من هــــو بكـــري ابوبكــــــــر؟؟؟

الاخوة الاعزاء لا يشك احداً من ان سودانيز أون لاين منارة ٌ من المنارات التى ساهمت في عكس وجهات النظر الفكرية و المختلفة و المتباينة لكل ااطياف المجتمع السوداني وصار الموقع يتربع على عرش وقمة المواقع السودانية وفاقت شهرته انحاء الدنيا واصبح الانضمام له شرف كبير لكل بوردرابي

انا في هذا الموقع من العام 2002 . وتعرفت على اصدقاء اتشرف بهم ولاكن للاسف معلوماتي قليلة جدا عن الاخ /(بكري ابوبكر) سيد الحوش ولاحظت انه مروره على البوستات قليل جدا ونادر وكل ما اعرفه عنه انه مهندس سوداني مقيم بامريكيا فهل تكرم الاخ بكري او اي احد نيابة عنه بتعريفنا من يكون بكري وقصة هذا الموقع وكيف جاءت الفكره حتى وصل الي ما وصل اليه .




قرصة صغيرة *
ما عارف ليه كل ما اشوف صورة بكري بتزكر الزعيم رقم صفر الزعيم الذي لا يعرف حقيقته احد

Quote: من هــــو بكـــري ابوبكــــــــر؟؟؟

رجل من غمار الناس.

Quote: رجل من غمار الناس.

يا حسين اخوي

زكرتني اسئلة اجب بلا او نعم

خريج جامعة الخرطوم زمن الجامعة كانت جامعة
من اهلناالبنفخر بيهم في الحلفاية
خلاص كفاك

Quote: خريج جامعة الخرطوم زمن الجامعة كانت جامعة من اهلناالبنفخر بيهم في الحلفاية خلاص كفاك

اخوي فيصل

اكيد بنفتخر بيهم وعشان كده عاوزين نعرف اكتر

خريج جامعة الخرطوم زمن الجامعة كانت جامعة
من اهلناالبنفخر بيهم في الحلفاية
خلاص كفاك

بكري أبو بكر
عرفته معرفة طفيفة عندما تم نقل جامعة جوبا إلى الخرطوم
ولما كنا ندرس الجيولوجيا في كلية الموارد بجامعة جوبا فقد تم انضمامنا لقسم الجيولوجيا بكلية العلوم جامعة الخرطوم لندرس بقاعات ذلك القسم وعلى أيدي دكاترة مكرمين منه د. أحمد سليمان وفاروق محمد آدم وعبد الله جمعة فروة ونبيل برازي وبدر الدين خليل وعمر أحمد وسعد الدين حمد وغيرهم.
وكان بكري طالبا بذلك القسم في الدفعة التي تسبقنا مباشرة
فهو إذن خريج كلية العلوم جامعة الخرطوم (تخصص جيولوجيا) في العام 1990 على وجه التقريب، ويبدو أنه هاجر إلى أمريكا في تسعينيات القرن الماضي .

أرجومثلك أخي خالد أن نعرف أكثر عنه فهل غير تخصصه إلى تقنية المعلومات أو أي تخصص آخر في الحاسب الآلي بعد هجرته إلى أمريكا ... فهو تجربة جديرة بالدراسة والاحترام وستكون حتما مفيدة لكل الطموحين من شبابنا اليوم.

Quote: رجل من غمار الناس.

ــــــــــــــــــــــــــ
وغَمْرةُ الناس والماء وغَمْرُهم وغُمارُهم وغِمارهم: جماعتهم ولَفيفُهم وزحمتهم.
ودخلت في غُمارِ الناس وغَمارِهم، يضم ويفتح، وخُمارِهم وخَمارِهم وغَمَرِهم وخَمَرِهم أَي في زحمتهم وكثرتهم.
الرابطhttp://www.baheth.info/all.jsp?term=غمار

هو رجل تعود على ان يرد على كل سؤال أو ملاحظة او استفسار أو طلب بكلمة واحدة هي
DONE

Quote: هو رجل تعود على ان يرد على كل سؤال أو ملاحظة او استفسار أو طلب بكلمة واحدة هي DONE

فتحي
تحياتي

فيك الخير

Quote: اهو الناطق الرسمي بي اسم بكري جاك

Quote: اهو الناطق الرسمي بي اسم بكري جاك

الاستاذ/ عوض
فيك الخير يازول

Quote: قرصة صغيرة * ما عارف ليه كل ما اشوف صورة بكري بتزكر الزعيم رقم صفر الزعيم الذي لا يعرف حقيقته احد

لوووووووووووول حلوة منك .... دى مش قرصة صغيرة دى طرفة كبيرة ...

وواعتقد بعد قرصتك دى ستزال كل الغياهب الصفرية عن سيد الحوش...وسيتناوله الجميع بادق التفاصيل طبعا بعد اذن بكرى ابو بكر
اعتقد ان هذا البوست سيكون من اجمل البوستات حاليا لانه مادته وموضوعه بتمس السيادة البوردية

مع فائق التحية

زول ليهو قيمة

Quote: زول ليهو قيمة

المحترم / حيدر
زول ليه قيمة يسعد الناس بي وجوده
طيب ياريت نشوفه هنا

Quote: انا في هذا الموقع من العام 2002

هسي إنت يا خالد العطا عضو من سنة ألفين وإتنين زي ما ذكرت ( يعني ما عضو جديد)
ما إتذكرت تسأل عن من هــــو بكـــري أبوبكــــــــر؟؟؟ إلا الليلة .. !! مش حاجة غريبة ؟؟؟

بس زي زول يكون رئيسو البشير عشرين سنة .. فجاءة كدا يجي يسأل من هو عمر البشير؟؟؟

Quote: قرصة صغيرة * ما عارف ليه كل ما اشوف صورة بكري بتزكر الزعيم رقم صفر الزعيم الذي لا يعرف حقيقته احد

خليك على كدا .. أحسن




ويبقى الود


.

هدير الزين
تحياتي ومشكور لي مرورك

Quote: هسي إنت يا خالد العطا عضو من سنة ألفين وإتنين زي ما ذكرت ( يعني ما عضو جديد) ما إتذكرت تسأل عن من هــــو بكـــري أبوبكــــــــر؟؟؟ إلا الليلة .. !! مش حاجة غريبة ؟؟؟

عملت بوست قبل كده وطلبت لقاء مع بكري عديل كده بس والله تصدقي ما لقيته

Quote: بس زي زول يكون رئيسو البشير عشرين سنة .. فجاءة كدا يجي يسأل من هو عمر البشير؟؟؟

