Post: #2
Title: Re: هاشم أحمد خلف الله يكتب الشعر ويلحنه ..
Author: Mohamed Abdelgaleel
Date: 06-18-2007, 10:01 AM
المعتصم .. تحياتي،
كنت أعرف للأخ هاشم بعض المواهب .. ليس من بينها
الشعر والغناء .. الأسبوع الماضي عرفت أنه شاعر
واليوم ملحن .. متضامن مع (مرزوق الموهوب) على
قول صديق الموج .. التحية لك ولأخي الفنان هاشم
وأخي مرزوق
|
Post: #3
Title: Re: هاشم أحمد خلف الله يكتب الشعر ويلحنه ..
Author: الطيب شيقوق
Date: 06-18-2007, 10:04 AM
Parent: #2
الاخ معتصم
الاخ هاشم انا بعرفه انسان مرهف ويملك ادوات التعبير عن دواخله .
اتركوووووووووووووووووووووهو وحياتكم
|
Post: #4
Title: Re: هاشم أحمد خلف الله يكتب الشعر ويلحنه ..
Author: عادل جبارة
Date: 06-18-2007, 11:05 AM
Parent: #3
Quote: ما بعاتبْْك لو جفيتي ..
وإصطفيتي سواي أحبا .. |
هذا هو هاشم المتصالح مع نفسه .. والآخرين ..
إذن ليس بمستغرب أن يزرع في الناس استدامة
عشق وهوى المحبوب وإن جفا..
كما قال ود شيقوق أتركوه يهيم في أودية الشعر
ويسبح في بحور اللحن ويستخرج لنا من أتونها
ومتونها درراً ..
واصل هاشم ..
عادل جبارة ..
|
Post: #5
Title: Re: هاشم أحمد خلف الله يكتب الشعر ويلحنه ..
Author: عماد محمود علي
Date: 06-18-2007, 12:17 PM
Parent: #4
هووووي ياعادل جبارة يواصل شنو؟!! إنت ما عايزنا نمشي الدار تاني ولا شنو؟!!!
شكراً معتصم ، فهذا هو هاشم أحمد وشهادتي فيه مجروحة وتأبى نفسي أن تتحدث عن زاتها فأنا أكره الانا .
مـودتــــي ، ، ،
|
Post: #34
Title: Re: هاشم أحمد خلف الله يكتب الشعر ويلحنه ..
Author: معتصم دفع الله
Date: 06-20-2007, 08:24 AM
Parent: #5
سلااام يا عمدة ..
هاشم زول فنان ويستحق منا الاشادة به ..
نتمنى أن نرى من الجميل دائماً ..
تحياتي ..
|
Post: #33
Title: Re: هاشم أحمد خلف الله يكتب الشعر ويلحنه ..
Author: معتصم دفع الله
Date: 06-19-2007, 06:07 PM
Parent: #4
سلام يا عادل ..
فعلاً هاشم زول جميل ودواخل أجمل ..
وما غريب أن نشوف منه زي الحاجات الحلوة دي ..
وكمان مع الزول الفلتة مرزوق دي ثنائية ح تكون رائعة ..
أمنياتنا له بالتوفيق ..
ولك حبي وتقديري ..
|
Post: #27
Title: Re: هاشم أحمد خلف الله يكتب الشعر ويلحنه ..
Author: معتصم دفع الله
Date: 06-19-2007, 11:00 AM
Parent: #3
كلامك في محلو يا الطيب أخوي ..
بس خليهو هو يخلييييييييييينا 
أبقوا طيبين ..
|
Post: #42
Title: Re: هاشم أحمد خلف الله يكتب الشعر ويلحنه ..
Author: هاشم أحمد خلف الله
Date: 06-22-2007, 06:49 PM
Parent: #3
Quote: الاخ معتصم
الاخ هاشم انا بعرفه انسان مرهف ويملك ادوات التعبير عن دواخله .
اتركوووووووووووووووووووووهو وحياتكم |
حبيبنا الغالي الطيب شيقوق شكراً جزيلاً علي التشجيع وإنشاء الله نكون عند حسن الظن بكم .
|
Post: #11
Title: Re: هاشم أحمد خلف الله يكتب الشعر ويلحنه ..
