Post: #1
Title: يا جماعة انا عاوز ارجع السـودان!!
Author: هشام هباني
Date: 06-20-2006, 10:16 AM
Parent: #0
بالامس كنا نتسامر انا وصديق قديم لي عبر الهاتف ولم نلتق منذ مدة طويلة وهو يعيش باوروبا..وتجاذبنااطراف الحديث عن الذكريات الجميلة ايام الدراسة في الوطن الحبيب في الزمن الجميل.. ومررنا بالطبع علي احزان ومرارات الراهن الازيم والاحباطات بسبب الانكسارات والهزائم التي طالت كثيرا من رموز العمل الوطني..في مجابهة هذا النظام الفاسد الظليم!! وتحدث صديقي الي ناصحا ان اخفف من شدة غضبي وحدة خطابي ضد هذه العصابة خوفا علي سلامتي من هؤلاء القتلة والماجورين والذين قتلوا العشرات من الابرياء ومنهم من لم يجاهرونهم باي نوع من المقاومة..وشكرته على احساسه النبيل تجاهي وحرصه علي سلامتي وقد شرحت له مبررا سبب شراسة هجمتي تجاه هؤلاء الاوغاد والسفلة..وتقبل تبريري مع تاكيد حرصه علي سلامتي.. فقلت له: انني والله مشتاق للبلد والاهل والاصدقاء ولدي الرغبة العارمة للرجوع للوطن قبل ان اموت في هذه المنافي اللئيمة
والان هنالك حالة انفراجات والنظام في اضعف حالاته وهو ليس بالشراسة والفظاعة السابقة في ملاحقة الخصوم ؟؟ وانني شخصيا لم احمل السلاح في مواجهة النظام ولست قويا في شراسة العائدين للوطن من رجالات الحركة الشعبية ولا بقية الاحزاب التي كانت تفتح المعسكرات
ولا اتبع حزبا معارضا للنظام...ولا اشكل خطرا علي النظام..انا مجرد شخص فقط يتكلم ويثار بالكلام فقط(يعني فش غبينة)!!
فضحك صديقي قائلا: ( انت با اخوي ما سمعت بقصة دكتور النجيب بس عشان منشور طلابي وروهو القطر قام والقزازة جووووه ...والجدادة بيضت ..تقول لي انفراجات وسلام...والله انت اكون خاتين ليك خازوق عديل!!)
اها يا جماعة والله انا مشتاق للبلد وبدور ارجع لكن شنو نصيحتكم لي...وفي زول بضمن لي السلامة امشي وارجع بالسلامة؟؟
نسمع منكم
المشتاق للبلد هباني ظااااطو
|
Post: #2
Title: Re: يا جماعة انا عاوز ارجع السـودان!!
Author: saif massad ali
Date: 06-20-2006, 10:23 AM
Parent: #1
يازول
ترجع وين
ترجع وانت مرفوع الراس
ترجع والبلد يسود فيها العدل
وتسود الحريه
ترجع تبيض وجه النظام
انو نظام متسامح
|
Post: #4
Title: Re: يا جماعة انا عاوز ارجع السـودان!!
Author: Tragie Mustafa
Date: 06-20-2006, 10:34 AM
Parent: #2
هباني يا اخوي نحن لسه راجين منك الكثير
ترجع وين....؟؟؟؟؟؟
مع دكتور .عمر النجيب(الصغير )لسه عضمه قوي لانه شاب
باقي لك العمله فيه ده لو عملوه فيك,ماكان لحقوقك الزينين؟؟؟؟
تراجي.
|
Post: #3
Title: Re: يا جماعة انا عاوز ارجع السـودان!!
Author: خدر
Date: 06-20-2006, 10:26 AM
Parent: #1
مستر ظااااااااطو
تعرف مضحكني انو الناس دي كلها بتقراء كل مايكتب هباني
لكن مابخشو يشاركو عارف ليه !!
