غناوى الحسرة والأسف الطويل الشاعر صلاح حاج سعيد

السلام عليكم وصلتني الرساله التاليه بخصوص موضوع الشاعر صلاح حاج سعيد من الاخ العضو معانا أبوبكر عباس

سلام يا شباب،
جئتكم من سبأ بنبأ عظيم؛
عندي صديق ثقة قرأ البوست وأتصل بجمال صلاح حاج سعيد مطمئناً على صحة الشاعر العظيم؛
جمال استغرب من البوست وطلب نبلغكم بأن صحة والده في تحسن شديد وليس لهم رغبة في سفره خارج السودان ولا يحتاجون لمساعدة في الوقت الراهن،
وطلب شكركم على المشاعر الطيبة.
شكراً يا مصطفى على احساسك الجميل
ويا ريت تطلب من بكري سحب البوست حتى لا يتناسل في الوسائط وهو يسبب حرج لأسرة الشاعر العظيم صلاح حاج سعيد
وعليه انا رديت بان العمل كان هدف نبيل انساني مني رغم انني لا اعرف الشاعر ولا مكان السكن ولا موبيل بس قرات الاف البوستات عن مرض الاستاذ صلاح حاج سعيد فقلت وانا سوداني لسه فيني طيبه اهل السودان والمروه بتاعت اهلي وحب شديد لعمل الخير قلت اساعد ولكن الحمدلله طالما الشاعر بخير وماشي كويس في التحسن يبقي اقول للجميع انما ما الاعمال بالنييات ولكل امري مانوي والله يعلم مافي القصد والعتره بتصلح المشي والله ربنا يقدرنا على عمل الخير لكن المره الجايه تب مابعمل شي الا الزول يطلب مني سبحان الله دخلت فى احراج ودحلت الناس فى احراج رغم انو الموضوع عادي انو السوداني يساعد السوداني ولا مش كده اعذروني

وبقيت أغنى عليك ..
غناوى الحسرة والأسف الطويل
وعشان أجيب ليكى الفرح
رضيان مشيت للمستحيل
ومعاكى فى آخر المدى
فتينى يا هجعة مواعيدى القبيل
المسافه ====
لسـّة بيناتنا المسافة .. والعيون ..
واللهفة والخوف .. والسكوت
ورنة الحزن البخافا
تعدّى بى الفرحة ... وتفوت
وأمشى بى الحسرة .. وأموت
الأمانى الفى سفر
قبل الزمن .. كايسة الموانى
يوم تجيبنى عليك .. بصدّق
إنو مرة الحظ طرانى تدينى البشارة
ولاّ بيناتنا المسافة ؟
سطوة محاسنك ===
كان نفسى أقولك من زمان
بى الكاتمو فى سرى .. ومكتـّم فى حشاى
مدسوس سنين
بى الشايلو فى عيني معزّة
وفى القلب
ريداً يخاف الغربة والشوق .. والحنين
الشجن الأليم ===
عارفنى منك
لا المسافة ولا الخيال يشغلنى منك
عارفنى
ببقى بعدك فى الأسى
وتبقى إنت الظالم .. القاسى .. النـِّسى
وغصب عنى أشيل ظنونى
عزة هوانا ===
ياجرح عزة هوانا
الساكنة فى حرف الكتابة
أصلو فى .. زمان الأسى المشدود
.. على وتر الكآبة
فى زمان الحرقة .. والخوف ..والرتابة
إنكتم نبض الأغانى
قلت ليها ====
قلت ليها وإيدى فى إيديها ..
ودمعة حزن سالتْ
عدّى فات
زمن العيون الإلفـة
والحضن الملاذ
ورهـافة الحس البلوّن .
ضحكة الناس العـزاز
بعد الحنان .. الكان زمان
إستوطن المطر .. الحراز




عينيك مدن ====

منسية فى كتب التواريخ والزمن
عينيك وطن
مشدود على وتر التباريح والشجن
مشدود على حروف الكتابة
مكدود عَنا .. ومكتول صبابة
وفيهو حطّ النيل .. سكنْ
عينيك سفر ====
مكتوب أعيش فى غربتو
وأعشق عذابو .. وحُرقَتو
وليلو الطويل
وأتخيـّلك يا حلوة زى نسمة سحر
جيتى ومعاك ..
حلمى المطوِّل منتظر .. وعدو الجميل
عشقك زمان .. جوّاى رحل

كتبت ليك ====
لا بينى بينك ريدة .. لا قصة غرام
إخترت ليك
أجمل حروف .. وأصدق فواصل نادرة
فى لغة الكلام
ما أجمالك ===
ما أجملك يا سطوة الفرح البيغمر قلبي
حين اتاملك
وأتخيلك أنت ومعاي
وجنبك أكون اسعد أكون
ما أجملك في قلبي تديني الأمان
والألفة وإحساس الأمل