Author: هاشم أحمد خلف الله
Date: 06-18-2007, 05:33 PM
Parent: #2
Quote: المعتصم .. تحياتي،
كنت أعرف للأخ هاشم بعض المواهب .. ليس من بينها
الشعر والغناء .. الأسبوع الماضي عرفت أنه شاعر
واليوم ملحن .. متضامن مع (مرزوق الموهوب) على
قول صديق الموج .. التحية لك ولأخي الفنان هاشم
وأخي مرزوق |
الاخ محمد عبدالجليل شكراً ليك علي التشجيع .
|
Post: #24
Title: Re: هاشم أحمد خلف الله يكتب الشعر ويلحنه ..
Author: معتصم دفع الله
Date: 06-19-2007, 09:19 AM
Parent: #2
سلاااام محمد عبدالجليل ..
جميل أن نرى هذه الأعمال هنا حقيقي أعجبت بما تم من عمل جميل بين هاشم ومرزوق الفنان ..
ودي خطوة حلوة لملء المساحات الفاضية التي افتقدها الوسط الفني السوداني من ابداع ..
لك التحية ومثلها لهاشم ومرزوق ..
|
Post: #6
Title: Re: هاشم أحمد خلف الله يكتب الشعر ويلحنه ..
Author: هاشم أحمد خلف الله
Date: 06-18-2007, 01:50 PM
الأخ الحبيب معتصم دفع الله والله لساني عاجز عن الشكر نظير ما قمت بِه من جهد لإبراز
هذا العمل المتواضع وعبرك احي ايضاً صاحب الحوش الكبير الباشمهندس بكري ابوبكر
والذي من خلال موقعه سودانيز اون لاين اتاح لنا فرصة التعبير عن ما يجوش في داخلنا
من شعر ونثر واخيراً محاولة تلحين , والشكر كل الشكر لجميع رواد سودانيز اون لاين
من أعضاء وأصدقاء المنتدي لتشجيعهم لنا وتطيب خاطرنا .
ارجع مرة اخري لاخي وصديقي معتصم دفع الله والذي بذل جهداً مقدراً لجعل مشاهدة هذا
العمل يظهر لكم بهذه الكيفية .
|
Post: #7
Title: Re: هاشم أحمد خلف الله يكتب الشعر ويلحنه ..
Author: Elmosley
Date: 06-18-2007, 02:23 PM
شكزا يا معتصم علي تعريفنا بهاشم
عندي مشكله
ان هناك عدة فايلات مفتوحة في ان واحد
===========
قفلت فايلات الفيديو ولكن لسه هناك فايلات متضاربة مختفيه
تحياتي لكما
|
Post: #36
Title: Re: هاشم أحمد خلف الله يكتب الشعر ويلحنه ..
Author: معتصم دفع الله
Date: 06-20-2007, 10:07 AM
Parent: #7
أستاذنا وحبيبنا الموصلي ..
شكراً لك وأنت تشاركنا في هذا العمل الجميل ..
بالنسبة للفيديو بيشتغل بعد الضغط على أيقونة التشغيل على أن لا يكون هناك بوستات مفتوحة فيها لنكات أغاني ..
يا ريت نسمع رأيك فهو هام بالنسبة للعمل ..
محبتي بلا حدود ..
|
Post: #8
Title: Re: هاشم أحمد خلف الله يكتب الشعر ويلحنه ..
Author: Alsa7afa_30
Date: 06-18-2007, 02:43 PM
بسم الله ما شاء الله..
نمسك الخشـب على قول أستاذنا الموصلـي..
رائــع يا هاشـم و نتمنـى من المختصـين إبداء الرأي حول هذه التجربـة لمزيـد من التجويد..
مشكـور يا معتصـم على المجهـود الجبار..
للحفـظ
|
Post: #9
Title: Re: هاشم أحمد خلف الله يكتب الشعر ويلحنه ..
Author: مجدي عبدالرحيم فضل
Date: 06-18-2007, 02:56 PM
Parent: #8
أخي معتصم دفع الله وفي معيته هذا الأبداع
هاشم ومرزوق تسلم ياصاحبي ولهم منا أن نستمع
وبتمعن ونعيش أجواء من طرب فريد ولا نملك إلاأن
نبارك هذة الثنائية الجديد في عالم الطرًب.
