Post: #1
Title: توضيح الى عشة بت المبارك و اخرون
Author: بكرى ابوبكر
Date: 01-29-2005, 10:07 AM
الاستاذة عشوشة بت فاطمة بت المبارك و الجميع
سلام
اقوم بتنظيف ملف تحميل الصور كل شهرين حسب ما هو معلن فى تلك الصفحة و وعليه اذا رفعتي صورة باسم ali.gif قبل الخذف و استخدمتيها فى ملفك او موضوع ...و جاء زميل/ة اخر و رفع صورة بنفس الاسم بعد التنظيف فانه سوف تظهر نفس الصورة مختلفة
و لك حبى و تقديرى
|
Post: #2
Title: Re: توضيح الى عشة بت المبارك و اخرون
Author: saif massad ali
Date: 01-29-2005, 10:22 AM
Parent: #1
الحمد لله يا زول انا قلت الشغلة فوقها عمل سيدي الهاكر
|
Post: #3
Title: Re: توضيح الى عشة بت المبارك و اخرون
Author: عشة بت فاطنة
Date: 01-29-2005, 11:08 AM
Parent: #2
نفرض حصلت المسألة وبهذه البساطة ، اشمعنى صورتي انا بالذات تكون مع هذا الانسان الاسمو سجيمان رغم سخافاته التى يديرها على غفلة منى ..
ثم أذا أفترضنا ان هذه الغلطة والتي لا تدخل العقل أبدا ، لماذا لا يقوم هذا العضو بسحبها ويا دار ما دخلك شر ، لماذا يتخذها موضوع لفكاهاته السمجة هو وصاحب البوست ..خال فاطمة ؟؟
والان ماذا بشأن هذه الصور أتعتبر واقعة كما يقول وانه لن يقوم بسحبها أبداليواصل بها نكاته البايخة ؟؟
ويا ترى محاسن الصدف دي ما حصلت لاي صورة عضو/ة غيري ، السبب شنو ؟
أريد توضيح لهذه المسألة ومن الصباح ماسكة أعصابي
|
Post: #5
Title: Re: توضيح الى عشة بت المبارك و اخرون
Author: A.Razek Althalib
Date: 01-29-2005, 11:23 AM
Parent: #3
الغالية بت المبارك...
الغالي بكري أبوبكر....
لك التقدير والإحترام...
| Quote: ويا ترى محاسن الصدف دي ما حصلت لاي صورة عضو/ة غيري ، السبب شنو ؟ |
أيوه سعادتك حصل معاي أنا والأخت إشراقة مصطفى... ورسلت لي مسنجر مهذب... مع شوية عتاب ولوم بانني قمت بإستخدام صورة أختها... مع العلم أنو أنا يوم أمبارح كنت في حفل بورداب الرياض من الساعة العاشرة صباحاً صباح الجمعة وحتى الساعة الثانية عشرة ليلاً...
للعلم... محاسن الصدف بتحصل طالما في حاجة اسمها سيرفر بحتاج لشوية نظافة كل شهرين... عشان الزحمة....
أما الحاجات التانية فأنا ما عارف الحاصل شنو....
في مسائل الهمز واللمز..... ولكن خلي روحك رياضية...
ولك خالص الأمنيات وللأستاذ بكري أبوبكر...
|
Post: #4
Title: Re: توضيح الى عشة بت المبارك و اخرون
Author: محمد الامين احمد
Date: 01-29-2005, 11:21 AM
Parent: #1
تحية طيبة للجميع
السيد/بكرى هل هذا يعنى ان الصور المرفوعة كلها قد مسحت و لا يمكن استعادتها؟
لو كان فى امكانية ترجع لى الصورة التى كنت اضعها اكون شاكر، و اذا كانت
قد مسحت مسح نهائى فلا بأس.
شكرا
|
Post: #6
Title: Re: توضيح الى عشة بت المبارك و اخرون
Author: عشة بت فاطنة
Date: 01-29-2005, 11:33 AM
Parent: #4
والله يا اخ عبد الرازق نفس الشي لو حصلت لي مع اي عضو أخر كنت حالفت نظرو وانتهي الموضوع لكن ان يفرد لها بوست وتستخدم كمسخرة هذا ما لا ارضاه لنفسي ولا لغيري أبدا ، وعلى بكري ان يقوم الان بأخراج صورتي من بوست المدعو خال فاطمة وكفاية سخف يا خال فاطمة انت وسجيمان ؟؟ ما عايزة أفرد بوست تاني ؟؟ أنا شخصيا لا أعرف عنك أي شئ ولم نلتقي في اي حوارات وما عايز ة أعقد الموضوع فأرجوك ياستاذ طلع صورتي من بوستك
خال فاطنة طلع صورتي من بوستك
خال فاطنة خلص صورتي من بوستك !!!!!!!
