Post: #1
Title: افراد من جهاز الامن السوداني يمنعون بناء مسجد بام درمان
Author: بكرى ابوبكر
Date: 10-30-2006, 10:25 PM
Parent: #0
From sudaneseonline.com
اخر الاخبار
افراد من جهاز الامن السوداني يمنعون بناء مسجد بام درمان
By
Oct 30, 2006, 21:09
افراد من جاهز الامن السوداني يمنعون بناء مسجد بام درمان
اوقف عدد من افراد جهاز الامن والمخابرات السوداني عمليات بناء زاوية تم تشيدها بالجهد الشعبي بواسطة اهالي حي الثورة الحارة الاولي بمدينة ام درمان احد المدن الرئيسة في العاصمة السودانية الخرطوم واكد عدد من المصلين ان افراد جهاز الامن والمخابرات قد قام بتوجيهم رجل يعارض بناء الزاوية لانها تتعارض مع مصلحته الشخصية اذ كان يستخدم مساحتها موقفا لسيارته الكثيرة واكد المصلين ان الرجل صاحب السيارات والمال قام بدفع مبلغ كبير من المال لافراد جهاز الامن مقابل قيامهم بارهاب ابناء الحي الذين يقومون بتشييد الزاوية وقال لهم في احدي المشادات الكلامية انه سوف يوقف بناء تشييد هذه الزاوية بفلوسه وسوف يقوم بشراء معتمد محلية كرري التي يتبع لها الحي وكذلك المهندس المسؤل بالمحلية وجهاز الامن وكل شخص يعارضه وقد فعل ذلك عندما جاء افراد جهاز الامن امس الجمعة وقاموا بارهاب شباب الحي الذين يقومون بعمليات البناء في الزاوية وقاموا بايقافهم عن العمل
|
Post: #2
Title: Re: افراد من جهاز الامن السوداني يمنعون بناء مسجد بام درمان
Author: على عمر على
Date: 10-30-2006, 10:28 PM
يمكن ياهندسه ماكتبو على الجامع جامع اسلامى
|
Post: #3
Title: Re: افراد من جهاز الامن السوداني يمنعون بناء مسجد بام درمان
Author: Sabah Hussein
Date: 10-30-2006, 10:34 PM
يمكن ناوى يشترى قطعه الارض ويستثمرها فى اغراض دنيويه
|
Post: #4
Title: Re: افراد من جهاز الامن السوداني يمنعون بناء مسجد بام درمان
Author: هاشم نوريت
Date: 10-30-2006, 10:52 PM
Parent: #3
يمكن دايرين يبنوا زاوية قادرية احسن منها تقريش العربات .
رغم ان القصة ما مقنعة .
|
Post: #5
Title: Re: افراد من جهاز الامن السوداني يمنعون بناء مسجد بام درمان
Author: saif massad ali
Date: 10-30-2006, 11:48 PM
Parent: #4
يمكن عايز يبني مكانه قصر فخم لاستضافة وزير الدفاع ووزير الداخلية
|
Post: #6
Title: Re: افراد من جهاز الامن السوداني يمنعون بناء مسجد بام درمان
Author: Mohamed Ahmaed Olyesh
Date: 10-30-2006, 11:56 PM
Parent: #4
يا جماعه ما تتسرعوا ساكت الجماعه ديل قاصدين الزاويه فى نفسها قالو للمسعور من التنفيذ انو الزاويه دى ما قايمه فى شان كدى بدورو يوزنوها ويرحعوها تانى لى ناس الحي .
نكككككككككككككككته.....
واحد صاحبنا يا جماعه ساكن فى الكلاكله قصاد الزاويه بتاعه الطريقه الفلانيه وكلو يوم حمعه الناس ديل يدورو النوبه من العصر
صاحبنا من اصحاب الخيال الواسع كما ذكر محمد موسى قوم يوم الحمعه بدرى واتخيل واتخيل واتخيل لحدى الساعه ما جات تلاته ..الناس بدو يضربو فى النوبه وصاحبنا يتململ ساكت وكت غلبو تب مشى قصاد الباب بتاع الزاويه وقرا اسم الطريقه وكورك ليهم....ياجماعه دى ما طريقه دى.....