ريدي ليك == ==

ريدي ليك الريح بعرفوا
وشافوا لما كتبت حرفو
ولما بان وسط الكتابة
ضم اسمك بي رحابة
ودس جوه عيون سحابة

مع تحياتى - مصطفى نور - مصر -

الف شكر لكل رد

قلت ليها
صلاح حاج سعيد

قلت ليها وإيدى فى إيديها ..
ودمعة حزن سالتْ
جايى منـِّك .. وماشـِّى ليك
يا مداين غربة طالت
ولو مدارات نجمى ضلـّتْ
سكة السفر إستحالت
كونى فى دربى الحقيقة
اللَّيها ديمة مشاعرى مالتْ
قلت ليها ... وكنت راجع لى عينيها
من أسى الزمن البسافر .. فى المشاوير العصيبة
من متاهات الأماسى
الفى مداها .. الحزن مضناها .. وحبيبا
بينى لا بينك .. مزار
لا محطات إنتظار
ولا مواعيدك قريبة
إنتى يا الفرح الحقيقة .. المستحيل
هدْهِدى الصبر الجميل
وأمسحى الحزن المخيِّم .. فى مدارات الرحيل

قلت ليها
الحقيقة الضايعة بين قلبى .. وعيونك
إنى لا قادر أفوتك .. لا أجيك
وإنِّى ما عارف بدونك
ألقى كلمة حب .. تزف البشرى فى ساعة مجيك
إنتى عارفة .. وقلت ليك
يانى أكتر زول بريدك
يا نى صفوة عاشقيك
يا نى أكتر زول بريدك
ولسـّة بى حبك .. متيَّم .. ومبتلِى
إلاّ ريدك .. زادنى حيرة .. على العـَلىْ
لا مراكب القدرة ختـّنْ قلبى عندِك
وإنتى لا قلبِك نسانى
.. ولا عَلىْ ..

الأخ مصطفي
بادرة جميلة
واضم صوتي لصوتك
التحية لصلاح حاج سعيد
لاتنسي انه أعطانا حزمة فرح
يجيك راجع ....ونواصل

الأخ مصطفي
لك التقدير
ارجو من الإخوة بالداخل
التحرك قبل الأسف الطويل
وافادتنا وايد على ايد

النذير بيرو الف تحيه لك اخي الغالي اسال الله ان يمتعك بالصحه

بدر الدين الأمير اخي الغالي الف شكر ليك يادخري الحوبه انت ومن معك من الاخوه الاعضاء يامن تشكلوا العقد الفريد المنظوم فى هذا الصرح الجميل

كان نفسي أقول
كلمات الشاعر صلاح حاج سعيد



كان نفسي أقول لك ضمني، يا حب عمري وحشتني
وأقول أقرب ألاقي شيء، عنك بعيد، بيشدني
كلمة بحبك شلتها، ليوم ما تيجي و وقتها
نويت أقولها، وجيت أقول لقيتني خايف منها
كلمة بحبك شلتها، ليوم ما تيجي و وقتها
نويت أقولها، وجيت أقول لقيتني خايف منها
صعبت الكلمة على لساني
مش قادر أقولها لك ثاني
مع إني حاولت لكن عيني
ودموعي في بعدك حيشاني
سيب الأيام هترجعنا، وتخفف نارنا وأوجعنا
ده الباقي ما بينا يودعنا، وهنساك وتحاول تنساني
من جرحك ومن اللي أنا شفته
وعذاب البعد اللي أنا عشته
والشوق اللي سهر لك ياما، بقى خايف قلبي يجيب سيرته
أنا عايز أفتح لك حضني، وأنده لك من الأحزان خذني
وبحاول لكن مش عارف، والخوف جوايا
الخوف جوايا مقيدني
أنا عايز أفتح لك حضني، وأنده لك من الأحزان خذني
وبحاول لكن مش عارف، والخوف جوايا
الخوف جوايا مقيدني
صعبت الكلمة على لساني
مش قادر أقولها لك ثاني
مع إني حاولت لكن عيني
ودموعي في بعدك حيشاني
سيب الأيام هترجعنا، وتخفف نارنا وأوجعنا
ده الباقي ما بينا يودعنا، هنساك وتحاول تنساني

