الفول السوداني مـش هيتبـهدل تـاني ( اعلان مصري عجيب)!!

يا الله هو تراهو الزمن ده كلو فولنا السوداني حبيبنا الماخد اسمنا كان مبهدل ونحن مو عارفين لحد ما جو اهلنا اولاد بمبة وصلحوهو وقيفوهو...غايتو عالم مستهبلة واوانطجية بشكل!

بتخايل لي حملة مقاطعة للمنتجات المصرية الموجودة داخل السودان ستلقنهم درس قاسي جداً

الله يكفينا شر المصريين يا أخ هشام !

أشتم في الاعلان عنصرية مصرية دفينة واحتقار للسودانيين!

علي فكرة ياهشام كلمة الفول السوداني دي مامربوطة بالسودانين دي اصبحت تسمية متدولة عند جميع الشعوب...ذي كلمة الفول المصري ماعندها علاقة بالمصريين وبنزرعو عندنا في الشمال....مافي داع للحساسية الزايدة واثارة النعرات.....الاعلان يدعو لتصليح الفول بطريقة جديدة ولو حاولت تجرب المنتج كان احسن من فاتح ليك بوست يخلع ذي دا...رغم انك شخص مجتهد وبعض الاحيان بشوف انو عندك "بوينت" الا انك في احيان كتيرة بتهرج وتملا البورد ب بوستات للتشفي والمعارضة الهزيلة....واسال نفسك لية بوستاتك كلها تعاني من البوار...

ملاحظة هذا مجرد نقد لايقلل من احترامي الشخصي لك....
وشكرا