ولا شنو؟
|
Post: #7
Title: Re: افراد من جهاز الامن السوداني يمنعون بناء مسجد بام درمان
Author: محمد الامين محمد
Date: 10-31-2006, 01:18 AM
Parent: #6
يمكن برونك ضالع في بناء الجامع
|
Post: #9
Title: Re: افراد من جهاز الامن السوداني يمنعون بناء مسجد بام درمان
Author: قلقو
Date: 10-31-2006, 02:24 AM
Parent: #7
الأخوة المتداخلون
بغض النظر عن اهداف ذلك الرجل المعترض على قيام الزاويةالا اننى اجد نفسى ايضا من المعترضين على قيام تلك الزاوية التى كان فى مكانها او بتكاليف بناءها ان تشجر تلك المساحة ويقوم عليها ملعب صغير لأطفال الحى بدلا من ان يلعبوا تحت هجير الشمس والغبار .
لقد صار بناء الزوايا هذه الأيام موضة جديدة لأحتلال ما تبقى من الميادين التى تم بيع معظمها للأثرياء والطفيليين الجدد .
هل انعدمت المساجد فى ذلك الحى حتى يضطر الناس ليناء زوايا فى الميادين العامة؟
انها والله لمساجد الضرار ذاتها.
مع نحياتى للجميع .
|
Post: #8
Title: Re: افراد من جهاز الامن السوداني يمنعون بناء مسجد بام درمان
Author: wadismail
Date: 10-31-2006, 02:13 AM
والله يا بكري أنا أضم صوتي لهاشم وأقول أنو القصة دي ما مقنعة !!!!!!!!!
الناس ما تتسرع و تطلق الأحكام بدون تريث و تروي و بدون ما تتبين ما وراء ال......
النبي (ص) قبل كدا ما كسر مسجد عدييييييل كدا -لآ زاوية حقت ختمية و للا قادرية و لا جمعية قرآن كريم حقت كيزان- و الكان ببنوا فيهوا منو ؟ ما شباب الثورة الحارة الأولى !!!! الكانو ببنو في المسجد جماعة من الأنصار !!! بعد دا النبي (ص) كسروا و نزلت الآيات (و الذين اتخذوا مسجدا ضرارا و كفرا و تفريقا بين المؤمنين و إرصادا لمن حارب الله و رسوله ....) ، (لاتقم فيه أبدا) عشان الأحداث المن النوع دا ربنا قال إن جاءكم .... بنبأ فتبينوا .
هو الجماعة ديل بيني و بينك ما بعيدة عليهم و بعملوا أكتر من كدا ، لكن دي بالذات ما أظن يعملوها
ما من خوفم من الله و محبتم للمساجد .... لكن دي ببتناقض مع بقايا مشروعم الحضاري و ممكن تثير عليهم سخط بعض الدقون المتنفذة في الجهاز .
بعدين يا بكري أخوي : ناس الثورة ديل زاتم ما عارفين المساجد و الزوايا ببنوها كيف !!!! شنو التخلف البسوو فيهو !!! نفير كمان : ياي سفاااااج
حسي كان أدوهو لشركة رويال الهندسية العملاقة بمباركة من وزير الداخلية - أقصد وزير الدفاع - ما كان الزاوية دي إتبنت في يوم واحد و إفتتحا الرئيس كمان صباح اليوم التاني
دا شنو يا ناس الثورة : إنتو دراويش ساااي بتاعين جوامع و زوايا ما بتفهموا في السياسة
|
Post: #10
Title: Re: افراد من جهاز الامن السوداني يمنعون بناء مسجد بام درمان
Author: عبد المنعم سليمان
Date: 10-31-2006, 03:49 AM
ما هو دا ال انحنا بنقولو دائما ..
الانقاذ اتت لاخراج الناس من دين الله افواجا ..
قال اسلاميه قال..
منعم
|
Post: #11
Title: Re: افراد من جهاز الامن السوداني يمنعون بناء مسجد بام درمان
Author: Tabaldina
Date: 10-31-2006, 04:52 AM
..
.
كل شئ هنا .. جايز
كل سنوة وانت طيب يا رقيب
|
|