Post: #2
Title: Re: أول الشهادة الثانوية الاسترالية سوداني
Author: Albino Akoon Ibrahim Akoon
Date: 02-24-2007, 02:23 AM
Parent: #1
صدقني يا
بكري
دا لو في السودان زولنا دا كان طلعوا الطيش !!!
واظن اي واحد فيناعارف السبب شنو؟!!
ـــــــــــــــــــــــــــــــــــــــــــــــــــــ
وليبارككم الله ابينا والرب يسوع المسيح.
امين
|
Post: #3
Title: Re: أول الشهادة الثانوية الاسترالية سوداني
Author: محمد عثمان محمد طه
Date: 02-24-2007, 03:26 AM
Parent: #1
Quote:
النبوغ السوداني يلون الشهادة الثانوية الاسترالية
أول الشهادة الثانوية الاسترالية سوداني
يارانايل ملبورن : بعد حصول السودانية أمل عباس مختار بسيدني على مجموع بلغ 92.75 % في إمتحانات الشهادة الثانوية الاسترالية بولاية نيو ثاوزويلز وتكريمها من قبل الجهات الرسمية في مدينة سيدني،جاءت البشرى للجالية السودانية في أستراليا حين حصل ابنها ذكي طاهر مالك على مجموع بلغ 99.98 % في إمتحانات الشهادة الثانوية بولاية جنوب أستراليا وبموجبه حصل على منحة لدراسة الطب بجامعة مدينة أدلايد، وحصل على جائزة اللورد فلوري المقدمة من وزارة التربية والتدريب وحصل على الجائزة المقدمة من معهد الفيزياء بادلايد، الف مبروك لطلابنا النوابغ وشكرا لهذه الاشراقات والتي تحتاجتها جالياتنا المهاجرة بشدة |
|
Post: #4
Title: Re: أول الشهادة الثانوية الاسترالية سوداني
Author: Abdelmuhsin Said
Date: 02-24-2007, 03:45 AM
Parent: #1
ألف مبروك ذكي طاهر مالك
الاخ البينو ياخوى انت بتحب المكاجره باين عليك
سمعته المثل البيقول الزين زين ولو قام من المنام والشين شين ولو ---- تم الباقى على حسب فهمك
يعنى باختصار ذكى اسم على مسما وارجو منك عدم تحويل مسار البوست
|
Post: #5
Title: Re: أول الشهادة الثانوية الاسترالية سوداني
Author: wesamm
Date: 02-24-2007, 04:15 AM
Parent: #4
الخامة السودانية معروفة بالنبوغ والعبقريه بس تلقي الظروف المواتية والدليل علي ذلك تلك النتائج المشرفة في المهاجر حيث الامكانيات العالية اضافة للاهتمام الاسري الف مبروك لكل النوابغ من السودانيين ودا شى مشرف جدا.
|
Post: #6
Title: Re: أول الشهادة الثانوية الاسترالية سوداني
Author: Albino Akoon Ibrahim Akoon
Date: 02-24-2007, 04:43 AM
Parent: #4
ـــــــــــــــــــــــــــــــ
الاخ البينو ياخوى انت بتحب المكاجره باين عليك
سمعته المثل البيقول الزين زين ولو قام من المنام والشين شين ولو ---- تم الباقى على حسب فهمك
يعنى باختصار ذكى اسم على مسما وارجو منك عدم تحويل مسار البوست
ـــــــــــــــــــــــــــــــــــــــــ
الاخ العزيز عبد المحسن !
انا ما فهمت وجه نظرك شنو
وكمان ما فهمت سبب ايراد المثل دا هنا
لان موضوع الحديث ذي ما قلت ذكاء
وذي ما قلت ذكي اسم علي مسمي !!!
بس اشرح لي الرابط بين شناء القايم من النوم
وذكاء الجايب اول الشهادة الاسترالية شنو؟!!!!!
____________________________________________
وليباركك الله ابينا والرب يسوع المسيح.
امين.
|
Post: #11
Title: Re: أول الشهادة الثانوية الاسترالية سوداني
Author: welyab
Date: 02-24-2007, 11:25 AM
Parent: #4
| Quote: دا لو في السودان زولنا دا كان طلعوا الطيش !!! |
الاخوة عبد المحسن و Albino
لكما التحية
ربما هنالك مرارات سابقة ..
