدعوات على المعتدين ..اقوم بتحديثة بالامراض الحديثة مرورا بانفلونزا الطيور..ياختى المشوكشة بعد ماتدعى بحصل ليها releif ونتفشى , ولا اقول ليك ..يرفع بكرى عننا الحظر وننزل مستوى الشتايم ..ولا رايك العكاكيز احسن ..اختك المحتارة ناهد
|
Post: #18
Title: Re: وصفة شعريّة..للعلاج النفسى من الشواكيش ..للمشوكشات فقط
Author: Sabri Elshareef
Date: 06-24-2007, 02:25 PM
Parent: #1
معاك لاخر السكه وطلت علينا بت الشيخ سلامة
وهذا البوست محضور كما تقول الصوفية؟
امشي واجي هذا منتجع لي وبعد شويه يا ما المغطغط حايبين؟
غايتو انا اصلي ما تعرضت لاواع من شغل النجارين /ات وعدتهم ( الشاكوش )
مثالا
|
Post: #19
Title: Re: وصفة شعريّة..للعلاج النفسى من الشواكيش ..للمشوكشات فقط
Author: حليمة محمد عبد الرحمن
Date: 06-24-2007, 03:10 PM
Parent: #18
| Quote: ما فى زول بجينا بمرق نصيح ..الما مشوكش مشوكش فى اللاوعى , وهاك يا كهارب والمجنون ما بلوم ؟! ولاشنو ؟ نقول شكوش فى اللاوعى , جذبك الى هذا البوست ..؟! |
ناهد بس ياهو ذاتو كلام حبوبتي:ـ"البعرفونا انشاء الله ما يحضرونا".. والبعرفونا ديل ياكم انتو الاطباء النفسانيين، غيتو شكيتكم على الله..
المهم يادكتورة انا يجوز مشوكشة بالقلبة.. اليك هذه القصة التي تدعم موقفي.. في مرة من المرات كنت مارقة من لجنة الاختيار، (لما كانت قريبة من سيتي بانك) الساعة اتنين ضهر وفي شهر يوليو ولا اغسطس، قام شاغلني واحد.. طوالي مشيت عليهو عديل ووقفت قدامو وقلت ليهو هسع دي في ذمتك دي (واشرت الى رقبتو، كانما ذمتو في رقبتو) دي حرا بشاغلو فيها..
طبعا انا طالعة بخفي حنين من اللجنة، عشان اصلو معايير التوظيف (اياها) ما بتشملني.. وبالتالي روحي في راس نخرتي..
قام اغتاظ منى شديد.. قال بالله عليك الله عابن دي عينها قوية كيف.. شاغلناها كمان عندها نفس.. عاملة وشها زي الطين الخمجنو بقر.... . لليلة انا اضحك كلما ما اتذكرت مشروع المشاغلة داك، ووصفه الرائع لخلقتي (انذاك)..
زي الكأنو الراجل استاجر في لما شاغلني، ولا كان بحاول يرفع لي معنوياتي.. والمسالة انتهت نهاية خلتني طوالي خاتة لي مراية صغيرة في شنطتي عشان اقبض لحظة وشي يكون زي الطين اللُكي الخمجنو البقر دا..
اتذكرت قصة (الغريب) للبير كامو.. وكيف انو السخانة واشعة الشمس الساطعة كانت سببا في ان قتل ميرسول بطل الرواية، زول عديييييل كدا..
من ديك تاكد لدي بما لا يدع مجالا للشك.. انني لن ولم اتشوكش في حياتي..(لن هذه ضعفت الان)..
وهيييييييييع.. تَطـْبُق حقت سلمي دي مرتين.. انا بشوكش؟ انا؟؟ انا؟؟ نحن من مد راسو ساكت صبحناهو عند الماذون متزوج..!!
تخريمة.. انت يا صبري البوست دا ما قالوا للمشوكشات..!! انت مرسل؟؟
واختم قولي بان "البعرفونا انشاء الله ما يحضرونا".
تسلمي يا طيبة..
|
Post: #20
Title: Re: وصفة شعريّة..للعلاج النفسى من الشواكيش ..للمشوكشات فقط
Author: بابكر عثمان مكي
Date: 06-24-2007, 03:56 PM
Parent: #19
Quote: أبصرتها معك ..
ذات خيبة كبيرة ..كبيرة
لصيقة باذرعك ..