من غير تعليق

Quote: من هــــو بكـــري ابوبكــــــــر؟؟؟

هو : ابصلعة , سيد اللبن , سواق الدفار , ود حبيب , وهو صاحب المقولة الشهيرة "اخي العزيز فلان حانت ساعة رحولك من هنا" والمقولة الاشهر "رودا مردا هي رودا مردا"
زول عادي ممكن يكون اخوك ود عمك ود حلتكم ود جيرانكم راجل بت خالكم اخو مراة صحبك , ما بتتذكره الا لما تلقاهو , ما عنده علاقة بالكتابة يعني ما بيعرف يكتب , حضرت له لقائين
تلفزيونيين شككت في اولهما في شجاعته الادبية وفي الثاني تيقنت , ضرب لي مرة تلفون و لما كان في السودان وتاني شبكني ليك مسكولات لمن قربت اقفل جوالي
في مرة غبت لي كم شهر من البورد فتح لي بوست بي نفسه سماه (مرحبا بروح البورد اساسي) وعلقه ليك عنوان رئيسي فوووق (ريحني ليك في حناني وكبر لي راسي )
ما حصل اداني انذار ولا وقفني زي ناس تمبس وحميضة وود البشري ووهبة ودكين الناس الوهم ديل كل يومين موقفنهم لسؤ السلوك المنبري

ــــــــــ
النصيحة دكين وقفه عادل عبد العاطي لكن دواعي الوهم استدركت ادراجه و متلازمة وهبة كذلك

والله يا خالد دي قلبت فيها الهوبة


ناس مكة كده والله بلاش

بكري ود حلفايا الملوك سليل المكوك

ستعرف عنه اشياء كثيرة واسرارا مثيرة


بس مع زحمة الحج دي اوع تذوق وتفك بوستك عكس الهوا

Quote: والله يا خالد دي قلبت فيها الهوبة ناس مكة كده والله بلاش بكري ود حلفايا الملوك سليل المكوك ستعرف عنه اشياء كثيرة واسرارا مثيرة بس مع زحمة الحج دي اوع تذوق وتفك بوستك عكس الهوا[/QUOTE جاري الغالي السيدح والله بيني وبينك ده الخايف منه ذاته

---

Post: #16 Title: Re: من هــــو بكـــري ابوبكــــــــر؟؟؟ Author: ALazhary2 Date: 10-29-2009, 04:00 PM Parent: #14 . . تحية وتقدير . .

---

Post: #18 Title: Re: من هــــو بكـــري ابوبكــــــــر؟؟؟ Author: الشفيع وراق عبد الرحمن Date: 10-29-2009, 04:34 PM Parent: #16 يا جماعة خالد ده عايز يسأل بي صراحة كدة "بكري ده مويتو شنو يعني ميولو السياسية وكده لو ما الآن على الاقل أيام الجامعة ، كان بيصوت لي ياتو لائحة والله ما كده يا خالد؟ أظنه خريج هندسة وليست كلية العلوم، غايتو في زمنا(الثمانينات) على ما أذكر الجيولوجيا تدرس في الهندسة

---

Post: #45 Title: Re: من هــــو بكـــري ابوبكــــــــر؟؟؟ Author: خالد العطا Date: 10-29-2009, 07:22 PM Parent: #18 Quote: يا جماعة خالد ده عايز يسأل بي صراحة كدة "بكري ده مويتو شنو يعني ميولو السياسية وكده لو ما الآن على الاقل أيام الجامعة ، كان بيصوت لي ياتو لائحة والله ما كده يا خالد؟ أظنه خريج هندسة وليست كلية العلوم، غايتو في زمنا(الثمانينات) على ما أذكر الجيولوجيا تدرس في الهندسة المحترم الشفيع يازول معقول انا اكون بالذكاء ده يا زول قول كلامي تاني ايه رايك انا افشل زول في السياسة في المنبر ده

---

Post: #19 Title: Re: من هــــو بكـــري ابوبكــــــــر؟؟؟ Author: باسط المكي Date: 10-29-2009, 04:36 PM Parent: #16 بكري ابوبكر ودبلد ..وظاهرة مابتكرر احيييييييييييييييييه

---

Post: #20 Title: Re: من هــــو بكـــري ابوبكــــــــر؟؟؟ Author: MOHAMMED ELSHEIKH Date: 10-29-2009, 04:52 PM Parent: #19 Quote: أظنه خريج هندسة وليست كلية العلوم، غايتو في زمنا(الثمانينات) على ما أذكر الجيولوجيا تدرس في الهندسة يا الشفيع جانا الخرف كمان. متين الجيلوجيا كانت تابعة للهندسة من زمان الدالي في السبعينات كانت معروفة تابعة للعلوم. كسرة: أخبارك مقطوعة يا وراق وطولت من المنبر بكري برضو من أولاد حلفاية الملوك

---

Post: #21 Title: Re: من هــــو بكـــري ابوبكــــــــر؟؟؟ Author: mayada kamal Date: 10-29-2009, 04:54 PM Parent: #19 Quote: سيد الحوش ولاحظت انه مروره على البوستات قليل جدا ونادر دي على حسب الزول... يعني لا يعقل انو كل الناس واحد عند بكري وللأمانة انا سالت نفسي كم مرة هل من الجائز انو بكري بكون بشارك وبكتب باسم حركي يعني معقولة يعمل حوشه الفسييييييح دا ويقعد يعاين للناس بس ** تخريمة مرات مرات كدا بكري دا غيااااااااظ بس غصبن عننا بنريده ونحبه

---

Post: #22 Title: Re: من هــــو بكـــري ابوبكــــــــر؟؟؟ Author: ابو جهينة Date: 10-29-2009, 05:05 PM Parent: #21 أخي خالد تحياتي و سلامي القائمون على ( موسوعة غينيس ) لو عرفوا تركيبة أهل السودان ثم واظبوا على تصفح هذا الحوش و ما يجري فيه و ما يكتب فيه و ما فعله هذا المنبر بالسودانيين في المنافي و في الداخل : إذن لافردوا للمهندس بكري بكري صفحة جديدة إسمها : الرقم القياسي في جمْع الشتات الثابت دون تحطيم .. و كان بكري بالطبع سيتصدر هذه الفهرسة دون منازع لفترة طويلة .. و طويلة جداً .. متربعا على سدتها بكل أريحية و دون من أو أذى .. فله التحية و للسودان السؤدد

---

Post: #48 Title: Re: من هــــو بكـــري ابوبكــــــــر؟؟؟ Author: خالد العطا Date: 10-29-2009, 07:28 PM Parent: #22 Quote: فله التحية و للسودان السؤدد المحترم ابوجهينة لك التحية

---

Post: #23 Title: Re: من هــــو بكـــري ابوبكــــــــر؟؟؟ Author: معاوية عوض الكريم Date: 10-29-2009, 05:07 PM Parent: #21 عايزين رأى مخالف مستحيل كل الناس تكون متفقة ملاوزين .. صاح ؟ _____________________________ عندي سؤال صغير كده : هل لبكرى جهاز امن مصغر في هذا المنبر يرصد كل كبيرة وصغيرة ؟

---

Post: #24 Title: Re: من هــــو بكـــري ابوبكــــــــر؟؟؟ Author: الشفيع وراق عبد الرحمن Date: 10-29-2009, 05:27 PM Parent: #23 معاوية لا يحتاج لجهاز أمن تكفيهو الـCookies must be enable to login وبيها بعرف كل حركة ونفس في المنبر وينك يا ود الشيخ أكيد بكون ده بداية الزهايمر _______________________________________________________________________ كسرة الله يستر ان شاء الله تكون جات سليمة