فانا شخصيا تجرعت من تلك المرارات
حيث حصلت ابنتي قبل " 3 سنوات " في الشهادة العربية على نسبة 99.48% ولم تجد حظها في القبول في جامعة الخرطوم رغم نبوغها ودرجتها الكاملة " 100% " في المواد الموهلة للكليات العلمية ..
وعندما لفظتها الوطن (السودان) تكرمت عدة جهات خارجية بتقديم المنح الدراسية والقبول في جامعاتها ..
لم تكن مشكلتي وقتها.. والى يومنا هذا ... هو التحصيل الدراسي و مواصلة الدراسة
بل كان ومازال مشكلتي كيف انمي فيها وفي اخوتها الانتماء الى الوطن؟؟
.......
انظر الفرق هنا.. السلطات الاسترالية تكرم ... والسلطات السودانية تلفظ !!!
ربما الجنسية المكتسبة استرالية والجهات والسلطات لم تكترث الى ان الاصول غير استرالية
والفرق هنا ان التي نالت تلك الدرجات رغم جنسيتها السودانية. والدها اقترف ذنب الاغتراب
|
Post: #7
Title: Re: أول الشهادة الثانوية الاسترالية سوداني
Author: ALazhary2
Date: 02-24-2007, 05:25 AM
Parent: #1
خبر مفرح ومبهج
الف مبروك له ولاسرته ولنا جميعاً
وشكراً على اسعادنا يابكري
|
Post: #8
Title: Re: أول الشهادة الثانوية الاسترالية سوداني
Author: Dr. Abdalla Siddig
Date: 02-24-2007, 05:53 AM
Parent: #7
ألف مبروك
وهكذا السودانيون دائما
وقد فعلها آباؤه في السابق وفي نفس البلد
الف مبروك لإبننا ذكي
|
Post: #9
Title: Re: أول الشهادة الثانوية الاسترالية سوداني
Author: الواثق الصادق
Date: 02-24-2007, 10:16 AM
Parent: #8
السلام عليكم
ألف مبروك
أرجو من كل من له صلة بهذين النابغتين أو يعرف عنوانهما أو أرقام هواتفهم إرسال رسالة خاصة على مسنجري ...
ضروري جداً
ضروري جداً
|
Post: #10
Title: Re: أول الشهادة الثانوية الاسترالية سوداني
Author: عواطف ادريس اسماعيل
Date: 02-24-2007, 10:52 AM
Parent: #9
اخونا الحبيب بكري
تحيتي
هذا خبر جميل يسعد الخاطر فهلا هذه الدول تقدر المتفوقين مش زي بلدنا حيث يستوي الذين يعملون
والذين لا يعملون إبني كان يدرس بجامعة أدليد ولما خلص علوم مناطق حارة إمتحن لوزارة الصحة ومعاه
أكثر من مية شخص نجح والحمدلله واتعين وأدوه إقامة دايمة بدون واسطة ولا يحزنون طبعا ديل دول لم
تسمع بحاجة إسمها وساطة يتساوى هنا إبن الغفير والوزير .. وآآآآآآه يابلد !!!!