،،،أبوقصي،،،
|
Post: #45
Title: Re: هاشم أحمد خلف الله يكتب الشعر ويلحنه ..
Author: معتصم دفع الله
Date: 06-27-2007, 08:53 AM
Parent: #9
تسلم أخي أبوقصي على هذه الكلمات الجميلات في حق هاشم ومرزوق ..
فهم يستاهلون كل الخير ..
ولك التحية ومحبتنا ..
|
Post: #44
Title: Re: هاشم أحمد خلف الله يكتب الشعر ويلحنه ..
Author: معتصم دفع الله
Date: 06-27-2007, 08:32 AM
Parent: #8
تحياتي يا صحافة وشكراً للنكات الحفظ ..
فعلاً نحن أمام تجربة جديرة بالوقوف عندها ..
فهاشم إنسان مرهف يكتب الشعر الجميل ..
ومرزوق فنان مسكون بالإبداع ..
نرجو مزيد من التقييم لهذا العمل ..
محبتي وتقديري ..
|
Post: #10
Title: Re: هاشم أحمد خلف الله يكتب الشعر ويلحنه ..
Author: هند محمد
Date: 06-18-2007, 03:09 PM
الشكر لك أخى معتصم وانت تبرز لنا جانب ابداعى آخر لشاعرنا هاشم
حقيقى آلحان جميلة وكلمات آجمل .. يديك ألف عافية استاذ هاشم ..
آمنياتى بمزيد من الآبداع والدهشة ..مودتى وتقديرى ..
|
Post: #12
Title: Re: هاشم أحمد خلف الله يكتب الشعر ويلحنه ..
Author: سمية الحسن طلحة
Date: 06-18-2007, 07:08 PM
Parent: #10
الأستاذ الرائع كعادته تشير بوصلته جهة الجمال / معتصم دفع الله
الفنان المبدع / مرزوق محمود
أخى الحبيب / هاشم مين بشبهك قمة الروعة والإبدا ع
لكم أطيب المنى .
|
Post: #13
Title: Re: هاشم أحمد خلف الله يكتب الشعر ويلحنه ..
Author: نهال الطيب
Date: 06-18-2007, 07:46 PM
Parent: #12
مرهف المشاعر والكلمات
صاحب المنطمات الجميلة
المرصعة بدرر النضم
هاشم خلف الله نجمة ضواية في سماء الإبداع
معتصم ياربيع
مودتي
|
Post: #46
Title: Re: هاشم أحمد خلف الله يكتب الشعر ويلحنه ..
Author: معتصم دفع الله
Date: 06-27-2007, 09:16 AM
Parent: #10
تحياتي هند وألف مرحب بيك في المنبر اضافة حقيقية ..
معليش الترحيب جاء متأخر شوية ..
هذا مدخل ثاني للتحول من الكتابة لتلحينها وتقديمها للناس كأغنيات نستمتع بها ..
محتاجين لرؤيتكم الفنية ونقدكم للعمل ..
محبتي ..
|
Post: #14
Title: Re: هاشم أحمد خلف الله يكتب الشعر ويلحنه ..
Author: حافظ العشا
Date: 06-18-2007, 11:51 PM
ياهاشم
ده كله كان وين
ياخي انت مافنان
كامل ومتكامل
كنا قايلنو شعر وبس
طلعت ملحن كمان
والله لكن ابداع
شكرا معتصم على
ابراز درر هاشم
الكان داسيها مننا
بعد ده ياهاشم
دربك اخضر
تحياتي
|
Post: #15
Title: Re: هاشم أحمد خلف الله يكتب الشعر ويلحنه ..
Author: غباشي
Date: 06-19-2007, 00:20 AM
هشومي !!
ده شنو البتعمل فيهو ده ؟ كمان جابت ليها بليغ حمدي ؟
دي شنو الوهمات الجديدة ؟ و للا ما جديدة؟
إنت شكلك الحاجات دي كلها مدكنا و قاعد تفكها بالتقسيط مش كدة؟
يعني بعد شوية يمكن نشوف لينا فيديو كليب للسوبر ستار هاشم خلف الله
تسلم يا فنان ... حقيقة انت انسان مشبع بالأحاسيس المرهفة
لقدام و كل مرة أخلعنا بجدعات زي دي
و لو عملت فيها تقيل انا طوالي حأفرِد مرزوق لأنو شكلكم دافننو سوا 
برضو تحية للفنان مرزوق محمود .. و يلا طلعوا المستخبي
تسلم ياخي!
|
Post: #16
Title: Re: هاشم أحمد خلف الله يكتب الشعر ويلحنه ..