---

Post: #26 Title: Re: من هــــو بكـــري ابوبكــــــــر؟؟؟ Author: haroon diyab Date: 10-29-2009, 05:35 PM Parent: #24 صحبي عدييييييييييل كده ومابرفض لي طلب و يمين بريدو لله في لله ماعارف ليه . خالد سلامات ياابن البورت الوفي

---

Post: #51 Title: Re: من هــــو بكـــري ابوبكــــــــر؟؟؟ Author: خالد العطا Date: 10-29-2009, 07:32 PM Parent: #26 Quote: صحبي عدييييييييييل كده ومابرفض لي طلب و يمين بريدو لله في لله ماعارف ليه . خالد سلامات ياابن البورت الوفي هارون دياب تحياتي ليك ولي ناس الدوحة طالما صاحب صاحبك يبقى صاحبك العوجة ما بتجينا

---

Post: #25 Title: Re: من هــــو بكـــري ابوبكــــــــر؟؟؟ Author: baha eassa Date: 10-29-2009, 05:31 PM Parent: #23 ريسنا .. واشهر واحد في المنبر دة ..

---

Post: #27 Title: Re: من هــــو بكـــري ابوبكــــــــر؟؟؟ Author: حمور زيادة Date: 10-29-2009, 05:51 PM Parent: #25 بوست غريب جدا و غير مفهوم ... !!!!! الزميل يقول انه عضو منذ 2002 و يسأل اليوم من ان بكري لا يكتب. الغريب أن بكري كان يكتب. سواء نقولات و مداخلات و مواضيع. ألم يطالع الزميل مكتبة بكري بالمنبر من قبل ؟ <a href="http://www.sudaneseonline.com/cgi-bin/sdb/2bb.cgi?seq=board&board=14&days=&page=1&pb=" target="_blank">http://www.sudaneseonline.com/cgi-bin/sdb/2bb.cgi?seq=b...=14&days=&page=1&pb= و ان كان السؤال على المستوى الشخصي فإن ما جعله يلتقي ببورداب كثر جعل أيضا بورداب كثر يلتقون ببكري. فهل الزميل منذ 2002 لا التقى بكري ابو بكر و لا التقى صديقا له لقي بكري ليحدثه عنه فيسأل في البورد ؟ ثم كيف يسأل من سودانيز اون لاين و هو عضو شبه مؤسس .. ان اعضاء 2002 لهم منزلة و سابقة في هذا البورد تدمي قلوب امثالي من المحدثين. السؤال الأولى هو لماذا انضم الزميل لسودانيز اون لاين عام 2002 و هو لا يعرف عنه شئ و لا يعرف فكرته. ثم يتبع السؤال المنطقي عن ما جعله يلوك الصبر منذ 2002 حتى 2009 ليسأل فجأة عن قصة هذا الموقع وكيف جاءت الفكره حتى وصل الي ما وصل اليه. هذا سؤال كان ينبغي أن يطرح في 2003 او 2004. أو يطرحه اليوم من لم يسمع بالمنبر إلا الشهر الماضي. أما أن يسأله عضو قديم فهو سؤال حقا غير مفهوم. ــــــــــــــــــــــ هل أرى شجرا يسير ؟

---

Post: #28 Title: Re: من هــــو بكـــري ابوبكــــــــر؟؟؟ Author: الشفيع وراق عبد الرحمن Date: 10-29-2009, 06:07 PM Parent: #27 الأستاذ/حمور طول بالك على الراجل شوية أنت أدرى مننا بأن كل ما يطرح في المنبر لا يؤخذ بصورة جادة ثم أليس من الممكن أن يكون على وزن "هذا جبريل أتاكم ليعلمكم دينكم"؟ أنا شخصياً جديد في المنبر ولا أعرف عن بكري الكثير ولي حب استطلاع في المعرفة تحياتي وتقديري

---

Post: #29 Title: Re: من هــــو بكـــري ابوبكــــــــر؟؟؟ Author: حمور زيادة Date: 10-29-2009, 06:44 PM Parent: #28 تحياتي استاذ الشفيع .. Quote: أنت أدرى مننا بأن كل ما يطرح في المنبر لا يؤخذ بصورة جادة لو بقى بوست ما جادي حتكون مشكلة كبيرة لي .. لأني ما حسيت انو ما جادي فحيكون حس الدعابة عندي محتاج مراجعة. لكني اعتبرتو بوست غريب و غير مفهوم. بالنسبة لجبريل يعلمنا ديننا فاخونا خالد قال : Quote: لاكن للاسف معلوماتي قليلة جدا عن الاخ /(بكري ابوبكر) سيد الحوش ولاحظت انه مروره على البوستات قليل جدا ونادر وكل ما اعرفه عنه انه مهندس سوداني مقيم بامريكيا معلوماتو قليلة عن بكري .. و ده غريب لاحظ مرورو قليل .. وده ما جديد كل ما يعرفو انو مهندس سوداني مقيم في امريكا ..و ده ما مفهوم .. عاوز يعرف شنو اكتر وليه ؟ جبريل عليه السلام ما جا قال ما عارف حاجه عن الدين و إلا لكان كذب. عليك الله يا اخونا خالد تعال اشرح لينا البوست ده.

---

Post: #55 Title: Re: من هــــو بكـــري ابوبكــــــــر؟؟؟ Author: خالد العطا Date: 10-29-2009, 07:52 PM Parent: #29 Quote: لو بقى بوست ما جادي حتكون مشكلة كبيرة لي .. لأني ما حسيت انو ما جادي فحيكون حس الدعابة عندي محتاج مراجعة. لكني اعتبرتو بوست غريب و غير مفهوم. لو كان ما جادي البوست ليه رديت فيه ردود جادة انا جادي في معرفة قصة نجاح انسان اسمه بكري وموقع ناحج بالتاكيد

---

Post: #30 Title: Re: من هــــو بكـــري ابوبكــــــــر؟؟؟ Author: Magdi Ahmed Elsheikh Date: 10-29-2009, 06:44 PM Parent: #28 حيرتنا معاك ..!! ارشو والا اخلي!!!

---

Post: #31 Title: Re: من هــــو بكـــري ابوبكــــــــر؟؟؟ Author: الشفيع وراق عبد الرحمن Date: 10-29-2009, 06:54 PM Parent: #30 مجدي يا أخوي ما دام الله جابك هنا ، عندي سؤال ليك من زمااااان الصورة المعلقة في بروفايلك دي موش صورة بكري ولا ده شبه ساي؟ انا جادي والله

---

Post: #39 Title: Re: من هــــو بكـــري ابوبكــــــــر؟؟؟ Author: Magdi Ahmed Elsheikh Date: 10-29-2009, 07:12 PM Parent: #31 Quote: الصورة المعلقة في بروفايلك دي موش صورة بكري ولا ده شبه ساي؟ يخلق من الشبه اربعين ..!!