|
Post: #12
Title: Re: أول الشهادة الثانوية الاسترالية سوداني
Author: خالد العبيد
Date: 02-24-2007, 11:28 AM
Parent: #1
خبر جميل ومفرح
اتمنى كل التوفيق للابن النابغة ذكي
رفعت راسنا في سيدني هنا وفي كل استراليا
وكل الامنيات لك بمستقبل مشرق
والتحية لاسرتك الكريمة الوالد والوالده
وعقبال لي كل اطفالنا في مدارس استراليا
خالد العبيد
سدني
0402177588
|
Post: #13
Title: Re: أول الشهادة الثانوية الاسترالية سوداني
Author: nourelhadi awad
Date: 02-24-2007, 11:55 AM
Parent: #12
سرت قشعريرة في القلب
ففي العتمة ثمة كوة ضوء
أخي ود العبيد
ليتنا نحظى بمقابلة هذا لدالشبل المتفوق
لنبثه أشواق تحتبسها المسافة
وياريت لو بالإمكان صورالتكريم
وإلي مزيد من التفوق والنجاحات
نورالهادي
|
Post: #14
Title: Re: أول الشهادة الثانوية الاسترالية سوداني
Author: محمد مكى محمد
Date: 02-24-2007, 12:02 PM
Parent: #1
1000 Mabrrooooook
and keep well
Mohammed
|
Post: #17
Title: Re: أول الشهادة الثانوية الاسترالية سوداني
Author: توتي فروتي
Date: 02-24-2007, 12:55 PM
Parent: #14
مليوووووووون مبروك
|
Post: #16
Title: اول الشهادة الثانوية الاسترالية سودانى
Author: عادل طه
Date: 02-24-2007, 12:47 PM
Parent: #1
منذ متى كانت استراليا تمنح الطلبة السودانيين منحا للدراسة فى جامعاتها
ده حاجة جديدة والله شنو حسب علمى فان استراليا لا تمنح حتى منحا للدراسة فوق الجامعية للسودان
يبدو انكم قد اخطاتم فى العنوان والذى يجب ان يكون كالاتى
اول الشهادة الثانوية فى استراليا استرالى وبس
تخريمة:
من اقوال بعض الحكماء
الكلاب الحمراء لا تكف ابدا عن النباح
|
Post: #18
Title: Re: اول الشهادة الثانوية الاسترالية سودانى
Author: Abu Eltayeb
Date: 02-24-2007, 01:09 PM
Parent: #16
وأول الشهاده العالميه ,
فى كل المجالات والمساحات الجميله ,
المبدعه , حيكون سودانى!
مامون
|
Post: #19
Title: Re: أول الشهادة الثانوية الاسترالية سوداني
Author: ALGARADABI
Date: 02-24-2007, 05:01 PM
Parent: #1
ألف مبروك لاسرته ووالدته على وجه الخصوص
و مبروك للجالية السودانية باستراليا
|
Post: #20
Title: Re: أول الشهادة الثانوية الاسترالية سوداني
Author: Elmoiz Abunura
Date: 02-24-2007, 06:46 PM
Parent: #1
ألف مبروك لاسرته
|
Post: #21
Title: Re: أول الشهادة الثانوية الاسترالية سوداني
Author: HAYDER GASIM
Date: 02-24-2007, 08:27 PM
Parent: #20
خبر يبعث على السرور والقبطة ,
مبروك لأولادنا النجباء فى أستراليا ,
رفعتم رأسنا ... وأقلتم عنا بعض
عناءآت الهجرة , لأننا ما مرقنا إلا
عشانكم ... ربنا يحفظكم ويغطيكم من
كل مكروه , مبروك لكل الأسر والأباء
والأمهات الذين كانوا وراء هذه النجاحات ,
وقدما على طريق التفوق والإستحصاد الأكاديمي
المشرف ... مبروك مبروك مبروك
|
Post: #22
Title: Re: أول الشهادة الثانوية الاسترالية سوداني
Author: Hani Arabi Mohamed
Date: 02-24-2007, 09:20 PM
Parent: #1
ألف مبروك و عقبال كل خير لكل أبنائنا في المهجر و في الداخل.
|
Post: #23
Title: Re: أول الشهادة الثانوية الاسترالية سوداني
Author: Amin Mahmoud Zorba
Date: 02-24-2007, 09:40 PM
Parent: #22
فليكن هذا رد عميق لوزير الهجرة الجديد
وللسيد فرايزر الذي اتهمنا بالجينة الغبية
ولكل اجهزة الاعلام التي باتت تصلد كل شىء ضد السودانيين
واهدي هذا البوست لصديقي بشرى
والذي يصرخ الان ريحتني شديد وفشيت مغصتي يا ذكي
|
Post: #24
Title: Re: أول الشهادة الثانوية الاسترالية سوداني
Author: صديق عبد الهادي
Date: 02-24-2007, 09:54 PM
Parent: #1
الصديق بكري
سلام
شكراً علي الاخبار المفرحة و التحية لابنائنا و بناتناو للامهات و الاباء الذين هزموا المنافي...فبذلك يعطون كثيراً من الامل المشروع في اعادة استثمار هذه النجاحات في اصلاح الوطن الام كما فعل مهاجرو البلدان الاخرى.
