يا جماعة الخيـر: شــنو حكاية ســر حظوة هذا العبد الباسط سبدرات عند ناس الانقاذ؟؟

والله يا جماعة الخير الحكاية بتاعة عبد الباسط سبدرات دي عاملة لي حسكنة جد جد من ما جات مصيبة(الانقاذ) الزول ده والله ضرب الرقم القياسي في موسوعة جينيس للارقام القياسية في تبوأ الوزارات في الدنياظااااطها...يعني الزول ده اظنو اخد اكتر من اربع وزارات مركزية في الانقاذ دي واقل منصب كان عندو مستشار سياسي ولا قانوني لرئيس الجمهورية ما عارف.. يعني حتى الكيزان المعتتين الجد جد المارقين ليها وشالوا ليها السيخ وجاهدوا ليها وهللوا ليها من زمن سيد قطب ظااااطو.... يعني زي ناس مهدي ابراهيم واحمد عيد الرحمن والطيب زين العابدين وابراهيم السنوسي وعلي الحاج وعثمان خالد والكاروري وقطبي المهدي وحسن الترابي ظاااطو ابليس شيخ الطريقة ..ديل كلهم مرقوا ملوص من المولد...فيهم اللقا ليهو وزارة فت مرة وفي الما لقاها....بينما الحاوي الصالح سبدرات ضرب الرقم القياسي في الشغلانية دي والله بشكل عالمي... كدي يا جماعة الخير عليكم الله وروني السبب العارف فيكم ما ابخل علينا بالمعلومة يعني حاجة تمخول الراس عديل.....يعني شنو سر حظوة سبدرات عند البشير... واقع معــط في الوزارات من قولة تيت .. بينما كان محسوب علي السجمانة (مايو) وناس مايو ما ادوهو سجم رمادو رغم استماتو في الدفاع عنهم وعن الفلاشا........الله اهديكم العارف فيكم بالله اورينا وجزاكم الله عنا كل خير.

محبتي واحترامي

هباني تحياتي واحتراماتي
تعرف سبدرات دا صديق لخالي وهو دفعته في الجامعة وكان برضو من نشطاء الجامعة في تلك الفترة وكان الأمين الثقافي على ما أعتقد في سبعينيات القرن الماضي ودائماً حكاويهو عن سبدرات تتسم بالحزن الممزوج بالخوف عليهو وفي آخر سفر لي للسودان سالت الخال عن سبدرات وعلاقاته به فقال لي والله دا فات ناس الطيب سيخة ومهدي (مفوه الكيزان بالجامعة في تلك الفترة) دا ضهرو قوي جداً وثعلبان ماكر وماهر وفي نفس الوقت يتغير حسب أمزجة وأهواء من في سدة الحكم وهذا هو الذي يحدث الآن لسبدرات يتنقل كما يريد من منصب لمنصب وكان السودان لم يلد سوى سبدرات

عزيزي ابراهيم
تحياتي


والله يا اخي ابراهيم بحق هذا السبدرات شخصية مثيرة للجدل يعني كل راسماله في العمل العام انه كان شقيقا على ما اعتقد لاحد الضباط الذين قتلوا في الدفاع عن عصبة (مايو) في 1970 في احداث الجزيرة ابا وودنوباوي..... وطيلة فترة مايو كان هذا الباسط نادل الشلة المايوية المشهورة و( مظبط قعداتها ولياليها) ورغما عن كل هذا الدور القوادي لم يكافأ علي هذه الخدمات( الجليلة) وقد كان احد المنبرين للدفاع عن قادة انقلاب مايو هو والمقبور عبد العزيز شدو.... وايضا دافع باستماتة عن منفذي فضيحة الفلاشا... والذي عرابها وضابطها الاول ايضا هو صاحب حظوة كبيرة لدى اهل الانقاذ... وعلى ما اعتقد حظوته استمدها من جاهزيته القوادية لتنفيذ كل المهام القذرة في مظبخ الانقاذ النتين... والله اعلم ولله في خلقه شئون .... محبتي واحترامي

هباني

الاخ/هاشم هبانى
والشىء العجيب حتى فى فترة الديمقراطية الاخيرة كان سبدارات يدافع عن طغمة مايو فى المحاكم. يعنى بالعربى كده الزول ده شمولى نفعى حتى النخاع
تحياتى

