هواء نضيف من الدوحة : مرحب د. محمد حيدر المشرف

ينضم الينا السياسى الضليع والاديب الشاعر الرقيق د. محمد حيدر المشرف
وحتما سيكون اضافة نوعية لبورداب الدوحة ....
شكرا الاخ بكرى والف مرحب بالاخ محمد وفى انتظار مساهماتة القيمة

الاخ محمد حيدر المشرف عضو مؤسس برابطة اصدقاء محجوب شريف
وعنصر فاعل فى الانشطة الثقافية والانسانية والاجتماعية بالدوحة
ولة عدة اعمال شعرية وادبية اخرها قصيدة الى صوت مى محجوب شريف
التى قدمت ككورال فى تكريم شاعر الشعب محجوب شريف بالدوحة



إلي صوت مي محجوب شريف

هذا الشجن.. من ذاك الرهيف
محجوب شريف..
يا كم لطيف..
يامي أبوك..
كمين ظريف..
وسعت مواعينو الكلام..
الفين سلام..
يا ذا الهمام..
يا من تخلل في المسام..
يا من تواتر في النزيف..
نغما شفيف..
وطنا مقام..
فوق النجوم..
وسط القلب..
جوة العضام..
فارس صدام..
يا مي ابوك.. ما هو الضعيف
أو المضام..
بس هو الرهيف..
لامن يغازل..
من شوارع أم در رصيف
كالضو عنيف..
ما بين جهالات الضلام
كالضل خفيف..
لما يزحف في المسام
فكر واضح..
والتزام..
من قام عفيف..

*

مرحبا د.محمد حيدر المشرف ونتمنى ان يطيب لك المقام وان تتحفنا بدرر الكلام سعداء بانضمامك لهذا الوطن وشكر بكرى ابوبكر وشكرا معاوية الطيب.

الاخ ضحيه ابراهيم

لك كل الود .. ودمت عافية والقا وحضور

الاخ معاوية

الف شكر

مرحب بالشاب الخلوق محمد الحسن حيدر بابكر المشرف

وذي ما قال معاوية حتما ستكون اضاقة للبورد

تقديري

محمد علي المشرف

سلامات
وعوافي
التقيته غير مرة في فضاء الدوحة العامر ..
ذات لقاء ظريف حكيت له "عن الانثى الاولي التي اشادت بها دورة دمي " ..
فتلا علي مسامعي "خرير من مياه القصائد اللطيفة " ..
شكرا معاوية الطيب والف مليون مرحبا بالصديق محمد المشرف شاعرا وانسانا نبيلا ..
ونتمني ان يكثف حضوره هنا احتشاد قصائده وافكاره الجميلة ..

د.محمد الحسن المشرف,

فعلا إضافة حقيقية لسودانيز أون لاين,
قارئ محترف وقارض شعر وصاحب تاريخ
فى العمل الجماعى والتنظيمى نرجوأن
يكون قلما فاعلا فى المنبر.

ألف مرحب وإقامة طيبة.

أيمن

الاخ / ضحية
خالص الشكر لترحيبك
وستشكرنى مجددا عندما تتطلع
على مساهمات الاخ محمد
انة كنز معرفة

دكتور / محمد على
خالص التحايا والاحترام
بوجود امثال محمد حيدر
يبقى الامل ان يعود الوطن
والوطن الافتراضى كما نحلم

شكرا لمرورك هنا ......

ودرملية الانسان
سلامات ،،،
وشكرا لمرورك

Quote: فتلا علي مسامعي "خرير من مياه القصائد اللطيفة " ..

تعرف صاحبنا دة عندو شعر من النوع البيدخل
العضم ويرفرف بروحك حيث الا منتهى ،،،
بس بخيل شعريا جدا واما عن الجوانب السياسية والثقافية
والفلسفية فحدث ولا حرج ..
وانتهز فرصة عدم وجودة لاستعرض قليل من اشجان خواطرة ....