عشان مابتكتب ( لمواخذه ) 
اسه في ذمتكـ انت راجي الناس يقولوا ليكـ رايهم
انا بقول ليكـ راي كل البحبوكـ
( اوعكـ ترجع .. عشان لسانكـ الطويل ده بقطعوهو ليكـ )
راجع مسنجركـ
طارق
|
Post: #5
Title: Re: يا جماعة انا عاوز ارجع السـودان!!
Author: waleed500
Date: 06-20-2006, 10:36 AM
Parent: #3
تعال بكون اول واحد فى استقبالك وفى يدى سيخة
|
Post: #6
Title: Re: يا جماعة انا عاوز ارجع السـودان!!
Author: هشام هباني
Date: 06-20-2006, 10:49 AM
Parent: #5
سيف,تراجي وخدر
سلامات يا زينين
والله الشوق للوطن هبطرش...دخلنا مرحلة الهضربة والولف كتال!!
لكن حيين ولا ميتين يانا الراجعين ليهو...امين
محبتي واحترامي
هشام
|
Post: #8
Title: Re: يا جماعة انا عاوز ارجع السـودان!!
Author: هشام هباني
Date: 06-20-2006, 10:52 AM
Parent: #6
وليد
انت ما بتقدر تجي من غير سيخة!!
|
Post: #7
Title: Re: يا جماعة انا عاوز ارجع السـودان!!
Author: Muhib
Date: 06-20-2006, 10:51 AM
Parent: #5
| Quote: تعال بكون اول واحد فى استقبالك وفى يدى سيخة |
توثيق ..طبعا ياخ وليد انت مفتكر كلام الانتريت مزاح ..لاسف لا ..في امريكا هنالك شعب واجهزه امنيه متخصصه لرصد كل انواع الارهاب المنشوره علي الشبكه ..
|
Post: #9
Title: Re: يا جماعة انا عاوز ارجع السـودان!!
Author: محمد حسن العمدة
Date: 06-20-2006, 10:58 AM
Parent: #5
والله يا ود هباني كلنا راجعين باذن الواحد الاحد عشنا ايام النظام بكل عنفوانه وشراسته ولم نخرج لانه اوسعنا تعذيبا ولن نترك له البلد لانو ببساطة البلد دي بلدنا انحنا موش بلد الكيزان , غرباء الدين والوطن... والوطنية بالقيم والاخلاق عندنا اهل السودان .. وعشان كده دي بلدنا وح نرجع ليها باذنه تعالى قريبا فقط نجد فرصة العيش ولقيط الرزق وهذا ما اخرجنا فقد ضيقوا علينا الخناق في اكل عيشنا فخرجنا نبحث عنه ليس خوفا منهم ولا من اساليبهم فان قتلونا مرة فسيخلق الف الف مقاتل للظلم والطغيان ..
نعم اخي هشام قد عزمت وتوكلت قبلك فادعو لله ان يسهل لنا جميعا
|
Post: #10
Title: Re: يا جماعة انا عاوز ارجع السـودان!!
Author: هشام هباني
Date: 06-20-2006, 11:13 AM
Parent: #9
العزيز محب
ان امثال وليد هذا..لا تنفع فيهم شكوى..فهذا الوليد يدري عندما يقابل
هباني اين ستذهب سيخته الي مستقر لها طيب امين!!
ظااااطو
|
Post: #11
Title: Re: يا جماعة انا عاوز ارجع السـودان!!
Author: هشام هباني
Date: 06-20-2006, 11:17 AM
Parent: #10
ود العمدة اخوي
سلامات
تمشي وتجي بالسلامة..فهذا الوطن للشرفاء,,
محبتي واحترامي
هباني
|
Post: #12
Title: Re: يا جماعة انا عاوز ارجع السـودان!!
Author: waleed500
Date: 06-20-2006, 12:06 PM
Parent: #11
يازول نحن امريكا بتاعتكم دى تب ما عندنا
معاها قضية والفى راسنا بنقولو فى اى موقع امريكا
دى بتاعة ود هبانى ده بعدين يا ود هبانى السيخةدى لحمايتك
مش للنيل منك.....غايتو عالم جبانات بشكل....طيب وكت ماقدر
كلامكم الشوبيرة ليكم شنو؟؟؟؟؟؟بعدين انت قلتا سحبو منك الجواز
السودانى.....جاى بجواز امريكى...لو جيت بالاول بنحميك وبالتانى
بنعلن عليك الجهاد....خليك فى مكانك احسن ليك
|
Post: #13
Title: Re: يا جماعة انا عاوز ارجع السـودان!!
