يا حليل السودان الجميل اللي كانت كل ايامو حلوة زي دي! شوف الناس دي ملمومة وودودة كيفن ومليانة حنية وسلام! الله امين يا ايوب وبالذات انا زول ربيان قرى وحلال يعني زول(ريفاني) قح وكل مناسباتنا كانت زي دي اخوات وبنات وخالات وحبوبات وعمات وجارات واعمام واخوال واخوان ووووو!
مودتي
Post: #6 Title: Re: والله مشتاق للمة اهل زي دي.. والعز بالاهل! Author: Magdi Ahmed Elsheikh Date: 04-06-2008, 01:52 AM Parent: #5
.بالرغم انو لسه متوعك وخرجت اليوم من المستشفي بعد وعكه المت بي امس.
لكن ده جاء نتيجه للعنوان للشوق للمة اهل زي دي والعز اهل فقد لمست وتر حساس
واختلطت بمداخلة الاخ د.طارق في بوست منتدي الذكريات بكلية الطب ج الخرطوم زمان
بالسؤال عن صحتي في نفس الزمن فاختلطت هذي بتلك وكان ما كتبت ومواعيد الدواء
وان شاء الله يكون ليها وقع عندك ووالله كتبتها وما قريتها واستاذنك ان انقلها
كده لبوست منتدي الذكريات بكلية الطب ج الخرطوم زمان...لانها ولدت هنا
واستغفر الله لي ولكم ونلتقي ان كان في العمر بقيه
Post: #8 Title: Re: والله مشتاق للمة اهل زي دي.. والعز بالاهل! Author: هشام هباني Date: 04-06-2008, 08:24 AM Parent: #7
العزيز دكتور مجدي
سلامات
يا زول شكرا علي الكلام البرد الروح ده والبسفرنا توووووش لاهلنا في الزمن السمح دااااك وداااك زمن حالة ما سمح يا مجدي تخيل انو حتى الذاكرة ممكن تخزن اشياء لا تحس الا بالشم يعني ممكن اتذكر(شميا) ريحة نوار النيم او ريحة الدوم والنبق .... ريحة دعاش صباحيات...حتى ريحة (زبالة) وريحة(فرير دمور المسخ الارياح) وممكن تذكر اشياء تحس بالاستطعام باللسان....طعم ملاح ويكاب...طعم عجور وتبش بالشطة والليمون وطعم شاي الصباح بلبن(مقنن) من كنتوش حبوبتي بت عسمة..يا الله...!
Post: #10 Title: Re: والله مشتاق للمة اهل زي دي.. والعز بالاهل! Author: Seif Elyazal Burae Date: 04-07-2008, 04:04 AM Parent: #9
ضل الضحي الرامي ..... وشمس شتوية دفاية وريحة البن ... لما يفوح في قلاية وفروة جدي .. صورة جدي .. لمن جيت أمد يدي وجدي ... أديني تعريفة .. (( بتقراء الحمدو يالمبروك )) بقراها وشأن تعريفة ألقاها ... بجود في القراية كمان وإيه يا يمة والله زمان ... مشتاق يا يمة لي ملاح النعيمية ... وريحة صاجك المحروق ... لما تسوي طعمية وغباشة روب ... وعنزة حلوب بدور أرحل أجيكي هناك ضاقت بيا يمة هنا بدور أتمسي بعيونك ... وأ صابحك يا حبيبتي أنا صباح الخير علي عيونك ... أتاري الدنيا من دونك شينة ومرة ما بتندار دي مرة مرارة يايمة ... دي مرة وحارة ذي النار ولو بدوري أحكيلك عن أحوالي في البندر من وين عايزة أحكيلك من وين أبداء بس من وين دة شيتا كلو شين في شين هنا الزول العديل ونصيح ... وحاتك إنت يا الغالية بعيش حياتو يوماتي بي وشين وزولتي الحتة حبيتها ... لقيتها براي تحب زولين وإيه يا يمة ... والله زمان ... وأنا والحزن متواعدين شرابنا المر .. طعامنا المر ... ونفرش من رصيف الذل ... فراش وغطي وقرايتي الجيت أنا عشانها ..... مرات بمشي للجامعة ... تمامة عد مخنوق يمة داير أموت ... ناس تاكل في بعضيها ... ناس أشباها ذي الحوت أخيرا