Post: #1
Title: اخوانا الاتحاديين خسمناكم بالله وبالرسول ..(مولانا ) مالو الحاصل عليهو شنو!!
Author: هشام هباني
Date: 06-16-2006, 09:02 PM
مولاناالسيدمحمد عثمان الميرغني اطال الله عمره رغم انفنا هو رئيس التجمع الوطني المعارض اي رئيس المعارضة الوطنية....قد وقع عدة اتفاقات مع الحكومة في السودان وبناء عليها انخرط التجمع في المشاركة السياسية مع حكومة الانقاذ في كل اجهزتها وفق اتفاقيات مشهودة وشهيرة وايضا دخل تنظبمه وكوادره وجيشه البلاد متصالحا متالفا ووعد شخصيا بالعودة للوطن خلال شهور وامتدت الشهور لشهور وسنوات ولم يعد ولم يبرر عدم عودته..وظل في حالة من الصمت المريب حتى في احلك الظروف التي تمر بها الامة ويهتز لها الضمير العالمي كازمة دارفور مثالاحيث لم يصرح من قريب او بعيد وهو راعي الامة في هذا الشان الوطني الخطير!!
والسؤال المشروع واساله انا المواطن السوداني المرؤوس من قبل رئيسي مولانا السيد محمد عثمان الميرغني اطال الله عمره هو :اين رئيسي ؟؟ ومتي سياتي رئيسي؟ ولماذا صالح الانقاذ رئيسي ؟ ولماذا لم ياتي رئيسي ؟ولماذا صامت رئيسي؟ ومن يحاسب رئيسي؟!!!
محبتي واحترامي
هشام هباني
|
Post: #2
Title: Re: اخوانا الاتحاديين خسمناكم بالله وبالرسول ..(مولانا ) مالو الحاصل عليهو شنو!!
Author: هشام هباني
Date: 06-17-2006, 07:41 PM
Parent: #1
ولا زلنا في ذات السؤال!!
|
Post: #3
Title: Re: اخوانا الاتحاديين خسمناكم بالله وبالرسول ..(مولانا ) مالو الحاصل عليهو شنو!!
Author: يوسف الولى
Date: 06-17-2006, 08:40 PM
Parent: #1
| Quote: انا المواطن السوداني المرؤوس من قبل رئيسي مولانا السيد محمد عثمان الميرغني |
اخوى هشام دا يبقى رائيسك براك , غايتو انا ما معاك
بعدين الراجل دا بيرجع بس بيكون فى خلافات ماديه صغيره سرعان ما تتحلا ان شاء الله
لكن قول رجع بكره دى حيعمل شنو يعنى .....والقبالو الرجعو عملو شنو
ولك الود كله والاحترام
|
Post: #4
Title: Re: اخوانا الاتحاديين خسمناكم بالله وبالرسول ..(مولانا ) مالو الحاصل عليهو شنو!!
Author: ABDELMAGID ABDELMAGID
Date: 06-17-2006, 09:59 PM
Parent: #3
| Quote: اخوانا الاتحاديين خسمناكم بالله وبالرسول ..(مولانا ) مالو الحاصل عليهو شنو!! |
هشام اخوى ...
مساك الله بالخير ...
مو جايز اكون ( مولانا !! ) فى ( حضره ؟؟؟ )
عبدالماجد
|
Post: #5
Title: Re: اخوانا الاتحاديين خسمناكم بالله وبالرسول ..(مولانا ) مالو الحاصل عليهو شنو!!
Author: محمد عثمان الحاج
Date: 06-17-2006, 10:30 PM
Parent: #4
ود هباني تحياتي ... لو كان ما تم مع الانقاذ هو مصالحة حقا لكان مولانا في السودان الآن و كونه خارج السودان الآن يوضح بوضوح أن ما تم من اتفاق مع الحكومة تم كرها لا اختيارا وأنه تكتيك وليس استراتيجية وأنه شئ أملته ضغوطات دولية مضافا اليها ما آل إليه حال المواطن السوداني ـ و الليالي مثقلات يلدن كل عجيب ومن يعش رجبا يرى عجبا!
|
Post: #6
Title: Re: اخوانا الاتحاديين خسمناكم بالله وبالرسول ..(مولانا ) مالو الحاصل عليهو شنو!!
