Post: #1
Title: اها يا جماعة الخير اتحزمو واتلزمو الريس طلع ورل كبير هراش وهراط و(..راط) شيخ حسن جاكم؟؟
Author: هشام هباني
Date: 02-16-2005, 06:24 AM
انا ما قلت ليكم من زمان الفيلم ده هندي بايخ وشيخناالكبير ( كبير اخوانو) واظنكم كلكم بتعرفو كبير اخوانو ( ابو كبيرة) وكلكم ضبحتو وسلختو وسويتو الدلاليك من (ابو كبيرة )ونحن في بحر ابيض بنقولو ( كبير اخوانو)وده اسم شيخ حسن عندي من زمن الجهل.
يا جماعة الخير ( كبير اخوانو) زي ما عارفين حتى الشماشة بتاعين الورنيش عارفين وعندهم راي وطايوق نضيف عارفينو والله (كضاب المية) ومتفنن في وكت العصرات والزنقات كيفن بتخارج وقبال لعب بالدلدول الكبير اب عاج وبايعو وسماهو الامام وصدق اب عاج اخوي وقام دفق (الشري) فوق البحر وناسو تلبو البيوت وقطعوا الناس الفقرانين باسم الله وخلو الحرامية الكبار ؟
اها شفتو الدلدول الكبير ود البشير يومداك ارغي وازبد زي الجمل الهايج قدام الدنيا كلها تشهد عليهو الورل الكبير ومعاه عليوة سيد اللعب قالو حنقطع راسو وبنحاكمو بقوانينو ذاتها العملها ابو كبيرة عشان ابو كبيرة قالو عمل انقلاب وعمل الفتنة في دارفور وعلي بالحرام قلت الريس اظنو بدور ابقى راجل جد جد وقطع شك بقطع راسو ؟؟
اها يا جماعة الخير شفتو الريس طلع ورل كبير لاقدمو (كبير اخوانو) للمحكمة ولا حققو معاهو ولا حلقو ليهو راسو يعني القصة كله فشنك وما بتفوت علينا علي بالطلاق صاحيين ليهم
ونحن عكاليت حسكنيت سيك سيك معلق فيك وكلامنا دايما في التنك عشان سواقين ( تكاسة) ونحن جماعة التاكسي في امريكا بننصح اخوانا سواقين السفنجات والهواستن في السودان العندو (كوز) رابطو في عربيتو اعمل حسابو ما ممكن يا جماعة الخير العربية اربطوا ليها كوز والحكومة اربطو ليها كوز والجيش اربطو ليهو كوز والجيش منما ربطو ليهو كوز اها شفتو في قيزان نيفاشا وسمعتو باضنيكم ( واي واي) والحكاية وحلت دايره ليها صاجات يا مساعدية هوي.
اها يا خوي هاشم ود نوريب ادروب اعملو حسابكم من اللغم الكبير الاسمو (حاج ادم) ده وجماعتو بدورو اخترقوا الشغل النضيف الفي الغرب وفي الشرق بعدما اتمكنو من الحكومة اتمكنو من اهل التجمع الفوق راسو الحسيب النسيب المن نومو لقى كومو وشدو حيلكم يا جماعة الخير هسع بعد ما اب عاج العرة اتوحد مع ود البشير الطرة وكبير اخوانو سيد اللعب قالو فاكنو قريب انكربو يا جماعة الخير والله اعينك يا دكتور جون في هذا المعجون
ولاحول ولا قوة الا بالله والدوام لله .
|
Post: #2
Title: Re: اها يا جماعة الخير اتحزمو واتلزمو الريس طلع ورل كبير هراش وهراط و(..راط) شيخ حسن جاكم؟؟
Author: KANDAKE
Date: 02-16-2005, 10:05 AM
Parent: #1
د. جون شقاوته شقاوة من غابة لى غابة يمكن يا قول الهنود دى Karma
|
Post: #5
Title: Re: اها يا جماعة الخير اتحزمو واتلزمو الريس طلع ورل كبير هراش وهراط و(..راط) شيخ حسن جاكم؟؟
Author: برير اسماعيل يوسف
Date: 02-17-2005, 11:19 AM
Parent: #2
فوق
|
Post: #3
Title: ***
Author: هشام هباني
Date: 02-17-2005, 05:51 AM
Parent: #1
***
|
Post: #4
Title: Re: ***
Author: برير اسماعيل يوسف
Date: 02-17-2005, 09:59 AM
Parent: #3
العزيز/ ود هباني
التحيات لله
