المانى مسلم يرغب بالزواج من سودانية مسلمة

Quote: Assalamu aleikum! DEAR BAKRI ABUBAKR, I am a muslim german and want to travel next month to Sudan. In this case I am looking for a Sudan Muslima for wedding and life in Germany. Please can you put an advertisment in your magazine: "GERMAN MUSLIM - 39YEARS - LOOKING FOR SUDANESE MUSLIMA TO MARRY AND LIVING IN GERMANY - PLEASE CONTACT [email protected] or FAX: 0049-221-368-5914" Maybe you are also able to give me support for my travel in Sudan, car rent, accomodation etc. Thanks, best regards and Salam! THOMAS IBRAHIM WEINER WIDDIGER STR.21 50968 - KÖLN - GERMANY FAX: 0049-221-368-5914 E-MAIL: [email protected]

و الله دي حاجة ترفع معنويات الزول ....

ملاسى

سوداني مسلم يرغب بشدة خالص في الزواج من المانية ..او سودانية مقيمة بالمانيا ..



للاستفسار عنه
[email protected]

مع تحياتي

عشا البايتات

و الله دي حاجة تنزل معنويات الزول ........

ملاسى

لووووووووووووول ملاسي
دكوني حاجزنك حاجزنك بس ارفق لينا مع الطلب اربعه صور باسبورت حديثه ومبلغ 7 دقتس من الاويروهات ز

سلام

ملاسي الله يخرب مطنك زي ما بقولوا المصريين و ان كنت ما عارف مطنك دي معناها شنو،

خليتني اضحك مع الصباح زي المجنون براي،

قال دي حاجة تنزل معنويات الزول قال..

لوووووووووول يا ملاسي
تنزل معنويات الزول و تنزل ايميلات المسلمين ..

يا حاقد يعني عشان دومة ادتني بتها المانيةالمنشأ سودانية الاصل ..شامل الضمان.

امشي كده ولا كده..

عامل لي زي
ال waiter

Quote: ...... بالزواج من سودانية مسلمة

العزيز بكري..
ذكرتني نكتة لازم احكيها..
قالوا كان في استاذ ابتدائي بتاع دين.. وبكرة جايين مفتشين من الوزارة للمدرسة.. قعد يحفظ في الأول بتاع الفصل اجابة سؤال: الخلقك منو..؟ تجاوب طوالي تقول: الله.. المهم قعد يكرر السؤال والاجابة مع الولد.. تاني يوم المفتشين جوا، وبدأ الأستاذ الحصة.. وانتهى من شرحه، وقام مفتش سأل التلاميذ.. الخلقكم منو يا شطار..؟ وصمت الفصل، قام عاد السؤال مرة تانية، ولاقى نفس الصمت.. احتار وعاين للأستاذ، قام الأستاذ كرر السؤال تاني، وبرضو الفصل سااكت.. المهم في النهاية رفع تلميذ يده، ففرح الأستاذ والمفتش. واذن له بالاجابة، فقال: يا استاذ، الخلقو الله الليلة غايب !!!

شكــرا يا رجـاء على هـذه النكتـة المصيبـة.. ضحكت فى وقت ما كان يجب أن أضحك فيـه، ولكن حليت المشكلـة، وجعلت محـدثى يشعــر بأنى معجب بحـديثــه!!

أبو الريش..
سلام.. وهو في شئ غير المصايب بيضحك..؟

رجاء الله يضحكك ...
ضحكت لمن ولدى الخطيييير السألتينى منو داك اتخلع

ليكي القومة يا دومة

Quote: Thank you for your help, please can you also put my foto in the advertisment... Salam Ibrahim

