Post: #1
Title: يا جماعة الخير دحين وين (الدبابين) و(ناس مجروس الدين ) في الانبراشات الحاصلة في نيفاشا دي؟؟؟
Author: هشام هباني
Date: 02-14-2005, 07:03 AM
Parent: #0
يا جماعة الخير اهلي السمحين
حجيتكم ما بجيتكم في زمن التديين البلد كانت كلها زيطة و زنبريطة (دبابين) و (مجروس الدين ) و(كلاشن الدين) و(قرد الدين)و(صاروخ جهاد الدين)و(قرنوف الدين وقنابل الدين)؟؟؟؟ لكن بعد جهاد نيفاشا وهذه الانبراشة والاندراشة من بشير التشاشة حتى فاتح الفلاشة الحكاية كلها الليلة في حالة انفشاشة ولبدوا لبدة دايرين فتاشة ؟؟ واولاد الناس المساكين المظاليم راحوا والله فطيس لا لموا في الحور العين ولا رجعوا سالمين وغانمين لاماتن وغنيماتن وبيوت الطين وما عارفين لصوص الدين وتجار الدين العرس مرتين والطلق مرتين والساكن قصرين والراكب ( ليموزين)
قاعدين لابدين في الخرطوم ليوم الدين وما سمعنا (الدبابين ) شالوا (كلاش الدين )عشان اطهروا تجار الدين في الخرطوم من هذا (التعفين) وعجب يا بلد عجبين وافتونا يا معشر الدبابين في هذا الزمن النتين آمين.
ود هباني المسكين
|
Post: #2
Title: Re: يا جماعة الخير دحين وين (الدبابين) و(ناس مجروس الدين ) في الانبراشات الحاصلة في نيفاشا دي
Author: merfi
Date: 02-14-2005, 07:16 AM
Parent: #1
|
Post: #3
Title: Re: يا جماعة الخير دحين وين (الدبابين) و(ناس مجروس الدين ) في الانبراشات الحاصلة في نيفاشا دي
Author: Rawia
Date: 02-14-2005, 07:30 AM
Parent: #2
كل عيد حب وانت طيب
بنتعاقب عديل كدا
لكن الليله ياغرق يا جيت حازمه
فاينل
|
Post: #4
Title: ***
Author: هشام هباني
Date: 02-14-2005, 01:30 PM
Parent: #1
****
|
Post: #5
Title: Re: ***
Author: shammashi
Date: 02-14-2005, 09:59 PM
Parent: #4
ياهشام
آخر مصطلح شغال عند الدبابين هو
كيبورد الدين.
بعدين ياخي
القرود الكانت بتقاتل مع الجماعة ديل أدوها كم في قسمة السلطة والثروة.
يعني كم طن موز
أنا خايف الحبرتجية ديل يقوموا يغشوا القرود الغلبانة دي ويرموا ليهم كم كيلو موز ضارب من موز الشرق.
أنا لو منهم أطالب بكل مزارع الموز الصومالي لأنو الموز السوداني دا بيزرع في الشرق وناس الشرق ديل ناس بتاعين مشاكل.
والله القرود مسكينة لا لمت في ثروة زي الناس لا استشهدت عشان تلقى الحور العين.
|
Post: #6
Title: Re: ***
Author: هشام هباني
Date: 02-14-2005, 10:20 PM
Parent: #5
عوافي العزيز ميرفي
لقد كان ردك في محلة برائعة من روائع ريشة فناننا الملتزم الرائع عمر دفع الله وهو يبدع في تعرية هؤلاء الاوغاد ولك الف معزة .
الاخت العزيزة راوية
كل (فلانتاين) وانت والوطن وكل الاهل بخير والود والمحبة تعمر اهلنا في الوطن الحبيب وننعم بالسلام وكتر خيرك واديك الصحة .
اخي الحبيب شماشي
والله انا محتار زيك ما عارف القرود المجاهدة دي يوم القيامة بدوها موز ولا عندها ( قرود حور) والعلم عند الله ولك معزة .
|
Post: #7
Title: Re: ***
Author: shammashi
Date: 02-15-2005, 01:28 AM
Parent: #6
القرود بسمت لينا (قيقم)
الله يرحمك يا الجابري
|
Post: #8
Title: ****
Author: هشام هباني
Date: 02-15-2005, 03:07 PM
Parent: #1
****
|
Post: #9
Title: Re: ****
Author: محمد حسن العمدة
Date: 02-15-2005, 04:38 PM
Parent: #8
حبيب هباني سلامات
الدبابين والقردتين بقو معاهم القرنقيين وزي ما بيقول الحبيب الرائع دوما برير يوسف ان قسمتهم لا تقبل الباقي يعني قرود السماء النزلوها الدبابين دي ليها العوض والا يجيبو ليها موز الصومال زي ما قال الحبيب شماسي
دا حتى التجمعيين ما لاقين قشر موز خليك من قرود السماء
وتجار الدين والدبابين شغالين خم رماد دا بعد اراضي الاشلاك والسكة الحديد باعو ارقين بيناسا يعني الارض بس بقت ما مغطية معاهم
|
|