اها يا مولانا اطلب الله وادينــا عجـــاج كرعيـــــــك؟؟

بعد كل هذه المواقف الوطنية الرائعةلرئيسنا ورئيس حركتنا الوطنية الختم الاعظم اطال الله عمره وهو يزود عن سيادة الوطن وترابه وشرفه مجسدة في احبابه و حلفائه الجدد القتلةو السراق من اوغاد الانقاذ وهويقدم مدده ونجداته اليهم يسوعا اخر مخلصا اياهم بكراماته وتعاويذه وتبريكاته ـ التي لم ينفحنا بها في تجمعنا طيلة ستة عشر عاما من الكهنوت ونحن لم نر اي اثر لهذا الفلاح والصلاح ـ من مساءلة ومحاكمة شاءها الله القدير وما تشاؤون الا ان يشاء الله رب العالمين وما شاءتها امريكا ولا يحزنون .
اعتقد الخطوة المنطقية التالية هي العودة الفورية للختم الاعظم الي الخرطوم مباشرة الي الدفاع الشعبي طول ليبدأ تعلم ( دروس العصر في التهاليل والتكابيربمدرسين خصوصيين ومؤدبين في حضرة الشريف وجاهزين جاهزين لحماية الدين وبالتاكيد امريكا قد دنا عذابها)لان البركات حلت على الانقاذ بهذه الاضافة المقدسة الشريفة وجند لم تروها اكثر مددا وعددا من عفاريت وجان دكتور عمر فضل الله والتي ما فتح الله عليها بنصر حتى اليوم ولا زال سد الحماداب في انتظار مساهماتها الرسالية في دولة الجنون والفنون والله المستعان .
لكن لازال الختم الاعظم (مكنكشافي الشغلانية)ويرفض مغادرتها لانها (نقاطة بت هرمة) ولن يتركها للحيران المساكين وهم مدجنون مقهورون ولا حول لهم ولا قوة الا بالله العظيم وفي ذات الوقت يحتفظ الختم الاعظم بعانة معاوية مع سفلة الانقاذ مساندا اياهم وهم بالطبع قد حفظوا له هذا الجميل وكان رد الختم الاعظم( مستحيل عن حبك اميل اساهر الليل يا جميل وهاك الريد يا جميل)؟؟

Quote: (نقاطة بت هرمة

وأها إنت يا الكيك شغل التاكسي ما جاب همه عايز تكوش علي النقاطة دي

ألعب غيرها ياجدع غيرك كان أشطر

ود العجيل اخوي
(النقاطة بتاعة التجمع ده) الشي لا حسيب لا رقيب ولا كشف بالحسابات يغني تكويشة شينةقالو ليك قروش زي المطر وعلي الطلاق العربان والعجمان ما قصروا فينا لكن القروش دي وين مشت الله اعلم ستاشر سنة التجمع لاجريدة لابندقية لا دار زي الاحزاب معلم الله خلاص وبما انني اكثر سودانية من الختم ذاتو مش سوداني تايوان اذن انا احق بالنقاطة دي يا زول وما في حد احسن من حد في البلد الهامل ده والزارعة الله في الحجر بتقوم .

ابريل

فوق