Author: wesamm
Date: 06-20-2006, 02:04 PM
Parent: #12
وانت لسة بتقول جهاد والبلد قسموها كيمان كيمان زي خروف الكرامة وبعدين سيخك دا تلاتة لينيا ولا اربعة لينيا قال سيخ قال يومكم قرب ياولاد الهرهة.
|
Post: #14
Title: Re: يا جماعة انا عاوز ارجع السـودان!!
Author: هشام هباني
Date: 06-20-2006, 03:07 PM
Parent: #13
ابو العز
سلامات يا زول با جميل
المجاهد وليد ده...عارف كان لميت فيهو سيختو دي الا ادسها في الانقاذ
حقتو ظاااطها!!
هباني ظااااااطو
|
Post: #15
Title: Re: يا جماعة انا عاوز ارجع السـودان!!
Author: luai
Date: 06-20-2006, 04:23 PM
Parent: #1
| Quote: وفي زول بضمن لي السلامة امشي وارجع بالسلامة؟؟ |
انا دا بضمن ليك يا هشام
اتوكل امشي ساكت ..
ولو وقفت قدام القصر وصرخت باعلى صوتك مافي زول بشتغل بيك ..
انا اعتقد الشوف احسن من السمع الافضل تشوف بنفسك ..
تخريمة :
بضمن ليك حق الحكومة (شفت كيف)
لكن الضمان خالي من حق الافراد 
يعني لو بهت ليك زول بحاجة ساكت ..اثبت ..بس!
|
Post: #16
Title: Re: يا جماعة انا عاوز ارجع السـودان!!
Author: عمر ادريس محمد
Date: 06-20-2006, 04:56 PM
Parent: #1
الفارس
ودهبانى
أمشى يازول..سلم على الوطن وناسة وغنى نشيد النار عازة فى هواك.. وانت قاعد فوق سرج فرسك فووووووووق اتكى طاقيتك المو خمج وابصق عليهم وحت رماد سيجارتك فوقهم ..الكيزان لصوص ماعندهم كرامة وياما تشوف الدهنسة وقلة الحيلة والنفاق
وكان درت السمح والزين قول ليهم كلمة جون ود قرنق انا ياهو دا قدامكم .. كلام بتشوفوا دا ياهو حقيقة.واقدل زى ما داير وحى الشهداء معاك
وحرم تبشر بالخير
|
Post: #17
Title: Re: يا جماعة انا عاوز ارجع السـودان!!
Author: ABDELMAGID ABDELMAGID
Date: 06-20-2006, 11:49 PM
Parent: #16
هشام اخوى ...
مساك الله بالخير ... و هاردلكم يا ناس دالاس ... و مبروك لميامى هيت ...
البلد بلدك تمشى و تدخل فى عينم و رغم أنفم الأوغاد بجواز سودانى و لا أمريكى ... ولا جميلتم ... و السيخ بتاعم ده ( محشور !!! ) ليم فى ( بكان !!! ) مابعرفو .... سفله ...
عبدالماجد
|
Post: #18
Title: Re: يا جماعة انا عاوز ارجع السـودان!!
Author: هشام هباني
Date: 06-21-2006, 12:48 PM
Parent: #17
الباسلان عمر وعبد الماجد
سلامات ومراحب
السفلة والكلاب يعتقدون اننا سناخذ منهم اذنا عندما نقرر العودة لديارنا
وسنطلب منهم الضمانات!! ولكننا عندما ندخلها سندخلها منتصرين معززين مكرمين شامخين
بمواقفنا الصامدة المنحازة لشعبنا لا كما دخلها المنهزمون والمتخاذلون..عشتم.
هباني
|
|