بلدي يا حبوب يا جميل

صباحك خير


ما دي المصيبة .... لكن ما غريبة حكاية انو مايوي احتضنته عصابة الانقاذ فالانقاذ ومايو كلهم ( .......ين في لباس واحد)... وشفت البشير الحيوان قبل يومين يكيل الثناء للسفاح نميري امام نميري شخصيا... مهازل بلد حظهــــــا معصلج ولا اقول ليك ساكنها جـــن عديل؟؟
محبتي

الأخ هشام هباني يا زول ما تمش بعيد عبد الباسط سبدرات دا من أيام الجامعة حايم في الخرطوم دي من زمان كان الخرطوم بالليل يكبكب هنا شوية وهنا شوية وعندو عربية موريس بشيل فيها علا موية الوضوء وبلح البركات داك وعيش القضارف الأبيض داك وناس ومولانا الكبار والصغار .

يا زول دا في سنة كم وسبعين كدا جاة خطاب فصل من وظيفة مساعد قضائي من أمين عام مجلس قيادة الثورة في زمن مايو بحجة إنو يساري .

وفي زمان الإنقاذ قال فية شيخ حسن دكتور الترابي بعد ما حصل الفراق داك

سبدرات جبناة ممثل فأصبح مخرج ... والعهدة علي الراوي


بحيراوي

يا عزيزى...هشام

سبدرات هو احسن من يركب الموجه ويتلون مثل الحرباء..ويعرف كيف يبعبش.ويمسح.وله سابق خبره قواديه يعنى خريج مواخير وازقه.وتجمعات ساقطه منذ زينكو المرحوم ود الشواطين ابو القاسم محمد ابراهيم.وقعاد الحريق فى السجانه...وشدو وحرق البخوروهو لاعب حريف فى المزايده وتقمص الادوار..يعنى بصريح العباره هو...طاؤوس العرض الانقاذى..الخاص..يعنى عرض خاص جدا..والوسطاء يمتنعون
هل فهم المقصود..بوضوح...!!
ارجو ذلك

العزيز عصمــــــــــت


تحياتي

تب والله ما قصرت بستفتو بستفة شينة.........طبعا البلد مهزلة وفي اسفل سافلين وما عندها وجيع في اخريات الزمان رجالها ناس سبدرات والفاتح عروة... وتيجاني حسن و وعبد الرحيم حسين الحرامي وفنانينها ناس ( حمادة بت) و(المعجباني قدورة).. ولله في خلقه شئون؟؟
محبتي واحترامي

الذى اعرفه عن ماضى سبدرات انه كان شيوعيا بجامعة الخرطوم نهاية الستينات و بداية السبيعنات و كان عضوا بجبهة القوى التقدميه التى انشأتها مايو لتحل محل اتحاد الطلاب فى ذلك الوقت ، و كان له اخ ضابطا بالجيش يدعى معاويه حسن سبدرات مات فى احداث ود نوباوى عام ١٩٧٠ ، و منذ ذلك التاريخ اصبح عبدالباسط حسن سبدرات يحقد لكل ما هو ديمقراطى و تعددى و يعتقد ان الحزبيه هى التى اودت بحياة شقيقه ، فهو اذن يكره و بصوره شخصيه كلمة ديمقراطيه و تعدديه بالرغم من ان الجبهة الإسلامية التى اتت بنظام الإنقاذ كانت هى نفسها جبهة الميثاق الإسلامى بقيادة محمد صالح عمر التى كانت متحالفه مع الإمام الهادى المهدى بل و اشترك مقاتلوها فى معركة مسجد و دنوباوى الشهيرة فى مارس ١٩٧٠ و التى راح ضحيتها شقيق سبدرات !!!!!
عبدالماجد

يكفي سبدرات موقفاً مناوئاً لأحلام البسطاء من الشعب السوداني أنه كان محامي الدكتاتور السابق جعفر نميري ورموز نظامه من المفسدين ضارباً بتطلعات الناس البسطاء وقيم المحاماة عرض الحائط. في حين كان الأجدر به وهو من زمرة المحامين أن يكون في الصف الأول لكشف الفساد حسب المؤولية الملقاة على عاتقه كمحامي، لأن فساد مايو لم يكن يحتاج لدليل بقدرما كان يحتاج ليد ثورية تقطع الدرب لتكرر مأساة الإنقلابات العسكرية، التي يقع سبب تكررها لوجود محامين عن رموز الفساد.

وهذه القيم تدل عى أنه جبهجي حتى النخاع. ودائما المتعصبون على طرفي نقيض بينما الحق في الوسطية ومع البسطاء.

ومن خلال هذا التاريخ وهذه القيم سيكون هو محامي طغمة الإنقاذ أمام المحاكم القادمة.