جمالها , من ذلك النوع الذى ان ذقته سيلسعك
عيناها ولونها ووجهاوكل ما بها ..
مختصر ما يحبذ الرجال من جمال
وشعرها نسيت شعرها ؟؟!
حكاية الاميرة السجينة ..
ان جذبته اليك سوف يرفعك ..
وانت تدور حولها ..
مدلّها بحبها ..
كم وددت وقتها
لو امد اذرعى لاصفعك ..
|
دكتورة ناهد، تحيات طيبات
وددت هنا ان الفت انتباهك بان غيظ الانثى المثقفة جميل حينما يوضع على سلة الورود الطبيعية للكلمات أعلاه فهى مرفدة بدقة وكثافة عالية ومدلول عميق يسبر غور الرجل الشرقى ويثبت اهتمامه بنوع معين من النساء .هذه الدقة فى وصف الغريمة يدل على ان الأنثى ايضا" تتباها على صنواتها بالعقل لا بل الشكل ، وهذا صراع طويل يحسمه دائما" ميلان الرجل الشرقى الى تفضيله الابله للأنثى ذات الشكل الجميل والانوثة المتدفقة ).وغالبا" ماتخسر الانثى المثقفة العاقلة فى هكذا صراع .
انشالله صفعتك ماتقيف يادكتورة لكل رجل يهوى تفسد اللب وقشور المظهر وثنايا الجسد
سلمت يداك
بابكر زيكو
|
Post: #25
Title: Re: وصفة شعريّة..للعلاج النفسى من الشواكيش ..للمشوكشات فقط
Author: د.ناهد محمد الحسن
Date: 06-25-2007, 02:12 PM
Parent: #20
بابكر تسلم ياأمير
قشّاش دمعة الببكن بسوّن هو ..!
لو بس فى وصفة علمية كده ..نستنسخ منك عشرة بس كفاية .. مافى داعى للبطر ..شكرا ياملك
|
Post: #24
Title: Re: وصفة شعريّة..للعلاج النفسى من الشواكيش ..للمشوكشات فقط
Author: د.ناهد محمد الحسن
Date: 06-25-2007, 02:07 PM
Parent: #19
حليمة ..ان شاءالله البقرة التخمج راسو ..البعيد !!دى ما ذاته البشاغلوها ودى مالروح اليشوكشوها ,دى المفروض يحبوها الرزينة البتقرا, البير كامو , مش ناس فير اند لفلى الماعارفة المريخ ده فريق كورة ولا كوكب فى المجموعة الشمسية ,بحبو البليدات البلادة التشرطن ان شاء الله نعيش وندعى قولى آمين ..بس لو كنت ولد يا حليمة ..
|
Post: #23
Title: Re: وصفة شعريّة..للعلاج النفسى من الشواكيش ..للمشوكشات فقط
Author: د.ناهد محمد الحسن
Date: 06-25-2007, 01:57 PM
Parent: #18
صبرى ؟! ياحليلك ..مشتاقين ..امس الونسة مع سموءلوعشة لى بلّيل ..يوم جميل ..فاتك ..الما مغطى شنو ؟طولت منك ومن عمايلك ..!
|
Post: #26
Title: Re: وصفة شعريّة..للعلاج النفسى من الشواكيش ..للمشوكشات فقط
Author: هاشم أحمد خلف الله
Date: 06-25-2007, 03:18 PM
Parent: #23
يا اخوانا في شنو هنا !!!
|
Post: #27
Title: Re: وصفة شعريّة..للعلاج النفسى من الشواكيش ..للمشوكشات فقط
Author: محمد الطيب حسن
Date: 06-25-2007, 04:07 PM
Parent: #26
Quote:
يا اخوانا في شنو هنا !!! |
مافي حاجه بس الجماعه الفوق ديل كلهم مشوكشات
|
Post: #33
Title: Re: وصفة شعريّة..للعلاج النفسى من الشواكيش ..للمشوكشات فقط
Author: د.ناهد محمد الحسن
Date: 06-26-2007, 12:14 PM
Parent: #27
محمد الطيب ..؟الشاكوش ده خيتّو لينا هسّه ؟....من يضحك على أخيه ..تبارك (نزالة الكسب الرخيص على حساب القلب ) , تطلع ولا ننقض عليك ببوست كامل من الجراحات
|
Post: #34
Title: Re: وصفة شعريّة..للعلاج النفسى من الشواكيش ..للمشوكشات فقط
Author: د.ناهد محمد الحسن
Date: 06-26-2007, 12:16 PM
Parent: #26
هاشم ؟! بالغت ..الناس جو من الدفن! ناموسيتك كحلى ...
