مــاذا لوقرر سلفـاكير ان يشـــرب ويســكي ويسسكسك في المحمية؟؟

لو (حكمت) فجأة مع النائب الاول سلفاكير ان يأخذ الطائر الرئاسية في ليلة خميس ومن غير علم الرئيس بالتأكيد الخميس يوم (صفقة ورقيص) وملاها بالويسكـــي اذا افترضنا انه يتعاطى الكحول وهو امر ليس محرما في ديانته مصحوبا بمجموعة من حراسه ( واقفين لط) وقرروا الذهاب الى المحمية للمشاركة في فرح يتعلق بشخص من اسرة البشير وصادف ان البشير شخصيا كان موجودا في الفرح وعند وصولهم بيت الفرح من غير علم مسبق لاهل الفرح وسعادة الرئيس بمقدم النائب الاول دخل وفد النائب الاول حلبة الرقص مباشرة وبدأت ( السكسكة والترم ترم) وكل شخص فيهم يحمل زجاجة ويسكي في يده وهنا تقدم النائب الاول الي الفنان طالبا منه ( المايك) بل انتزعه بالقوة وبدأ يتحدث قائلا: (نينا مش هنشرب قهوة في المهميةبس نينا الليلة نشرب ويسكي ذاتو وايزين كمان شبال من بنات امنا بنات جـال ولا شنو يا سعادتو نينا نهبو نيفاشا سديد هاك الشريعة دي؟؟).
اريد من السادة المتداخلين التنبؤ بتداعيات تلكم الحادثة المفترضة وهل يمكن ان تروح نيفاشا في ( جقمة ويسكي) وتعود البلد مجددا لزمن لحروب والاقتتال لان كرامة الرئيس ( المتجوعل) اهينت بواسطة هؤلاء( الجنوبيين) امام اهله وعشيرته في معقل من اهم واقدس معاقل اهلنا الجعليين ( المحمية) حيث كانت ادبيات الانقاذ ومغنوها( المتجوعلون) يستبعدون بل يستكثرون في مغناهم العنصري علي الرفيق الراحل جون قرنق شرب القهوة في المحمية وهي ارض سودانية خالصة ملك للجميع مع محبتي واحترامي لكل اهلي الجعليين الشرفاء.

غايتو البوست بتاعك جد غريب والاغرب انك ما حددت نوع الطياره لكن فهمنا ضمنيا بتقصد الهيلكوبتر علشان المحميه مافيها مطار فيهو برتكان ساكت...والدويم جبنه بلدي ومضفره كمان ... ياراجل صوم وكل عام وانته بالف خير مع احترامي وتقديري ............


التوقيع ....

اخوك القريب شديد من الدويم

حبيبنا وليم ود الدويم

رمضان كريم
والله شهيتنا جبنة الدويم وبالذات بتاعة ( مايسترو) لو انت عجوز وبتذكر مايسترو الخواجة ..لكن ياحبيب البوست ما غريب وهي فرضية محتملة مثل حكاية النائب الاول ابو القاسم عندما حكمت معاهو في زمن التيه المايوي وقد كان (يجقم الويسكي) وهو يشاهد التلفاز السوداني وفجأة شاهد ( الزين كو) عليه الرحمة في برنامج على الهواء يعزف ممسكابالة العود في حلقة قدمها ظريف قعدات المايويين المحامي والوزير الحالي المدلل والذي استوزر اكثر من اربع مرات في زمن الانقاذ التفيه المدعو ( لوري باسط )سبدرات فما كان من النائب الاول الا ان ركب سيارته في تلكم الحالة ( الشعشعانية) ويذهب فورا الى مبنى التلفزيون ليدخل مباشرة ( للقعدة) ورأى الجمهور السوداني على الهواء مباشرة نائبهم الاول الحاسم ابو القاسم (لـط) معاتبا ( لوري باسط) على عدم دعوته ايضا لتلكم الحلقة المهزلة. فيا عزيزي ربما يتكرر ذات السيناريو وخاصة لسع النفوس ماها نضيفة بعد المهزلة بتاعة وزارة الطاقة التي ظفر بها السراق الاتقياء وهو امر بالتأكيد يحز في نفوس اخواننا الجنوبيين وبالتالي القصة كلها البحث عن مزيد من الذرائع لتبرير الانفصال والطلاق الابدي مع جلابة الشمال مع مودتي وحبي.

قريبك هباني

ود هباني

البشير ما عمل معاهم الصلح يمشي مكان الزول العمل معاهو الصلح يسكسك

النتكه شغالة كدي في السودان

????????????????
?????????????????

الاخ هشام
تحية طيبة
اود ان اؤكد لك ان السيد سلفا كير لا يتناول الخمور رغما ان دينه لا يحرم ذلك كما اشرت وهذه من الصفات التي يتحلي بهاالسيد سلفا وليس كل جنوبي بالضرورة يتناول الخمر . ولك المودة علي هذا البوست الذي لا يخلو من دعابة. ويمكن لك ان تتاكد من مصادر اخري من صحة ما ذكرت اعلاه.