---

Post: #50 Title: Re: من هــــو بكـــري ابوبكــــــــر؟؟؟ Author: خالد العطا Date: 10-29-2009, 07:31 PM Parent: #31 Quote: مجدي يا أخوي ما دام الله جابك هنا ، عندي سؤال ليك من زمااااان الصورة المعلقة في بروفايلك دي موش صورة بكري ولا ده شبه ساي؟ انا جادي والله الشفيع اخوي نفس الشعور تخيل انا بعد مرات كنت قايله بكري ذاته

---

Post: #53 Title: Re: من هــــو بكـــري ابوبكــــــــر؟؟؟ Author: خالد العطا Date: 10-29-2009, 07:34 PM Parent: #30 Quote: حيرتنا معاك ..!! ارشو والا اخلي!!! العزيز / مجدي شكرا للمشاركة والصور

---

Post: #54 Title: Re: من هــــو بكـــري ابوبكــــــــر؟؟؟ Author: خالد العطا Date: 10-29-2009, 07:43 PM Parent: #27 Quote: لزميل يقول انه عضو منذ 2002 و يسأل اليوم من ان بكري لا يكتب. الغريب أن بكري كان يكتب. سواء نقولات و مداخلات و مواضيع. ألم يطالع الزميل مكتبة بكري بالمنبر من قبل ؟ يا حبيبنا الصحفي بكرى بيكتب نعم وانت بتكتب هل بكرى يوم كتب عن نفسه ولو كتب بكرى هل تطالع انت كله ما يكتب في البورد اشك في ذلك ده المنطق الغريب ايه رايك انه كتبت بوست قبل كده طلب عمل لقاء مع بكري يجاوب فيه على اسئلة الزملاء والزميلات واظنه رفض الفكره Quote: و ان كان السؤال على المستوى الشخصي فإن ما جعله يلتقي ببورداب كثر جعل أيضا بورداب كثر يلتقون ببكري. فهل الزميل منذ 2002 لا التقى بكري ابو بكر و لا التقى صديقا له لقي بكري ليحدثه عنه فيسأل في البورد ؟ يا حبيبنا انا لم اطلب معلومات شخصية عن بكري انا فقط قصدي شخصية بهذا النجاح المفروض الناس تعرف عنهم اكتر التقيت بي اصدقاء كثر من المنبر وسمعت عنه كثيرا المانع شنو اعرف اكتر

---

Post: #56 Title: Re: من هــــو بكـــري ابوبكــــــــر؟؟؟ Author: Magdi Ahmed Elsheikh Date: 10-29-2009, 07:54 PM Parent: #54 لاقيت ليكم بكري ابو بكر ... !!!

---

Post: #52 Title: Re: من هــــو بكـــري ابوبكــــــــر؟؟؟ Author: خالد العطا Date: 10-29-2009, 07:33 PM Parent: #25 Quote: ريسنا .. واشهر واحد في المنبر دة .. بهاء عيسى تحياتي وشكرا للصور

---

Post: #49 Title: Re: من هــــو بكـــري ابوبكــــــــر؟؟؟ Author: خالد العطا Date: 10-29-2009, 07:29 PM Parent: #23 Quote: عندي سؤال صغير كده : هل لبكرى جهاز امن مصغر في هذا المنبر يرصد كل كبيرة وصغيرة ؟ معاوية تحياتي لو عندو يكون الرماد كال خالد اقصد حماد

---

Post: #47 Title: Re: من هــــو بكـــري ابوبكــــــــر؟؟؟ Author: خالد العطا Date: 10-29-2009, 07:26 PM Parent: #21 Quote: ** تخريمة مرات مرات كدا بكري دا غيااااااااظ بس غصبن عننا بنريده ونحبه

---

Post: #46 Title: Re: من هــــو بكـــري ابوبكــــــــر؟؟؟ Author: خالد العطا Date: 10-29-2009, 07:23 PM Parent: #19 Quote: بكري ابوبكر ودبلد ..وظاهرة مابتكرر احيييييييييييييييييه شكرا اخي باسط المكي

---

Post: #44 Title: Re: من هــــو بكـــري ابوبكــــــــر؟؟؟ Author: خالد العطا Date: 10-29-2009, 07:21 PM Parent: #16 Quote: . . تحية وتقدير . . الغالي الازهري شكرا وتحية ليك برضو

---

Post: #42 Title: Re: من هــــو بكـــري ابوبكــــــــر؟؟؟ Author: خالد العطا Date: 10-29-2009, 07:19 PM Parent: #14 Quote: هو : ابصلعة , سيد اللبن , سواق الدفار , ود حبيب , وهو صاحب المقولة الشهيرة "اخي العزيز فلان حانت ساعة رحولك من هنا" والمقولة الاشهر "رودا مردا هي رودا مردا" زول عادي ممكن يكون اخوك ود عمك ود حلتكم ود جيرانكم راجل بت خالكم اخو مراة صحبك , ما بتتذكره الا لما تلقاهو , ما عنده علاقة بالكتابة يعني ما بيعرف يكتب , حضرت له لقائين تلفزيونيين شككت في اولهما في شجاعته الادبية وفي الثاني تيقنت , ضرب لي مرة تلفون و لما كان في السودان وتاني شبكني ليك مسكولات لمن قربت اقفل جوالي في مرة غبت لي كم شهر من البورد فتح لي بوست بي نفسه سماه (مرحبا بروح البورد اساسي) وعلقه ليك عنوان رئيسي فوووق (ريحني ليك في حناني وكبر لي راسي ) ما حصل اداني انذار ولا وقفني زي ناس تمبس وحميضة وود البشري ووهبة ودكين الناس الوهم ديل كل يومين موقفنهم لسؤ السلوك المنبري ــــــــــ النصيحة دكين وقفه عادل عبد العاطي لكن دواعي الوهم استدركت ادراجه و متلازمة وهبة كذلك اساسي الرائع سعيد بي وجودك واوفيت وما قصرت كان الشغلة فيها مسكولات

---

Post: #38 Title: Re: من هــــو بكـــري ابوبكــــــــر؟؟؟ Author: خالد العطا Date: 10-29-2009, 07:11 PM Parent: #10 Quote: لوووووووووووول حلوة منك .... دى مش قرصة صغيرة دى طرفة كبيرة ... وواعتقد بعد قرصتك دى ستزال كل الغياهب الصفرية عن سيد الحوش...وسيتناوله الجميع بادق التفاصيل طبعا بعد اذن بكرى ابو بكر اعتقد ان هذا البوست سيكون من اجمل البوستات حاليا لانه مادته وموضوعه بتمس السيادة البوردية مع فائق التحية المحترم /علي محمد خير شكرا لي مرورك والجابك يجيب بكري ظاتوووووووووو