|
Post: #28
Title: Re: وصفة شعريّة..للعلاج النفسى من الشواكيش ..للمشوكشات فقط
Author: Adil Osman
Date: 06-25-2007, 08:14 PM
Parent: #1
Quote: على اى صدر ستتكئ...؟
بعد ان عبئت ذاكرة العناق فيك
بقلب ناهد ..يعرف تماما متى يخذ ..!
|
لم افهم معنى كلمة يخذ يا دكتورة..
|
Post: #29
Title: Re: وصفة شعريّة..للعلاج النفسى من الشواكيش ..للمشوكشات فقط
Author: ABU QUSAI
Date: 06-25-2007, 09:02 PM
Parent: #28
البازموت يا تمرجي وانا دايره أموت يا تمرجي
البنسلين يا تمرجي نادوا الحكيم يا تمرجي
|
Post: #30
Title: Re: وصفة شعريّة..للعلاج النفسى من الشواكيش ..للمشوكشات فقط
Author: عواطف ادريس اسماعيل
Date: 06-26-2007, 06:53 AM
Parent: #29
د. ناهد !!!
واو !!! عنوان جذاب خاصة للشمشارين العايزين يعرفو المشوكشات منو !!
أتريدني أن أعذرك !!
يا سيدي ما أشطرك !!
أنت الذي ناديتني !!
وأتيت حتى أبصرك !!
فعلام تتركني وهل !!
مني الهوى شيئا ترك !!
يا هاجري رحماك !!
مر الزمان ولم أرك !!
عمري خسرت ربيعه !!
وأصر أن لا أخسرك !!
فأنا أراك كمنقذ !!
للعسر ربي يسرك !!
كنت القريب فما الذي !!
مني حبيبي نفرك !!
الغانيات جميعهن !!
أردنني أن أهجرك !!
لكنني لم أستمع !!
إلا لقلب آثرك !!
فغدوت أنت مليكه !!
وعلى الغواني أمرك !!
أنا خاضع لك سيدي !!
ومسلم في المعترك !!
والدرب أفرشها أمامك !!
بالورود لأحضرك !!
فإذا رحمت وزرتني !!
شكرا لغيم أمطرك !!
وإذا امتنعت تكبرا !!
أعذرت فيك تكبرك !!
يا مالكا قلبي الذي !!
مثل الملاك تصورك !!
كيف استهنت بقدر من !!
فوق البرايا قدرك !!
ولم اكتفيت بهاتف !!
يشكو إليك تجبرك !!
يكفي يقول لك الهوى !!
ماذ ترى قد غيرك !!
أسمعت من قول الوشاة !!
مقال زور كدرك !!
هيا إلى قاضي الهوى !!
فهوى الصديق المشترك !!
إن قال إنك ظالم !!
فبحكمه لن أجبرك !!!
أو قال إني مذنبة !!
أسعى لكي أستغفرك !!
فالحب يجبر خافقي !!
يا سيدي أن ينصرك !!
التوقيع : واحدة مشوكشة !
وعذرا للإطالة !
|
Post: #37
Title: Re: وصفة شعريّة..للعلاج النفسى من الشواكيش ..للمشوكشات فقط
Author: د.ناهد محمد الحسن
Date: 06-26-2007, 12:27 PM
Parent: #30
عواطف ...شنو الرقّة دى ...ده منو اعمى البصيرة والبصر ده؟! لكن نقول شنو , مرمى الله ما بترفع ...ولك نصيحة الصادق الرضى :
لاتثق بالقلب ان العشق يؤذى
|
Post: #36
Title: Re: وصفة شعريّة..للعلاج النفسى من الشواكيش ..للمشوكشات فقط
Author: د.ناهد محمد الحسن
Date: 06-26-2007, 12:22 PM
Parent: #29
التسوّى بى إيدك يا أبو قصى يغلّب أجاويدك ...
|
Post: #35
Title: Re: وصفة شعريّة..للعلاج النفسى من الشواكيش ..للمشوكشات فقط
Author: د.ناهد محمد الحسن
Date: 06-26-2007, 12:20 PM
Parent: #28
عادل ..شكرا على الزيارة ..