Author: محمد حسن العمدة
Date: 06-18-2006, 00:28 AM
Parent: #5
| Quote: مولاناالسيدمحمد عثمان الميرغني اطال الله عمره رغم انفنا هو رئيس التجمع الوطني المعارض اي رئيس المعارضة الوطنية |
ود هباني صحصح معانا شوية معارضة شنو للتجمع كمان ؟؟؟
والناس الجوا ديل شنو
|
Post: #7
Title: Re: اخوانا الاتحاديين خسمناكم بالله وبالرسول ..(مولانا ) مالو الحاصل عليهو شنو!!
Author: adil amin
Date: 06-18-2006, 04:20 AM
Parent: #1
ود هباني
تحية طيبة
يسال منك الخير
لكن مرجفين السودان القديم ديل ناس حقي سميح وحق الناس ليه شتيح ديل مالم..ما هم الجلد والراس...عملو شنو لحدت هسه
هسه من الاستقلال غير الثرثرة والكلام الكثير لقينا شنو
انت داير الزول ده يكون ثرتارة في كل ناد يخطب
يا اخوي الحلول بقت امريكية..بعد خمسون عاما من ادمان الفشل...ونحن سودانيين لابنعرف منو السياسي الجيد من السياسي الفشنك..وينعكس ذلك كوارث مستمرة..ويا ناس يا قرع الانتداب رجع..ويا حليل زمن الانجليز
السيد محمد عثمان الميرغني
رجل لا يتحدث كثيرا وله موقف ثابت من الديموقراطية..
وحتقابلو في الانتخابات بعد سنتين والخيل الحرة تظهر في اللفة
ود هباني
انت معانا او مع التانين
|
Post: #8
Title: Re: اخوانا الاتحاديين خسمناكم بالله وبالرسول ..(مولانا ) مالو الحاصل عليهو شنو!!
Author: عفاف ابوكشوه
Date: 06-18-2006, 05:21 AM
Parent: #7
ود هباني قريبي
عوافي
دائما لماح وذكي وتعني ماتقول
اتفق معك تماما فيمااشرت الية حول وجود قضايا
وطنية كبيرة علي طاولة التفوض الان ( قضيتي الشرق ودارفور)
وتحتاج لرؤي كافة القوي السياسية الوطنية التي تتحدث وتعارض
وتحكم باسم الشعب السوداني وتتطلب هذة المرحلة الوضوح والشفافية
والراي الثاغب دون مجاملة لاي طرف من الاطراف في سبيل وحدة تراب الوطن
واكرر سؤالك اين يقف مولانا الميرغني في مسرح الاحداث السياسيه والقضابا الوطنية الشائكة الان؟؟؟؟؟؟؟؟؟؟؟؟؟؟؟
وهل الذي ينصب نفسة متحدثا رسمبا باسم الشعب السوداني لايحق للشعب ان يساله اين يقف ومع من ؟؟؟؟؟؟؟؟؟؟؟؟
هذة الاسئلة وغيرها مشروعه جدا ويحق لاي مواطن سوداني ان يتسآل ويسال الذين يتحدثون انابة عنه
ساعود
عفافغ ابوكشوة
القاهرة
|
Post: #9
Title: Re: welcome back sister afaf
Author: Mustafa Mahmoud
Date: 06-18-2006, 05:32 AM
Parent: #8
dear both brother and sister
first a sincere welcome to affaf
i hope all is well now
regarding Mr AL mirghani i think all of us need an answer before it is too late
dr mustafa mahmoud
|
|