عساك بخير بكري

وكأنهن سلعة في معرض
ينتقي منهن ما يريد
الفضول لا يشبع هكذا

لا حول ولا قوة الا بالله
ما هو خطأ هذا الرجل الالماني يا ترى؟
هل هنالك جديد ان يتقدم احدهم عبر الانترنت للزواج من امرأة ما وبمواصفات معينة يعرضها سلفا ؟
هل هذا جديد ؟ واليس في الصفحة الرئيسة لهذا البورد اعلان لمن يريد ان يتعرف سودانية؟
وهل ما فعله بكري ابوبكر غلط أو عيب حين اوصل اليكم الرسالة بكل امانة ؟
اليس من حق هذا الرجل ان يختار امرأة مسلمةاولا وسودانية ثانيا ؟
واليست اللائي سخرن منه هنا مسلمات ؟ فلماذا يشعرن اذن بأن المسلمة غائبة؟
اللائي سخرن من شرط ( اسلام ) السودانية التي يريدها .. هل يستطيع احدنا القول بأنها ليست مسلمة ؟
لو قال احدنا ذلك فستقوم الدنياحتما .. ستقولون من الذي اعطاكم الحق في تكفير الناس ، انتم عاملين فيها ظل الله في الارض ، هل انتم وكلاء الله هنا ، ان الله اجمل منكم ونحن مسلمون واسلامنا مسألة شخصية بيننا وبين ربنا ونحن من اسر دينية واجدادنا خلفاء!!! .. وووو
اليس كذلك ؟
واما اذا تقدم احدهم يريد الزواج من المسلمة بينكن تسخرن منه ، هل تخشين من عدم استيفاء هذا الشرط ، وما الصعب في ان تكون الواحدة مسلمة ، اظنكن جميعا اهلا لذلك ، فأنتن مسلمات وبنات اسر كريمة ومسلمة .
فلم الاستياء من هذا الشرط الموجود اصلا
الرجل ربما يريد زوجة صالحة تعمق له معرفته بدينه ، وتمنحه الاسرة المستقرة السعيدة والذرية الصالحة وتساعده على قراءة كتاب الله وتكون في الوقت ذاته متنورة وتجيد اللغات الاجنبية ( الالمانية أو الانجليزية ) .. فبحث فلم لم يجد افضل من السودانية زوجة صالحة ؟ ماهو وجه الغلط يا خوانا ؟
لماذا تحترمون خيار اي فرد وتدافعون عن حريته في تحديد مايريد وفعل مايروق له شرط الا يكون ذلك الخيار هو الاسلام !!!
أليس هذا غريبا؟
الرجل لم يقل انه يريد متشددة أو انتحارية ، والا لكان بحث عنها في مكان آخر مش كدا؟

أرجو من صغيرتي الزميلة رجاء العباسي بنت الاسرة الكريمة التي احترمها جدا ( وعندي عشم كبير فيها ) .. أرجو منها الاعتذار لهذا الرجل الضيف والذي يتابع البورد كما يبدو، بدليل انه شكر بكري بعد ايراده لرسالته فورا .. تعتذر له سريعا وباسمنا جميعا عن هذه النكتة الساخرة التي اوردتها والتي ليس لها سوى معنى واحد هو : أن المسلمة غائبة ، طالما انها قالت ان الذي خلقه ربنا غائب !! .
أنت مسلمة يا رجاء فلا تتعالي على دينك وعقيدة اسرتك الكريمة وعقيدة معظم الشعب السوداني الذي تحترمينه
كلي ثقة في ان تعود الزميلة العزيزة رجاء الى الحق وتسحب هذا الموقف الاستخفافي احتراما للضيف أولا ، وللمسلمات الجادات ولجميع الزملاء الذين لا يقبلون السخرية من كونهم مسلمين يتبعون عقيدتهم بوفاء ولا يتعالون عليها .

الأخ الفاضل سبيل..
وانا ايضا احترمك واقدرك وعندي فيك عشم يمكن يكون أكبر من عشمك فيً..
انا لست ضد زواج الأجانب.. ولدي ابنة خالة متزوجة من الماني، وقريبة اخرى من ألباني، وابنة خال متزوجة من أسباني.. وصديقة عزيزة من هولندي.. يعني الموضوع مش غريب علي حتى استنكره..
ولم اخطئ حتى اعتذر.. وليس قصدي ان يتحسس أحد أو أنت بالذات من هذه النكتة..
العزيز مراويد..
شكرا لعشمك انت برضو.. شايلينك لعوزة..
العزيز بكري..
ارجو ان يجد صديقك ضالته المنشودة.. ودعواتنا معاه.. وزي ما قال احد الزملاء ان الراجل شكلو متابع البورد، وشهد معانا حروب الحجاب وشهادة الاستاذ والاستتابة ..
لوووول

وليك مني الموده واطيب المني

ياسيكو ليك الموده

اها دى نكته تانيه,
قالوا الحرامى نط على الراجل ومرتو ,خت للمره السكين فوق رقبتا وسالا "اسمك منو" "فاطمه" "والله عشان زى اسم امى انا خليتك"
قبل على الراجل "اسمك من؟" الراجل"اسمى التاج..لكن بدلعونى بقولو لى فاطمه.......!!!!!!"
لو فى طريقه...كتير من الرجال حيكونوا بدلعوهم يقولو عليهم "سودانيه مسلمه"

فعلا شر البليه يا رجاء...وشوفى البليه الجات طايره عليك دى,بالمناسبه انا عشمى فيك برضو كبير


