الزنـــوج المسلمون الاميريكان يشتمون السفــاح عمر البشير ويطالبون بقطع رأسه حدا ؟؟

مجموعة من الزنوج المسلمين الاميريكان في شوارع مدينة دالاس الاميريكية يحملون صورة لتيس دمية كبيرة في حجم التيس الحقيقي مكتوب علي الدمية (لن ترتاح يا سفاح يا بشير يا حقير ) ويحملون سكينا كبيرة وبدأوا في ذبح التيــس امام مسجد الزنوج الوحيد بالحي الجنوبي لمدينة دالاس وهو حي الفقراء من زنوج المدينة... وايضا كتبوا عبارة ( عوير عوير يا عبد الرحيم ولا خمالة ولا ريالة) وامام المسجد الوحيد تقدم امام المسجد ويشبه كثيرا حسن الترابي يحمل سكينا كبيرة وحوله عدة اطفال عراة من اقليم دارفور يبكون وبدأ الامام في ذبح التيس للمرة الثانية وهلل الاطفال ( حقير حقير يا بشير )... فجأة صحوت مذعوراعلي صوت لكمات علي باب التاكسي من طرف شرطي المرور وهو يسالني : هل انت بخير.....ولماذا انت نائم في منتصف الطريق... اتحتاج اسعافا؟؟

فقمت مذعورا فقلت له : لا لا شكرا سيدي انا لست محتاجا لاسعاف ولكن وطني وشعبي هنالك في افريقيا يحتاجون اسعافات ويحتاجون عونكم كثيرا.. ارحموهم يرحمكم الله
(يعني الحكاية كانت حلمة بت كلب في نص الطريق الله اخرب بيتو عباس قطع علي حلمة بت كلب لمن قربوا الجماعة اقطعوا راس التيس ظااااطو المهم انقطعت الحلمة في الحتة بتاعة قبضوا التيس وختوه في الواطه وختوا كراع شرق وكراع غرب وانتهت هنا الحلمة ..

بالله فسروها لينا وورونا نهابتها شنو؟؟

اللهم اجعله خيرا

ود هباني

شكيت محنك علي الله , كان الحلمة دي جد يمين علي عثمان قطع راس البشير , وعبد الرحيم قطع راس علي عثمان والنار ولعت شرق وغرب

ود مساعد اخوي

مساك الله بالخير


دحين الحلمة دي في تفسيريك ليها يا بن سيرين بتاعنا في رايك الجماعة ديل قربوا اتداوسوا والله الحكاية كلها كضوب كضوب وصحي الناس بتتكلم عن مكاجنة البشير الايام دي لعلي عثمان وقالوا علي عثمان شــــــــــامي البشير شمة شديدة... اللهم اجعله خيرا

محبتي

Alkramba

يا هشام
يازول إحتمال كنت مهوي و نفسك في مرارة عتوت.

أتذكر في آخر زيارة للترابي لأمريكا حمل المتظاهرون تابوتا كتب عليه:

Killer..Killer..Ya Turabi

ودي ما كانت حلمة

أسال الشيخ ظاطو

الأخ الجليل هشام هباني تحياتي


التيس هو في المنام رجل مهيب في منظره أبله في اختياره وربما دل على الرجل الأسود الجاهل والتيس أيضاً رجل ضخم في دينه عظيم الشأن.
والسكين في المنام دالة على خادم المكان والمتصدي لنفع أهله كصاحبه أو مملوكه فحدتها دليل على نفاذ أمره ونهيه أو على حركة من دلت عليه, فسكين الأقلام كاتب وسكين الذباح وجزار وسكين الجند قوة وخدمة.
والرجل بحسب هيئته إن كان بيده سكين فإذا كان نظيف الثوب فإنه يطول عمره في الدنيا والرجل إذا حسنت حالته في المنام دل على حسن عاقبته أو بطلان معيشته وإن كان في صفة ناقصة دل ذلك على الحرام وحامل السكين في المنام إذا كان رجلاً فهو ملك الموت ولا يكاد يرى في موضع إلا كان له هناك أثر عاجل.
وكيفية الخروج من المسجد لصورته قد يدل ذلك على ترك الذنوب والإقلاع عن البدع.
ومن رأى شخص في المنام سار مع والي أو نحوه في طريقه فإنه يموت ذلك الشخص وتكون مسارته إياه تلف روحه لأنه وقع لعاد صاحب إرم ذات العماد لما صار إليها جاءه ملك الموت في صورة رجل فساره وقبض روحه.

والله أعلم





روى أبو رزين العقيلي رضي الله عنه قال: قال رسول الله صلى الله عليه وسلم: «الرؤيا معلقة برجل طائر ما لم يحدّث بها صاحبها فإذا حدث بها وقعت فلا تحدّثوا بها إلا عاقلاً أو محباً أو ناصحاً» رواه الترمذي وقال حسن صحيح.

العزيز/ كوستاوي

صاح انا كنت مهوي زي ما خمنت وبيني وبينك الحكاية كانت دايرة ليها عمبلوق لكن الشغلانية كانت تيس عديل والد السيد العمبلوق جزاه الله عنا كل خير ونحن اهلنا هناك في بحر ابيض العمبلوق من ما ابقى تيس خلاص معناهو احرم علينا لحمو لانو بقى كوز عديل والمعنى واضح؟؟ محبتي


تحياتي للاسرة الكريمة
وبالله رسل لي تلفونك علي الماسينجر




العزيز/ محمد السيد

صباحاتك بالف خير

والله تفسيرك ده للحلمة بيني وبينك نجيض تب وفيهو كلام عقل ومريحني شديد واللهم اجعله خيرا؟

محبتي واحترامي

ولسع ما لقينا زول فسر الحلم ده يا جماعة؟؟؟