و الله يا ود هباني انا متكيف اربعة و عشرين قيراط من خطابك التهكمي هذا... لان الوضع الحالي يستحق هذه التهكمات الشعبية البسيطة... لانها عميقة ... و لا تحتاج لنظريات سياسية لشرحها... فهي تشرح نفسها بنفسها... و يا ود هباني يا اخوي نحن امام دولة قائمة علي النفيخ السياسي الفارغ و مقدود منذ عهود كثيرة لما تقبر بعد... و قل لي بربك يا ود هباني متي كانت (الدولة السودانية المفترضة) قائمة علي اسس المعرفة ... و عدم الكواريك و (حاتي تشمها) علي حد تعبير اهلنا في بحر ابيض... يا ود هباني يا اخوي ... البشير زول نفاخ و كضاب شديد و قد بدأ (عهده) بالكذب عندما انكر صلته بناس شيخ حريمون اي ناس الترابي... و عندما اراد واهما التخلص من شيخ بلبوص البلعوط اي الترابي ... قال (انا كادر قديم مع الاخوان)!! شوف يا ود هباني ... لو التأريخ سيعيد نفسه الان ... لفر البشير من دولته الكرتونية فرار الذين احرقوا اسماعيل باشا... مع الفارق ان المحروقين هنا سودانيين و ليسوا بغزاة ... اذن يا ود هباني سنقضي وقتا طويلا كما هو واضح امامنا حتي تقوم الدولة في السودان علي اساس العقل و عدم النفيخ و الصياح و اعطاء القرية صيحة و النقارة عصاة... و طبعا يا ود هباني لعلك متابع لما يفعله الود عليوه... من حركات بهلوانية مشكوفة... و مفضوحة... و خير شاهد علي هذا اخر خطاب للود البهلوي عليوه في دار الكفار اي دار الامم المتحدة ... فقد قال عليوه للحضور الكفر ... بانه الكل في الكل في السودان ... و انه قد عاد لتوه من دارفور!! و ان كل شيء تمام التمام ... و لكن عليكم الله يا الكافرون اعطونا قروش من قروشكم بتاع بيع الخنازير الكثيرة دي... يا ناس هوي دولة الخلافة!! في السودان... رقدت رز و محتاجة لمصاريف كثيرة لتصريف شئون الامصار ... و سوف اعين علي الامصار السودانية ناس تمام التمام و ليس من انقاذي بعد الفتح!! اي بعد الانقلاب... و سوف ارسل عبد الباسط بن سبدرات واليا علي دارفور و مجذوب بن الخليفة واليا علي بحر الغزال ... لعلمي بانه لن يتأخر ساعة في جمع الجزية و الخراج من اهل بحر الغزال... و سوف نرجع ليكم كل ديونكم علينا يا الكافرون ... بعد ان نجمع زكوات العام المقبل ... بالاضافة الي جزية غير المسلمين... بس انتو شدو حيلكم معنا... و سوف لن نفتح بلد بالقوة بعد اليوم ... و التوبة يا الكافرون ... عاملين لي عيونكم الخضر ديل ... الله لا خت فيكم بركة ... كان خوفتوني ... و جعلتوني اكرفس السلام في السودان كرفسة مع الكافر اليهودي قرنق... و الله لو ما كنتم موجودين في الدنيا دي... لفتح الدبابين الصين... لكن معليش الدنيا دوارة ... و الايام دول... طبعا الجمل الاخيرة بعضها همسا و طيفا في الخيال... التوقيع ... اخوكم المغلوب علي امره... عليوه.
|
Post: #6
Title: Re: اها يا جماعة الخير اتحزمو واتلزمو الريس طلع ورل كبير هراش وهراط و(..راط) شيخ حسن جاكم؟؟
Author: برير اسماعيل يوسف
Date: 02-17-2005, 11:31 AM
Parent: #1
فوق
|
Post: #7
Title: Re: اها يا جماعة الخير اتحزمو واتلزمو الريس طلع ورل كبير هراش وهراط و(..راط) شيخ حسن جاكم؟؟
Author: أبو رزان
Date: 02-17-2005, 01:23 PM
Parent: #6
يا جماعة الخير مشكورين
وكان ما أخاف الكضب أقول دا كلام الطيب عوض ريد زاتو الله يرحموا
قالوا في حلة اب قرشين في بكاء الجربق بحضور أولاد كحلي ونجارو
وكان معاهو التاج السعيد والفاتح كرخي
ولا ماياهو
سلام خاص لي بحر كيوات
|
Post: #8
Title: Re: اها يا جماعة الخير اتحزمو واتلزمو الريس طلع ورل كبير هراش وهراط و(..راط) شيخ حسن جاكم؟؟
Author: برير اسماعيل يوسف
Date: 02-17-2005, 07:45 PM
Parent: #1
فوق
|
Post: #9
Title: Re: اها يا جماعة الخير اتحزمو واتلزمو الريس طلع ورل كبير هراش وهراط و(..راط) شيخ حسن جاكم؟؟
Author: برير اسماعيل يوسف
Date: 02-18-2005, 06:28 AM
Parent: #1
فوق
|
Post: #10
Title: Re: اها يا جماعة الخير اتحزمو واتلزمو الريس طلع ورل كبير هراش وهراط و(..راط) شيخ حسن جاكم؟؟
Author: برير اسماعيل يوسف
Date: 02-18-2005, 06:30 PM
Parent: #1
فوق
|
|