ملاسي ودكين...دى مصيبه الاتلميتو سوا فى بوست الالمانى والله الراجل ده لو عارف فى امة السودان دى فى مساخيت زيكم لفر كما يفر البتاع من الهناى

يا بكرى قول للراجل "شوماخر فوهرر بايرن ميونيخ بندسليقا " ولو ما فهمت حاجه خلى اشراقه مصطفى تترجم ليك,انا عارفك بليد فى اللغات... انا طوالى بقول لى نفسي "انا وقت بعرف المانى قدر ده المقعدنى مع الطير ديل شنو؟؟؟"

الله يجازيك يا ملاسي ... انت قاعد طول اليوم قدام الكمبيوتر ولا شنو !؟
نكتتك يا رجاء رايعة بكل المقاييس ... ده كلو من التلقين !!

تشكر يا بكري ، ودي مسألة في غاية الأهمية أنو الناس يتجاوبوا مع الأخ الالماني المسلم . كتر خيره ، وربنا يديه الزوجة الصالحة

الأخت مراويد
السلام عليك ورحمة الله وبركاته

اختي العزيزة
أنا آسف جدا جدا على اية مضايقة قد سببتها لك حينما طلبت من زميلتك وزميلتي الكريمة رجاء العباسي بأن تعتذر للاخ الالماني عملا بقيمنا السودانية السمحة المستمدة من الاسلام
وطبعا يا اختي هذا من حقك ..ان تنزعجي بسبب ( الوصاية ) التي قد ترينها في كلامي
وأنا يا عزيزتي لم اقصد الى هذا شيئا
ولو انك نزعت عن عينيك الكحيلتين هذه مراويد الكحل الرقيقة لكنت قرأت كلامي بصورة افضل
أختي صدقيني
ان كلامك التالي فاجأني وكنت اظنك فتاة طيبة الاصل مثل رجاء فأنت تقولين :

لو فى طريقه...كتير من الرجال حيكونوا بدلعوهم يقولو عليهم "سودانيه مسلمه"

فعلا شر البليه يا رجاء...وشوفى البليه الجات طايره عليك دى,

هنا لدي ملحوظتان :

اولا لماذا هذا الاضطهاد لبنات جنسك يا اختاه
لماذا تفعلين مثل كثير من المتخلفين الذين كلما ارادوا الاساءة الى رجل أو التقليل من شأنه وصفوه بأنه مجرد امرأة !!

فنكتتك تدل على ان هذا الرجل الجبان الخائب أكد خيبته وسجمه حينما انتمى الى النساء ، فهل معشر النساء موصوفات بالخيبة دائما؟ أو من الطبيعي ان يكن خائبات واما الرجال فلا؟
هذا شئ ارفضه حتى لو جاء من امرأة كحيلة بالمراويد مثل حضرتك
فهنالك نساء ارجل من الرجال مثل مهيرة بنت عبود ..لا لا ليس معك حق يا اختي
هذا اسمه تمييز ضد المرأة كما انه ظلم واستعلاء فلا تشاركي في ظلم نفسك

ثانيا بالنسبة لوصفك لمداخلتي بالبلية فأنا اسامحك لأننا زملاء وقد تعاهدنا في بوست آخر أنا والزميلة الكريمة رجاء وآخرين على عدم الاعتداء على بعضنا طالما ارتضينا طرح وجهات نظرنا بالصورة اللائقة .
أختي أنا آسف لأي ايذاء سببته ولك محبتي واحترامي وازاح الله عنا سوء الفهم .

الاخ مراويد
السلام عليكم ورحمة الله وبركاته
لقد اتصل بي وابلغني احد الاخوة الكرام بأنك رجل مؤخرا
لذلك فأنا آسف على سوء الفهم وهذه كما تعرف من مشكلات الاسماء المستعارة ، ولم اقصد هذا الخلط وما ساقني اليه سوى النزعة الانثوية لمراويد الكحل
فأنا اعتذر واحترامك محفوظ
ولكن اعتراضي ما زال قائما على مسألة التقليل من شأن الرجل عبر تشبيهه بالنساء كنوع من الاضطهاد هذا ما ارجو ان تبرئ نفسك منه يا صديقي
واعتذر ثانية لأي اذى
لك تحياتي

الاخ سبيل
سلام
اولا:حصل خير,الاخ او الاخت او الخاله مافى مشكله,اعلم انك ما قاصد هذا الخلط,وحتى لو قاصدو انا بفرق معاى يعنى مناداتى بانى امرأه لا اعتبرها تقليل منى,بل هى تقليل من قائلها ,وانا واعى ومنتبه للsexism الموجوده فى مجتمعنا والبورد.

