توقيعاتكم لحماية العراب حسن الترابي من الاغتيال باسم حد الردة؟؟

لاننا نحتاجه جدا جدا حيا هذه الايام في هذا الظرف الاستثنائي العصيب لا حبا فيه ولا شفقة به ونحن نمني انفسنا بطول العمر ودوام الصحة والعافية لهذا العراب الترابي ليظل باقيا حيا وهو يفرغ كل هذه الشحنات من الادانات والمستمسكات علي خطه الهويس ..كاشفا كل يوم طبيعة المكيدة والجرم الذي ورط فيه بلادنا وايضا مدى تغلغل الهوس في مسام حياتنا وفي ادق تفاصيلها بفعل هذا النظام المجرم الكبير اي نظامه المأفون وهو ينهار باعترافات وهذيان عرابه امام رؤوس الاشهاد علانية وفي وضح النهار..وهو يدق الاسافين الاخيرة في التابوت الكبير لتشييع نظامه المحتضر والمأزوم وهوجاثم علي صدر بلادنا لاكثر من ستة عشر عاما بالتمام فسادا وخرابا وقتلا وتعذيبا وتشريدا لملايين من الشرفاء....ولوثة العراب تجعل اولاده وحيرانه زبانية السلطة في الخرطوم لاول مرة يتحسسون مؤخراتهم في الحكم وهم في حالة من الجنون والحصار يطالهم من كل الجبهات...ولكن نفاج شيخهم الكبير يظل قاصمة الظهر الكبيرة وهم الان احرص الناس علي زواله من هذه الحياة لان حياته باتت تهدد ملكهم لاول مرة بالزوال ....ولذلك لن يتوانوا باسم الدين من تطبيق ( شرع الله ) استثناء لاقامة حد الردة للتخلص من هذا المأزق الكبير..وهي ضرورة موضوعية لحفظ ما تبقى من ماء وجه اندلق من قبل ان يتفوه العراب بهذاالخبر العظيم...
انها دعوة جادة لحماية هذا الصيد الثمين كي يستمر ( يلخبط العجين) وكي لا يغتالونه باسم الدين...ونحن وحدنا من يحدد الثواب والعقاب في يوم الثورة الكبير...


هباني ظاااااطو

اوقع


سيف مساعد علي

ود عمي سيف

جزاك الله عنا كل خير

سندة طبعا شيخ حسن اليومين ديل شيخنا عند اللزوم سلفة)

هشام

أوقع

أوقع يا ود هباني
و أتمني أن يكون الترابي صادقاً هذه المرة
لأن الإفتاءات التي أفتي بها أذا كانت صحيحة
فهي تزيل كثير من علامات الاستفهام للعديد من الذين يودون
الدخول في الإسلام

بالجد كدة

ما نقعد نلف و ندور ساكت الحاجات القالها الترابي دي نحن المسلمين ذاتنا ما كنا فاهنها
يعني مثلا ليه شهادة الرجل تعدل شهادة امرأتين ؟؟؟؟؟؟؟ ليه بس؟؟؟؟
ولماذا يسمح للرجل بالزواج من كتابيه و تمنع المرأة؟؟؟؟؟؟؟ ليه بس ؟؟؟؟


العندو إجابة يجاوب ما يجي واحد ينظر لينا ساكت


و الرجل أتحداهم لو عندهم حجة يجادلوه بيها
ولو ما عندهم يسكتوا بس


أي نعم الراجل دة يا هشام منافق و كذاب و أفاق

لكن نتمني يكون المرة دي صادق

و عموما كده لا يجب أن يقتل أي شخص بسبب أرائه
حتي لو كان الترابي (الأسوأ من أبليس) نفسه