يخذ من الوخذ بالابر ونحوه ..واصطلاحا يطعن عديل كدى ده فى الفيل وضلّو ...
|
Post: #31
Title: Re: وصفة شعريّة..للعلاج النفسى من الشواكيش ..للمشوكشات فقط
Author: د.محمد حسن
Date: 06-26-2007, 08:15 AM
Parent: #1
د. ناهد
حمانا الله واياكم عدة كل النجارين
شعرت بارتياح لهذه الزوشتة( بقلب ناهد ..يعرف تماما متى يخذ ..!)
ويسلم علاج الدكاترة
|
Post: #39
Title: Re: وصفة شعريّة..للعلاج النفسى من الشواكيش ..للمشوكشات فقط
Author: د.ناهد محمد الحسن
Date: 06-26-2007, 12:30 PM
Parent: #31
اول روشتة طبية لئيمة ..ولا رايك شنو يا دكتور ؟ ..شكرا على الاطلالة ياملك ...
|
Post: #32
Title: Re: وصفة شعريّة..للعلاج النفسى من الشواكيش ..للمشوكشات فقط
Author: السمؤال بدرالدين
Date: 06-26-2007, 09:48 AM
Parent: #1
دناهد
عواطف ادريس
مرة واحدة كدة
كنا بننتظر الجمعة يا دكتورة
المشوكشين علاج مافي ليهم والله شنو
تسلموا
|
Post: #38
Title: Re: وصفة شعريّة..للعلاج النفسى من الشواكيش ..للمشوكشات فقط
Author: هاشم أحمد خلف الله
Date: 06-26-2007, 12:28 PM
Parent: #32
| Quote: التوقيع : واحدة مشوكشة ! |
عطووووفة عليك الله دي منو !! لزوم الشمارات وكده .
دكتورة ناهد قالت لي الناس جو من الدفن حلوة دي وناموستي كحلي برضو
حلوة لكن الأحلي عـواطـف إدريـس , جابت ليها كمان شِعر , كلام يا عوض دكام .
|
Post: #52
Title: Re: وصفة شعريّة..للعلاج النفسى من الشواكيش ..للمشوكشات فقط
Author: عواطف ادريس اسماعيل
Date: 06-27-2007, 06:58 PM
Parent: #38
هشووووووومي !!!
يعني الشمار كاتلك للدرجة دي كنت عايزة أقول ليك منو المشوكشة لكن اتذكرت رفقا بالقوارير كلو
شاكوش وإنت طيب ,,
|
Post: #40
Title: Re: وصفة شعريّة..للعلاج النفسى من الشواكيش ..للمشوكشات فقط
Author: د.ناهد محمد الحسن
Date: 06-26-2007, 12:34 PM
Parent: #32
السمؤال ..قلبى معاك ...اصبر لينا شوية عشان مايقولو النجار بابو مخلع ...
|
Post: #41
Title: Re: وصفة شعريّة..للعلاج النفسى من الشواكيش ..للمشوكشات فقط
Author: بدرالدين كاجوري
Date: 06-26-2007, 01:35 PM
Parent: #1
د. ناهد
سلامات
تختلف ردات الفعل من مشوكشة لاخري ولكن من الجمال ان تكون ردت الفعل ملهمة للاخريات
وممكن تساهم في تضميد جراحات ايضا لاخريات .
وقد تحرج المشوكش وتلبثه ثوب الخجل من فعلته
يكفي يقول لك الهوى !!
ماذ ترى قد غيرك !!
أسمعت من قول الوشاة !!
مقال زور كدرك !!
هيا إلى قاضي الهوى !!
فهوى الصديق المشترك !!
إن قال إنك ظالم !!
فبحكمه لن أجبرك !!!
أو قال إني مذنبة !!
أسعى لكي أستغفرك !!
فالحب يجبر خافقي !!
يا سيدي أن ينصرك !!
التوقيع : واحدة مشوكشة !
!
واجزم ان هو قراء هذة السطور لعاد اليها صاغرا فهل كل هذا الجمال يترك.