ثانيآ:افتكر عندك مشكله فى فهم النكات,سواء بتاعتى او كتة رجاء,وطبعآ من ابيخ الاشياء شرح النكته,ببساطه المفارقه ليست فى فنكتتك تدل على ان هذا الرجل الجبان الخائب أكد خيبته وسجمه حينما انتمى الى النساء كما فهمت انت,بل انو فى الزنقه الزول/ه ممكن يقول او يعمل كل الاشياء غير المعقوله كان يسمى رجل نفسه باسم معروف انه نسائي,يعنى ممكن نعكس النكته والزوجه تقول "انا اسمى فاطمه لكن بدلعونى ميرغنى!!!!", شفت النكته باخت كيف!!!!
والربط بين النكته واعلان الزواج,انو فى الاف الشبان عاوزين يطلعو من السودان باى طريقه (زنقه زى زنقة حرامى النكته)واتخيلت الواحد يقول (انا مسلم سودانى بدلعونى مسلمه سودانيه )والبليه يا سبيل هى الظروف والواقع الحاصل فى السودان الذى يدفع الكثيرين/ات لفعل اى شئ للمخارجه...دى البليه
ثالثآ:،

Quote: فهل معشر النساء موصوفات بالخيبة دائما؟ أو من الطبيعي ان يكن خائبات واما الرجال فلا؟ هذا شئ ارفضه حتى لو جاء من امرأة كحيلة بالمراويد مثل حضرتك فهنالك نساء ارجل من الرجال مثل مهيرة بنت عبود ..لا لا ليس معك حق يا اختي هذا اسمه تمييز ضد المرأة كما انه ظلم واستعلاء فلا تشاركي في ظلم نفسك

يا سبيل بالغت عديل كده,انا متابع البورد ده كويس جدآ,يعنى ظلم النساء والتمييز والاستعلاء على النساء بقي فى النكيته حقتى دى؟؟؟ ولا المطوعين الحايمين ماليين البورد ولو لقو طريقه كان نقبو النسوان وصلبونا انحنا و شمعوا البورد,يا اخى خليك معقول شويه....ورغمآ عن ده,اذا فى واحده من النساء احست انو النكته فيها تقليل ليها فانا اعتذر علنآ,اتمنى انك تقيف معانا طوالى ضد التمييز على اساس الجنس .. اوعا تزوغ لو القصه سخنت.
رابعآ:

Quote: بالنسبة لوصفك لمداخلتي بالبلية فأنا اسامحك لأننا زملاء وقد تعاهدنا في بوست آخر أنا والزميلة الكريمة رجاء وآخرين على عدم الاعتداء على بعضنا طالما ارتضينا طرح وجهات نظرنا بالصورة اللائقة

, برضو ما قصدت الاساءه لكن ردك الغريب على نكتة رجاء لكن المشكله فعلا فى انو البشر مختلفين وكل واحد عندو his/her sense of humor ,برضو اعتذر ليك اذا الكلام مساك.
خامسآ:

Quote: عينيك الكحيلتين هذه مراويد الكحل الرقيقة امرأة كحيلة بالمراويد

..لاحظت انك تستخدم احيانآهذا الاسلوب فى الرد على نساء فى البورد,فلو كان من باب الظرف فالطريقه دى ما ظريفه وكمان قديمه شويه ولو من باب رفقآ بالقوارير no comment
سلام تانى

اللة يوفقوا
بالمناسبة دى قبل سنوات ابتعثت مؤسسة تعليمية رائدة (فى تعليم البنات) مجموعة من المتفوقات الى المانيا وفرنسا وانجلترا للدراسات فوق الجامعية !!!!!!!!!!!!!!!!!
خمس منهن تزوجن فى تلك البلاد ولم يعدن بعد!!!!!!!!!!!!!!!
ويبدوا ان لألمانيا نصيب وافر,,,
المرأة السودانية (لقطة) واللة,,,,,,,,,,,,,,

اكيد بتكون في استجابه بس البقدم ما بجي يقول انا قدمت وماهوسودانيات بتزوجوا سودانيين بالانترنت يعني الموضوع مافيه غرابه وكونه الماني او غيره ما فيه غرابه كلنا بشر الله يحسن الاعمال

..
.
هل من المتوقع لمثل هذه الزيجية ان تنجح ان وفق المستر/ وينر
بالعثور على رفيقته السودانية المسلمة او العكس صحيح رغم ان الفكرة جميلة بالنسبة الىان انقلبت الاطراف..؟؟
مجرد تساؤل ليس لانه عن طريق النت فقط ولكن لاختلاف جميع الروابط
عدا الرابط الاسلامي ؟؟

ماما دومه
انت غير مخوله بالاجابة عشان سوزان المانية من اصول سودانية
بعدين هى لا قدر ود كين لا فى سنه بعدين ما خطبناها زمان لدكتور/صهيب اخو تبلدينا .. غايتو انتو يا الامهات ما منكن امان بس مع الجاهز .

