اغلاق المنبر الحر و جعله منبرا ساكنا

اخى و اختى عضو-عضوة المنبر الحر

مافاهم حاجة؟
المقصود بي ساكن شنو يا حبيب؟

اها وتاني ؟؟؟؟

ساكن وين؟

سكنت بك الحشــا والجســم شـــوقــا
أنا الوطن القــديـــم وأنت دارى


سكن الفـؤاد فعش هنيئـا يا جســد
هــذا النعيــم هـو المقيـــم إلى الأبــد


ودعـه يرى العقبى ليـرتــد ســاكنـا
سكـون الذى أنفاسـه الورد بالشكــر

وبيييييييييييييييييييييييييييييو

حاصل الحاصل يا ود الشيخ ؟؟؟؟؟؟؟؟؟؟؟؟؟؟؟؟؟

ساكن وين؟ في الكلاكلة يا سيجمان

اللهم اجعلو خير
انشاء الله ما يكون في مصيبة

ساكن قصاد الدار

طال فراقي ناري يا سواكن

يا بكري البوست بتاعك ده منوم في ياتو مستشفى عشان نزورو

ساكن قصادى..وبحبو؟

غايتو يا اساسى الغنية رهيبة واظنها وقعت للاخ بكرى فى جرح!!!!

ظلمونى الاعضاء وتجنوا على .......... والقالوا في كثير ماشوي

علشان حبك يا بوردى الحر،ظلمونى الناس،لكن قول ليهم اصبروا لى!!!!

غايتوانابعمل ليكم فيها مفتح وبقول بكرى قاصد ايقاف الاغانى عبر البوستات
بس خابف اكون دقسته
تحياتى

اظنه ساكن جوارنا وياكل البورداب

خبر عاجل
في خطوة مفاجئة اوردته مصادر مطلعة في منابر قريبة ان السيد بكري ابو بكر امين موقع سودانيز اون لاين قد عقد صفقة مع مستثمرين اجانب لشراء المنبر الحر بموقع سودانيز اون لاين ليتم تخصيصه والالستفادة منه ماديا بعدما صار المنبر الحر من اكثر المواقع علي الشبكة العنكبوتية زيارة .. هذا وفي مقابلة سريعة لممثل الشركة الماليزية التي اشترت المنبر الحر اكد انه سيتم الاستفادة من نجاح المنبر الحر والاستفادة منه تجاريا بجعل الاشتراك مدفوع القيمة وسيقوم مجلي الادارة بطرح بعض القرارات التي تضمن لهم استمرارية المنبر علي الشبكة مع جعله مدرا للمال وذلك بتوقعهم ايرادات ضخمة من الغرامات التي سيفرضونها علي جميع المتخاصمين والذين يطلقون الاساءات وهي الظاهر التي يتميز بها المنبر كما ستفرض رسوم علي المراسسلة بالماسنجر وانزال البوست ونصف الرسوم علي التعقيب مما يتطلب دفع مبلغا مقدما للمشارك في المنبر يتم الخصم منه اليا بمجرد ان يقوم باضافة موضوع او التعقيب علي موضوع او ارسال ماسنجرات كما ستتضاعف القيمة في حال ان كان المري اليها عضوة . وسيكون الخصم يدويا من حساب العضو اذا كان هناك تعدي علي احد الاعضاء .

يا اخوانا بكري ده مافهمتوهو



هو كان المفروض يكتب ..(انا ماشي السوق وبجيكم صادى ..بس نسي الجمله دى ) ما تحكوها

الاستاذ بكري ابوبكر
لاول مرة اتقاطع معك في بوست ما
المقصود من الفراغ الذي تعمد البعض من الاستهتار والتندر بة في الوقت الذي يقف فيهو البوست علي شفا الهاوية لم افهمه
ولثقتي في صاحب فكرة هذة الصفحة وراعيها اقول ان هذا الوطن اصبح اكبر من يقرر مصيرة افراد او جماعات/ وان تجربة الديقراطية لقاسية
واقسي مافيها التقنين لها وحمايتها/ كسودانيين درجنا علي ثقافة الهيجان الحواري والانفعالات في اتخاذ القرارات قد يبدو ذلك مفسرا ،
لكن مايحز في نفسي وجودنا في عمق حضارة ابسط ما يمكننا تعلمه منها هي الية معالجة مشاكلنا بهدوء ونف س بارد وتقييم واضح وصريح لما نريدة تحديدا من هذا المنبر؟
مع خالص حبي

مافاهمين حاجه يابكري
ممكن تفاصيل واضحه
عموما اغلاق هذا المنبر فان الكل سيكون خاسرا