: وردة ... لعروة ابريل ( نص جديد )

النيل مملكه المياه واعراسها
اجراس صلصله الحياة
تسابيح ضفتين
صلاه موج
وابتهال ...
والشمس تلوح بمنديل من خيوط الفجر
لليابسه السمراء الحنين
وتهمس شعرا لا يقال ...
والغيم طفل البحر
يلهو بحبات المطر ...
ثم
يمعن فى الخيال ...
الارض ... عاشقة , تومئ لمن تحب
ان تعال
لكنه الليل سادر ..
فى
عتمة
حلكته ...
فى
غى
سلطته ...
فى حصار من
نحب شموسها
ونشتهى
حليب صباحها
ورحيق نداها...
وبن ضحاها ...
والعشق اذ يغشاها
والشعر اذ غناها
ومن والاها
وما تلاها
من عبير ... ومن طيوب
نموت ثم نموت ونشتهى ...
ثم نموت ونشتهى
ثم
نقيم الصلاة على غيابنا صمتا ..
ونستقيم على الاسي
والسكوت ...
الليل تميمه الموت المعلق ..
في
الشوارع ..
والزقاقات الاليفة الغباش ..
واعناق الرجال ..
وصمت البيوت ..
الليل ...
سلاسل تلتف فى خصر الحبيبه
تمتد من سرة حيائها قسرا
حتى ...
سرة قصر السلطان
سبحانه الذى لايفوت ..
كسائه الذهب
وعرشه الياقوت ..
تبت يداه
تبا لنا
تربت يداك
ايها الوطن الولود ...
ابريل جاء معانقا
فيك الصباح ..
من الحدود الى الحدود
ابريل .... وان عاد الظلام حتما يعود ...
من هامه نخل يأتى
ومن اطراف غابه ..
ياتى عشقا
ووجدا
وصبابه ...
شرقا يأتى كشموس ...
تضى
بين سراديب الكآبه ...
من دعاء فقير فى الغرب
يأتى
- من مسيد -
كصلاة مستجابه
من لوزه قطن فى الجزيره
من قطعة صمغ صغيره
من هشابه ..
ابريل يأتى
من رحم الف سؤال وسؤال ... اجابه
من تواريخ النضال
من
دم الشهداء..
ابريل
منسربا بين مسام الارض
ذوبا من ندي الفجر
والايمان
والصلابه ...
يا
كلمة الشعب
تمشى
على عشب ابريل تؤده
يا
نشيدا من قرع طبول الاستواء
ورقص البنات الاشتهاء
وايقاع نوبه
و
صوت ربابه ...
ابريل مشنقة الضغاة ...
طريقهم نحو جحيم الانزواء
داخل سور ذواتهم
وعفونة اهابهم
يتحللون
بمزابل التاريخ
نحو الزوال ... والى الزوال
ابريل فينا وما يزال ...
هتافا فى الحناجر ..
ومآثر
ورجع الف نشيد
وانفعال ..

Quote: د. محمد حيدر المشرف

معاوية الطيب

مرحب بيك وبضيفك د. محمد حيدر

تحياتي معاوية ..

يا سلام عليك يا رجل يا جميل ..
مؤكد د. المشرف ح يكون إضافة إضافة ..
رجل يلقي على مسامع ود رملية دررا تطمن الولد المهبوش ده .. اكيد زولا ما هو ساهل ..
ثم أن من يأتي من تالاك يا معاوية فهو بالقطع " خير ديمقراطي " و جميل ..
سوء حظي حرمني من الإلتقاء بالدكتور المشرف ..
لكن الجايات اكتر ..

مرحب مليون يا صاحب .

ياسلام :مين : الاثنان :
ود المشرف ، وودالطيب

اكتملت الفرحة ، حرف جميل ولقاء طيب ،
هنا تتفرد الدوحة ، عشق مقيم ، تجمع كل المعاني الجميلة ،
اما المتداخلون فمرورهم لمعزة الاثنين ، المرحب به وصاحب البوست .

دمتم ،

واخيرا حضر الحبيب المنتظر
مرحبا صديقى الجميل د/ محمد المشرف
واتمنى ان يطيب لك المقام بيننا هنا

شكرا عزيزى معاوية

عوض حمزة

الاخ/ ايمن الطيب

خالص التحايا والاحترام

Quote: وصاحب تاريخ فى العمل الجماعى والتنظيمى

لمسنا بعض من قدراتة التنظيمية ، ونامل ان نرى الكثير
المثير ،،،،

شكرا لوجودك معنا

الاخت/ اميرة الشيخ

فرحنا كثيرا لانضمامك للمنبر ...
فحوجتنا اكثر لهواء نظيف
ولنا فى الكوكبة القادمة امل كبير ،،،،،،

عمدة يا سيد الهواء النضيف

محبتى بلا حدود
اها جايكم هواء نضيف ونقى
ومعطون بالفن والجمال والحكمة
ولازم اقابلك بيهو لانو بيشبهك
واهديك بعض من رحيقة ....