---

Post: #35 Title: Re: من هــــو بكـــري ابوبكــــــــر؟؟؟ Author: خالد العطا Date: 10-29-2009, 07:08 PM Parent: #7 اخوي مجدي اها الصورة دي البتزكرني الزعيم رغم صفر

---

Post: #34 Title: Re: من هــــو بكـــري ابوبكــــــــر؟؟؟ Author: خالد العطا Date: 10-29-2009, 07:08 PM Parent: #5 Quote: أرجومثلك أخي خالد أن نعرف أكثر عنه فهل غير تخصصه إلى تقنية المعلومات أو أي تخصص آخر في الحاسب الآلي بعد هجرته إلى أمريكا ... فهو تجربة جديرة بالدراسة والاحترام وستكون حتما مفيدة لكل الطموحين من شبابنا اليوم. شكرا اخي جعفر نحتاج لمعرفته اكثر

---

Post: #57 Title: Re: من هــــو بكـــري ابوبكــــــــر؟؟؟ Author: إبراهيم عبد الحليم Date: 10-29-2009, 07:58 PM Parent: #34 أستاذ خالد تدفع كم أديك معلومات بكورى كلها واحدة دفعة بكرى تحية حارة لك ولبكرى إبراهيم عبد الحليم

---

Post: #58 Title: Re: من هــــو بكـــري ابوبكــــــــر؟؟؟ Author: خالد العطا Date: 10-29-2009, 08:09 PM Parent: #57 Quote: أستاذ خالد تدفع كم أديك معلومات بكورى كلها واحدة دفعة بكرى تحية حارة لك ولبكرى إبراهيم عبد الحليم ابراهومة الفنان مابدفع لاكن بكتب ليك غنية رايك شنو

---

Post: #59 Title: Re: من هــــو بكـــري ابوبكــــــــر؟؟؟ Author: حمور زيادة Date: 10-29-2009, 08:25 PM Parent: #34 Quote: يا حبيبنا الصحفي ؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟ ده على اساس انك برضو ما قريت اني ما صحفي ؟ Quote: بكرى بيكتب نعم وانت بتكتب هل بكرى يوم كتب عن نفسه انت ما سألت عن كتابة بكري عن نفسه. انت قلت : Quote: لاحظت انه مروره على البوستات قليل جدا ونادر و ده ما كلام عادي من زول في المنبر من 2002. لأنو بكري كان بيكتب و بيتداخل. Quote: ولو كتب بكرى هل تطالع انت كله ما يكتب في البورد اشك في ذلك لو كنت في المنبر منذ 2002 و لم أطلع على عدد كبير من بوستات بكري ابو بكر التي تبلغ 785 بوست و مداخلاته الاكثر من 22000 فهذا هو الغريب. <a href="http://www.sudaneseonline.com/cgi-bin/sdb/2bb.cgi?seq=board&board=14" target="_blank">http://www.sudaneseonline.com/cgi-bin/sdb/2bb.cgi?seq=board&board=14 Quote: ايه رايك انه كتبت بوست قبل كده طلب عمل لقاء مع بكري يجاوب فيه على اسئلة الزملاء والزميلات واظنه رفض الفكره رأيي انو مادام طلبت قبل كده و تظنو رفض الفكرة ليه عاوز تكرر الفكرة بشكل تاني ؟ Quote: يا حبيبنا انا لم اطلب معلومات شخصية عن بكري انا فقط قصدي شخصية بهذا النجاح المفروض الناس تعرف عنهم اكتر ده ما كلام مداخلتك الأولى .. انت سألت : Quote: من يكون بكري اجابة هذا السؤال لا تتضمن بالضرورة كيف نجاح المنبر بل تتضمن نجاحه الشخصي. Quote: سمعت عنه كثيرا المانع شنو اعرف اكتر مافي مانع (إلا ظنك انه لم يرحب بعمل لقاء معه من قبل طبعا ) لكن في استغراب. انو عضو من 2002 جايي 2009 يسأل من هو بكري ابو بكر.

---

Post: #61 Title: Re: من هــــو بكـــري ابوبكــــــــر؟؟؟ Author: حمور زيادة Date: 10-29-2009, 08:31 PM Parent: #59 Quote: لو بقى بوست ما جادي حتكون مشكلة كبيرة لي .. لأني ما حسيت انو ما جادي فحيكون حس الدعابة عندي محتاج مراجعة. لكني اعتبرتو بوست غريب و غير مفهوم. لو كان ما جادي البوست ليه رديت فيه ردود جادة انا جادي في معرفة قصة نجاح انسان اسمه بكري وموقع ناحج بالتاكيد الاقتباس من كلامي انا .. و من قال ان البوست ربما لم يكن جادا هو الشفيع. أظنك كنت تقصد أن تقتبس قوله : Quote: أنت أدرى مننا بأن كل ما يطرح في المنبر لا يؤخذ بصورة جادة ـــــــــــــــــــــــــــــــــــــــــــــــــــــــــــ الرابط الذي وضعته اكثر من مره هو لمكتبة بكري لكنه لم يظهر. يمكنك الرجوع الى قسم المكتبات و ستجد مكتبه باسمه

---

Post: #62 Title: Re: من هــــو بكـــري ابوبكــــــــر؟؟؟ Author: Magdi Ahmed Elsheikh Date: 10-29-2009, 08:35 PM Parent: #61 مظاهرة امام بورد سودانيز اون لاين

---

Post: #63 Title: Re: من هــــو بكـــري ابوبكــــــــر؟؟؟ Author: خالد العطا Date: 10-29-2009, 08:51 PM Parent: #59 Quote: ده على اساس انك برضو ما قريت اني ما صحفي ؟ ده على اساس انه انا قريبا جدا عرفت انك صحفي ولاني من زمان بعرف انك بتكتب هنا فقط لاكن ما عارف انك صحفي الا بعد ولاء لم تعد تضحك واحتمال لانني خارج السودان لا اقراء الصحف المحلية الصادرة هناك Quote: لأنو بكري( كان) بيكتب و بيتداخل. افهم من كده انو كاااااان زمان بكتب وبتداخل والان لا Quote: رأيي انو مادام طلبت قبل كده و تظنو رفض الفكرة ليه عاوز تكرر الفكرة بشكل تاني ؟ الفكره الاولى : كانت عمل لقاء بواسطة الاعضاء وطرح اسئلة على الاخ بكرى الفكره الان اود ان اعرف عن الاخ بكرى ولو رفض فسوف احاول مره اخرى Quote: ده ما كلام مداخلتك الأولى .. : ولاكن للاسف معلوماتي قليلة جدا عن الاخ /(بكري ابوبكر) سيد الحوش ولاحظت انه مروره على البوستات قليل جدا ونادر وكل ما اعرفه عنه انه مهندس سوداني مقيم بامريكيا فهل تكرم الاخ بكري او اي احد نيابة عنه بتعريفنا من يكون بكري وقصة هذا الموقع وكيف جاءت الفكره حتى وصل الي ما وصل اليه Quote: انو عضو من 2002 جايي 2009 يسأل من هو بكري ابو بكر. انا كتبت Quote: انا في هذا الموقع من العام 2002 . انا لم اقل انا عضو من 2002 انا قلت انا في الموقع بمعنى انا كنت متابع في الموقع وليس مشاركا ولو قلت من اين اتيت بكلمة انا عضو انا طلبت معرفة بكرى من خلال شخصه او من خلال من يعرفونه وانا زكرت انه الموقع ناجح واكيد وراء نجاحه قصه لماذا لا اعرفها انا ويعرفها غيري اخيرة لك الود واسف لو ازعجتك ردودي انا جادي والله في هذا البوست

