Post: #1
Title: اطـرشنـي ... البلد فيها شريعة وما سمعنا بحرامي قطعوا ايدو لي هسع!
Author: هشام هباني
Date: 05-21-2006, 11:01 AM
Parent: #0
غايتو علي قول الوالدة ( اطــــــــــرشني) ما سمعنا بحرامي قطعوهو في دولة الشريعة دي وليها سبعتاشر سنة.. لي هسع والمحيرني الحصل شنو البلد ما فيها حرامية..ولا عشان شنو حد القطع ده معطل..... والبلد ما فيها مجاعة ... والبلد نفطية غنية....والبلد عندها مشروع حضاري...فهمونا يا اهل الفهم !!
ظااااااااطو
|
Post: #2
Title: Re: اطـرشنـي ... البلد فيها شريعة وما سمعنا بحرامي قطعوا ايدو لي هسع!
Author: WADKASSALA
Date: 05-21-2006, 11:19 AM
Parent: #1
ودهـبـانى
ســلامات
عليك الله لو طبقوها المتعافى يمسك الجداد كيف إلا شوربه بالدرب وأبو الجاز يمضاء الشيكات كيف يعنى يبصم برجلو وأسامه عبد الله يسوق مونيكا كيف .... ماتقولى عندو سواق فى مشاوير سرية وكمان بليل.
أزيدك ولا كفايه.
ماتقولى لى أخوان البشير ديل ماسرقو ديل قلعو عدييييييييل أهلنا الغبش فى كافورى . .
|
Post: #3
Title: Re: اطـرشنـي ... البلد فيها شريعة وما سمعنا بحرامي قطعوا ايدو لي هسع!
Author: هشام هباني
Date: 05-21-2006, 11:42 AM
اخوي ود كسلا
سلامات يا زول يا سمح
لكن ما ضحكت اخوك لمن اتفنقل من الكرسي....المصيبة البصفقوا وبهتفوا ليهم ديل بلقوهم وين الا كان ااجروا ليهم ناس من الواغ واغ شان اصفقوا واهتفوا...عشان كده هم عارفين السبب ورحم الله امريء عرف قدر نفسه!!
ظااطو
|
Post: #4
Title: Re: اطـرشنـي ... البلد فيها شريعة وما سمعنا بحرامي قطعوا ايدو لي هسع!
Author: ABDELMAGID ABDELMAGID
Date: 05-21-2006, 11:39 PM
Parent: #3
| Quote: اطـرشنـي ... البلد فيها شريعة وما سمعنا بحرامي قطعوا ايدو لي هسع! |
ودهبانى اخوى ...
ات داير البلد كلها تبقى ( شوول !!! ) ( LEFT HANDEED ) و لا شنو ؟؟؟؟
كسره :
حاميها حراميها ....
عبدالماجد
|
Post: #5
Title: Re: اطـرشنـي ... البلد فيها شريعة وما سمعنا بحرامي قطعوا ايدو لي هسع!
Author: almulaomar
Date: 05-22-2006, 00:30 AM
Parent: #1
ود هباني يا أخوي الحدود كلها معطلة هي جات على حد السرقة وبس ، بعدين يقيموا الحد على منو الرئيس ولا أعضاء البرلمان ولا أقاربهم ولا السادة الوزراء ولا أعضاء مجلس أى حاجة ، وبعدين لو الناس العاملين فيها كبار ومسيطرين على الأمور ومن شايعهم من بطانة السؤ بطلوا سرقة وليوم واحد فقط ما كان ده حالنا والبطرش كتير في البلد الأيام دي والله يستر ما يعمينا ويطرشنا ويخرسنا أو يبكمنا
|
Post: #6
Title: Re: اطـرشنـي ... البلد فيها شريعة وما سمعنا بحرامي قطعوا ايدو لي هسع!
Author: هشام هباني
Date: 05-22-2006, 07:14 AM
Parent: #5
الجميل الملا عمر
وينك يا زول يا جميل..مشتاقين
والله ما قلت الا الحق..فعلا الحكاية مقدودة من فوق...وزي ما قلت لو تركوا السرقة يوم واحد بس بالتاكيد حنوفر ملايين من الدولارات من مال الشعب المنهوب وانا بفتكر حكمتك دي لا بد ان انزلها في بوست خاص بها بعد الاذن منك باستلافها(بطلوا السرقة ليوم واحد يرحمكم الله) محبتي واحترامي
هباني
|
|