Author: HAYDER GASIM
Date: 06-19-2007, 00:37 AM
Parent: #15
هشومي ... ده شنو ده ... وقدر ده ,
إذن ... أضيف نفسي لقائمة { المندهشين } من
هذه التطورات البالغة الجمال , وهي تسعي بين
هاشم الفؤاد الرضي وبين قلمه الليون الوديع ,
وبين أحاسسه وهي تبيض وتفرخ على عشة الفن ومائدة
الشعر ... فيما تستنبط من عالم الإبداع وصلا لطيفا
بالنغم والمزماز والاوتار .
إنت هاشم ... ول واحة
تطيب ...
مع تحياتي للأخ معتصم دفع الله وللفنان مرزوق
وعشتم ... للجمال
مع مودتي
|
Post: #17
Title: Re: هاشم أحمد خلف الله يكتب الشعر ويلحنه ..
Author: خالد المحرب
Date: 06-19-2007, 01:11 AM
Parent: #16
الاخ معتصم هشام ده انا من يوم عرفتو قريتو انو انسان فيه شى سمح
فى الاخير طلع شاعر وملحن ودى من اجمل الحاجات السمحه فى الانسان.
انك تكون من قبيلة الفانيين شاعر رسام ملحن موسيقى وده كلو شى سمح فى
روح سمحه لك الشكر والتقدير انا عندى منافسين والشاعر ممكن يدى كم فنان مااظن فى مشكله فى حاجه زى كده . وتحياتى الى الفنان مرزوق المبدع الفنان.
|
Post: #18
Title: Re: هاشم أحمد خلف الله يكتب الشعر ويلحنه ..
Author: Souad Taj-Elsir
Date: 06-19-2007, 04:27 AM
Parent: #17
هذا رائع جداً دون شك فهاشم قد تألّق شعراً ولحنًا، بعد أن كان قد تألّق نثراً.
التحايا والتقدير لكم جميعاً: هاشم، مرزوق، معتصم.
سعاد
|
Post: #19
Title: Re: هاشم أحمد خلف الله يكتب الشعر ويلحنه ..
Author: تماضر الخنساء حمزه
Date: 06-19-2007, 05:10 AM
ما بعاتبْْك لو جفيتي ..
وإصطفيتي سواي أحبا ..
ما هواك ساكن دواخلي ..
والآلم باقيهو لسا ..
سلامات..
عجبتني القعدة دي ماكان تعزمونا كنا شلنا معاكم
تسلموا كتير هاشم..مرزوق
|
Post: #20
Title: Re: هاشم أحمد خلف الله يكتب الشعر ويلحنه ..
Author: abuguta
Date: 06-19-2007, 05:52 AM
Parent: #19
كلمات الاغانى رائعات ياهاشم
الى الامام
لكن المحيرنى اكثر الباحثان فى الادب والتراث
تمبس
معتصم..كدى فتشو لينا عمة صديق الموج دى
مدفون فيها ابداع
|
Post: #21
Title: Re: هاشم أحمد خلف الله يكتب الشعر ويلحنه ..
Author: حمزاوي
Date: 06-19-2007, 06:04 AM
هاشم اخوي
مسكاقمي
يا للروعة
مرزوق الفنان النوبي يشدو بالعربي
يا هاشم اخوي ما عندك دروس خصوصية لتعليم العربي
عشان التحق انا واخوي الكاشف صديق الموج
|
Post: #22
Title: Re: هاشم أحمد خلف الله يكتب الشعر ويلحنه ..
Author: عماد محمود علي
Date: 06-19-2007, 06:59 AM
Parent: #21
| Quote: عشان التحق انا واخوي الكاشف صديق الموج |
يا خال أن البيقري ( بدرس ) هاشم العربي إنت تعال بس الكاشف ده ما تجيبو معاك ...
|
Post: #23
Title: Re: هاشم أحمد خلف الله يكتب الشعر ويلحنه ..