حقيقى اخى بكرى كان اصرارى على الاشتراك فى سودانيز اون لاين للتفرد والجيده والعلميه فيه ليست كما يشاع فى منابر اخرى انه منبر صفوه ولكن لانه حقيقى يعبر عن قضايا سودانيه اصيله تحتاج لنقاش وكما قال استاذنا محجوب محمد صالح ان السودان لم تتحدد هويته بعد كنت تواقا لان اجد اجابه على هذا السؤال فى هذا المنبر ولازلت ابحث عنها واملى ان ان اجدها فيه
اتمنى من كل قلبى مساهمه ايجابيه من عضويه المنبر فى الاجابه على الاسئله الصعبه الاسئله السودانيه التى ليست لها اجابه حتى الان
لذا فوحدده عضويه المنبر هى ضوء يجعلنى انام مطمئنا على وحده السودان
اتمنى وعيا ومعرفه تقودنا للامام

؟؟؟؟؟؟؟؟؟؟

ؤبث

يااخوانا
هــــــــــــــــــــــــــــــــــــــــــس


كده المنبر يبقى ساكن .........


نوف

الذي فهمته أن بكري عبر بالبياض عن اسفه العميق لإستقالة عادل عبدالعاطي التي ما كان بكري يتوقعها وما سعى لها نسبة لما تجمعهما من صداقة . وانتهز فرصة هذا التفسير الذي ربما لا يكون صحيحاً لأدعو عادل للعودة للمنبر وذلك لسبب واحد هو ان المنبر يشكل انعكاساً مضغوطاً لحالة السودان فكما تنبت تربة السودان التبش والنبق والعنكوليب تنبت العدار والحنظل وكما ينبت المنبر أشعار حافظ والصادق وحميد والقدال وعاطف خيري وميرفت وظاهرة ميسون ينبت اقذع انواع العنف الثقافي ولذا فإذ لا يمكنك أن تحرد السودان الماكرو يا عادل فكيف يمكن لافكارك ان تحرد المنبر الميكرو . قال محمد المكي ابراهيم ليس من وطن غير هذا وعلى المرء ان يتحامل . قال ابنوس المنبر وطن من لا وطن له فعد يا عادل كي يعود بكري كما فهمت من حالة البياض.

شاعر كل العصور الفذ / نزار قبانى ، الذى يعتبره البعض ، شاعر المرأة الأياحى . . . ال
والذى أعتبره صوفيا وراهبا، ولو لم يكتب سوى البيتين:-

والصمت فى حرم الجمال جمال
أو

لا تجرحى التمثال فى أحساسه فلكم بكى فى صمته التمثال


لما أحتاج أن يكتب شعرا بعدهما,,,,,,,


أخو البنات

ربنا يستر ياناس الحاصل شنو

ده واحد من الهاكرز مقلب بكري واستولى على كل شيئ حتى السيرفر وبقى يصدر بيانات وقرارت باسم بكري عشان كده ما تشتغلو بيهو والهكرز ينتمي الي احدى الجماعات المتمردة في غرب السودان

سلام احبتي
غايتو يا باشمهندس لو تحليل ونبؤة استاذ بشرى الفاضل ما طلعت صحيحة تبقى كراعنا حارة عديييييييييل
وبصراحة لا غنى لنا عن المنبر واذا فكرت فاسكن وحدك نحن هاهنا مرابطون وبمنبرنا متشبسين

عمنا بكـــــــــري

يوم بكرة جميل
ضوّاى .. ووسيم
يوم بكرة جميل
باكر .. دافـِر
يوم بكرة جميل
ابيض نورو
يوم بكرة جميل
باكر داكر
أبداً لا أتغرّب .. لا مسافر
باكر ضوّاى
وجميلتو الليل الما سوّاى

ساكن مدينة الخير ,,انا ناوي ليه..
قوماك غير تأخير,, انا ناوي ليه...
,,,,,
الحب علمك السكون..
والحب علمنى الكلام..

يا جماعة الموضوع ما عايز ليه اى ذكاء لفهمه

بكرى قال ليكم بالواضح المنبر حيقفلو ...

السكون مقصود به امكانية القراة والاطلاع على القديم مع عدم المقدرة على اضافة جديد ...

محمد

Quote: اخى و اختى عضو-عضوة المنبر الحر

طالما خاطب الاخ بكرى الجميع باخى واختى عضو/ة المنبرالحر سيظل المنبر مما لاشك فيه وطنا للجميع .. أما مقصده فى ارسال بوست فى
صفحة بيضاء كان عنوان البوست

Quote: اغلاق المنبر الحر و جعله منبرا ساكنا

اعتقد بانه ارارد ارسال رسالة للجميع بفتح
صفحة بيضاء من غير سوء.. واغلاق كل المنافذ امام كل من يريد أن
يشوه ويعكر صفاء ونقاء هذا الوطن الجميل وعشمه فى ذلك ان نقول لا
والف لا لكل بوست يكون

لعانا
طعانا
همازا
لامازا
مغتابا
عنصريا
مسىء للاديان
فهل من مجيب
فهل من مجيب