---

Post: #70 Title: Re: من هــــو بكـــري ابوبكــــــــر؟؟؟ Author: ود محجوب Date: 10-29-2009, 10:23 PM Parent: #34 Quote: من هــــو بكـــري ابوبكــــــــر؟؟؟ الأخ خالد العطا خليك من الناس الوهم ديل . النجيضة عندى انا . بكرى ابو بكر دا ود خالة د مجدى احمد الشيخ مجدى غنى عن التعريف a

---

Post: #60 Title: Re: من هــــو بكـــري ابوبكــــــــر؟؟؟ Author: حسن حماد محمد Date: 10-29-2009, 08:27 PM Parent: #1 أخى خالد / سلامات ] Quote: صحبي عدييييييييييل كده ومابرفض لي طلب و يمين بريدو لله في لله ماعارف ليه . هارون دياب لينا بى حالك

---

Post: #64 Title: Re: من هــــو بكـــري ابوبكــــــــر؟؟؟ Author: حمور زيادة Date: 10-29-2009, 08:56 PM Parent: #60 Quote: لك الود واسف لو ازعجتك ردودي انا جادي والله في هذا البوست كنت اقرأ و انوي التعقيب. لمن وصلت الختمة دي فضلت أن يبقى الود و أن لا ازعجك باستغرابي اكثر من هذا. فحتى لا يصبح بوستك جدلا بيني و بينك و ينحرف عن غرضه (الذي مازلت احتفظ لنفسي بحق استغرابه) اشكرك و اكتفي بالمتابعة.

---

Post: #66 Title: Re: من هــــو بكـــري ابوبكــــــــر؟؟؟ Author: خالد العطا Date: 10-29-2009, 09:04 PM Parent: #64 Quote: كنت اقرأ و انوي التعقيب. قصدت ان ابين لك انني جادي ولا احمل لك الا كل الود واتمنى ان تعقب Quote: أن لا ازعجك باستغرابي اكثر من هذا. استغراب ابدا لا يزعجني Quote: اشكرك و اكتفي بالمتابعة مرورك على الموضوع في حد زاته شرف لي والله من وراء القصد

---

Post: #68 Title: Re: من هــــو بكـــري ابوبكــــــــر؟؟؟ Author: محمد أبوالعزائم أبوالريش Date: 10-29-2009, 09:16 PM Parent: #64 Quote: فحتى لا يصبح بوستك جدلا بيني و بينك و ينحرف عن غرضه (الذي مازلت احتفظ لنفسي بحق استغرابه) اشكرك و اكتفي بالمتابعة. صراحة يا حمّور أخوي .. مستغربين زيّك .. بس النصيحة إنت حكّيتها شديد. تحياتي لصاحب البوست

---

Post: #65 Title: Re: من هــــو بكـــري ابوبكــــــــر؟؟؟ Author: النذير حجازي Date: 10-29-2009, 09:00 PM Parent: #60 يا خالد العطا تحياتي، يا خالد معرفة من هو بكري أبوبكر غير ذات قيمة، لكن الشيء المهم هو معرفة عبقرية بكري أبو بكر، والله بصراحة أنا مستغرب من شخصيته وعبقريته، فهو شخص غير عادي، وذكي جداً، وواعي جداً، والنجاح الذى حققه فى هذا الصرح لابد أن يصدر من شخص غير عادي وإليك الأسباب: 1) اختياره لاسم المنبر سودانيز أون لاين دي براها ما هينة. 2) صبره وعدم مداخلته ومشاركته الكثيرة، والصبر على موقف الحياد، والله دا تكتيك إداري قوي جداً ويصدر من زول له دراية كاملة بالإدارة. 3) طريقة إدارته للمنبر وجعل الحبل على الغارب وجعل الحرية سقفها السماء دا برضو لفته بارعه منه. 4) طريقة تكوينه للمنبر وجمع الحشود من المنتدايات القديمة الكتابية والصوتية، وتجميع الكل فى منبر واحد شامل، دي برضو لفته بارعه منه. 5) هذا مايمكنني استحضاره الآن، وهو غيض من فيض. بالإضافة للظروف التى ساعدته، من هجرته لأمريكا، وعمره المتوسط لأعمار البورد، وتخرجه من جامعة الخرطوم، وإجتماعيته العديدة، كلها عوامل شاركت فى نجاحه. فهو عن حق يستحق منا كل الإعزاز والتقدير وإن شاء الله يا بكوري يوم شكرك مايجيء

---

Post: #67 Title: Re: من هــــو بكـــري ابوبكــــــــر؟؟؟ Author: خالد العطا Date: 10-29-2009, 09:09 PM Parent: #65 Quote: يا خالد العطا تحياتي، يا خالد معرفة من هو بكري أبوبكر غير ذات قيمة، لكن الشيء المهم هو معرفة عبقرية بكري أبو بكر، والله بصراحة أنا مستغرب من شخصيته وعبقريته، فهو شخص غير عادي، وذكي جداً، وواعي جداً، والنجاح الذى حققه فى هذا الصرح لابد أن يصدر من شخص غير عادي وإليك الأسباب: 1) اختياره لاسم المنبر سودانيز أون لاين دي براها ما هينة. 2) صبره وعدم مداخلته ومشاركته الكثيرة، والصبر على موقف الحياد، والله دا تكتيك إداري قوي جداً ويصدر من زول له دراية كاملة بالإدارة. 3) طريقة إدارته للمنبر وجعل الحبل على الغارب وجعل الحرية سقفها السماء دا برضو لفته بارعه منه. 4) طريقة تكوينه للمنبر وجمع الحشود من المنتدايات القديمة الكتابية والصوتية، وتجميع الكل فى منبر واحد شامل، دي برضو لفته بارعه منه. 5) هذا مايمكنني استحضاره الآن، وهو غيض من فيض. بالإضافة للظروف التى ساعدته، من هجرته لأمريكا، وعمره المتوسط لأعمار البورد، وتخرجه من جامعة الخرطوم، وإجتماعيته العديدة، كلها عوامل شاركت فى نجاحه. فهو عن حق يستحق منا كل الإعزاز والتقدير وإن شاء الله يا بكوري يوم شكرك مايجيء هذا ما اقصده اخي النزير لك شلالات من الود