سبيل
هذا هو الخلط بين الجدية والهزل مثل ( حصة الإملاء ) وخلط السيادة
الوطنية بالحجاب الشرعي حقيقة هناك عجنات تثير الدهشة فى
جدية المتحاورين.


رجاء يا بتنا ..
لكن ما بالغت برضه يعنى أندهاشتك تحيرنى وايضا تذكرنى بنكته
الراجل الذى يبحث عن زوجه (لجنه) فسمعته احداهن وقالت بنفس
االكنة : توسها تن تلداها ..
يعنى نفس من كدا انه لم تعد هناك سودانية ذات دين حتى تترب يدانا ؟؟
الله يكدب الشينة ويسهل القواسي .
وعشان كلامك تالواحد يشوف ليه المانية مسلمه. اقرائي تحت


يا دكين ممكن لو سمحت اخت اعلانى جنبك بهناك ويا ملاسي بدون تعليق ..سمح ..


TO: Mr.THOMAS IBRAHIM WEINER
CC: TO MR. Bakri Abubakar

Derar Bro's

Alsalaum 3alukoum

I am a muslim Sudanese and want to travel to German in Future

In this case I am looking for a Garman Muslima for wedding and life with her in Germany

Please can you put an advertisment for me in any Graman website

Maybe you are also able to give me full information about how to get a visa

Your immediate replay will be height appreciated

Thanks & best regards

S.A.Saleh
[email protected]




Heeeeey SODBMer's
PLs. Don't Laugh it’s not a joke am very serious

لوووووووووووووووول التبلدي ولدي الليله ذكرتني تعبيرابوي كان يسمي الزول البعمل عملتي دي دره الرباطه (الدال مكسوره) مزروره بجيك ونعمل الاعلان دا بالالماني كمان دكتور صهيب يرقدقفا امره مقضي لووووووووووز

الاخ الالمانى
اتمنى ان تجد ضالتك واسعدنى شرطك الذى هو الاسلام
ربنا يوفقك لبنت الحلال التى تعينك على دينك
واتمنى ان يعطيك الله بقدر نيتك..
اشكرك لاختيارها سودانية وتوسمك الخير فى السودانيات
اللهم وفقه فى اختياره واعطه امرأة صالحة
اللهم آمين..

..
.
عاااد يا يمه صهيب دا يرقد قفا بوووووين ؟؟
معاكن انتن الامهات بقيتن زى بنات الزمن دا واحد فى الكف
وعشرة فى الرف ، ود كين كشكش ساى اديتهو .. قبلكن وقبالكن
عللى العموم خلينا فى الجد انا ما صدقت الالمانى دا يشجعنى
وانت شايفه نزلت اسمي وايميلى .. دايرين صورة ولا حاجة ؟؟
بس صورة ليها 3 شهور لانو صلعة الراس بتاعت الحادصث لسه نجيلتها خفيفة
يلا بسرعة ترجمى الاعلان للالماني ولا بكورك لاشراقة وياسر الشريف
اودكتور Mcgee بالله سلامى ليهو شديد مع السلام دا ما راجع السودان .

تحياتى لسوداننين المانيا جميعا والعروس كمان ..looool

السلام عليكم
شر البلية ما يضحك!! اللهم ارزقه الزوجة الصالحة و بارك له فيها و أجمعهم في خير .
و الله فيهو الخير كان السوداني نط من السودانية أخير يشوفوا حالهم
بس السؤال لما سودانية ؟ ؟؟ ؟؟؟
تبلدي ما قدمت البت طلبها زمان بس غايتو هي عايشة في المانيا و معلقة في يهودي احاول احولها ليك كان تبقيها مسلمة ! هاهاهها
ذكرتوني صديقة لم التقيها منذ امد تصر انها تود الزواج من خواجة مسلم لاني السوداني معقد و يحمل الاسلام بجيبه و لا يجيد تطبيقه اقوم افتش عنوانها. بس يا تبلدي المغاربة ديل ممنوع من الصرف لا خواجة و لا سوداني

gotten morgan ... gotten takt

غايتو اتذكر مرة جيت ماري ورا معهد جوتة وسمعتا الكلمتين ديل وعلي الله يكونو صاح يادومة..