السيد هبانى

لن يجمع الجعليين القش حول السور ويحرقوه كما فعلوا بإسماعيل باشا , لأنهم لم يكونوا في ذلك الزمان يتعاملون مع بني جلدتهم بل مستعمر غريب.
ماذا تريد أن تقول ؟ وبماذا تريد أن تستهزئ ؟ هل تهزأ من الشريعة؟ أم تهزأ من النائب الأول ؟ أم من الجعليين؟ ام من قصيدة الحاجة مدينة التي قالتها بفطرتها السليمة في زمان الحرب الرديء حينما سمعت أن السيد زعيم الحركة آن ذاك يريد أن يشرب قهوة في المتمة وكان الرد يشبه الزمان ويشبه المناسبة! فلا نحاكم نص بغير زمانه.
الاتفاقية دي الناس بتحرسها بتحرسها . ومهما سرح بيكم الخيال في كيفية القضاء عليها وفركشه التحالف بين الشريكيين فلن تنجحوا!
وما تشتغلوا شغل الحكامات دا . السلام قد اطل .
الشريعة في الشمال شئتم أم أبيتم.
وحسب بنود الاتفاقية الشريعة الحمد لله ستكون في الشمال وارتضى ذلك الاخوة الجنوبيين والشماليين . والذين ارتضوا ذلك لا احسب انهم لا يحترمون ما وقعوا عليه .

لا احسب ان هذا الرجل المحترم سلفاكير يفعل مثل هذا !!!!!!!!!!!
ولا احسب ان الحاجة مدينةرحمها الله تكلفت جعوليتها تكلفاَ , ولكن القصيدة كانت تشبه زمانها. وكما قال الاخ وليد500 فلا نحاكم القصيدة بغير زمانها.

ألأخ هشام

لا أتفق معك فيما ذهبت إليه ومع إحترامي لك أعتقد أن البوست غير موفق فالاخوة الجنوبيون عرف عنهم إحترام ألذات وتوقير ألآخر فمثل ما ذهبت إليه يا أخي لا يخدم قضيتنا جميعا التي نتفق فيها على الحد ألأدنى وهو إزالة هذا الكابوس المتمثل في المؤتمر اللاوطني من صدر الشعب .. هذا وانا يا عزيزي على يقين بأنك لم تقصد شيء غير الدعابة ...

فائق السلام

عموما البوست ظريف بس فيه هنات
اولا " جون قرنق قال بشرب الجبنة فى المتمة ما المحمية .. واهلا وسهلا به سلفا كير اليجى يشرب الجبنة مالو ما سودانى
2-المعروف انو سلفا كير رجب منضبط وما بشرب .. وحتى اهلنا الدينكا عندهم ادبيات مرعية .. ما بسرقوا .. ما بخونوا وا بشحدوا وما بسترقوا الاسرى .. ودى كفاية عشان تورى معدن هذه القبيلة المنها سلفا كير .. انا جعلى وما برضا فى الصغيرة والكبيرة تدخلوا سيرة الجعليين لانهم زيهم وزى القبايل التانية .. يعنى الفاسدين موجودين والحرامية موجودين فى كل مكان وزمان .. نعم فى جعليين مسكوا السلطة وهم حرامية لكن هذا لايعنى ان كل الجعليين حرامية .. زى ما فى فور حرامية وهدندوة حرامية وشوايقة حرامية ودناقلة ومحس حرامية .. ارجوا ان تبتعدوا عن التصنيف الاثنى لحالات الفساد وتدمغوا جهات معينة بيها .. دعونا نكنس الفاسدين والفاسدات ونحى قيم العدل والحرية واليد النظيفة والمساواة
شاك



















زز

عزيزي هشام هباني


أرض الجعلين بأطرافها المتعارف عليها في مخيلة الناس ليست أرضا
مقدسة....وان كان الجعليين ومنذ مدة طويلة قد تفرقوا...في الجزيرة
والغرب والشرق والجنوب...وأختلط بهم وتساكن معهم أبناء عمومتهم
الشوايقة والخنادقة ...والبديرية...والحسانية...وقبائل اخري كثيرة

والمتمة نفسها والمشار اليها تاريخيا بمعقل الجعليين...ليست مدينة
خالصة للجعلين وتسكنها الأن اجناس كثيره غيرهم...

وحفلات الجعليين يا هشام لا تخلو من ضرب الصوت....دحين بالله عليك
زول ما قاشط وواقف حيح...بيقيف ليه لي صوت عنج؟؟؟؟؟

فبالتالي وبنفس روح الدعابة البديت بيها هذا البوست ان لم اكن
مخطيء في قراءتي...سأقول ليك...مرحب بكل اهلنا في اصقاع هذا الوطن
الممتد....فالمريسة جرادل جرادل...والعرقي....رااقد ان ما لقيتو
في غرب شندي بتلقاه في شندي...بس تعدي البنطون...وتكون شايل أكياس
متينة...وحمارك ملان برسيم...وتدس اكياسكك في حزم البرسيم...زول بسعلك
مافي.....

وما تنسي تملأ اكياسك موز وفول حاجات وطعمية شندي مشهورة...حا تمز
بيها قبل ما تفتح كيسك....

الحياة هناك ابسط من ان يعقدها مشهد كالذي تخيلته يا هشام صدقني
والناس علي سجيتهم وفطرتهم الاولي...البعرفوه سكران ما بيحرجوه
اصلا...

!!!!!!!!!!!!!!!

الأخ صاحب البوست،

هل علمت أن سلفـا كييـر كان يشـرب و "يسكسك" فى الجنوب حتى تتخيل أنه سـوف يفعل هـذا فى الشمـال؟
أنت تسئ لهـذا الرجل يا أخى، علمت أو لم تعلـم.
(الغـريبـة السكسكـة دى عادة شمـاليـة بحتـة ولا يعرفهـا الجنوبيـون)
..

ولكن الأهـم من هـذا كلـه أن سلفـا كييـر الأن حاكم لكل السـودان وناس المتمـة يدفعـون له ضـرائب القهـوة!! وهـو لو ذهب إلى هناك فسـوف لن يضطـر النسـاء القفـز إلى النيل، لأن الجنوبيين لهـم قيـم وأخلاق أكثـر
ممن تسببـوا فى هـذا فى الماضى.