---

Post: #69 Title: Re: من هــــو بكـــري ابوبكــــــــر؟؟؟ Author: عمار عبدالله عبدالرحمن Date: 10-29-2009, 09:22 PM Parent: #67 بكري ابوبكر انسان أحبه لان اعطاني فرصة التواصل ,, واخاف منه ,,, لان بضغطة كي بورد ممكن يقطع هذا التواصل ,,, اخاف عليه ,,, لانه يحمل ميزان فشل الكثيرين في جعله متوازن ,,, الله يملاه عافية ,,,

---

Post: #71 Title: Re: من هــــو بكـــري ابوبكــــــــر؟؟؟ Author: خالد العطا Date: 10-30-2009, 06:01 PM Parent: #69 Quote: بكري ابوبكر انسان أحبه لان اعطاني فرصة التواصل ,, واخاف منه ,,, لان بضغطة كي بورد ممكن يقطع هذا التواصل ,,, اخاف عليه ,,, لانه يحمل ميزان فشل الكثيرين في جعله متوازن ,,, الله يملاه عافية ,,, شكرا عمار والله يملاك انت كمان عافية

---

Post: #72 Title: Re: من هــــو بكـــري ابوبكــــــــر؟؟؟ Author: الفاتح شلبي Date: 10-30-2009, 06:46 PM Parent: #71 [QUOTE: من هــــو بكـــري ابوبكــــــــر؟؟؟

هو صاحب ومدير موقع سودانيز اون لاين





وما عايز واحد يقول لي دي إجابة بايخة


لأن تفاصيل من هو؟ يحمل فى طياته إنسان إجتماعي من الطراظ الأول ومحب للسودان وللسودانيين ويكفي أنه ساحته الأسفيرية يلتقي فيه الجميع (وموش موقع للقاء وبس فى ناس كاسرين ركبه فيه عديييل).

Quote: [QUOTE: من هــــو بكـــري ابوبكــــــــر؟؟؟

الفاتح شلبي

تحياتي

؟

يا مجدي

قهوتك ابداع

كيفك ياخالد وسلام للناس الهنا

بكري زول متواضع يعمل على توثيق الحياة اليومية في السودان المصغر للاجيال القدمة.

اذكرك... عد الى هذا البوست بعد 20 عاما ت الله يدينا العمر ـ واقرأه من جديد.

وبكرى انشأ موقعا متميزا ووهبه للناس دون ان يسعي لتحقيق الملايين... وهي ممكنة.

بكري اتاح لي ان اتعرف عليك وكل القبيلة التي هنا


بكري ... تعظيم سلام

أرجع لكتاباته وحاول أن تكوّن صورة لهوية بكري ...





ـــــــــــــــــــــــــ
احتمال تلقى لونو السياسي تركوازي !!!

Quote: أرجع لكتاباته وحاول أن تكوّن صورة لهوية بكري ... ـــــــــــــــــــــــــ احتمال تلقى لونو السياسي تركوازي !!!

صـبري

تحياتي
اها لونه السياسي ده انا الماعوزو انشاء الله يطلع بمبي\

Quote: وبكرى انشأ موقعا متميزا ووهبه للناس دون ان يسعي لتحقيق الملايين... وهي ممكنة.

كمال ادريس

سلام يا رائع محل ماانت في

Quote: الاخوة الاعزاء لا يشك احداً من ان سودانيز أون لاين منارة ٌ من المنارات التى ساهمت في عكس وجهات النظر الفكرية و المختلفة و المتباينة لكل ااطياف المجتمع السوداني وصار الموقع يتربع على عرش وقمة المواقع السودانية وفاقت شهرته انحاء الدنيا واصبح الانضمام له شرف كبير لكل بوردرابي

والله ده ما كسير تلج

الحبيب خالد الله يسلمك

هل يمكن كتابة تقرير صحفي عن سودانيزامولاين بدون ذكر صاحبه الخلوق!

تحيات لجارك ابوخزيمة

Quote: احتمال تلقى لونو السياسي تركوازي !!!

بكري كاتب في بروفايله اللون السياسي : جبهة ديموقراطية , بالله زول يصحيهو يقول ليهو الجبهة الديموقراطية فرتقوها زمان

Quote: هل أرى شجرا يسير ؟

كما قال حمور ..

Quote: كما قال حمور ..

وائل
سلام
شكرا لمرورك

Quote: بكري كاتب في بروفايله اللون السياسي : جبهة ديموقراطية , بالله زول يصحيهو يقول ليهو الجبهة الديموقراطية فرتقوها زمان

اساسي

ملاحظة حلوة

Quote: هل يمكن كتابة تقرير صحفي عن سودانيزامولاين بدون ذكر صاحبه الخلوق! تحيات لجارك ابوخزيمة

كمال ادريس

يمكن ذلك لاكن البكتبه منو

تحياتي لك

التجية لبكري ولمن حوله، أزرق كحل الشيخات، سيد الحوش الما عندو باب.

ويكفيه عظمة إختياره لهذا الإسم العجيب ( سودانيزأونلاين)، بحيث تدخله و

أنت متيقن بأنك في بيتك ووسط عزوتك.


لكن ياخالد إنت عندك شتارة غريبة؟ تسال من بكري بعد إشتهاره؟

و تدخل ( حماد) ( لو عندو يكون الرماد كال خالد اقصد حماد) في

قصة لا ناقة له فيها ولا جمل، كانت ( خالد) تكفي واللبيب بالإشارة يفهم.

بس إلا يا خالد ما هي قصة هذا المثل؟؟؟

الباشمهندس يا اخوى خالد غني عن التعريف

لمة الحوش الكبير براها كفاية

كفاية عليك ما تعمق شديد والله ناس حمور جهجوووووا ناس الرقابة خليك انت ههههههههه

ودكتور مجدى بحضر فيك رسالة ماجستير بعد تفوقة الاخير فى طب المناطق الحار

وبكرى زمان رد عليك ب done

بس عفاريم عليك وصلت الى انت عاوزة وعرفت سيد الحوش من الالف الى الياء

مودتى وتقديرى لكل الاعضاء وكل قراء الحوش الكبير

Quote: بس عفاريم عليك وصلت الى انت عاوزة وعرفت سيد الحوش من الالف الى الياء مودتى وتقديرى لكل الاعضاء وكل قراء الحوش الكبير

اخي

يوسف
سلامات

ولسه طمعان في الكتييييييييييييييير

Quote: التجية لبكري ولمن حوله، أزرق كحل الشيخات، سيد الحوش الما عندو باب. ويكفيه عظمة إختياره لهذا الإسم العجيب ( سودانيزأونلاين)، بحيث تدخله و أنت متيقن بأنك في بيتك ووسط عزوتك. لكن ياخالد إنت عندك شتارة غريبة؟ تسال من بكري بعد إشتهاره؟ و تدخل ( حماد) ( لو عندو يكون الرماد كال خالد اقصد حماد) في قصة لا ناقة له فيها ولا جمل، كانت ( خالد) تكفي واللبيب بالإشارة يفهم. بس إلا يا خالد ما هي قصة هذا المثل؟؟؟

الاخ / حامد الطاهر

تحياتي
قصة المثل ذي قصة بكري

وشتارة دي كتيرة

Quote: التجية لبكري ولمن حوله، أزرق كحل الشيخات، سيد الحوش الما عندو باب.

