علق على هذه الصورة النادرة

No way,,,,,,

Is this picture in the U.S.A or somewhere else????

I can't beleive you put a picture like this for us to know who they are...

Best Regards,


Shao

كابلى ووردى
يا زول لقيت الحاجة دى وين
ما اجمل الصبا والشباب

استاذناالرائع محمد وردي
والاستاذ عبد الكريم الكابلي علي ما اظن

(يا حليل زمان وسنيين زمان)

صورة نادرة فعلا يا بكري يمكن عمرها يكون أكتر من 30 سنة ، بيني وبينك كده وردي والكابلي لو شافوها ما بتذكروها
الصورة تتحدث عن نفسها لكن لا ادري لم تذكرت اغنية عبدالدافع عثمان الخالدة
مرت الأيام كالخيال احلام
الاستاذ الكابلي متحدث لبق جدا وأتمنى أن يرى هذه الصورة واستمع لتعليقه عليها
هاتان صورتان حديثتان للفنانين كي تروا ما فعل بهما المشيب

بالمناسبة يا شباب واضح أنو بكري ما قصد التعرف على الشخصيتين فهما غنيان عن التعريف ما في ذلك ريب ، كما ان عنوان البوست بدأ بعلق وليس تعرف

بالجد البتستاهل التعليق
الصوره ام عمه( بكسر العين ) محكره وملويه لامين الموقع
صوره خطيره يا ابا يوسف
متعك الله بالصحة والعافيه
مع تقديري الاكيد للاستاذين وردي والكابلي

شكراً يا بكري...فعلاً صورة رائعة...محمد وردي وعبد الكريم الكابلي.. يبدو ان الصورة أخذت في اواخر العشرينات من أعمارهم.. وقد جاءنا الأخ الريح مشكوراً بصورة اخري لهما وهي حديثة بعض الشئ إذا ما قورنت بالصورة أعلاه... كابلي يبدو بض المحيا.. ممتلئ الجسم منذ وقت باكر كما هو حاله الآن.. ويبدو أن حكاية ضعف النظر هذه لديه منذ عهد الصبا.. وهو مثقف كثير القراءة والبحث والتمحيص...رائد الأغنية العربية والسودانية والنوبية الموسيقار محمد وردي..كانت وقتها في الصورة أعلاه تبدو عليه بداوة الشمال من العفوية..هو في الصورة اقل هندمة من كابلي.. هو إنسان بسيط وفنان الغبش....هو هصور في كبريائه وشموخه ولكنه سهل ممتنع في عواطفه وكرمه وطيبته وهو يعرف الفضل لأهل الفضل ولا يخشى في الحق لومة لائم ولا يماري ولا يداهن ولا يتقاعس عن نصرة مظلوم..بفنه وفكره وماله...فى الصورة يا بكري كبراءته جاء من الشمال الي العاصمة ولسه اللهجة النوبية مؤثرة على نطقه.. فقد كان يتندر به أهل الفن في العاصمة حينما كان يغني ويقول( يا تير يا تاير) فى أغنيته( يا طير يا طائر) هو الوحيد الذي انصف اهلى المناصير وقال هم اصل الفن والغناء والطمبور واثبت لهم شايقيتهم...الشئ الذي لا يزال الصراع حوله في اروقة الإعلام..هل المناصير فخذ أم بطن من بطون الشايقية أم هي قبيلة قائمة بذاتها بالرغم من إشتراكها في كل شئ مع الشايقية.. اللهجة الواحدة التراث الواحد المنطقة الواحدة.. فجاءت اغنية وردي تجمع تراث المناصير في اغنيته( الله ليلي) أو الريلة...أو أغاني الدليب بصورة عامة في اغنيته( بنحب من بلدنا ما بره البلد..زسودانية تهوي عاشق ود بلد...فى عيون المفاتن شئ ما ليهو حد...أما كابلي بحسه فهو اقرب للشمال وجمع تراثه وإن كان قد طوف على كل السودان ببحثه في أغاني التراث وقد جاءت كلمات. الشاعر حسونه في نوري وهو ذو الجذور المنصورية من جهة الجد والأم الشايقية من جهة الأم وهو شاعر تراث لم نعاصره وإنما جمعنا حوله من قد عاصره.. فجاءت اغنية مروي عند الكابلي جمعاً لهذا التراث...
>>>ايضاً جسدياً وردي وكابلي..الإثنين عندهم( قجة) قجة الشعر هم الوحيدين في فنانيينا الما صلعوا لغاية هسه..قجة شديدة.. لأن بشرة فروة راسيهما غير دهنية..عندك محمد الأمين خلاص قطع الشعرة.. وابراهيم عوض يغطي راسه..المهم هذا ما عنا لى في هذه الصورة الذكري...
الصورة قديمة لوردي وكابلي ولكنها جديدة..لأن عطاءهما متصل حتي الآن وسر ذلك لأن فنهما اصيل ينبع من ذواتهما العامرة... فلتدم الصداقة بينهما آراهم متماسكين في الصورة بالأيادي.. اراهم وراهم غبار الحياة..
صديق منصوري

نقاء وصفاء

وحالهم يعكس حال البد زمان

قبل ان يتلوث

لك التحية يابكرى

We WERE LIKE THIS? BUT THE TIME IS RE-CHARGED OUR LIVE, IT IS INVETATION FOR RENEWING THE SUDANESSE CULTURE AND RE-GENERATION, AND IT IS FULL ENGOUH FOR THIS SADNESS, BUT IT IS REALITY NOW A DAY.








IF YOU HOLD DON'T LET-LOSE, IF YOU LET-LOSE DON’T BE SAD

الاستاذ / بكري
صباح الخير

شكراً علي الصورة الجميلة وايام زمان

بس الرهيب اكتر لفة العمة والله تعرف تلفها

وعن الصورة بنقول راشد والتومات

الترماي فات يا عبدالكريم،شكلنا كدة حا نطقها كداري لحد الازاعة

بكرى لقطة تستق التعليق
باغنية بينى وبينك والايام وهى عندى بصوتيهما معا ولكنى افتقدها الان
والمعنى فى بطن البورد

فلته يا بكرى او خبطة فنيه
يابلدى يا حبوب
ويا جلابية وتوب
---------
بوبة على التقيل يا قمر بوبا
@@@@@@@@

حقاً لقطة نادرة
الثنائي الذي |طرب كل السودان

ياريت الزمان وقف في الحته دي ..عشان ما يجينا وردي الكنا بنحبه ويغني لينا بي عشرين الف في حين انو معروف اكبر الفنانين بغنو بي خمسه الف ..ود الامين..ابوعركي البخيت..عقد الجلاد

اجمل مافي الصور تاجر الابل ابوعمه داك

صورة معبرة وجميلة تحكي عنفوان الشباب
والعطاء ووحدة الهدف والوجدان
كي الصورة أيضا عن الزمن الجميل
أيام كانت القلوب تفيض بالحب والإلفة والمودة
شكرا أخ بكري على الصورة

It tells a lot about the dress code in the Sudan. men used to dress only in white shirts.

لا حاجة بنا لتعليق..جبتها من وين دي؟..تعرف..بحب الكابلي وبسمع لوردي..الصورة دي عجبتني خالص..ما قايلهم اتلمواالا عندي..لكن..اللفا ليك العمة كدة منو؟اريزونا ولا ودنوباوي؟
..أخونا سودان وبس..مساهمتك وافية..تشكر..بس ودالامين الجاب سيرتو منو هسي؟..كمان جابت ليها فروة دهنية؟.. بردو عيونكم علي عمة بكري السمحة دي ..تسلموا ..