Author: ابو جهينة
Date: 06-19-2007, 08:23 AM
Parent: #22
معتصم
شكرا على هذا البوست الجميل الذي أثبت لبورداب العالم أن بورداب الرياض خلية من الإبداع.
الأخ هاشم مسكون بالشعر .. و شخص مثله حري به أن تتداعى أركان كلماته لتموسق حروفه.
هنيئاً لنا بهذا المبدع شاعرا و ملحناً و نحن بلا شك موعودون بأعمال جميلة.
التحية للفنان الراقي مرزوق
|
Post: #25
Title: Re: هاشم أحمد خلف الله يكتب الشعر ويلحنه ..
Author: عماد محمود علي
Date: 06-19-2007, 09:47 AM
Parent: #23
يامعتصم عليكم الله الزول ده ما تقعدوا تكبروا ليهو في رأسه كده ، من هسه بقى يجي الدار يقول لنا أنا تعبان وعايز أنوم أها بكره ظااااطو يمكن تاني ما بجينا خالص في الدار ويقول لينا عندي بروفة ولا ( قعده ) ، أها شفت كيف ... تاني عاد كيفن نلاقيهو خاصة وانو عادل جبارة اولاده مسافرين السودان أها أي راسه ينقطع ويلف ذي ود الجمري ...
مـودتـــي ، ، ، ،
|
Post: #26
Title: Re: هاشم أحمد خلف الله يكتب الشعر ويلحنه ..
Author: عماد محمود علي
Date: 06-19-2007, 09:51 AM
Parent: #23
| Quote: الأخ هاشم مسكون بالشعر |
ياريس شعر شنو البسكن في هاشم ده زول مسكون بالجن ، يدق ليك الكرت كده يقول جوكر يطلع جوكرويقده ليك كده يقول نزول يطلع كرت عدم وينزل يقول فتوح يفتح طوااااالي . ها هسه في مكان هنا للشعر . ده شغل جن في سجم
محبــتي ، ، ،،
|
Post: #28
Title: Re: هاشم أحمد خلف الله يكتب الشعر ويلحنه ..
Author: عادل جبارة
Date: 06-19-2007, 11:11 AM
Parent: #26
| Quote: تاني عاد كيفن نلاقيهو خاصة وانو عادل جبارة اولاده مسافرين السودان أها أي راسه ينقطع ويلف ذي ود الجمري ... |
عماد محمود
يعني إصطدت ( عصفورين ) بحجر !!!
|
Post: #29
Title: Re: هاشم أحمد خلف الله يكتب الشعر ويلحنه ..
Author: ismeil abbas
Date: 06-19-2007, 12:19 PM
ألأخ/معتصم
رائع وروعتك فى إنك محب ومحب للخير للجميع هذا ديدنك.
الشاعر الفنان هاشم /والملحن .............لك التحية وجميل جدآ هذا العمل ومزيد من التطريب والتطور.
الفنان مرزوف .صوته نغم ..أجاد وأبدع
تحياتى لكم جميعآ وللباشمهندس بكرى ألذى صار منبره نجوم الأمس واليوم والغد..
إسماعيل محمد أحمد عباس.............................
|
Post: #30
Title: Re: هاشم أحمد خلف الله يكتب الشعر ويلحنه ..
Author: خالدة البدوي
Date: 06-19-2007, 02:01 PM
معتصم ليس غريب
على هاشم الزول الجميل في كل شيء
يحمل في دواخلة كل الجمال ووجدانه
ثر بالروعه ..
وخاصة أنه ينعم بملهمة مثل هويدا
كيف لا نجد منه هذا الزخم من الابداع
الفني والموسيقي الجميل ..
دي عاوزة ليها حفلة عديل كدة اصلنا
في اجازة وعاوزين برامج على قولت
عفاف ابو حريرة ..
يلا يا هاشم نادوا مرزوق وياسر وايهاب
ووليد وكل العقد الفريد ..
إلى الامام هاشم وفي انتظار المذيد من الابداع
أنا حكمت من أول يوم مشششششششششششششش !!
مودتي ،،،
|
Post: #31
Title: Re: هاشم أحمد خلف الله يكتب الشعر ويلحنه ..
Author: ناذر محمد الخليفة
Date: 06-19-2007, 02:08 PM
روعة والله يا هاشم ومرزوق ..