أرجع أجيكي هناك ... ضاقت بي يا يمة هنا بدور أتمسي بعيونك ... وأصابحك يا حبيبتي أنا صباح الخير علي عيونك .... أتاري الدنيا من دونك شينة ومرة ما بتندار دي مرة مرارة يا يمة ... دي مرة وحارة زي النار وقشة عيني من النوم .... بشيلها معاي هموم باكر ... قبل ما أبداء هم اليوم أختها خطوتي الأولي أعدي الباب ... تبداء تدق طبول الهم خواطر تذهل الألباب ... وأقابلك يا شوارع الجن ... أشد وتر الحزن وأعزف تموت غنواتي يا يمة ويخنقني الغنا وأنزف .... خيال بيتنا الحنين يرجف خيال بيتنا القديم يهتف .... صور تنزاح وتتلم وأشوفك بي خيال حالم .... تشاوري و ترقص السبحة ... ملامح العابد الصايم تشع فوق جبهتك سمحة .... وشيبك يحاكي ضي النور ... مزدان يمة في الطرحة وتبسم لي ... أمد إيدي ... أقول أتلافاكي يا السمحة يتلاشي الحلم وأصحي ... ويتقطر عرق مالح ... وزي عصفورة منجرحة فارقت الفضا البارح وإيه يا يمة .... والله زمان وهم .... كل المدن وهم .... وهم غرقانة في زخم الحضارة الغم حضارة بتحصد الإنسان وتزرع في مكانو الغم وقصر القول شايل اللوم ............ ويوما جابني للبندر وحاتك إنتي يا الغالية ... دة يوما شوم ولابسني الخجل ... من راسي لي كرعيا ... شايلو و أحوم وهادي الحالة في الخرطوم ... بس عايش ... شقي ومهموم وإنت ............. الله يسلمك
أمي الله يسلمك
ويديكي لي طول العمر في الدنيا يوم ما يألمك أمي ( دار السلام ) يا حصني لو جار الزمان ختيتي في قلبي اليقين ... يا مطمناني بطمنك خيرك علي بالحيل كتير ..... يا مرضعاني الطيبة بالصبر الجميل يا سعد أيامي لو درتي قلبي أسلمك أنا مهما أفصح عن مشاعري ... برضو بيخوني الكلام وقولة ( بحبك ) ما بتكفي .... وكل كلمات الغرام يا منتهي الريد و مبتدا .... إنشأ الله ليا يسلمك ويديكي ... لي طول العمر .... في الدنيا يوم ما يألمك
هشام اخوي هذا هو ولدكم ود النيل الابيض قد عبر عن احاسيسنا
( أمي الله يسلمك ) ......................... التجاني حاج موسي
مودتي
ود البرعي
Post: #11 Title: Re: والله مشتاق للمة اهل زي دي.. والعز بالاهل! Author: هشام هباني Date: 04-07-2008, 07:24 AM Parent: #10
Post: #16 Title: Re: والله مشتاق للمة اهل زي دي.. والعز بالاهل! Author: Saber Abdelhadi Date: 04-23-2008, 09:18 AM Parent: #1
؟؟"
Post: #17 Title: Re: والله مشتاق للمة اهل زي دي.. والعز بالاهل! Author: shaheen shaheen Date: 04-23-2008, 09:24 AM Parent: #1
يا تاكسى يا مهترش كيف الغربة والمنفى ؟ وهل فى المنفى يا مهترش فسيخ بلدك ؟ وبحر ابيض .. وبحر ازرق ؟ وهل بتجيكم الكشات ؟ ركوب عجلات دويم الشات اريد حنك هشام هبانى يا قلة أدب جنك
Post: #18 Title: Re: والله مشتاق للمة اهل زي دي.. والعز بالاهل! Author: منزول محمد توفيق Date: 04-23-2008, 09:46 AM Parent: #1
العزيز هاشم هباني تحية وتقديرا هذا الشوق العارم الجارف الذي تحمله بين جوانحك لهو دليل على قلبك الكبير ( المليان حنية ) ربنا يرجعك لريحة الدعاش البسبق المطر ويرجعك لي نخيلنا البطاول القمر ولي بيلنا الجاري وديمة منهمر الله يرجعنا لي اهلنا ولي وطنا واصحابنا وحبايبنا