والتحية مكررة،
صديق عبد الهادي.
|
Post: #25
Title: Re: أول الشهادة الثانوية الاسترالية سوداني
Author: bashir adam abdalla
Date: 02-24-2007, 10:28 PM
Parent: #1
الف مبروك يا ذكي...ومبروك لي الجاليه
في ...Adelaide,وMelbourne,وPerth,وBrisbae,
وSydney,وHobart,وACT,....ولي كل سوداني في المهجر
الف مبروك
|
Post: #26
Title: Re: أول الشهادة الثانوية الاسترالية سوداني
Author: بشرى محمد حامد الفكي
Date: 02-25-2007, 02:22 AM
Parent: #1
ده الكلام
الغريبة كنت قبل يومين بتناقش مع صديق لي أسترالي وذكرنا مسألة النبوغ السوداني، وقلت له نحن وليداتنا ديل لو لعبو معاكم طرة وكتابة بفوتوكم، ووصفني بالشوفيينية، لكن يا جماعة أنا بعترف هسي لمان قريت الخبر ده قعدت انطط في البيت، يا ربي دي شوفينية؟
يا زول شوفينية ما شوفينية آآآي دة الشغل
يا أولاد السودان أسحقوهم خليهم يعرفو حاجة
وروهم جيناتنا الوراثية قاعدة تحمل شنو؟
خلو فريزر ووزير الهجرة وكل العنصريين يبلعوا كلامهم
قال أبيض قال
وتصور كيف يكون الحال لو ما كنت سوداني وزي ناس ذكي ديل ما أهلي
مبروك يا ذكي
وأرمي قدام
|
Post: #28
Title: Re: أول الشهادة الثانوية الاسترالية سوداني
Author: Dr. Abdalla Siddig
Date: 02-25-2007, 06:02 AM
Parent: #27
سأل الأخ عادل طه
Quote: منذ متى كانت استراليا تمنح الطلبة السودانيين منحا للدراسة فى جامعاتها
|
أقول للعزيز عادل طه، استراليا بدأت تمنح الطلاب السودانيين منحا دراسية منذ بدايه سبعنيات القرن
الماضي، وانا شخصيا بعثت الي استراليا في منحة لدراسه هندسه المياه في جامعة نيوثاوث ويلز وقد كان
معي في نفس الفترة الاخ الدكتور حامد عمر علي (من هيئة توفير المياه) و الأخ الدكتور عبدالوهاب محمد(
من وزارة الصحة) و الاخ الدكتور جون لادو( من هيئة المساحة الجيولوجيه) ولازمنا في نفس الفتره ايضا الآخ
الاعلامي المشهور الآخ محمد سليمان ومعه بعض الاخوة السودانيين في منح لدراسة الأعلام.
|
Post: #29
Title: Re: أول الشهادة الثانوية الاسترالية سوداني
Author: عمار يس النور
Date: 02-25-2007, 07:29 AM
Parent: #28
ألف مبروك لإبننا ذكي و نتمنا المذيد من النجاحات لكل السودانيين إينما كانو
عمار يس النور
عاشق بخت الرضا
|
Post: #30
Title: Re: أول الشهادة الثانوية الاسترالية سوداني
Author: الجندرية
Date: 02-25-2007, 07:53 AM
Parent: #1
يغتيه المولى ويزيد توفيقه
|
Post: #31
Title: Re: أول الشهادة الثانوية الاسترالية سوداني
Author: محمد سنى دفع الله
Date: 02-25-2007, 08:44 AM
Parent: #30
الف مبروك
دي المحرية في اولاد وبنات بلدي
ومزيد من النجاحات
|
Post: #32
Title: Re: أول الشهادة الثانوية الاسترالية سوداني
Author: بدر الدين الأمير
Date: 02-25-2007, 05:35 PM
Parent: #31
الكلام للشاعر معروف الرصافى
(طفح السرور عليا حتى انه من عظم
ماقد سرنى ابكانى)
|
|