ناس الهيلاهوب زمان كان عندهم قصيدة سمعتها في نادي المكتبة القبطية بتقول ..

نجيب سبعة من البرقو .. وسبعة من الالمان
نجوطم نلخبتم نعرسم .. ونشوف ..
يالبرقو بقوا المان يا الالمان بقو برقومان.

لكن ياخوانا سؤال .. انتو ناس جيرمني ديل عارفين انو اسم النسب لي المانيا في اللغة العربية هو almani ؟ لحدي ما يكتبو في ال e-mail كمان؟.

غايتو ياخوي ربنا يدينا ويديك ..

ويا الله لوتري.

عملاً بنظرية العرض والطلب
الهمله هنا حاصلهوالمنقه اتباعت بالخساره
خم يا دكين

Quote: Dear bakri Salamat. Hope every thing is OK w/u and family. Please extend my worm salam to Dr. Halla and kids. When I was reading the post about the German man who is looking for a Sudanese Muslim lady, I remembered this Story. Please if you have time copy and paste it on the board. I'm away from home other wise I would use Nada's password and username to post it. Thanks in advance. The Story is: back in 1993, during my first days in the US, I was working for Pizza Hut. One evening I delivered some Pizza to a house in Arlington. VA.A white man opened the door for me. He seems to me like the owner, then tow white boys came running and shouting (pizza is here, pizza is here) .The boys were around five and seven years old. The man took the pizza and the boys into the kitchen. A woman came out, greeted me and started writing a check for me. She looks exactly like a Sudanese, Ethiopian or Eritrea; you know we all look a like to some extend. Then I started questioning myself; a white man and two boys with deferent looking women who is writing me the check?? Must be his new wife. Then curiously I asked the lady where is she from? She said, smiling: "I'm from Panama". I said: "Oh you look like women of my country; this is why I asked you." Then she asked me where I'm from. I told her I'm from Sudan. At that moment the man was finished taking care of the kids and came out. He said "Oh you are from Sudan, you must be a Muslim" I said "yes I'm." Then he pointed to a two cats which were sitting around and said “I think you know the story of the cat with one of prophet Mohamed follower" I said "yes I do". I looked around and found a lot of stuff from allover the word hanging on walls and decorating the place. I said to myself 'this man must be working for some International Organization.' Then the lady said, while she was handing me the check "He said I look like women from his country" The man replied, and this is why I'm telling this story , "If he said you look like Sudanese women, he gave a big credit, because the Sudanese woman is the most elegant women I ever met" I left that place full of joy and proud of myself, mother and sister, and now of my wife. Saif Elyazal Abayazid

Quote: because the Sudanese woman is the most elegant women I ever met" I left that place full of joy and proud of myself, mother and sister, and now of my wife. Saif Elyazal Abayazid

ابصم بالعشرة مع سيف اليزل والامريكاني سيد البيت بتاع البيتزا..

الحبيبة دوما..
شغل شنو؟ ولا عمر شنو؟ ولا اخلاق شنو؟ ولا الحاجات الكتيرة العايزة الناس تسال عنها..؟
مش كتر خيرو في "راجل" عرض نفسو..؟
عايزين اكتر من كده شنو.. بطلوا طمع ..
لووووووووووووول

SAIF AL YAZAL

WHAR UP BRO

HAVE YOU BEEN WAITING FOR AN AMERICAN GUY'S WITNESS TO FEEL PROUD OF YOURSELF, MOTHER, SISTER AND YOUR WIFE?
DIDN'T YOU EVER BEFORE THIS INCIDENT KNOW THE VALUE AND PRECIOUSNESS OF YOUR COUNTRY'S LADIES?

COME ON MAAAN.

OK BRO LET US LOOK AT IT FROM A REFLECTED SCOPE.

GUESS THAT SAME AMERICAN GUY CAME TO SUDAN AFTER HE WON THE DV IN 1993, AND WENT THROUGH THAT SAME EXPERIENCE AND YOU WERE THE SUDANESE GUY TO WHOM THE PIZZA WAS DELIVERED.