كلامها زي ريق النحل ( مسدار في طور التكوين )

يا بنية
من عبق الصنادل والطيوب
كلامها زي ريق النحل
تسعد قلوب
يا بنية زي ريح الدعاش زمن التحاريق
و اليباب
جميلة زي موج الدميرة بعد محل
لو قلت ليك اشتقت ليك
بكون مقصر
في حقيقة شوقي
والوله المدكن وانهمل
مانحن بيانتنا
القصيد الما انكتب
ونداوة الحرف المشبع بالأمل
هيمان يدوب
في لجة الليل والسهر
والارتجا ل الانفعل
بي رعشة الريد النقي
ترشح مسادير الغنا
تفتح دروب العاشقين
رغم المسافات البعاد
لابد اصل
ونكون سوا
انا وانت والقمر البياخد من ضياك
والنيل حدانا يغازل القيف الحزين
ما السكة ليك
مشوار هوى
حرقة جوى
وكلام معطن بالحنين
وعد الاماسي
الشايلة من شبق السنين
الامنيات
الذكريات
وفجاءة اللقيا
وتباريح الانين
يا بنية
يا صفوة رحيق الاشتهاء
أيدك معاي
نغزل خيوط الالفة
والريد الوفا
للجاي من زمنا ضنين
قلبي المعاك دسيه
ما توريه لي عين
العزول
خبيه في جيب نبضك الدافي وامين
وخليني هايم
بين مسامات ضو بيسطع
كل حين
من بريق لحظك
وهالات البها ء
الفي الجبين
بهواك
حقيقة ما بتقبل جدال
عشقك مؤكد في الحنايا
وفي دمايا
وفي الخواطر اشتعال
دوزنة تثير الشجن
دندنة
بتسكر خيال

تنويةواعتذار
القصيدة الواردة اعلاة بعنوان
كلامها زي ريق النحل ( مسدار في طور التكوين )
ليست للاخ محمد المشرف بل هى من اشعار
الاخ د. محمد حسن لة منى التحية وكل العذر
( ولروعة القصيدة لن احذفها )

اظن ان ما لمسناه من شعره هنا وانت تسكبه علينا ليس الا نقطه من فيض المشاعر
فمرحبا به بينكم

فليغرقنا بسيله الجارف


ولك التحيه ودابوي

مليون مرحب د. محمد المشرف
نجم تسجيلات بورداب الدوحة
والف شكر الاخ معاوية وحقا( ضربة معلم )

فيصل الزبير ياملك
سلامات واخبارك
شكرا لمرورك ،
والامل يبقى دائما فى سودان ديمقراطى جديد
ومنبر مهموم بقضايا شعبنا وجميل قولنا ،،،،
وخلينا نشوفك ......

ود امدر الاصيل عوض
حبابك ،،،
صديقنا الحبيب المنتظر
هذة الايام يغازل من شوارع امدر رصيف
فى اجازة عمل قصيرة نتوقع عودتة غانما
نهاية الاسبوع ،،،،
وعندها سنستحضر غنائمة وكل ذخيرتة
( فكر واضح والتزام )
لك الود

مرحب د. محمد المشرف

والف شكر معاوية

الاخ / محمدالطيب
خالص التحايا والاشواق
شكرا لمرورك الانيق وفى انتظار عودة الاخ محمد المشرف
من اجازتة القصيرة بالسودان ،،
كل الود ،،،،،

معاوية الطيب

تحياتي

ومرحبا بالشاب د.محمد حيدرالمشرف

ونبقى في الانتظار

لحين حضوره الكريم

يا سلام ....

د. محمد المشرف شخصياً

غبت من المنبر لأسباب قاهرة لفترة .... وأجي ألقاهو منور كدة؟

شكراً معاوية .. وشكراً بكري أبو بكر
و ... (الفين سلام ... يا ذا الهمام)

ود العباسية الرائع
مشتاقين كتير والله ،،

Quote: مليون مرحب د. محمد المشرف نجم تسجيلات بورداب الدوحة والف شكر الاخ معاوية وحقا( ضربة معلم )

نعم .....
" اشرقت شمسة " فى اماكن نرجسية هلامية فى الزمن الجميل ولكن هنا الامر
مختلف جدا ، لا انا ولا انا ولا انا ولا هو و هى ،،،،،،،
شمسنا غربت وليلنا مظلم واملنا مشرق ومستقبلنا واعد
وامبراطورنا وهمنا وهدفنا واحد ......
سقفة الوطن .
حبنا وهيامنا وعشقنا وشعرنا وجميل قولنا وكل جهدنا لقضايا وهموم شعبنا
نعم .....
مكانكم معنا وسقفنا الوطن ......

