وقصـــر اخــر لشـقيق امير المؤمنين السفـاح اللفـاح البشـير؟؟

ويتواصل مسلسل الفساد الرسمي لال البشير اي العائلة الحاكمة وهي معصومة من المساءلات في الحرام والحلال في دولة اللصوص والضلال وقد كانت اسرة بسيطة طيبة تسكن في كوبر الفقيرة وما بين عشية وضحاها اسري بها جبريل الحكم من صراصر وكوبر الفقيرة الى كـافور الغنية الثرية.... ولله في خلقه شئون.

هاهي مجموعة اخري من الشرفاء بعثت بهذه الصورة اعلاه لقصـر اخر من قصور احداخوة اللفاح السفاح المتنفذين بمربع (11) بحي كافوري..... انظروا لسيارتي الحراسة الفخمتين والحاوية التي تبدو ظاهرة في الصورة وهي بالطبع كانت مليئة بالاثاث المستورد بمال الشعب المنهوب... في زمن تتاجر فيه سيئة الذكر الانقاذ بكل شيء ابتداء بالدين وانتهاء بالبراز..
ولله في خلقه شئون..

يا هشام يا شقي انتا فاهم غلط
دة من عرق جبينه
وبرضو البيت التاني من عرق جبينهم
وكمان كنار تل الزحت الشركة المستحقة للعطاء وشالت عطاء الهاتف"اخنق فطس" بدالهم برضو عرق جبينهم
اصلكم اتو يا ناس المعارضة حاقدين
ياخ معقول دة كلو ما يكون من عرق جبينهم؟؟؟
بعدين الكونتينر العينك شايفاهو دة فيهو حاجات جمعوها لفقراء الشعب من برة
عشان يسهمو في حل ضائقتهم
غايتو اصلو يا ناس المعارضة ما بتخلو البهت و سوء الظن
يعني البشير دة يسيب ليكم البلد دي يعني و لا شنو؟؟؟

العزيزة لنـــــــا بت المهدي


غايتو انا ما حاقد لكن ربنا الاداهـــــــــم بالكونتينر ادينا بالملعقة ورضيانين ولله في خلقه شئون

محبتي واحترامي

لناوهشام
لكما الشكر

لما فى واحدة قالت ليهو: الناس فى الشمالية مهمشين ومشاريع سد مروى ممكن ترجع الملايين من المهاجر فى الخليج وفى الخرطوم.. الزول ارغى وازبد وقال النوبيين ديل طباخين وسفرجية ومجدوعين فى الكلاكلات والامبدات وخرج من الاجتماع هائجا.. سألنى احد الخبثاء: يمكن عاوز يخم المنطقة كلها ويستورد ليها اثرياء الخليج ومليزيا والصين .. لقد قالها ابوعصاية مرة أن المصريين ممكن يجوا يحسنو النسل... لا حول ولا قوة الا بالله.. ده كلام شنو يا جماعة.. وبعدين فى عرق جبين وفى عرق اكتاف وضهر وعرق لبنانى.. اهو كلو عرق..

نورى جليلة (نورالدين منان

العزيز/ نور منان

انت عارف قالوا ( الاختشوا ماتو) والجماعة دول ما بختشوش لانهم فشــوش؟؟
محبتي واحترامي

فوق لعمر البشير واخوانو واخواتو؟؟

{وَقَالَ مُوسَى رَبَّنَا إِنَّكَ آتَيْتَ فِرْعَوْنَ وَمَلأهُ زِينَةً وَأَمْوَالاً فِي الْحَيَاةِ الدُّنْيَا رَبَّنَا لِيُضِلُّواْ عَن سَبِيلِكَ رَبَّنَا اطْمِسْ عَلَى أَمْوَالِهِمْ وَاشْدُدْ عَلَى قُلُوبِهِمْ فَلاَ يُؤْمِنُواْ حَتَّى يَرَوُاْ الْعَذَابَ الأَلِيمَ }يونس88

السرقو بنو يا ود عمى هشام
و تصبح على اتم خير و صحه لحدى ما اصبح عليك بكره السبت مع ال week end
عبدالماجد

الاخوة/ كوستاوي, محمد , عبد الماجد


لكم التحــايا



(فوالله لو سرقت فاطمة بنت محمد لقطع محمد يدها)


ولو سرق عبد الرحيم محمدحسين لرقي لفريق اول بل صير الى وزير دفاع؟



( ولا تاكلوا اموالكم بينكم بالباطل)

اخــــوة الرئيس يأكلون لمجرد انهم اخوة بن خطـــاب اخر الزمان عمر الهوان من مال شعبنا المهان؟؟

ولله في خلقه شئون.............يمهل ولا يهمل

انت اقعد حدكنا بي القصور دي كدي , لمن تلقاني عامل لي قصر عشوائي في طريق القطينة نعيمة

هشام اللخو ازيك يا زول فى دالاس تكساس
انت الزول الزمان داك ( الإسمو عمر الفاروق ) تذكروا !!!!القال ضرب قبال كده للسودان من السعوديه و كلفتو ٢٠٠ ريال عشان اتحقق انو صور القصور ديك بتاعت اخوات البشير و لا لا ... وين الحى البيو عشان افتينا فى اللمر ده زى ابو عرام ..... و الله دايرينو المره دى عشان نجاضمو و اجاضمنا ... الله استر ما ايكون زاتوا ما عندو كمبيوتر و كان فى الوقت داك شادى كومبيوترالمطوع او خدمات الكفبل بتاعو !!!!
عبدالماجد
ميامى
فلوريدا

جاهزين ... جاهزين ... لحماية الدين ... ود هبانى عوك ... او نمر فى شندى ...
الراجل ال يجى !!!!
اخوك الجعلى عبدالماجد ود امحمد

................................................................................................................................................................................................................................