يا حبيب منو القال ليك حوشو ما عندو باب ؟
شوف عيني باب سنط وعليه طبلة DONE .
موقعه يستحق أن يكون موضوع بحث علمي .
التحية لصاحب ( البوست + الحوش ).

بكرى رجل مبدع

نفسى اعرف من هو اول من اطلق عليه لقب سيدالحوش

الاخ خالد العطا
اماطة اللثام عن بعض جوانب شخصية بكري مهمه بتقديري و عبقريته الذي انتج هذا الموقع المتفرد .
مودتي .

قالوا كان جارنا زمان في امريكا لكن يعميني ما شفته

والله بوست مناااسب
والنية الطيبة واضحة فيهو


حمور
دة حراق روح منك ساي

خالد
فكرة إنو زول يجمع كل هؤلاء الناس بمختلف إتجاهاتهم السياسية والثقافية والمعرفية
يتحاورو ويتثاقفو وبخرج بضهم عن الأدب فيأمن الناس شرهم مستقبلا ,,,وبما إنو موقع إسفيري مافي طريقة عنف جسدي دة في حد ذاته نجاح بالغ

هذا الموقع إستفاد منه السوداني الكثير وأنقذ حياة بعض الناس وعرفنا علي بعضنا البعض وساهم في بناء علاقات إجتماعية مميزة

ما أعرفه عن بكري أنه رجل يحب ( الشامبيون )
إكتشفت ذلك ذات عزومة في منزله والبراميل مليئة بالشعير الذي أصبح حديث المدينة

Quote: ما أعرفه عن بكري أنه رجل يحب ( الشامبيون ) إكتشفت ذلك ذات عزومة في منزله والبراميل مليئة بالشعير الذي أصبح حديث المدينة

خالد يا أخوي : كسير التلج الكتير لاب صلعه ده مفروض لحد حسي يكون عمل عليك قطايع !!!

Quote: خالد يا أخوي : كسير التلج الكتير لاب صلعه ده مفروض لحد حسي يكون عمل عليك قطايع !!!

امين سليمان
وحاتك كسرنا لحد الان 96 لوح وصاحبك ما شغال بينا الشغلة

الاخ / عمر عشاري تحية وتقدير

Quote: حمور دة حراق روح منك ساي

حمور ده قوم نفسنا ياخي

Quote: فكرة إنو زول يجمع كل هؤلاء الناس بمختلف إتجاهاتهم السياسية والثقافية والمعرفية يتحاورو ويتثاقفو وبخرج بضهم عن الأدب فيأمن الناس شرهم مستقبلا ,,,وبما إنو موقع إسفيري مافي طريقة عنف جسدي دة في حد ذاته نجاح بالغ هذا الموقع إستفاد منه السوداني الكثير وأنقذ حياة بعض الناس وعرفنا علي بعضنا البعض وساهم في بناء علاقات إجتماعية مميزة

ده المقصود والله

Quote: قالوا كان جارنا زمان في امريكا لكن يعميني ما شفته

: Dania Elmaki


تحياتي لك
وشكرا لمرورك

الأخ خالد العطا
السلام عليكم
أؤمن على موضوع البوست، وأنه يُعتبر موفق جداً،
لأنّ سيد الحوش لا شكّ يستحق منّا كلّ التقدير والاحترام!
فهو الذي جعله الله سبباً لهذا التّلاقي والتّفاعل، ولا شكّ أنّه واسع الصّدر،
لأنّ (... مسحتها قلت ما في داعي...)!
خالد إنت من أولاد العطا، ناس الدناقلة، الكباتن المشهورين؟!
كلّ ما أقرأ اسمك أتذكرهم!
=============================================
يا جماعة لو سمحتوا تنبيه بسيط:
أحد الإخوة الأعزاء المتداخلين، كتب هذه العبارة، أرجو أن تلاحظوا للكلمة الحمراء فيها:

Quote: لو ما الآن على الاقل أيام الجامعة ، كان بيصوت لي ياتو لائحة والله ما كده يا خالد؟

طبعاً، عرفتم قصدي، فأرجو يا جماعة كتابة الكلمة المقصودة هنا بدون ما تلتبس باسم الجلالة،
وأقترح كتابتها بهذه الطريقة، مثلاً: (وللا)!
وطبعاً هذه المسألة موجودة بكثرة في المنبر، وأرى (ما رأيتُه)!
مع خالص الشكر!

الاخ : صلاح عباس فقير

سلام وشكرا على كلماتك الطيبات

Quote: لأنّ سيد الحوش لا شكّ يستحق منّا كلّ التقدير والاحترام! فهو الذي جعله الله سبباً لهذا التّلاقي والتّفاعل، ولا شكّ أنّه واسع الصّدر،

هذا ما نرمى اليه

مره اخرى شكرا لشعورك

Quote: و عبقريته الذي انتج هذا الموقع المتفرد .

هذا ما قصدته بالضبط انا

شكرا لك اخي \

الصادق ضرار

Quote: بكرى رجل مبدع نفسى اعرف من هو اول من اطلق عليه لقب سيدالحوش

اخت مواهب ادريس


تحياتي ومشكور لمرورك

Quote: يا حبيب منو القال ليك حوشو ما عندو باب ؟ شوف عيني باب سنط وعليه طبلة DONE . موقعه يستحق أن يكون موضوع بحث علمي . التحية لصاحب ( البوست + الحوش ).

التحية ليك اخي / احمد الصديق

حمور

عليك الله تعال راجع

Quote: امين سليمان وحاتك كسرنا لحد الان 96 لوح وصاحبك ما شغال بينا الشغلة

يا خالد
أب صلعه ده ما بشتغل بيك إلا تكركب ليه ! ممكن يحذف ليك بوست ، يوقف باسوردك لكن ما ممكن يجيك في بوستك ده يقول ليك كتر خيرك علي التلج ده !

Quote: يوقف باسوردك

يا امين
اها دي لو عملها الضحك شرطنا .......

Quote: فكرة إنو زول يجمع كل هؤلاء الناس بمختلف إتجاهاتهم السياسية والثقافية والمعرفية يتحاورو ويتثاقفو وبخرج بضهم عن الأدب فيأمن الناس شرهم مستقبلا ,,,وبما إنو موقع إسفيري مافي طريقة عنف جسدي دة في حد ذاته نجاح بالغ هذا الموقع إستفاد منه السوداني الكثير وأنقذ حياة بعض الناس وعرفنا علي بعضنا البعض وساهم في بناء علاقات إجتماعية مميزة

Quote: يا امين اها دي لو عملها الضحك شرطنا .......

إنت يا خالد ما سمعت قول الشاعر :
لا تأمنن إلى الدنيا وزينتها فعند صفو الليالى يحدث الكدر
أها أب صلعه ده زي الدنيا و زينتها ممكن يرشك ساي كده ، في أي وقت !!