خالد

الاعزاء/ امنة, ادريس,خالد عبد الله,خالد عطا,peace builder وعمر عبد السلام

لكم التحايا وشكرا علي المرور

نعم نحن ضدمحاكمة اللوثة بلوثة اخري ولن نسمح بان يظل الدين مطية للاخرين لتصفية حساباتهم..كما نقف ضد اي محاولة للنيل من اخر حتى لوكان المجرم حسن الترابي لاقصائه من العمل العام اومن الحياة باسرها بسبب مواقفة وارائه ومعتقداته الا في اطار ما يسمح القانون....وحساب شيخ حسن وزبانيته سيكون مع شعب السودان وفق ما تسمح قواعد العدالةوالقانون للاقتصاص منهم ورد المظالم لاهلها ودفع الضر عن المتضررين....وبالتاكيد هو يوم ات يا اخي ود العطا يوم ان نقف جميعا يداواحدة لدك اخر معاقل الظلم والظلام... ولا متفرجين ولا مشجعين بيننا بل كلنا في الملعب سواسية ..وحينها سننعم بالعدالة والحرية والسلام... ونحن ننجز النظام الديموقراطي الخيار........محبتي واحترامي

سندة: طبعا المحيرني لحد الليلة انو الكيزان ما قالوا بغم في الحاصل ده يا ربي رضيانين ولا مخلوعين ومبهوتين ورايح ليهم الدرب في الموية؟
هباني ظااااطو

Quote: ولوثة العراب تجعل زبانية السلطة في الخرطوم لاول مرة يتحسسون مؤخراتهم في الحكم وهم في حالة من الجنون والحصار يطالهم من كل الجبهات

عزيزي ود هباني
سلامات
لا تجعل كراهيتك للانقاذ سببا لدعم الشيخ فلولاه لما اتت الانقاذ اصلا
ولننظر لما اتى به الشيخ هل يتعارض مع الدين وثوابته ام لا
و السلام

جمال

اوقـــــــــــــــع خالد العطا


بس

يوم الثورة الكبيرة ؟؟؟؟؟؟؟؟؟؟؟ متى هذا الوعد ان كنتم صادقين

انتظرنا هذا اليوم طويلا ولا امل

Quote: طبعا شيخ حسن اليومين ديل شيخنا عند اللزوم سلفة

)


هبانى انت تحفة..





أوقع

لا للتنكيل بأى شخص بسبب آراءه ومعتقداته .

اخي / هشام هباني
أوقع بالنبط العريض
من اجل سلامة ماتبقي من اشلاء الوطن المكلوم ..
متى يترجل هذا الشيخ .. قبل ان تصيبنا انفلونزا طيور . فتحصد ماتبقى لنا في هذا الوطن المسكين
ده مش لخبط العجين وبس ** ده فرم مستقبل اجيال بكاملها .. آفة وكتبت علينا في هذا العصر ..
اوقع من اجل غد مشرق للسودان

ود هبانى أخوى
مساك الله بالخير
انشاء الله يهلكوا جميعا ( القاضى و المحكوم !!! ) ( شعبى على وطنى !!! ) ( ترابى كمان أو عثمانى !!! ) حتى يخلصنا الله من هوسهم و دجلهم و كذبهم ..... فلا خير فيهم جميعا ...
كسرة :
علق أحد الظرفاء المريخاب ( كالعادة ) عندما لاحظ أن كشافات استاد الخرطوم مضاءة فى احدى الأمسيات فسأل انتو يا جماعه المباراة بين منو و منو فقيل له بين هلال العاصمة و هلال بورتسودان فرد عليهم بقوله ( انشاء الله الإتنين اتغلبو !!! ) ... اها يا ود هبانى أنا كمان بردد برضو كلام أخونا المريخابى انشاء الله الفريقين اتغلبو ( الترابى و مكفريه !!! ) و ما فيش حد أحسن من حد !!!!
عبدالماجد

عبد الماجد اخوي

ات يا زول مالك نفسك حار شديد ما قلنا ليك ارحل من جنب جوانتانامو دي وتعال تكساس ...روق المنقة...الزول ده نخليه افش غبينتو من وليداتو اللعبوبيهو ديل وهسع هو بقي مجنون زي ديك العدة...شايت شمال يمين.اكسر من طرف...وزي ما قالوا اهلنا : ابو القدح بعرف اعضي اخوه من وين.... خليهو ان شاء الله اياكلهم ظاااطهم محبتي وتحياتي للعصابة الصغيرة والدكتورة فاطمة.
هباني