DO YOU THINK HE WOULD GONNA TAKE YOUR COMPLIMENT FOR THE AMERICAN LADIES SERIOUSLY? LET ALONE FEEL PROUD OF HIS MOM, SITER AND WIFE. NOT JUST LIKE THAT, BUT KEEPING IT IN HIS MIND FOR TEN YEARS BEFORE SENDING IT - FULL OF EXITEMENT - TO THE AMERICANSONLINE.COM TO CELEBRATE IT WITH THE OTHER FELLOW
AMERICANS?.

!!! WHAT'S GOING ON YOU GUYS
ARE WE STILL AS WE WERE !!!

طيب مافى المانية دايرة تعرس ليها سودانى???

..
.
نفهم شنو يا ريس ؟؟ بعد ما جبت لي ايميل سيف اليزل دا
يعنى لا بنماوية لا المانية ، سودانية مية المية ولا دى مكنتك لزوم مديح لمدام /هالة .. اها بطلنا .. عندكم سودانية( اريزونية ) قريب غطاء ؟؟
ان شاء الله تكون جاتكم مهربة من المكسيك .
وسلامى لك وللمدام والاولاد
وكمان سيف اليزا بتاع البيتزا دلفري ..

يا سودانية
يهودية عديل كدا ..؟؟ نبرا ونستبرا ما لك على بعدين نجهجه الوليدات
لكن ما قلت لى رأيك فى الألماني شنو ؟؟
والله لو كان بكرى جاب طلب المانية كنت سجلت ..
نحن كدا وانتو كيف ؟؟ ادرسي الموضوع كلنا اخوان فىالله
بالجد والله ..


تحياتى
انا لسه واقف منتظر اللمانى دا يعمل معاى تبادل
واحدة بواحدة ..

يا تبلدي الراجل الالماني دا ما تدقسوه بالله اولا هو مفروض يقول ليناعمره كم؟؟؟ما معقول بس سودانيه مسلمه وبعدين اكيد الصوره مهمه !!!بعدين مالوا متصور بي جوققنق سوت ؟؟؟ بعدين ما قال لينا شغال شنو وكدا بس مسلم حافه كدا المسلمين ما مالين الدنيا بالله قل ليه يعمل ادفرتايزمنت كامل شامل العمر, التعليم ,المهنه, الهوايات الاسلام دي عرفناها

Quote: الاخ مراويد السلام عليكم ورحمة الله وبركاته لقد اتصل بي وابلغني احد الاخوة الكرام بأنك رجل مؤخرا

الاخ الفاضل سبيل ...

علي حسب علمي الاخ مراويد راجل من زمان و ليس مؤخرا ....

تحياتي

ملاسى

Quote: من زمان و ليس مؤخرا

ملاسي

يجازي محنكم...

ملاسي
القال ليك منو !!!؟؟؟؟؟؟

الحبيب مراويد

ها انا ذى اكتب لك بعد ان طال طناشك.. وجدت انه لا شئ امامى الى ان انتحر نفسى.. وها انا ذى اجلس فى علبة من علب الكوبرى الجديد
التى نسى الصينين دفنها كما ينبغى ان يكون.. وبعد قليل سارمى نفسى فى البحر
وداعا وداعا
ا
غ
ر
ق
ق
ق..
.
.
. بقع بقع وبقع
قررر
رر
ر

ياريس

دا ناوي علي تقسيم الثروه تاني والله شنو؟؟؟

معلومات عن الزول دا
سكن جنب شقه بتاعت سودانين؟؟؟
والله جاء علي الريحه
موضوع ودقاسم
البخور والدلكه خلن عقلو لكه!!!

الطابق البوخه؟؟؟

ياربي دا ما سمعبو سجيمان البلبع في السعوديين؟؟؟

الالماني ابو النسب دا
زكرني زمان كانت خاله لي في المسيد كانت امها متحسسه شويه المهم اخدولن بخرات وجو الحله ،،،
بعد اسبوع كدي جانا واحدن غريب في الحله
اها الناس المثقفاتيه شويه عرفوه واحد من الفنانين المعروفين ، يازول ماقصرو ضبحلو ولعو الرتينه لمن عبوها مرتين تلاته تش تش ،،،
اها لاعن تلتين الليالي عرفو موضوعو الجابو ( عرفوه داير بت حمدان - بت حمدان ست الطينه والوزينه)،،،
اها بكره الصباح رسلو لابوها وعرضوا عليهو الموضوع
قال قولتو الشهيره
غناي شنو بتي ما بديها لزولن غريب ،، ،، ،،
اها صاحبنا لقضت نعلاتو ونكشح
اها مابعرفو دا كان قبل تصبح الخرطوم عاصمه الثقافه العربيه
اها يا الالماني ابو النسب
الله يلمك في واحد ويكتا ( ويكه) تكتف السوسيو!!!

