Post: #1
Title: العجورة بالف ونــص....دي عجورة ولا لوري هوستن؟؟
Author: هشام هباني
Date: 06-26-2006, 05:31 PM
في الخرطوم العجورة بالف ونص..... وكيلو الطماطم بسبعة الف جنيه!!
وكيلو اللحمة بستاشر الف جنيه والموية قاطعة والكهرباء قاطعة والبشير عرة الرجالة..قال حيقاوم القوات الدولية!!
يعني معقولة عاوز تقاوم القوات الاجنبية بالشعب ده.. العايش الحاجات دي !!
عشان بريدك يا حلاة دقدق!!
انت زول اهبل يعني داير الشعب اطلع احمي الحرامية والقتلة..يعني استعباط عجيب
ما الشعب عارف مصالحو وكان للقوات الدولية الشعب شايفها من زمان في قلب الخرطوم.. في كادوقلي والرصيرص وجوبا..وانتو الجبتوها ووافقتوا عليها ووقعتوا علي مجيئها!!قوات شنو الحتجي دارفور هل هي اصلا مرقت من السودان!!
والله الشماشة براهم يا عرة الا افتشوك حفرة حفرة عشان اسلموك القوات الدولية عشان بريدوك وبموتوا فيك يا اب شلاليف اب كجل عمر بن الخطاب...قال جهاد قال.....ولله في خلقه شئون!!
ظاااااااطو
|
Post: #2
Title: Re: العجورة بالف ونــص....دي عجورة ولا لوري هوستن؟؟
Author: هشام هباني
Date: 06-26-2006, 09:33 PM
Parent: #1
؟؟؟؟؟؟؟؟؟؟؟؟
|
Post: #3
Title: Re: العجورة بالف ونــص....دي عجورة ولا لوري هوستن؟؟
Author: ABDELMAGID ABDELMAGID
Date: 06-26-2006, 10:25 PM
Parent: #2
ود هبانى اخوى ...
مساك الله بالخير ...
خلاس حققوا شعار ( ناكل مما نزرع ؟؟؟؟) 
عبدالماجد
|
Post: #4
Title: Re: العجورة بالف ونــص....دي عجورة ولا لوري هوستن؟؟
Author: doma
Date: 06-26-2006, 11:37 PM
Parent: #3
سلام هباني
اولا قريت العنوان غلط قايله قلتوا العجوزه بي الف ونص قلت يا هملتنا
اها طلع عجور اسكت يا هباني يا خوي انا كنت هناك في الصيف الفات السلطه البي عشر الف ماتجيب طبق مجهبز وحكمه الله خضارهم دا بقي يطلع مكعوج مثلا الفلفليه مطفقه التقول اجروا عليها عمليه اختبار ضغط الهواءالجزر التقول شحنوه جينات تقزم وبقي لا لون لا طعم. العالم دا كله انتاجو الزراعي في زياده وتحسن كما نوعا الا نحن ماشين حركه وراء
|
Post: #5
Title: Re: العجورة بالف ونــص....دي عجورة ولا لوري هوستن؟؟
Author: هشام هباني
Date: 06-27-2006, 09:10 AM
Parent: #4
الاخوة عبد الماجد ودوما
سلامات
يعني بعد سبعتاشر سنة.. وبعد كل الشعارات والرغاء ناكل ممانزرع والمشروع الحضاري والنفط ده ونحن البلد ذات الرقعة الزراعية العظيمة وسلة غذاء العالم
يبقي كلفة صحن السلطةبس العشرة الاف جنيه اي ما يعادل اربعة دولارات
والتي هنا في امريكا ثمن وجبة كاملة لفرد بالغ..ويمكن ان تشتري بها طبقين من البيض
سعة48بيضة!!
وبعد ده الريس العرة قال جاهز لملاقاة الاعداء بهؤلاء الجوعى والمحرومين في معركة سيقودها اللصوص والمفسدون!
سبحان الله
هباني
|
|