الحزن النبيل
كلمات صلاح حاج سعيد

وبقيت أغنى عليك ..
غناوى الحسرة والأسف الطويل
وعشان أجيب ليكى الفرح
رضيان مشيت للمستحيل
ومعاكى فى آخر المدى
فتينى يا هجعة مواعيدى القبيل
بعتينى لى حضن الأسى
وسبتينى لى الحزن النبيل
ومشيت معاك
كل الخطاوى الممكنة
وبقدر عليها .. وبعرفا
أوفيت وما قصـّرت فى حقك
ولا كان عرفة غيرك .. أصادفا
وقدر هواكى يجيبنى ليك
جمـّع قلوبنا .. وولـّفا
وكتين بقيتى معايا .. فى أعماقى
فى أعماق مشاعرى المرهفة
لا منـّك إبتدت الظروف
ولا بيكى أنتهت الأمانى المترفة
ندمان أنا ؟
أبداً وحاتك .. عمرى ما شلت الندم
ما أصلوا حال الدنيا .. تسرق منية
فى لحظة عشم
ندمان أنا؟
وأنا عندى ليك كان الفرح
رغم إحتمالى أساكى يا جرح الألم
وكان خوفى منك
جايى من لهفة خطاك على المواعيد .. الوهم
ندمان أنا؟
أبداً وحاتك .. عمرى ما شلت الندم
أهو نحن فى الآخر .. سوا
باعنا الهوى
وماشين على سكة .. عدم

الحزن النبيل

وبقيت أغنى عليك ..
غناوى الحسرة والأسف الطويل
وعشان أجيب ليكى الفرح
رضيان مشيت للمستحيل
ومعاكى فى آخر المدى
فتينى يا هجعة مواعيدى القبيل
بعتينى لى حضن الأسى
وسبتينى لى الحزن النبيل
ومشيت معاك
كل الخطاوى الممكنة
وبقدر عليها .. وبعرفا
أوفيت وما قصـّرت فى حقك
ولا كان عرفة غيرك .. أصادفا
وقدر هواكى يجيبنى ليك
جمـّع قلوبنا .. وولـّفا
وكتين بقيتى معايا .. فى أعماقى
فى أعماق مشاعرى المرهفة
لا منـّك إبتدت الظروف
ولا بيكى أنتهت الأمانى المترفة
ندمان أنا ؟
أبداً وحاتك .. عمرى ما شلت الندم
ما أصلوا حال الدنيا .. تسرق منية
فى لحظة عشم
ندمان أنا؟
وأنا عندى ليك كان الفرح
رغم إحتمالى أساكى يا جرح الألم
وكان خوفى منك
جايى من لهفة خطاك على المواعيد .. الوهم
ندمان أنا؟
أبداً وحاتك .. عمرى ما شلت الندم
أهو نحن فى الآخر .. سوا
باعنا الهوى
وماشين على سكة .. عدم

شكراً يا مصطفى على هذه الهمّة،
وأكيد كلنا حاضرين لتقديم رد جميل للجميل صلاح

وأنا حالى فى بعدك .. كفى
وأنا حالى من بعدك كفاهو ..
المغنى والحب .. والشجن
والوحشة والشوق للوطن
ما العمر قبلك ضاع سدىً
والعمر بعدك أيه يكون
لو يبقى بى حساب الزمن

...
الجميل المرهف صلاح... لا يحتاج إنقاذ...نحن من نحتاج انقاذ...هذا الوطن الحزين الاسيف الكسير والدولة السودانية الفاشلة التي لا ترد الجميل ولا تحفظ كرامة مبدعيها...نحن وهى من نحتاج انقاذ
كم من مبدعينا مضوا من دنيانا بالحسرة والحزن النبيل؟

متى نصحو من هذه الغيبوبة...اما تراها غيبوبة الموت

.

يا بدر، ما في امكانية يدخل قطر للعلاج؟

كل الشكر لكل الاخوه من قاموا بالرد

الشاعر صلاح حاج سعيد
رغم المسافة ... ارجاهو في نفس الميعااد..!!

الشاعر العملاق صلاح حاج سعيد ، عرفه اكثر الناس من خلال الثنائية الرائعة مع الراحل مصطفى سيد أحمد ، والتي بدأت بأغنية الشجن الأليم ، التي لحنها الموسيقار محمد سراج الدين . وكان وقتها الراحل مصطفى سيد احمد بمعهد
تدريب المعلمين ، ويشترك الراحل مصطفى بهذه الاغنية فى مهرجان الثقافة وقتها .
لتستمر مسيرته مع الراحل مصطفى سيد احمد بعد ذلك وتخرج الكثير من الاعمال الجميلة والتي كلها كانت تمتاز بمفردة وكلماات متفردة . وشكلت نقطة انطلاق حقيقي إلى مستوى فني اكثر تجديدا .
الشئ الذى لا يعرفه الكثيرين عن هذا الشااعر ، إنه تعامل مع عدد كبير من الفنانين فى بداياته الشعرية .. حيث كانت اول اعماله الشعرية والتب خرجت به كشاعر غنائي من نصيب الفنان محمد ميرغنى . وهي اغنية كفاية الوحدة والتي لحنها الملحن حسن بابكر :
كفاية الوحدة ما بقدر
طريقك تاني امشيهو
و اصلو العمر كم مرة
عشان نهدر امانيهو