::::::::::بوستك ...
طلع صورتي من نأفوخك وامشي أستفرغ في صورة .. احسن ما استعجل مهلة ونشوف بعدها البحصل !!!
|
Post: #7
Title: Re: توضيح الى عشة بت المبارك و اخرون
Author: saif massad ali
Date: 01-29-2005, 11:56 AM
Parent: #6
اختي الحبيبة عشة بت فاطمة
اولا
اعتذر لك بهذه المناسبة رايت صورتك اليوم في بوست لي ولكن الاسم سجيمان ظنيتو هو العمل الصورة, وسألت سوأل عفوي , ولكن اكد لي بانه ليس له علاقة بذالك.
|
Post: #8
Title: Re: توضيح الى عشة بت المبارك و اخرون
Author: A.Razek Althalib
Date: 01-29-2005, 12:31 PM
Parent: #7
| Quote: وعلى بكري ان يقوم الان بأخراج صورتي من بوست المدعو خال فاطمة وكفاية سخف يا خال فاطمة انت وسجيمان ؟؟ |
الأخ/ بكري بناء على رغبة العضو عشة بت المبارك (عشة بت فطنة) بسحب صورتها مما يسيء إليها ويستفزها... ونزولاً لرغبتها... آمل تطبيق المادة 17 من قانون العقوبات للعام 2005م من شهر نوفمبر لليوم 10 بأثر تقدمي بحسب نصوص اللوائح الإسفيرية...
الرابط: Re: الحقوووووووووووووووووووو صوركم .......................
مع توجيه صوت لوم بدون فصل أو إنذار للعضو خال فاطمة....
وغرامة على العضو سجيمان... للتأيد الضمني....
والعضو سيف مساعد.... للسكوت وعدم تنبيه الإدارة... بذلك.... والتشكيك | Quote: يا خال فاطمة انت متاكد ده عبدالرزاق |
ومحمد أبو القاسم Quote: الحمد لله صورتي ما طلعت فيها نانسي عجرم
وتمتد الرؤيا بعد الرؤيا الي الابد |
مع إصرار سجيمان بوضع اليد: Quote: انا غايتو لقيت لي صورة واقعة.....
والله ما اغيرا ان جا شنو وشنو داك...... |
Ehab Eltayeb علق:
Quote: كويسه انه جاءت في صورة عشه ...هسه اكان ظهرت ليكم صوره تانيه اقولو.....
عشه دي نحن بنرضيها ليكم.. وهي انسانه فاهمه...
الله يستر,,,, |
zola123
Quote: سجيمان ياخي حرام عليك
موتني من الضحك |
زولة 123 قلبها ميت... وقال سجيمان كتلا من الضحك.... وشر البلية ما يضحك.... كدي اضحكي تاني.... بس خلي روحك رياضية....
نسجل صوت لوم للسيرفر... وبعدين للأعضاء المشاكسين.....
مع تجريب اللوائح الجديدة على المجموعة دي... ولا تأخذكم بهم رأفة... في حياةالبورد...
وخالص الأمنيات...
|
Post: #9
Title: Re: توضيح الى عشة بت المبارك و اخرون
Author: A.Razek Althalib
Date: 01-30-2005, 03:20 AM
Parent: #8
تشكر يا خال فاطمة يا واعي...
ما قلت ما بتعرفوا الخوف.....
والله أتاري شغل المحاماة ده سمح...
وينو زولك سجيمان خلي يجي يسجل إعتذار هنا...
للأستاذة/ عشة بت المبارك (عشة بت فطمة).
وخيرهما الذي يبدأ بالسلام...
|
Post: #10
Title: Re: توضيح الى عشة بت المبارك و اخرون
Author: عشة بت فاطنة
Date: 01-30-2005, 04:11 AM
Parent: #9
بس خلاس عفا الله عما سلف والضحكة الحصلت برضو عفيتة ليكم انشاالله توسع شرايينكم ، .
بس المرة الجاية يا بكري نرجوك فرز الكوش يعني ما في داعي بعد تكنس تودي مخلفاتنا لمزابل الجيران اي عضو وخاصة العندهم مكتبات اسفيرية افرز ليهم مزابلهم الاسفيرية .
|
|