لافض فوكي
انتي تضقلمي واقعة من سماء الله .

لوووووووووووووووول
رجوية فطستيني من الضحك
قلت لى احمد غائب في الركائب؟
لوووووول تاني
ما اقصد حاجة والله ولا اقصد باقيها ولا اقصد الألماني
ويكفي انه مسلم
بالمناسبة الزول دا العربى عندو كيف؟
ولا محتاجين لكورس المانية
وكان بيعرف عربي النقة لدرب الوقت دا تكون طفشته..
والسيرة معقول حتكون لالمانيا؟
يجى هنا تنزل من قيمة العرض طوالي وتدخل مجال للتفكير

مع اني ارى لاشيء اذا ثبت انه ممن نرضى دينه
لكن عن نفسى عاجبانى الأغنية بتاعت
بنريد من بلدنا مابرة البلد
سودانية تهوى عاشق ود بلد

Quote: يا سبيل بالغت عديل كده,انا متابع البورد ده كويس جدآ,يعنى ظلم النساء والتمييز والاستعلاء على النساء بقي فى النكيته حقتى دى؟؟؟ ولا المطوعين الحايمين ماليين البورد ولو لقو طريقه كان نقبو النسوان وصلبونا انحنا و شمعوا البورد,يا اخى خليك معقول شويه....ورغمآ عن ده,اذا فى واحده من النساء احست انو النكته فيها تقليل ليها فانا اعتذر علنآ,اتمنى انك تقيف معانا طوالى ضد التمييز على اساس الجنس .. اوعا تزوغ لو القصه سخنت.

يا مراويد انا والله العظيم وكتابه الكريم امرأة
عشان ما تكون بياخاتك معاى البلا سبب ديك قايلنى راجل
وشكرا لاعتذارك على النكتة لانها جد جنترتنى وجندرتنى

ولا النعمنو من ناس الهوس الدينى دمى مباح

انتهى

(دى نقطة جديدة بعيدة عن مراويد)

مش حاجة غريبة تلقى زول يتكلم ليك بقندفة
شديدة عن المرأة وحقوقها ويقرب يصرخ
Iam a woman
ذى كندى لما قال هو نقار ويخطب فينا من واحدة ذى تمرق من الجخنون
وتخلى هز الكانون يطلعوها ليك اى كلام
ياربى رأى حبوبتى انه الاخوات المسلمات ديل ذى الرجال
حتى صوتهن تخين
دى نظرية عامة؟


ويا ود خالتى
شديدة والله

"ارجو ان يجد صديقك ضالته المنشودة"

الأخت رجــاء..

تقصــدى شنـو بـ "ضـالتـه"؟

العزيز أبو الريش..

العزيره رجاء
نكتتك ظريفة واتفق معاك من زواج الاجنبي عشان نحسن من من نسلنا وهاكي النكته دي عوض دكام متزوج مصريه وجاب بنات زي الورد جاهو ود اخوه قال ليه عايز ازوج بنتك ياعمو عاين ليه كده وقال ليه ياولدي انحنا نضف وانت جايي توسخ

سوداني مقيم لا يزال يرغب بشدة في الزواج من المانية في اي مكان
او سودانية مقيمة بالمانيا

الافضلية للمسلمات..


للاستفسار الاتصال بدومة

عندها c v

لوووووول دكين يااخوي CV من غير شيكات ما تنفع نحن قبلناطلبك بس في انتظار الشيك وكدا ناس التبلدي دفعوا كاش اديناهم منقه انت ح نتفاهم في الموضوع التاني داك في تخفيضات هائله لووووووووول لا تدع الفرصه تفوتك

لوووووووووووووووووول يا دومة
المتقة للمنقة و الدومة للدومة
والفائض حوليه
مافى زول عايز امريكان من السودان
وكل واحدة معاها واطة علينا جاى خليكم مع العم بوش
مرسل الموت والفزع.. الالمان ديل من مات هتلر بقو
فتة ساكت فتحة خشمهم يذكروهم كيف حرقو اليهود
طوالى يجرو واطىو نكديين وعندهم عقدة ذنب مستاصلة
لكن ناس بوش هلا هلا يكتلو الكتيل ويمشو فى جنازتو

شوفى يا دومة يا أخيتى
الناس البتفتش للالمان ديل دائما
مافى شيكات
لانه لو فى شيكات
اخير السودان

ذى ما قال امبرتو ايكو

اذا ربحت التجارة المرة والحمارة
واذا خسرت التجارة اخير لى الحمارة