وأتنبأ له، إذا سار في نفس هذا الدرب الخطر، بأسوأ نهاية لمحامي سوداني.

فالله يمهل .... ولا يهمل.

العوض الطيب

يا هشام هباني ده سبدرات و لا عيوني كعبات؟ شوف يا هشام احسن عهد يعيش فيه سبدرات هو العهد الحالي و العهد ال>ي يليه و لكنه موعود بحساب نكير في العهد ال>ي يلي العهدين... حيا او ميتا ما فرقت كتير.

الاخوة/عبد الماجد والعوض والبرير
صباحاتكم بالف خير


شكرا علي المرور والتوضيح... ولكنه سيظل هذا الباسط لغزا محيرا ... ولا ادري من اين يستمد القوة التي تبقيه متتعا بكل الحظوات الوزارية في صفوف هؤلاء السفلة الاوغاد وهم اكثر خبثا ودهاء ووصولية منه...فكيف اخترق كل هذه الحجب والجدارات الصلبة من هؤلاء الانتهازيين ليفوز بهذه الغنائم الكبيرة خاصةبعد اقتسام الكعكة بعد نيفاشا بين (المرفعينين النيفاشيين) حين شحت الفرص والغنائم بعد قدوم الشريك الجديد؟؟

لو عايز تعرف الإجابة الليلة بالليل أقعد أحضر قناة أبو ظبي عاملين معاهو لقاء كشاعر وأسمع أغنية رجعنالك بي مزااااااااج وبعد داك حا تعرف الإجابة !!!!!
ما تنسى الليلة بالليل بي توقيتنا هنا في الشرق الأوسط !!!!

Quote: لو عايز تعرف الإجابة الليلة بالليل أقعد أحضر قناة أبو ظبي عاملين معاهو لقاء كشاعر وأسمع أغنية رجعنالك بي مزااااااااج وبعد داك حا تعرف الإجابة !!!!! ما تنسى الليلة بالليل بي توقيتنا هنا في الشرق الأوسط !!!!

يا عمر يا عزيزي كلامك صح فقد حضرت الحلقة التي اشرت اليها في قناة ابو ظبي و تيقنت بان ال>ي يعتبر دمه نقيا و دم غيره من الناس نجسا كما قال سبدرات عن الاحباش مكانه الطبيعي نظام البشير و عصابته ... فه>ا هو الحصان ال>ي امتطاه سبدرات لكي مستوزرا في النظام الغولي الحالي علي الرغم من العواصف و الزوابع و الرعود التي اجتاحت النظام ... فالزول سبدرات يعرف من أين يلهط الكف.

الغريب في المقابلة بان سبدرات العجيب تحدث عن الغزل و تناسي عن عمد ان نظام البشير و جماعته نظام !!(اسلامي)!! لا علاقة له بالغزل من قريب او من بعيد او يفترض >لك و لكن ما دامت مقدمة البرنامج جميلة سيكون سبدرات مع الغزل و ان كان مقدم البرنامج من الازهر سيكون سبدرات مع معركة بدر الكبري و قس علي >لك.

منعول ابوها دي حالة يا عزيزي عمر الفاروق.

***

البرير اخوي

مساك الله بالخير

طبعا الود (لوري باسط) متعود علي اللقاءات التلفزيونية دي من زمن فضيحة اللقاء المشهور العملو مع المرحوم (الزين كو) في تلفزيون السودان الكحيان وكان فيها مغنى وشعر وغزل وفجأة والبرنامج كان على الهواء مباشرة انط عليهم النائب الاول الحاسم القاسم ابو القاسم ( واقف لمبة) وهو يقتحم باب الاستوديو ليشاركهم ( القعدة) التلفزيونية وهو يحتج على عدم اشراكه في الحلقة موبخا الود المعجباني ( لوري باسط) والجمهور السوداني قد شاهد الحلقة المشهورة.

ولله في خلقه شئون

***

ما أعرفه عن سبدرات الانتهازي أنه كان محامي الدفاع لواحد بلدياتي كان بيرحل سكر الجنوب وقام باعو في سوق كوستي (في عهد النميري)
بعد عدة جلسات قام سبدرات قال لبلدياتي يا زول شوف....... القضية دي لابساك لابساك لكن لو جبت مليون جنيه بنغتس حجر القضية في ديوان النائب العام . وكان وقتها الترابي هو النائب العام.
واداهو المليون والقضية غتست الغتسة الياها زي ما غتس سكر الجنوب في كوستي.