نظرة يا ابو هاشم ..فارس الامة .. بحر العاشم ( يوجد كسير تلج تقيل)!

لا تخذلنا يا ابو هاشم اهو ود المهدى اخيرا جانا مخاصم
لم يخذل شعبو واهو ماسك دربو وجانا شايل الراية مصادم
حالف انو ما ادى الكوز شرعية ذات الكوز الكلب الظالم
حالف ما يبيع دم الناس الشهداء ويخون الوطن والجيل القادم
لا تخذلنا يا ابو هاشم وتبقى تمومة جرتق في حكم الكوز الاثم
لا تبقى ضنيب غنماية وانت شريف الامة وحفيد القرشي الحازم
ولسه عشمنا انك شيخنا وشيخناالصالح بحر العاشم
ولسه املنا يا مولانا دخري الحوبة وانت السيف الصارم
عاش ابو هاشم عاش ابو هاشم سيد الفزعة صقير الجو الحايم
عاش ابو هاشم بطل الامة وسيد الامة عدو الكوز الحاكم
عاش ابو هاشم فارس الامة وداحر الظلم الغاشم
ولسه عشمنا انك ترجع لوحدتنا وشايل قرار النصر الحاسم
لا تخذلنا وتخذل اولاد الحزب الاكبر حزب الشعب السيل العارم
لا تخذلنا وتخذل دماء الشهداء وضحايا الطغمة وتصبح نادم
عاش ابو هاشم عاش ابوهاشم اسد الامة بحر العاشم!

لم تخذلنــا أبدآ...والكبير كبير....الله أكبر ولله الحمد...

عزيزنا دكتور راشد

سلامات

هذاهوالموقف الطبيعي بل هو واجب السيد صادق المهدى كاخر رئيس وزراء شرعي منتخب ينبغى ان يكون اول المقاطعين
واول المعارضين واول المضحين لانه مطالب وطنيا واخلاقياان يستعيد الشرعية المغصوبة منه اي ان يرد الامانة الى اهلها وهذا موقفه الطبيعي وليس منة ولا منحة منه..
وحتى السيد محمد عثمان الميرغني كرئيس لا زال للمعارضة السودانيةينبغى ان يكون اخر من يفكر في مثل هذا الموقف المخزي المخالف لوحدة الصف الوطني في مواجهة ذات اعداء الوطن الذين لم يتغيروا ولم يبدلوا حتى جلودهم بل في غيهم سادرون...فلا ارضي له ولحزبه هذا الموقف الخياني التخاذلي مجرد ( تمومة جرتق)في معية قوى الهوس والاجرام يهبها شرعية بالمجان وهو بهذا الموقف يرتكب انتحارا سياسيا في حق نفسه وحزبه.

وكمان واحدة صغنونة للعميد عبد العزيز خالد (برضو كسير تلج) اكان اجيب مريسة تام زينو

عاش ابو خالد اسد ( هايكوتة) الدود الكاسر
عاش ابو خالد قايد الديش الاصلى الجدع الظافر
ما بخون دم ناس ميلاد ودم ناس رابح ودالنور الجاسر
ما ببيع تاريخو وشرفو في حكومة الكوز الفاجر
وما اظن ادى الكوز شرعية في هذا اللعب الخاسر
تعال يا زول الحق شرفك قبل ما يقولوا عليك بتاجر
الحق شرفك قبل ما التاريخ اقول عليك زولا غادر
الحق يا زول وحدة شعبك ولا زال يا ابو خالد مكانك شاغر!

.

الناس الفوق البيتم مرمر ونقشته ذوق
ده أكبر من ما شافوه ناس جيب الله
وما عرفوهو ناس مرزوق
لأنو حتى أسامي الناس
فيها فواصل وفيها فروق
الناس الفوق .. صالون مزدان وكراسي وثيره
تلفزيون مجدوع في الصالة والتاني بتاكلو الغيره
وبيت مرزوق عدمان الصيره
حتى الزير حمالتو انكسرت وجنبو ارتاحت وسكنت طيره
والناس الفوق ما جايبين سيـــــــــــــــــــــــــــــــــــــــــــــــــــــــــــــــــــــــــــــــره

مع خالص تحياتي
د. صلاح البشير
ـــــــــــــــــــــــــــــــــــــ
أعلم أنك
تدرك بالظن ما قد يخطئ غيرك بالعيان

العزيز دكتور صلاح البشير

الله لي ناس مرزوق يا دكتور واتمنى ان يستجيب لهم دوما سكان القصر العالي لان لعنات الغلابة مؤيدة من رب العالمين
العادل الامين وما ربك بظلام للعبيد.
مشتاقون يا دكتور وقد كان لى عظيم الشرف بالتعرف اليك في واشنطون
وارجو ان يديم الله التواصل وابقى لي قدام.

لا تحلموا بعالم سعيد
وما تضرى عيشكم للريح

بن عمنا المرحوم بحر


يا زول في حلم بقروش خلينا نحلم في الدنيا الفرندقس دي!
والله اكضب الشينة!

يا ود العمدة


يا دوبك عرفت ابو هاشم

انو الفارس وفي الحق مصادم

من زمان ما قلنا ليك

المقامات سامقة

ما نطاول عليها

بس يادوبك دايرو يتبعك

دا بتبع الحق

اينما كان

وهو من حزب الوطن وما بفرتق الوطن لاقسام

كلو اولادو في الجنوب والشمال والشرق والوسط والغرب بحبهم وبحبوه

وبعدين عندي مكتب سياسي فاهم وبعرف بعمل شنو

انتا ما بتوصيه

لك تحياتي يا عمدرة

قريبي بدر

تحياتي

ومشتاقون

يا زول في زول اكتر وطنية وارجل من سيدنا سيدى الميرغني!
ديل الاصل ونحن فروع ساكت وربنا اهدينا لحبهم.

مودتي

الخال العزيز هشام
اها نتمحن وننتظر نشوف البوست بتاعت
بجيبها ولا لا بس كسير التلج دة حدو بداية اول يوم للانتخابات
مش كدة ؟
شوية كسيرة تلج :
الحقونا وانجدونا ما اغطسونا

.

.