تجربة جميلة جدا وتستحق الإحترام والتعمق فيها ..
اتمنى يتواصل النقاش والتحليل للأغنيتين ديل..
تسلم يا معتصم ..
|
Post: #32
Title: Re: هاشم أحمد خلف الله يكتب الشعر ويلحنه ..
Author: عبدالله داش
Date: 06-19-2007, 04:36 PM
يازول
يا فنان
أولا دعنى أقول ما أحســه
وما أحسســته بصدق
طربان حد هنا...
ومهزوم حد هنا
لأنى ما لقيت رد يجازى
ألحانك دى
هاشــم
موده وإحترام
|
Post: #35
Title: Re: هاشم أحمد خلف الله يكتب الشعر ويلحنه ..
Author: ماجدة عوض خوجلى
Date: 06-20-2007, 09:23 AM
تحياتى اخى معتصم ليك وشكرا كتير على هذا الجمال
اخى العزيز هاشم
انت والله انسان جميل جدا كتر خيرك كتير على كل هذا الجمال الكلو محنه ودفء
وشكرا مرة اخرى لمعتصم ولاخى الصحافة الذى لم يبخل علينا بيلنكات حفظ هذا الجمال
|
Post: #37
Title: Re: هاشم أحمد خلف الله يكتب الشعر ويلحنه ..
Author: عواطف ادريس اسماعيل
Date: 06-20-2007, 11:30 AM
Parent: #35
هشومي !!!
روعة .. مبالغة .. ما عايز ليك بنات يصورون فيديو كليب ؟ عمارة يعقوبيان مليانة بالبنات الحلوات
بس إنت تأمر يا جميل ,, شكرا معتصم على هذا الجمال .
|
Post: #38
Title: Re: هاشم أحمد خلف الله يكتب الشعر ويلحنه ..
Author: وصال عالم
Date: 06-20-2007, 12:08 PM
Parent: #37
بسم الله الرحمن الرحيم
هاشم أحمد خلف الله
الكلمات حكينا عنها وقلنا مبالغة في الروعة طبعاَ .. أماالألحان جميلة .. ولكن مين بشبهك لا يوجد لها شبيه جسدها الفنان محمود مرزوق وأخاله حس كلماتها أكثر من سابقتها ..
تسلم الروعة .. يسلم الذوق السليم
|
Post: #40
Title: Re: هاشم أحمد خلف الله يكتب الشعر ويلحنه ..
Author: عمار عبدالله عبدالرحمن
Date: 06-20-2007, 01:01 PM
Parent: #39
الاستاذ هاشم خلف الله
ما اروعك
فعلا وقفت عند كتابته كثيرا
عوالمه الشعريه مختزن كم من الحنين اتمنى ان يتفجر هنا
يا بخت اهل الرياض بهذا المبدع السميدع
|
Post: #41
Title: Re: هاشم أحمد خلف الله يكتب الشعر ويلحنه ..
Author: أبو الحسين
Date: 06-20-2007, 01:55 PM
Quote: الاخ معتصم هشام ده انا من يوم عرفتو قريتو انو انسان فيه شى سمح فى الاخير طلع شاعر وملحن ودى من اجمل الحاجات السمحه فى الانسان.انك تكون من قبيلة الفانيين شاعر رسام ملحن موسيقى وده كلو شى سمح فى
روح سمحه لك الشكر والتقدير انا عندى منافسين والشاعر ممكن يدى كم فنان مااظن فى مشكله فى حاجه زى كده . وتحياتى الى الفنان مرزوق المبدع الفنان. |
صديقي الجميل أبو أحمد...
يا أخي والله أنا ما عندي إضافة أكتر من كلام المحرب أخوي دا... غير الله يوفقك ويعينك يا اخوي وبداية موفقة لي درجة قِفْ تأمل وأفتح خيشيمك وقَهِّي واستمتع...
لك قواسيب مودتي... وتشكراتي صديقي معتصم...
أبو الحســــــــين...
|
Post: #43
Title: Re: هاشم أحمد خلف الله يكتب الشعر ويلحنه ..
Author: مجدي عبدالرحيم فضل
Date: 06-26-2007, 08:20 AM
Parent: #41
وينك ياموو
وين الملحن ده أول لحنين أختفي داير عدادات والله شنو
حتي جوالوا مقفل.
|
|