...

دوحة الثقافة و المعرفة....

مرحب بالمشرف.. وشرفت البورد..

الف مرحب ود المشرف الرجل الرهيف.........

شاعر ذو مفردة متميزة جدا جدا


وين مواعيدك يا ود المشرف ..

ولا الجماعة لسة ما سافرو...

لك الود والاحترام ....

سارة حمزة

ياراقية ياذوق
شكرا لمرورك

السيد احمد ابو حريرة
خالص التقدير والاحترام
شكرا لتشريفنا بمرورك
وفى انتظار الاخ محمد

محمد ابو الريش

سلامات وليك وحشة

ترحيب ساكت ما كغاية
يلا نظم لينا جلسة شعرية
( بس بدون شيرنغ )

د. بيان
الف مرحب ، وشكرا على المرور

Quote: الف مرحب ود المشرف الرجل الرهيف......... شاعر ذو مفردة متميزة جدا جدا

الاخ عمر سعد
خالص التحايا وفى انتظار الاخ محمد بعد عودتة من
السودان امس ...

بعض الغباش .. بعض دمى

ويمكن يكون .. كل الملايكة غبش

يبقى موضوع النضافه يا معاوية معلق على مسمار الحمام قبالة الطاقه

والصابون ... على ان تكون فرش الاسنان منغرزه بالحائط الخارجي

وقد تعددت الوانها بعد بياضها الموسوم بخطوط تحدد الانتماء ...

وهكذا نرث الغباش المقدس جينيا واكتساب .. حتى نغترب ونبدأ رحله التتمير

نحو اهاب جديد , زائف جدا ومزهوا بأناه اللامعة وباسوورده الجديد لنج فى

سودانيزاونلاين

شكرا جزيلا للسيد بكري ابوبكر على هذا النفاج الوطنى .. شكرا معاوية ..

شكرا لكل المرحبين بى

وسأعود قبل زوال الغباش ..

ذاك الاليف .. اللطيف .. النضيف

ذا الرهافة والالق ..

الأعزاء ، محمد ، ومعاوية

تحية واحتراماً..

أن تأتي متأخراً خير من أن لا تأتي..
آسف للتأخير في الترحيب ، هي بعض المشغوليات (المعتادة)
وقليل من المناكفات (الاسفيرية) هنا وهناك ، الى جانب (مكابسة) أكل العيش
الذي لا يمنحنا (فرصة) للتمعن في كثير من الأشياء المهمة ، والتي من ضمنها
حضوركم البهي أخ محمد هنا الى داركم ، والتي ازدانت حتماً بكم ..
فألف مرحب بك ، وآلاف التشكرات للعزيز معاوية ، صاحب البوست الترحيبي..

حتماً ستكون إضافة ايجابية لهذا الموقع ..

أكرر الترحيب ، والاعتذار ..

صلاح عبدالله ..

أهلا بالمشرف الذى قدمه لنا الطيب
فقد دخلتنا مُدخل صدق وصديق تأمنه
وانت يا محمد من نأمنك مختلفين معك أو متفقين
ونلتقيك هنا نشأةً وتكوينا
وحسبا ونسبا ومتلقي أصيل لمصطفى سيد احمد
الذى فُجع في غير الأصلاء هنا

الاخوة/ات

سعدت جدا بترحيبكم بى فى هذا النفاج المفضى لتلك المليون

ميل الفه وشجو أصيل ..

سودانيزاونلاين اصبح واحدا من اهم المعابر من والى المزاج السودانى

ويلعب دورا هاما فى انتاج وتدوير الوعى واللاوعى معا ..

يبقى الرهان دوما ان الكلمة هنا تماما كما العفش فى البص على

مسؤولية صاحبها .. فلنكن ضوءا يهدى

لذاك الذى هو أجمل .. سودان واحد ديمقراطى

معاوية الطيب
شكراً
أكيد حا نسعد .. وأكيد سيثري هذا المنبر .. تحية خاصة د . محمد حيدر المشرف
عادل التجانى
الدوحة