بعدها ايضا كانت الأغنية المشهورة :
نور بيتنا .. شارع بيتنا
يوم ما جيتنا

و هي الأغنية التي لحنها الموسيقار بشير عباس لتصير اغنية على لسان الجميع حتى الآن.
كتب ايضا للفنان عثمان مصطفى اغنية :
صدقنى دا البتمنا
كان بيناتنا يحصل من زمان
يا القلبي بيك عرف الهنا
و خصيتو باصدق حناان

و ايضا قدم للفنان عثمان مصطفى اغنية نحن البينا ما ساهل :
نحن البينا ما ساهل
و لا البينا عرفة يوم
و ليه داير نعيش فى عتاب
و نحن علينا يبقى اللوم

تعامل الشاعر الاستثنائي العملاق صلاح حاج سعيد مع الفنان المرهف الطيب عبد الله ، حيث كانت اغنية يخلق من الشبه اربعين ، والتي صارت من الاغنيات التى يرددها الكثيرون
فى وقت ظهورها ، بل و لا تزال اغنية خالد في وجدان الجميع :
لقيتو واقف منتظر
تشتاق عيونى لطلعتو
نفس الملامح و الشبه
المشية زاتا وقدلتو
اللفتة والتوب والقوام
اوصاف حبيبي وروعتو
تاريهو يا قلبي الحنين
راجينا بشوق السنين
يا ربى واقف من متين ..؟؟
لكنو آآه يخلق من الشبه اربعين

وهناك في المقابل يرقد المترف صلاح حاج سعيد مريضا دون سؤال .

المسافة ....
كلمات صلاح حاج سعيد

لسة بيناتنا المسافة والعيون
واللهفة والخوف والسكون
ورنة الحزن البخافها
تعدي بالفرحة وتفوت
وأبكي بالحسرة وأموت
الأماني الفي السفر
قبل الزمن كايسة المواني
يوم تجيبني عليك بصدق
إنو مرة الحظ طراني
واحتواني معاك شجن
عذبني قبلك ولسه منك جاي تاني
تمشي وين الخطوة عنك
ما الزمن بالحب بلاك وابتلاني
لعيونك يا مدائن الفرحة والحب والجسارة
عندي ليك مليون بشارة
ألف خير والكلمة شارة
وأنت لما الحب يهوم في عيوني
وفي عيونك يبقي حائر بالأمارة
الفرح منك يجيني
ويعتريني الخوف عليك
خطوة منك .. خطوة ليك
راجي منك بس إشارة
كلمة تديني البشارة
والا بيناتنا المسافة

سلام يا شباب،
جئتكم من سبأ بنبأ عظيم؛
عندي صديق ثقة قرأ البوست وأتصل بجمال صلاح حاج سعيد مطمئناً على صحة الشاعر العظيم؛
جمال استغرب من البوست وطلب نبلغكم بأن صحة والده في تحسن شديد وليس لهم رغبة في سفره خارج السودان ولا يحتاجون لمساعدة في الوقت الراهن،
وطلب شكركم على المشاعر الطيبة.
شكراً يا مصطفى على احساسك الجميل
ويا ريت تطلب من بكري سحب البوست حتى لا يتناسل في الوسائط وهو يسبب حرج لأسرة الشاعر العظيم صلاح حاج سعيد

أبوبكر عباس
اخي الغالي الف شكرلك علي التوضيح الكافي والله العظيم كان البوست من منطلق المرؤه والشهامه السودانيه فقط وان شخصييا قرات في كثير من المواقع عن مرض الاستاذ الشاعر صلاح حاج سعيد وقلت لابد من المساعده رغم انني لا اعرف الشاعر معرفه شخصيه ولا اعرف له اي عنوان ولا اى معلومه عن مكان السكن وولا اين هو الان والدليل هو انني بقول لي بودراب الخرطوم ابحثوا لنا عن العنوان ووالموبيل وعليه فقط كنت اعمل من اجل المساعده الحمدلله انو الشاعر في تحسن وانو مافي حوجه للمساعده طبعا كما ذكرت من تلقاء نفسي وعندما قرات خبر مرض الاستاذ صلاح حاج سعيد فكرت فى عمل شي يساعد والله يعلم ماوراء القصد
مع تحياتي وشكري لكل من ابدا الشعور الطيب في المساعده ودي المحريه فيكم الف شكر

شكراً يا مصطفى على المشاعر النبيلة