وجمال المراءة في قوة ضعفها الساحر
وحتي لاتوصفي بالانحياز للنوع
اعتقد مشوكشة ومشوكش شيء واحد( ضحايا ) والفرق الوحيد في ضربة الشاكوش وتاثيرها
ولك الود شوالات وللرائعة عواطف
يعني كلنا محتاجين لوصفة للعلاج النفسي والا يكون عندك خيار وفقوس وهذا لايستقيم مع المهنيه
و
طبيب جراح قلوب الناس ادويها
وقلبي ياناس...............
|
Post: #43
Title: Re: وصفة شعريّة..للعلاج النفسى من الشواكيش ..للمشوكشات فقط
Author: د.ناهد محمد الحسن
Date: 06-27-2007, 09:43 AM
Parent: #41
بدرالدين ..سلام وشكرا على الطلّة والتضامن ..وشكرا بالانابة عن عواطف ولى عواطف وحنراعى الحساسية الجندرية مستقبلا ..تسلم !
|
Post: #42
Title: Re: وصفة شعريّة..للعلاج النفسى من الشواكيش ..للمشوكشات فقط
Author: ابو خالد
Date: 06-26-2007, 05:20 PM
Parent: #1
قالت إحداهن:
Quote: نحن من مد راسو ساكت صبحناهو عند الماذون متزوج..!!
|
مسكين......آخر من يعلم بالمؤامرات..!!!
|
Post: #44
Title: Re: وصفة شعريّة..للعلاج النفسى من الشواكيش ..للمشوكشات فقط
Author: د.ناهد محمد الحسن
Date: 06-27-2007, 09:46 AM
Parent: #42
عجبتك يا ابو خالد ..يعجبوك وليداتك !
|
Post: #45
Title: Re: وصفة شعريّة..للعلاج النفسى من الشواكيش ..للمشوكشات فقط
Author: د.محمد حسن
Date: 06-27-2007, 09:54 AM
Parent: #44
الد. الجميلة ناهد
كدي خشي هنا نفتح ليك العلبة
اللولوة والتدليس في ظار عواطف ادريس
يمكن
ولعل
وعسى
تتطلعي بي وصفة جديدة
سلامنا لزورارك
|
Post: #46
Title: Re: وصفة شعريّة..للعلاج النفسى من الشواكيش ..للمشوكشات فقط
Author: احمد العربي
Date: 06-27-2007, 09:58 AM
Parent: #45
دكتوره ناهد
لك السماء
|
Post: #48
Title: Re: وصفة شعريّة..للعلاج النفسى من الشواكيش ..للمشوكشات فقط
Author: Ahmed Yousif Abu Harira
Date: 06-27-2007, 10:39 AM
Parent: #46
| Quote: مسكين......آخر من يعلم بالمؤامرات..!!! |
تحياتي للمتآمر عليه والمتآمرة !!
د. ناهد
تحياتي
كدت اشارك في البوست لولا اني أدركت انني غير ذي صفة
---
ثم اين ذهب بوست الهمباتة ؟
|
Post: #51
Title: Re: وصفة شعريّة..للعلاج النفسى من الشواكيش ..للمشوكشات فقط
Author: د.ناهد محمد الحسن
Date: 06-27-2007, 12:03 PM
Parent: #48
ابوحريرة ..سلام , جاتنا طلبات كتيرة لفتح بوست للمشوكشين ..ينظر فى الامر ..فتش لى بوست الهمباتة وانكتولى
|
Post: #49
Title: Re: وصفة شعريّة..للعلاج النفسى من الشواكيش ..للمشوكشات فقط
Author: د.ناهد محمد الحسن
Date: 06-27-2007, 11:55 AM
Parent: #46
شكرا على الدعوة الجميلة يا احمد العربى
|
Post: #47
Title: Re: وصفة شعريّة..للعلاج النفسى من الشواكيش ..للمشوكشات فقط
Author: Ahmed Mohammed Osman
Date: 06-27-2007, 10:30 AM
Parent: #1
هو بلاي الجكس لما يتشوكش بيتأثر؟؟؟
البعرفو غايتو انو البت ممكن تديك شاكوش تفرقتك راس ام اهل حلتك، وبعديها علي طول تضرب منكير او تتفرج في مجلة
والمتخيلو انو البت لما تتشكوكش بتقول بكل برود: واحد راح، النركز مع التلاتة الباقين ديل (:
ولا ما صحي؟؟
|
Post: #50
Title: Re: وصفة شعريّة..للعلاج النفسى من الشواكيش ..للمشوكشات فقط
Author: د.ناهد محمد الحسن
Date: 06-27-2007, 11:57 AM
Parent: #47
يا احمد محمد عثمان , ده الجكس المشوكشنا ومشوكشكم تستاهلو !
|
|